реклама
super.kg logo

"80 жылдык юбилейиме келген элди көрүп, ушундай сый-урматка жетип калдымбы деп ойлодум" дейт Кыргыз эл артисти Жамал Сейдакматова

 

Кыргыз Республикасынын Эл артисти Жамал Сейдакматованын 80 жылдык юбилейи өттү. Иш-чара актрисанын туулуп, өскөн жери Ысык-Көлдүн Темир айыл өкмөтүнө караштуу Кашат айылында болду.

Юбилейге коомдук жана саясий ишмер Султан Раев, маданият, маалымат жана туризм министри Азамат Жамангулов, Өкмөттүн Ысык-Көл облусундагы ыйгарым укуктуу өкүлү, аким жана Жогорку Кеңештин бир нече депутаттары, кесиптештери, айыл тургундары келишкен.

Салтанаттуу иш-чара тууралуу Жамал Сейдакматова SUPER.KG`ге буларды айтып берди.

"Ысык-Көлдүк туугандарым, күйөрмандарым 80 жашымды салтанаттуу түрдө өткөрүүнү демилгелеп чыгышыптыр. Аны облустук, райондук администрация, Маданият, маалымат жана туризм министрлиги колдоп, иш-чара 8-сентябрда өттү. Мааракеге бир топ адамдар келишти. Чындыгында мен анча киши топтолот деп күткөн эмесмин. Аларды көрүп ушунча сый-урматка жетип калдымбы деп ойлодум.

Бишкектен ырчылар, төкмө акындар келишип, концерттик иш-чара болду. Спортчулар дагы катышып, ар кандай мелдештер орун алды. Иштеген ишиңдин үзүрүн көрөт деген ушул экен, аябай ыраазы болдум.

Буюрса, 23-28-сентябрь аралыгында Ошто "Арт Ордо" деген эл аралык фестиваль болот. Ага бир нече мамлекеттин театр кызматкерлери катышат. Бул фестиваль дагы менин 80 жылдык юбилейиме арналып жатыптыр. Демек бул иш-чара мага болгон чоң сый-урмат. Ал эми октябрдын экинчи он күндүгүндө Бишкек шаарында юбилейлик иш-чара өтөт. Ага борбор калаадагы жогорку жайлардын студенттери, кесиптештерим, күйөрмандарым катыша алышат. Мындан тышкары мен роль жараткан тасма көрсөтүлөт. Мен барына ыраазымын", - деди Сейдакматова.

Жамал Сейдакматова 1938-жылы 21-сентябрда төрөлгөн.



Кыргыз Эл артисти Жамал Сейдакмтова 80 жашта

Жамал Сейдакматова 80 жылдык юбилейинде бийледи

 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 6 
Комментарийлер(1)
10.09.2019. 15:03 
Тайпасы:
Жаран
Комментарийлердин саны:
47
Катталган:
27-09-2011
Соӊку аракети:
26-05-2020 13:41
Жынысы:
Белгисиз
Калаасы:
Биш))
0
Аман болуңуз, көп жашаңыз. Мен үчун күтүүсүз болду жаш курагыңыз... 80 де деп ойлогон эмес элем. Кыргыз элинин сыймыгы, таланты болуп көп өмур сүрүңүз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144469;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: