реклама
super.kg logo

Бурулайдын өлүмү боюнча соттук отурум: Бурулайга сайылган бычактан бармак издери алынбай калган

 

Милиция бөлүмүндө бычакталып каза болгон Бурулай Турдали кызынын өлүмү боюнча соттук отурум өтүүдө. Бүгүн, 23-ноябрда болгон Свердлов райондук сотундагы отурумда Жайыл РИИБинин криминалдык милициясынын эксперти Эрмек Саманчиев көрсөтмө берди.

Анын айтымында, ал окуя катталган жерден негизги предмет болгон Бурулайга сайылган бычактан бармак издерин алган эмес. Себебин ал төмөнкүчө түшүндүрдү.

"Мага ошол түнү саат 1де РИИБдин нөөмөттөгү кызматкери телефон чалып, жумушка келишимди айтты. Мен жарым саат ичинде Жайыл райондук ички иштер бөлүмүнө келдим. Келгенде эле алар окуя тууралуу айтып, бөлмөнүн ичине экспертиза жүргүз дешти. Мен окуя катталды делинген бөлмөгө кирсем, пол, эки стол жана дубалдар кан экен. Биздин РИИБдин фотоаппараты бузулуп калгандыктан телефонумдун камерасына сүрөткө тартып далил топтодум. Кызга сайылган бычак оролуп тургандыктан мен андан бармак издерин алган эмесмин", - деди ал.

Мамлекеттик айыпталуучунун "сиздин милдет алгачкы болуп предметтерден бармак издерин алуубу?" деген суроосуна Саманчиев "ооба" деп жооп кайтарды. "Анда эмнеге сиз милдетиңизди аткарган эмессиз" деген суроо берилди. Саманчиев буга "мен РИИБде ушундай окуя болгонуна нес болуп, бармак издерин албай калыптырмын" деп жооп берди.

Буга чейин Жайыл РИИБинин кызматкерлери өз көрсөтмөлөрүндө кабыл алуу бөлүмүнөн Марс менен Бурулайды ооруканага алып кеткенден кийин эле бычакты кагазга ороп, нөөмөт бөлүмүнүн кабинетине алып барып салгандарын айтышкан. Марс Бөдөшовдун жактоочусу ошол көрсөтмөлөрдү эске салып, эксперттин сөзү ага дал келбей жатканын айтты. Ал "Эгерде сиз дароо эле келген болсоңуз, бычакты башка күбөлөр ага чейин эле нөөмөт бөлүмүнө кагазга ороп алып барып салганын айтып жатышса, сиз кайра кантип бычакты окуя болгон жерден көрдүңүз?" деген суроо узатты.

"Мен бычакты көргөм, кагазга оролуп турган. Ошондуктан мен кароо жүргүзгөн эмесмин", - деп жооп кайтарды Саманчиев.

Эксперт Эрмек Саманчиевдин соттук отурумда айткан көрсөтмөсү менен тергөөдөгү көрсөтмөсүндө бир топ айырмачылыктар болуп жаткан эки тараптын жактоочулары тең бирдей протоколдон окуп айтып жатышты.

Ошондой эле Саманчиев убагында телефонго тартылып алынган сүрөттөрдү Бурулайдын кылмыш ишин тергеген тергөөчүгө бергенин кошумчалады.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(12)
23.11.2018. 15:33 
Тайпасы:
Жаран
Комментарийлердин саны:
704
Катталган:
30-04-2013
Соӊку аракети:
31-01-2020 00:17
Жынысы:
Белгисиз
+5
Шалаакылык дагы бир жолу шалаакылык, оролуп турса эле албай коюш керекпи? Эмнеге ала качкан бала менен анын досунан эч бир соз уга элекпиз, кылмышкер болсо алар корсотмо бериш керек. Ушул иште милиция кызматкерлеринин колу кан. Бизде жалан билимсиз, тажрыйбасы эки айлык тергоочулор иш алып барат.
23.11.2018. 15:35 
Тайпасы:
Жаран
Комментарийлердин саны:
110
Катталган:
02-11-2018
Соӊку аракети:
01-06-2020 22:09
Жынысы:
Белгисиз
+4
Эмне деген гана жоопкерчиликсиздик. Бул биздин замандын кишилери, кылгылыкты кылып коюп эле анан ШОК (нес) болуп калышат, ЖОК болуп кеткирлер.
isarti түзөттү 2018-11-23 15:37:19
23.11.2018. 15:37 
Тайпасы:
Кыймылы жок
Комментарийлердин саны:
2
Катталган:
24-06-2018
Соӊку аракети:
07-09-2019 20:32
Жынысы:
Белгисиз
+7
Бул шалаакылык эмес, кылмышты жашырууга кобурок окшоп кетип жатат. Ким бироонун кызыкчылыгы учун атайын жасалгандай элес калтырып жатат. Фотоаппараттын иштебей калганы кокустукпу?! Бул калп маалымат болуш керек.....
23.11.2018. 15:37 
Тайпасы:
Жаран
Комментарийлердин саны:
704
Катталган:
30-04-2013
Соӊку аракети:
31-01-2020 00:17
Жынысы:
Белгисиз
+4
Иш устундо болгон учун камеранын иштешине жана аны козомолго ала турган сенсин, жок дегенде ошол шалаакылыгын учун камаш керек сени ноомоттогу немени.
23.11.2018. 15:56 
Тайпасы:
Жаран
Комментарийлердин саны:
189
Катталган:
05-08-2017
Соӊку аракети:
07-04-2020 21:55
Жынысы:
Белгисиз
+4
КТРКга прямой тартып айттырыш керек бүтүн Кыргызстан көрүп жатат чындыкты айт деп
23.11.2018. 16:11 
Тайпасы:
Жаран
Комментарийлердин саны:
129
Катталган:
15-08-2016
Соӊку аракети:
01-06-2020 16:19
Жынысы:
Белгисиз
+3
Менимче сабатсыздык да. Кайсы мамлекеттик органга барсан. Кыжырын кайнайт. Нес болгон имиш. Сенин жумущун ошентип нес-пес болбой.... Кыскасы соз жок ИИМ
23.11.2018. 16:35 
Тайпасы:
Жаран
Комментарийлердин саны:
114
Катталган:
10-08-2015
Соӊку аракети:
30-05-2020 18:47
Жынысы:
Белгисиз
Калаасы:
Кереметтүү аппак Ала-Тоо!
+3
ХХХХХХХХ Мен эч ишенбейм. Бул жерде милициялардын күнөөсү чоң. Марс ала качканы үчүн гана жоопко тартылышы керек болчу. Адам өлтүрүү боюнча эмес(((
Модератор admin_superstan түзөттү 2018-11-23 17:36:09
23.11.2018. 17:38 
Тайпасы:
Супермодератор
Комментарийлердин саны:
1630
Катталган:
05-09-2011
Соӊку аракети:
27-05-2020 18:08
Жынысы:
Белгисиз
Калаасы:
SUPER.KG
0
izdeim_seni, такталбаган маалыматтарды жазууга тыюу салынат!
23.11.2018. 16:54 
Тайпасы:
Кыймылы жок
Комментарийлердин саны:
603
Катталган:
09-09-2015
Соӊку аракети:
24-09-2019 16:58
Жынысы:
Белгисиз
+1
Камера иштебей калат, манжанын изин албай калат, фото иштебей калат...
23.11.2018. 16:56 
Тайпасы:
Кыймылы жок
Комментарийлердин саны:
53
Катталган:
24-04-2018
Соӊку аракети:
05-10-2019 17:12
Жынысы:
Белгисиз
+3
Менттер түздөн-түз тиешеси бар деп ойлойм жөнү жок күнөө таба алышпай созуп жатат ишти атайын.Күнөөлүү болсо соттор сотка же тоок урдады деп алып барып камап салып жатпайбы ушул ишке келгенде чайналып эле калышты коркуп жатышатта чындык билинип калат дешип.
23.11.2018. 17:54 
Тайпасы:
Жаран
Комментарийлердин саны:
37
Катталган:
26-01-2012
Соӊку аракети:
01-06-2020 23:13
Жынысы:
Белгисиз
Калаасы:
бишкек
+1
Ишин так аткарбаганы үчүн 97 койсо мойнуна анан чындыкты айтат.
26.11.2018. 09:27 
Тайпасы:
Жаран
Комментарийлердин саны:
695
Катталган:
09-04-2014
Соӊку аракети:
02-06-2020 02:07
Жынысы:
Белгисиз
Калаасы:
Жолдошумдун айылы.
0
Эмнеге ошол күнкү камерадагы жазуу өчүп кеткен,бычактан бармак издери алынбай калган,фотоаппараты болсо иштебей калган.Жиндиге деле белгилүү болуп жатпайбы, милициялар өздөру күнөлүү экени.Мынча маңкурт болуп баратабыз.Кайран гана жаш чырпык,сындырып салып эми бир бирине төңкөп....
Аркы дуйнодо кимге оодараар экенсиңер эки буттуу айбандар.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
144851;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: