super.kg logo

Ысык-Ата районунун аскер комиссарынын орун басары пара алып жаткан жеринен колго түштү

 

Ысык-Ата районунун аскер комиссарынын орун басары пара менен кармалды. Бул тууралуу SUPER.KG'ге 13-сентябрда Экономикалык кылмыштарга каршы күрөшүү боюнча мамлекеттик кызматынын (Каржы полициясы) коомчулук менен байланыш бөлүмүнөн кабарлашты.

Маалым болгондой, 10-сентябрда Каржы полициясына В.К. аттуу жаран Ысык-Ата райондук аскер комиссариатынын кызматчысы анын (ден соолугунун абалы боюнча кызмат өтөөгө жараксыз болгон) уулун аскер кызматына чакырам деп коркутуп, 25 миң сом талап кылгандыгы тууралуу арызы менен. Каржы полициясы чогултулган материалдардын негизинде Аскер прокуратурасы тарабынан Кылмыш-жаза кодексинин 304-беренеси (кызматтык абалынан кыянаттык менен пайдалануу) жана 313-беренеси (пара талап кылуу) боюнча кылмыш ишин козгогон.

Козголгон кылмыш иштин алкагында Каржы полициясынын кызматкерлери 12-сентябрда Ысык-Ата райондук аскер комиссариатынын аскер комиссарынын Б.Д. аттуу орун басарын өзүнүн иш бөлмөсүндө пара алып жаткан жеринен кармашты. Азыркы убакта факты боюнча тергөө иштери жүрүп жатат.



Райондук аскер комиссарынын орун басары пара менен кармалды

 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136295;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: