super.kg logo

ЖЭБ соту. 7 айыпталуучу 12-июнга чейин УКМКнын СИЗОсунда камакта калтырылды

 

Бишкек шаарынын Свердлов райондук сотунда Бишкек ЖЭБин жаңылоодо "коррупция" беренеси менен айыпталган мурдагы 8 аткаминердин иши боюнча соттук отурум болуп өттү.

Кечээ сот отурумунда прокурорлор тарабынан айыпталуучуларга тагылган айыптар угузулду.

Мурунку премьер-министрлер Жантөрө Сатыбалдиев, Сапар Исаков, депутат Осмонбек Артыкбаев, Улуттук энергохолдингдин мурунку директору Айбек Калиев, "Электр станциялары" ишканасынын мурунку жетекчиси Салайдин Авазов, "Электр станциялары" ишканасынын башчысынын мурдагы орун басары Жолдошбек Назаров, Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкулов жана мурдагы каржы министри Ольга Лаврова аларга тагылган айыптоолорго макул эместигин билдиришти.

Айыпталуучуларга сөз берилген соң жактоочулар алардын баш коргоо чарасын өзгөртүү өтүнүчүн келтиришти.

Судья кеңешме бөлмөсүнө барып келгенден кийин бул өтүнүчтү канааттандыруусуз калтырды. Ишти карап жаткан судья айыпталуучулар Жантөрө Сатыбалдиев, Сапар Исаков, Осмонбек Артыкбаев, Айбек Калиев, Салайдин Авазов, Жолдошбек Назаров жана Темирлан Бримкуловду 12-июнга чейин УКМКнын СИЗОсунда камакта калтыруу чечимин кабыл алды. Ал эми мурунку каржы министри Ольга Лаврова өлкөдөн чыкпоо боюнча тил каттын негизинде коё берилген.

Окуянын чоо-жайына кайрылсак:

Былтыр 26-январда Бишкек ЖЭБинде өндүрүштүк кырсык болуп, шаардагы үйлөргө берилген жылуулук 7 күнгө төмөндөгөн. Кытайдан алган 386 миллион доллар менен жаңыланган ЖЭБге карата сын-пикирлер күчөгөн. Бул факт боюнча кылмыш иши козголуп, тергөөнүн жүрүшүндө бир топ жооптуу кызматкерлер кармалган. Кийин КСДП бул боюнча билдирүү таратып, өндүрүштүк кырсык Бишкек ЖЭБинин жаңыланган бөлүгүндө эмес, эски бөлүгүнөн чыкканын белгилеген. Анда: "1961-жылы пайдаланууга берилген ЖЭБди реконструкциялоо шаарды кыйроодон аман алып калды. Мына ошол кыйроонун алдын алгандар бүгүн камакта отурушат", - деп жазылган.

Андан кийин Жогорку Кеңеш ЖЭБдеги аварияга байланыштуу өкмөттүн 2017-2018-жылдардагы күз-кыш мезгилдерге даярдыгын "жетишерлик эмес" деп таап, күнөөлүүлөрдү жоопко тартуу боюнча токтомду караган.

Бишкек ЖЭБин жаңылоодо "коррупция" беренеси менен айыпталып жаткандар мурунку премьер-министрлер Жантөрө Сатыбалдиев, Сапар Исаков, депутат Осмонбек Артыкбаев, Улуттук энергохолдингдин мурунку директору Айбек Калиев, "Электр станциялары" ишканасынын мурунку жетекчиси Салайдин Авазов, "Электр станциялары" ишканасынын башчысынын мурдагы орун басары Жолдошбек Назаров, Бишкек жылуулук электр борборун модернизациялоону башкаруу боюнча топтун мурдагы аткаруучу директору Темирлан Бримкулов жана мурдагы каржы министри Ольга Лаврова.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 1 
Комментарийлер(3)
11.04.2019. 19:17 
Тайпасы:
Жаран
Комментарийлердин саны:
130
Катталган:
18-02-2019
Соӊку аракети:
23-02-2020 19:04
Жынысы:
Белгисиз
+4
Камап тура бербей 10 эсе кустурбайсынарбы
11.04.2019. 21:04 
Тайпасы:
Жаран
Комментарийлердин саны:
468
Катталган:
08-11-2013
Соӊку аракети:
24-02-2020 00:45
Жынысы:
Белгисиз
Калаасы:
Бишкек
0
Sakubek, булардын 1 күнү 2 күн болуп кыскара берет
11.04.2019. 19:52 
Тайпасы:
Жаран
Комментарийлердин саны:
224
Катталган:
29-12-2017
Соӊку аракети:
10-12-2019 12:55
Жынысы:
Белгисиз
-1
Бул жерде Сокенин бир тууган иниси Асылбек Жээнбеков жетишпей турат. Асылбек Жээнбековту биринчи камаш керек. Асылбек Жээнбековтун жооп берер кунуно аз эле калды
Ka2sr1 түзөттү 2019-04-11 19:52:25
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
137872;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: