реклама
super.kg logo
  Спорт  

Нурмагомедов vs Макгрегор. Чуулгандуу мушкерлердин кыл чайнашкан беттешинде ким жеңүүчү болот?

 

Эрежесиз уруштун күйөрмандары көп жылдан бери күтүлүп жаткан беттешке күбө болуу алдында турушат. UFC 229 мелдешинин алкагында атаандаштарын асмандан жерге таштагандай эле көтөрүп чапкан Хабиб Нурмагомедов, бир соккусу менен уктата турган стили белгилүү Конор Макгрегор күч сынашат.

Азыркы тапта эл арасында жүргөн суроо - “Хабиб Конордун бутуна өтүп көтөрүп чаба алабы? Же Макгрегор Нурмагомедовду жакын жолотпой уктата урганга жетишеби?

Беттеш 5 раунддук болгону менен учурда букмекерлер беттеш 3-раундга чейин узабайт деген божомол берүүдө. Алардын божомолуна таянсак, бул беттеште Хабиб Нурмагомедов 3-раундда жеңишке жетиши керек.

ММА`дин чеберлери Нурмагомедов менен Макгрегордун 2 жыл мурун башталган чыр-чатагы бейбаштык, айнек сындыруу жана сот менен уланып келе жаткан. Эми 6-октябрдагы кыл чайнашкан беттеш алардын кимиси мыкты экенин аныктайт.

Алгачкы жаңжалга көз салсак, 2015-жылы Конор Макгрегор Жозе Алдуну утуп 66 килограммга чейинки салмак ченинде чемпиондук курду багындырган. 2016-жылы 5-мартта 77 килограммга чейинки салмак ченинде Нейт Диаз менен беттешип жеңилип калса, ошол эле жылы 20-августта Нейт Диаз менен реванштык беттеште жеңишке жетет. Бул беттеш менен UFC уюму көп акча таап, Макгрегордун каалаган тилегин аткарууга даяр болгон. Макгрегор 70 килограммга чейинки салмак ченинде бир дагы жолу беттеш өткөрбөй чемпиондук кур үчүн беттешти талап кылса UFC аны менен макул болот.

Ошол учурда Хабиб Нурмагомедов бул салмак ченинде 7 беттеш өткөрүп, Эдди Алварес менен чемпиондук кур үчүн беттешүүнү көздөп жаткан. Бирок бул беттешти Хабибдин көз алдынан Макгрегор илип кеткен эле. Мындан улам Нурмагомедов ызаланып, UFC`нин президенти Дана Уайтка нааразычылыгын билдирген.

2018-жыл. Артём Лобов

Жаңжалдын улануусу 2018-жылы орун алды. Анда Конор Макгрегорго жакын мушкер Артём Лобов Хабиб Нурмагомедовго каршы сын-пикирин айткан. Ал Хабиб тууралуу “Жамбашы ооруп калса эле беттешке чыкпай коёт” деген. Нурмагомедов менен Лобовдун жолугушуусу Нурмагомедовдун чемпиондук кур үчүн беттештин алдында Нью-Йорк шаарындагы мейманкананын коридорунда орун алды. Анда Нурмагомедов Лобовду айткан сөздөрү үчүн жооп берүүнү жана кечирим суроону талап кылган.

2018-жыл. Автобус, сынык айнек, сот

2018-жылдын 5-апрелинде Конор Макгрегор достору менен Хабиб Нурмагомедов бараткан автобуска кол салган. Анда мушкер автобустун терезесин сындырып, автобустун ичиндеги бир нече мушкерге жаракат келтирген. Хабиб Нурмагомедов автобустан чыгып Макгрегор менен мамилесин чечүү үчүн аракет кылганы менен, коопсуздук кызматкерлери жана Хабибдин жакындары ага андай кадамга жол берген эмес. Макгрегор Хабибге “коркок” жана башка жаман сөздөрдү айтканы менен Нурмагомедовдун автобустан чыкпаганы туура жол болгон. Бул окуядан улам Конор Макгрегор камакка алынып, сотко чейин барса, Хабиб Нурмагомедов Эл Яквинтаны жеңип жеңил салмак ченинде чемпиондук курдун ээси болгон.

2018-жыл. Күйөрмансыз маалымат жыйын жана виски.

21-сентябрда АКШнын Нью-Йорк шаарында UFC 229 мелдешинин алдында Конор Макгрегор менен Хабиб Нурмагомедовдун маалымат жыйыны өттү. Бул жыйынга журналисттер гана чыкырылып, мушкерлердин күйөрмандары кирген жок. UFC`нин президенти Дана Уайт муну автобус менен орун алган окуянын кайталануусун каалабаганы менен түшүндүрдү.

Жолугушуунун жүрүшүндө Конор Макгрегор адаттагыдай атаандашынын ачуусун келтирип, беттешке даярдыгын бузуп салууга аракет кылды. Ал эми Хабиб Нурмагомедов өзүн чагымчылдыкка алдырбоого аракет кылып, токтоолук менен берилген суроолорго жооп берип жатты.

Макгрегор бул жыйында өзүнүн вискисин бир нече жолу жарнамалап, аны даамдап көрүүнү Нурмагомедовго дагы сунуштады. Хабиб болсо макул болбой, Конордун сунган ичимдигине “Мен ичимдик ичпейм. Таптакыр! Болбогур вискиңди мага сунуштаба!" деген жооп кайтарды. Ошондой эле Конор Макгрегор “Мен Хабибдин карьерасынын табытына мык кагам” деп убада берди.

Маалымат жыйындын аягында Хабиб Нурмагомедов менен Конор Макгрегордун бетме-бет келиши орун алды. Анда Хабиб Нурмагомедов түз туруп, бир дагы сөз сүйлөбөсө, Макгрегор “Сен өлдүң! Сен өлдүң” деп сүйлөп жатты.

Мушкерлердин буга чейинки беттештери

Кайрадан тарыхка көңүл бурсак, эки мушкер тең UFC`де 10 беттештен өткөргөн. Хабиб Нурмагомедов 10 беттеште тең жеңишке жетсе, Конор Макгрегор 9 беттеште жеңишке жетип, 1 жолу жеңилүү ызасын тартып калган.

Хабиб Нурмагомедов

Орусиялык мушкер азыркы тапта жеңил салмак ченинде чемпиондук курдун ээси болуп, UFC`нин мыкты мушкерлеринин тизмесинде 8-орунду ээлеп келет.

Жалпы эсепте Нурмагомедов ММА`дин эрежеси боюнча 26 беттеш өткөрүп, бардыгында тең жеңишти камсыздаган. Анын ичинен 8 беттеште жеңишке нокаут менен жеткен.

Акыркы беттешин 2018-жылы 7-апрелде Эл Яквинтага каршы өткөргөн. Нурмагомедов калыстардын чечими менен жеңишке жетип чемпиондук курду тагынган.

Конор Макгрегор

Ирландиялык мушкер 2016-2018-жылдары 2 салмак ченинде чемпиондук курдун ээси болуп, азыркы тапта UFC`нин мыкты мушкерлеринин рейтингинде 2-орунду ээлейт.

Макгрегор ММА`дин эрежеси боюнча жалпы эсепте 24 беттеш өткөрүп, 21 жолу жеңишке жеткен. Анын ичинен 18 беттеште Макгрегор атаандашын нокаутка кетирип жеңишке жеткен.

UFC`деги акыркы беттешин Конор Макгрегор 2016-жылы 12-ноябрда өткөргөн. Анда ал Эдди Альварес менен кез келип, калыстардын чечими менен жеңишке жеткен. Муну менен Макгрегор чемпиондук курду камсыздаган.

2017-жылы Конор Макгрегор профессионалдык бокс боюнча беттеш өткөрүп, Флойд Мейвезер менен чемпиондук кур үчүн күч сынашкан. 10-раундда Конор Макгрегор атаандашынын чабуулдарына чыдабай жеңилүү ызасын тарткан.

Адистердин божомолу

Келе жаткан беттеште ММА`дин адистери Хабиб Нурмагомедовдун жеңишине көбүрөөк ишенишет. Нурмагомедов азыркы тапта эң мыкты физикалык калыбында болуп жаткан кези. Аны ал акыркы беттешинде толук тастыктады. Ал эми Конор Макгрегор 2 жылдан бери UFC`де беттеше элек, бул жагдай ирландиялык мушкердин күйөрмандарын тынчсыздандырууда.

ММА`дин эл аралык адистеринин айтуусу боюнча, бул беттеште Хабиб Нурмагомедов Конор Макгрегорду өзүнүн мушташ стилине буруп, Конор чарчаган соң жеңишке жетет. Ошондой эле орусиялык мушкер атаандашына карата кол кайруу, муунтуу ыкмаларын колдонуп, аны жеңүүсү ыктымал.

Кыргыз ММА адистеринин божомолу

Руслан Кыдырмышев – “WEF” уюмунун президенти

"Учурда бардык адистер бирдей божомол берүүдө. Алардын ою боюнча Хабиб Нурмагомедов бул беттеште толугу менен жеңишти камсыздайт. Мен дагы бул ой менен макулмун, бирок Конордун жетишкендиктерин унутпашы керек. Конор Макгрегор карьерасында мыкты, күчүндө турган мушкерлер менен беттешип, аларды утуп алууга жетишкен. Ал беттештердин алдында дагы адистер Макгрегор жеңишке жете албайт деген божомолдорду айтышкан. Негизи Конор күтүүсүз жерден жеңүүчү болуп чыгат".

"Менин объективдүү божомолум боюнча, жеңишти 60 пайыз Хабиб Нурмагомедов камсыздай алат. Өзүм Конордун күйөрманы болсом дагы жеңиш Нурмагомедовдун тарабында болот. Мындай мелдештерди уюштуруп жүргөн адис катары айтсам, эрежесиз урушта партерде чебер болгон мушкерлер мыктыраак болушат. Бирок ошол эле учурда Конор Макгрегордун 1 соккусу беттештин тагдырын чечип коюшу мүмкүн экенин унтпаш керек".

Айбек Мусаев – “Жаш-Күч” спорттук клубунун президенти

"Экөө тең күчтүү мушкерлер, алар чоң жолду басып өтүштү. Экөө тең татыктуу спортчу болгондуктан, ар биринде жеңишке жетүүгө мүмкүнчүлүктөрү бар. Алдын ала божомолдорду айтпай, бул укмуштуудай беттеши көрөйүн. Мындай жетишкендиктерге бардыгы жетише албайт, ошондуктан Нурмагомедов менен Макгрегор сый-урматка татыктуу. Күчтүүсү жеңишке жетсин".


кошулду


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(20)
05.10.2018. 16:30 
Тайпасы:
Жаран
Комментарийлердин саны:
45
Катталган:
24-09-2016
Соӊку аракети:
04-06-2020 12:47
Жынысы:
Белгисиз
-2
Кыдырмышев мусулман болсон мусулманга куйормандык кылсан
05.10.2018. 16:41 
Тайпасы:
Тартип бузгандар
Комментарийлердин саны:
198
Катталган:
18-08-2018
Соӊку аракети:
17-05-2019 16:02
Жынысы:
Белгисиз
Калаасы:
Ала-Тоо...
0
Abdizhapar, Хабиб жасалма мусулман, чыныгы мусулман антип жырткычтай болуп урүшпайт.
05.10.2018. 18:15 
Тайпасы:
Тартип бузгандар
Комментарийлердин саны:
830
Катталган:
04-07-2017
Соӊку аракети:
30-05-2020 20:41
Жынысы:
Белгисиз
-3
AIA-TOO,туптуура за чем бул жерде динди аралаштырып мен мусулманмын бирок конорго куйормандык кыламын
05.10.2018. 18:40 
Тайпасы:
Жаран
Комментарийлердин саны:
204
Катталган:
04-01-2018
Соӊку аракети:
21-04-2020 14:36
Жынысы:
Белгисиз
-3
Abdizhapar,Чыныгы журогу таза адам эч убакта сыйынган Кудайына карап эмес, кылган ишине жараша баа берет. Биздин исламисттер сыйынган Кудайына гана карап журосунор. Алладан жардам кутпо, акылдан жардам кут дейт кыргызда.
iryi1 түзөттү 2018-10-05 18:48:18
06.10.2018. 11:27 
Тайпасы:
Жаран
Комментарийлердин саны:
58
Катталган:
13-09-2016
Соӊку аракети:
04-06-2020 12:03
Жынысы:
Белгисиз
+2
iryi1,сен Кудайды тааныбай калган окшойсун эсин барда этегинди жап дегендей акыл эсин барда тооба келтир айткан созуно Кудай корсотуп коет
05.10.2018. 16:45 
Тайпасы:
Жаран
Комментарийлердин саны:
1157
Катталган:
08-07-2011
Соӊку аракети:
04-06-2020 13:26
Жынысы:
Белгисиз
+12
Кудайым буйруса Кыргызстандын суу менен тузун ооз тийип гранд комфортто конок болуп кеткен мусулман бир тууганыбыз Хабипбек женишке жетет деген чооон умуттобуз. Дуйно жузуно озун токтоо кармаган мусулман адамынын женишке жеткенин корсотуп койсо экен. Америка менен европаны очуруп Хабип талкаласа соонун эле болмок. Хабага ийгилик!!!
05.10.2018. 16:45 
Тайпасы:
Жаран
Комментарийлердин саны:
243
Катталган:
30-01-2017
Соӊку аракети:
20-05-2020 19:53
Жынысы:
Белгисиз
+5
Мусулман не идеален,Ислам идеален деп бир окурман жазды эле,экотен мушкер жихат деп мушташып атышкан жок болунбой ынтымакта мушташты королу
baisogur түзөттү 2018-10-05 16:46:29
05.10.2018. 17:41 
Тайпасы:
Жаран
Комментарийлердин саны:
781
Катталган:
13-06-2016
Соӊку аракети:
04-06-2020 13:03
Жынысы:
Белгисиз
Калаасы:
кыргызстан
+11
Ассалом алейкум Кыргызстан силерге чоон салам бир туугандар деп суйлогону мага дем куч берди десем жанылышпайм алга хабиб
05.10.2018. 18:09 
Тайпасы:
Жаран
Комментарийлердин саны:
18
Катталган:
21-01-2015
Соӊку аракети:
02-06-2020 22:37
Жынысы:
Белгисиз
Калаасы:
Бишкек
+10
Хабибди колдойм. Экооонун беттешин чыдамсыздык менен кутуп жатам. Буйруса Хабиб женуучу болот деп ишенем. Аллахтын колдоосу менен албетте.
05.10.2018. 18:17 
Тайпасы:
Тартип бузгандар
Комментарийлердин саны:
830
Катталган:
04-07-2017
Соӊку аракети:
30-05-2020 20:41
Жынысы:
Белгисиз
-7
чыныгы мусульман акча учун мушташпайт хабибти тууган дештен алысмын кучтуусу женсин
05.10.2018. 18:43 
Тайпасы:
Жаран
Комментарийлердин саны:
204
Катталган:
04-01-2018
Соӊку аракети:
21-04-2020 14:36
Жынысы:
Белгисиз
-8
Хабиб женилип калса жакшы болот.
05.10.2018. 21:03 
Тайпасы:
Жаран
Комментарийлердин саны:
73
Катталган:
23-01-2017
Соӊку аракети:
06-05-2020 22:49
Жынысы:
Белгисиз
+5
Хабиб бир тууганым женишке жетесин, алга Хабиб.
05.10.2018. 21:20 
Тайпасы:
Жаран
Комментарийлердин саны:
358
Катталган:
07-09-2016
Соӊку аракети:
04-06-2020 14:28
Жынысы:
Белгисиз
Калаасы:
Ош
+7
Хабибди ийгилик коштосун! Алга Хабиб.
05.10.2018. 23:56 
Тайпасы:
Жаран
Комментарийлердин саны:
88
Катталган:
06-02-2017
Соӊку аракети:
11-03-2020 14:41
Жынысы:
Белгисиз
Калаасы:
убактылуу жашоодо!!!
+3
Хабиииб !!!!!!
06.10.2018. 01:22 
Тайпасы:
Жаран
Комментарийлердин саны:
148
Катталган:
25-04-2018
Соӊку аракети:
20-04-2020 01:38
Жынысы:
Белгисиз
+2
Конор ака нокаут кетирчи хабаны
06.10.2018. 01:57 
Тайпасы:
Жаран
Комментарийлердин саны:
781
Катталган:
13-06-2016
Соӊку аракети:
04-06-2020 13:03
Жынысы:
Белгисиз
Калаасы:
кыргызстан
+2
FCB14,конор акан вискисин сатып дамди алсын
06.10.2018. 11:20 
Тайпасы:
Кыймылы жок
Комментарийлердин саны:
56
Катталган:
14-12-2014
Соӊку аракети:
09-07-2019 11:43
Жынысы:
Белгисиз
0
Конооооор женееет
06.10.2018. 11:29 
Тайпасы:
Жаран
Комментарийлердин саны:
58
Катталган:
13-09-2016
Соӊку аракети:
04-06-2020 12:03
Жынысы:
Белгисиз
+1
Алга Хабиб мусулман бир тууганым
Мусулман болгонум учун Хабиб да биздин бир тууганыбыз
06.10.2018. 12:23 
Тайпасы:
Жаран
Комментарийлердин саны:
5
Катталган:
01-02-2018
Соӊку аракети:
03-06-2020 21:34
Жынысы:
Белгисиз
-1
Хабибке 200сом койдум. Хабиб утат буйруса.
06.10.2018. 14:05 
Тайпасы:
Жаран
Комментарийлердин саны:
7
Катталган:
16-11-2015
Соӊку аракети:
04-06-2020 12:42
Жынысы:
Белгисиз
Калаасы:
бишкек
0
Коноке сөзсүз утат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
145009;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: