super.kg logo

"Моя прекрасная няня" сериалы аркылуу таанылган актриса Анастасия Заворотнюктун ичер суусу аз калды деп айтылууда

 

Акыркы кезде Орусиянын белгилүү актрисасы Анастасия Заворотнюктун ден соолугу тууралуу айың-кептер токтобой келет. Буга чейин атактуунун өкүлдөрү, жакындары үн катпай келсе, акыркы 1 айдан бери тастыкталган маалыматтар байма-бай жарыялана баштады. "Анастасия Заворотнюктун диагнозу мындан төрт жыл мурун көз жумган ырчы Жанна Фрискенин диагнозуна окшош, ал реанимацияга өтө оор абалда келип жатты. Европада өткөн дарылануу курсу эч кандай натыйжа берген жок" деп жазылат орусиялык маалымат булактарында. Актриса Анастасия Заворотнюк баш мээнин шишигине кабылганын экинчи кызы Миланы төрөгөндөн кийин билген. Ал бул оор илдет менен жарым жылдан бери күрөшүп келет.


Врачтардын айтуусу боюнча, атактуу айымдын оорусу, баш мээнин өтө чанда кезигүүчү шишиги акыркы стадияга жетип калган. Негизи эле бул илдеттен дарылануунун жолу жок экенин медиктер айтып беришкен. Актрисанын өкүлдөрү анын оор абалы тууралуу кабарды реанимацияга түшүп калгандан кийин гана ачыкташкан. Интернет желесинде бул коркунучтуу илдет актрисага кош бойлуу болуу үчүн өткөн процедуралардын (ЭКО) натыйжасында пайда болгон деген божомолдор айтылууда.

Актрисанын соңку абалы тууралуу акыркы маалыматты продюсер Андрей Разин билдирди. Анын айтымында, Заворотнюк жасалма комага түшүрүлгөн жана анын жакындары суук кабарга даяр болуп турушат. "Палатасына жолдошунан башка эч кимди киргизбей жатышат. Караган дарыгерлерге байланышсам, тилекке каршы, бир канча күндүк өмүрү калганын айтышты. Оору таанылгыс кылып койгон Жанна Фрискедей болуп, сырткы кебетеси да өтө өзгөрүп кеткен", - деп билдирген Андрей Разин.

"Моя прекрасная няня" сериалынан кадр.

Актриса жана алып баруучу Анастасия Заворотнюк 1971-жылдын 3-апрелинде Астрахань шаарында туулган. Анын атасы телережиссёр болсо, апасы театр актрисасы болгон. Ата-энесинин ишмердиги Анастасияга таасирин берип, театралдык окуу жайга тапшырат. Алгачкы телевизиондук ролун “Машенька” аттуу тасмада башкы каарманды ойноо менен баштайт. 3-курсунда окуп жүргөндө «Миф о Дон Жуане» спектаклинде ийгиликтүү роль жарата алган. Бирок чыныгы атактуулукту ага 2004-жылы чыга баштаган «Моя прекрасная няня» сериалы алып келген.

Жеке жашоосунда үч жолу турмушка чыккан. Ишкер Олаф Шварцкопф менен бир жыл жашап ажырашып кетсе, кийинки жолдошу ишкер Дмитрий Стрюковго турмушка чыгып, эки балалуу болушкан. Ал ортодо «Моя прекрасная няня» сериалындагы баш каарман Сергей Жигунов менен сүйүү мамилесинде болгон. Үчүнчү жолу актриса фигурист Пётр Чернышёвго турмушка чыгат. Алар көп жылдар бою балалуу болбой, акыры атайын медициналык процедуралардан кийин Анастасия кош бойлуу болот. 2018-жылдын октябрь айында Мила атту кыздуу болушкан.

Анастасия Заворотнюк менен жолдошу Пётр Чернышёв.
2019-жылдын август айында актрисанын күйөрмандары Анастасия Заворотнюктун көрүнбөй калганын айтып, коңгуроо кага башташкан.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(5)
16.09.2019. 15:07 
Тайпасы:
Жаран
Комментарийлердин саны:
279
Катталган:
15-08-2017
Соӊку аракети:
14-10-2019 15:00
Жынысы:
Белгисиз
+3
Сулуулугуна суктанчумун. Ото коркунучтуу ооруга жолугуптур байкуш!
16.09.2019. 15:33 
Тайпасы:
Жаран
Комментарийлердин саны:
100
Катталган:
04-01-2018
Соӊку аракети:
14-10-2019 13:28
Жынысы:
Белгисиз
+2
Сулуулгунда соз жок.
16.09.2019. 16:47 
Тайпасы:
Жаран
Комментарийлердин саны:
17
Катталган:
04-12-2018
Соӊку аракети:
15-10-2019 00:05
Жынысы:
Белгисиз
Калаасы:
Москва
+2
Мен да суктанат элем.Аябай эле сулуу
16.09.2019. 17:29 
Тайпасы:
Жаран
Комментарийлердин саны:
102
Катталган:
21-09-2012
Соӊку аракети:
14-10-2019 21:12
Жынысы:
Белгисиз
+2
Айыгып кетсин красавица.
16.09.2019. 19:08 
Тайпасы:
Жаран
Комментарийлердин саны:
58
Катталган:
18-09-2016
Соӊку аракети:
15-10-2019 08:34
Жынысы:
Белгисиз
0
Буларда Акча коп чет олкого корсотбойбу деймда
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
132402;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: