super.kg logo

Иран 40 жылдан бери өкүм сүрүп келе жаткан мыйзамды жокко чыгарды. Эми ирандык аялдар футболго күйөрмандык кыла алышат

 

Иран өлкөсүндө аялдарга футбол стадионуна кирүүгө жана күйөрмандык кылууга уруксат берилди. Бул тууралуу Эл аралык футбол федерациясынын президенти Жанни Инфантино билдирди.

Иранда 1979-жылдан бери аялдарга күйөрмандык кылууга эле эмес, футбол талаасына баш багууга да тыюу салынган. Анын билдирүүсүнө ылайык, кийинки эл аралык оюндарга аялдар да бара алышат. Аялдардын күйөрмандык кылуусу менен коштолгон алгачкы оюн 10-октябрда өтө турган 2022-жылкы Дүйнөлүк чемпиондукка тандап алуу оюндарында Иран менен Камбоджанын беттеши болот.

Дээрлик 40 жылдан бери өкүм сүрүп келе жаткан мыйзамдын жокко чыгышына ирандык айым күйөрмандык кылуу үчүн эркек кейпинде футбол талаасына кирүүгө аракет кылгандыгы себеп болгон. Ал кыз түрмөгө отуруудан коркуп, соттун мекемесинин алдында өзүн-өзү өрттөп салган. Бул үрөй учурган окуя бир гана Иранда эле эмес, башка өлкөлөрдө да көптөгөн талаш-тартышты жараткан. Дүйнөнүн бардык булуң-бурчундагы футболчулар жана футбол күйөрмандары каза болгон кызга аза күтүп, мындай тыюунун туура эмес экендигин билдиришкен.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(1)
24.09.2019. 11:55 
Тайпасы:
Жаран
Комментарийлердин саны:
555
Катталган:
09-06-2018
Соӊку аракети:
15-10-2019 09:00
Жынысы:
Белгисиз
0
Ушинтип акырындык менен жаңы жашоого өтсөңөр
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
132402;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: