super.kg logo

"Акнет" компаниясынын президенти убактылуу кармоочу жайга киргизилди

 

"Акнет" компаниясынын президенти Кубан Ажимудинов Бишкек ШИИББинин убактылуу кармоочу жайына киргизилди. Бул тууралуу ИИМдин басма сөз кызматы билдирди.

Маалыматка ылайык, прокуратуранын токтому менен Экономикалык кылмыштуулукка каршы күрөшүү боюнча мамлекеттик кызматынын башкармалыгынын тергөө бөлүмүнөн “Акнет” ЖЧКсынын кызмат адамдарына карата козголгон 5 кылмыш иши кыскартылган.

Кылмыш ишинин жүрүшүндө 2017-жылдын ичинде "Акнет" компаниясына абоненттик төлөм катары 1 миллиард сомдон ашык акча түшкөн. Бирок компания таза киреше катары 195 миллион сом акчаны гана көрсөтүп, калганын чыгашаларга кетирген. 2018-жылдын жыйынтыгы менен "Акнет" абоненттик төлөмдөн 1,2 миллиард сомдон ашык киреше түшкөн. Бирок компания текшерүүгө алынып, анда иштеген кызматкерлер чыгашаларды негизсиз көбөйтүп, ошондой эле салыкка 150 миллион сом карызы бар экендиги аныкталган.

"Акнет" компаниясы менен иштешкен жасалма 11 фирма аныкталды. 2016-жылдын июнь айынан баштап 2018-жылга чейин "Акнет" жасалма фирмалардын бири "Строй сеть" компаниясына кызмат көрсөткөнү үчүн 101 миллион 99 миң 401 сом акча бөлүнгөнү айтылып, бирок документ менен тастыктай алган эмес. Ошол эле жылы компаниянын ишмердүүлүгүнө аудит жүргүзүлүп, "Акнет" 14 миллион сомдук акча каражатын мыйзамсыз эсептен чыгарганы тастыкталган. Бүгүн, 28-май күнү Жазык кодексинин 205-беренеси "ишенип берилген мүлктү өзгөчө ири өлчөмдө ыйгарып алуу же которуу" менен "Акнет" компаниясынын президенти Кубан Ажимудинов, "Строй сеть" компаниясынын башкы директору Б.Е. жана компаниянын башкы бухгалтери Л.И. Бишкек ШИИББинин убактылуу кармоочу жайга киргизилди", - деп билдирет ИИМдин басма сөз кызматы.

2018-жылдын 22-ноябрында "Акнет" интернет таратуучу компаниясынын иши үзгүлтүккө учурап, ишкананын расмий сайтында жогорку жактагы магистралдык линияларда мүчүлүштүктөр болгондон улам байланыш убактылуу үзүлгөндүгү жазылган. Кийин интернетте "Акнет" компаниясында рейдерлик басып алуу болгон деген маалымат тараган болчу. Ал эми Экономикалык кылмыштарга каршы күрөшүү кызматы компаниянын жетекчисине козголгон кылмыш ишинин негизинде тинтүү иштери жүргүзүлүп жатканын кабарлаган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 1 
Комментарийлер(3)
28.05.2019. 18:58 
Тайпасы:
Жаран
Комментарийлердин саны:
456
Катталган:
13-09-2016
Соӊку аракети:
22-01-2020 13:34
Жынысы:
Белгисиз
+2
Мынаа сага катардагы бир фирманы текшергенде млрдаган акчаларды жок кылып жиберишкен охоо биз чындап эле корупцияга батып калган экенбиз да ээ
29.05.2019. 00:20 
Тайпасы:
Жаран
Комментарийлердин саны:
94
Катталган:
07-07-2012
Соӊку аракети:
22-01-2020 12:50
Жынысы:
Белгисиз
+1
Krai,ээми билдинби?
29.05.2019. 10:40 
Тайпасы:
Жаран
Комментарийлердин саны:
71
Катталган:
01-12-2014
Соӊку аракети:
13-01-2020 03:17
Жынысы:
Белгисиз
Калаасы:
Бишкек
0
Акнет мамлекетке караштуубу же жеке компаниябы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136389;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: