super.kg logo

Бишкектиктер ДДТнын концерти тууралуу: “Сагынычтуу! Музыкалуу! Көӊүлгө жакын!”

 

29-июнь күнү Бишкекте O!PEN AIR 2019 масштабдуу музыкалык фестивалынын алкагында легендарлуу рок-тобунун дүркүрөгөн концерти болуп өттү. Бишкектиктерге мындай чыныгы белек менен унутулгус окуяны О! Мобилдик оператору жана борбордун PROMZONA.space маданий клубу тартуулашты.

Бул миӊдеген эски достордун айланасында көӊүлгө жакын кече болду. Музыканттар Кыргызстандын борборунда алгачкы жолу концерт беришти.

"Саламатсыӊарбы кымбаттуу достор. Салам алейкум, Кыргызстан. Эмне дейли… Жылуу тосуп алганыӊыздар үчүн чоӊ рахмат. Биз менен болгонуӊуздар үчүн ыраазыбыз. Акыры Бишкекке келгенибизге абдан кубанычтабыз. Жашыл шаар, таза аба, дагы көптөгөн жакшы нерселерди айта алам. Бизди чакырганыӊар үчүн тереӊ ыраазычылык билдирип кетүүгө уруксат этиӊиздер... Бүгүн ырлар силер менен биздин жашообуз сыяктуу ар түрдүү болот. Кайгылуу, шаӊдуу, ирониялуу, балким, трагедиялуу… Бирок бул биздин жашообуз. Бакыт жана жаркын келечек сага, Кыргызстан! Бардык жакшылыктарды каалайбыз! Анда эмесе кеттик!" – деп баштады сахнадан Юрий Юлианович.

Шевчук күйөрмандарын эски жана жазыла элек жаӊы ырлары менен кубандырып, аткаруу учурунда көрүүчүлөр менен баарлашып жатты. Музыканттар менен бирге жашоо жөнүндө ойлонуу мүмкүнчүлүгү да болду.

Эл жаӊы ырларды да, эски хиттерди да дүркүрөгөн кол чабуулар менен тосуп алып, кошо ырдап жатты. Солист сахнадан музыка тууралуу, фольклорду канчалык жакшы көргөндүгү жөнүндө, чоӊ апаларыбыз бизге ырдап берген ырларды ырдоо абдан маанилүү экендигин айтып берип жатты. Мындай ырлардын бирин топтун солисткасы Алена Романова ырдап берди. Анын ырдаганы күйөрмандардын баарын толкундантып, жүрөктөрүнүн кагуусун күчөттү.

"Канчалык көп жашасам, ошончолук жашоодогу башкы нерсе сүйүү экендигине ынанып келем. Бул жашоодо сүйүүдөн артык нерсе жок", - деп бөлүшөт "ДДТ" тобунун лидери.

"Любовь не пропала", "Не стреляй", "В последнюю осень", "Хиппаны"… Эл сүйүктүү хиттерин толкунданып угуп, кошо ырдашты. Юрий Юлианович ырларында да көрүүчү менен баарлашып жатты:

"…Ты, я – всё получилось
Я, ты – Бишкек не случайно.
Нашей любви, что не изменилась
Не все так печально
На площади в чайной…"

Юрий Шевчук ырларын ырдап жатканда сөздөрү элдин сүйүүсү менен дүркүрөгөн кол чабууларына чөмүлүп жатты.

Эки саат өткөн соӊ Шевчук Бишкек менен коштошо баштады. Музыканттардын баары сахнага чыгып, көрүүчүлөргө жалпы жүгүнүп, таазим кылышты. Музыканттар сахнанын артына кирип кетишти… Коштошууну эч ким каалаган жок. Дагы бир нече мүнөт бою көрүүчүлөр аларды сахнага чакырып жатышты. Шевчуктун сахнага кайтып келишин эл күтпөй калганда, "Родина" обону созулуп, музыканттар кайра келишти. Эл укмуштуудай кубанычка чөмүлүп калды.

Коштошуп жатып Шевчук Бишкекке "Это всё" аттуу дагы бир ырын тартуулады.

Сахнада болуп жаткандар экранга трансляцияланып жатты, үн менен жарык жасалгасынын эӊ мыкты сапаты көрүүчүлөр тарабынан жогорку деӊгээлде бааланды. O!PEN AIR 2019 17- музыкалык фестивалы таасирдүү жана унутулгус шоуго айланды. Уюштуруучулар менен өнөктөштөрдүн командасы өз милдеттерин жүз пайызга аткара алышты.

Концерттен кийин социалдык тармактар таасирлентүүчү сөздөргө толуп калды.

ekaamato: "Жүрөккө абдан жакын, элжиреткен жана укмуштуудай сонун концерт! ДДТ – сүйүктүү топторумдун бири, ал эми Юрий Шевчук стадиондорду картайбас энергиясы менен толтурган эӊ позитивдүү, ак ниет жана эмоционалдуу адам. Акырында уюштурулган маршруттук таксилерге отуруп, концертти финалдык "Это всё" ыры менен уланттык. Баары сонун болду. Уюштуруучулар @o_mobile_operator @promzona.space кесипкөй деӊгээлдери жана ДДТ концертине баруу мүмкүнчүлүгүн тартуулагандыгы үчүн тереӊ ыраазычылык билдирем".

zarina_1808: "Open Air 2019, шаӊдуу жана жүрөккө жакын, уюштуруучуларга рахмат!"

brodnik_life: "Любовь не пропала, немного устала но не пропала !!! Бул үчүн @ddt_band #openair2019 рахмат!"

azamat_kulmurzaev: "#openair2019, тонналаган үндөр жана таттуу, ар түрдүү музыка, мыкты маанай – ишембилик кече ушул нерсе гана керек"

_maral_d_: "Абдан сезимдүү болду! Сагынычтуу! Музыкалуу! Көӊүлгө жакын! Дагы эле таасирленип жүрөм".


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 2 
Комментарийлер(3)
04.07.2019. 15:08 
Тайпасы:
Жаран
Комментарийлердин саны:
18
Катталган:
20-07-2018
Соӊку аракети:
22-10-2019 17:34
Жынысы:
Белгисиз
0
админ эмнеге бугун жаны саны чыкпады?
04.07.2019. 20:55 
Тайпасы:
Супермодератор
Комментарийлердин саны:
263
Катталган:
12-05-2014
Соӊку аракети:
08-08-2019 20:49
Жынысы:
Белгисиз
0
mamatkerim1968,
Саламатсызбы! Гезиттин жаңы саны дүйшөмбү күнү саат 9.00дө порталга жарыяланат.
04.07.2019. 18:34 
Тайпасы:
Жаран
Комментарийлердин саны:
29
Катталган:
09-03-2019
Соӊку аракети:
23-10-2019 14:09
Жынысы:
Белгисиз
-1
Бир да кыргыз жазбаптыр.
Анткени кыргыздар маданияттан артта калыптыр.
Начар ыплас Насиптин ырларды угуп табити бузулуптур.

Шевчук Нурландай болуп шапунданып жуунуп , чачын тарап, костюм кийип ырсайбайт.

Юра жоной эле домашний футболка менен колундагы инструменттер менен эзип коет чеберчиликти. Нурландай болуп Оууу, Йееее дебейт.
Журо бергиле кара бет болуп омур бою кыргыздар.

Адамды айылдан чыгарыш оной, бирок айылды адамдан чыгарыш кыйы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
132704;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: