super.kg logo

SUPER TV: Эки бөйрөгү иштебей, аппаратка байланган жигит: "Орусияда муздаткычтын жанында иштеп жүрүп дартка кабылдым"

 

Бишкек шаарынын 28 жаштагы тургуну Чыңгыз Сарымсаков Орусияда иштеп жүргөндө бөйрөгүнө суук тийген. Учурда бөйрөгү таптакыр иштебей гемодиализ аппаратына күнү түшүп жатат.

Бейтап алгач автоунаа жуучу жайда иштеп жүрүп андан соң Орусияга иштегени кеткен. Ал жерде 3 жыл эт саткан дүкөндөгү муздаткыч витринанын жанында иштеп жүргөн. Өзүнүн баамында ага ошол жерден суук тийген. Мындан улам Чыңгыз тез шишип кетип, буга байланыштуу анализ тапшырган. Доктурлар “бөйрөгүңө суук тийиптир, дарыланышың керек экен” дешкен.

"Орусияда дарылануу кымбат болгондуктан Кыргыз жергесине келдим. Апамдын сунушу менен “Hayat beauty” деген дары сатуучу бир компаниядан дары алып ичкем. Анын 3 таблеткасын ичкенде эле оорум күчөп кетти. Ошентип гемодиализ аппаратына жатып калдым. Кийинчерээк ал дары сатылган офиске барып, “сиз мага туура эмес дары бериптирсиз, аппаратка жатып калдым. Бул дарыны алып, мага акчаны кайтарып бериңиз!” деп айтайын десем эшиги жабык, чалсам телефондору өчүк.

Алгач 2 айдай өлөт деген ушул турбайбы деп депрессияга кабылдым", - деди Сарымсаков.

Чыңгыз Сарымсаков апасы Жүзүмкан Саадабаева операция жасатууга акчасы болсо, баласына бир бөйрөгүн берип донор болууга камданып жүргөн маалы.

“Балам гемодиализ аппаратында аптасына 3 жолу 4 сааттан жатат. Башында 3 ай 5 миң 550 сомдон төлөп жаттык. Батирде жашайбыз, жетиштүү каражат жок, жолдошум дагы 3 жыл мурун каза болуп калган (ыйлап). Кеп болуп жаткан дары сатуучу компанияда Гүлнара деген эже иштечү. Ал “балаң бир жылдан бери бөйрөгү ооруп жатыптыр, бул дарыны ичсе дароо айыгат. Ушул дарыны алып бербейсиңби?” деди. Мен макул деп “Лобуби Кебир” деген дарысын жана кальций витаминдерин сатып алдым. Ошол дарынын үч таблеткасын ичкенден кийин эле ого бетер начарлап кетти", - дейт кейиген эне.

Дал ошол дарыны сунуштап саткан Гүлнара аттуу айымдын (фамилиясын атоодон баш тартты) иштеген жерине барганыбызда, ал камерага жооп берүүдөн баш тартып, өз чындыгын мындайча түшүндүрдү.

“Ал дарыны алса мен өзүм жасаган жокмун. Компаниянын дарысы. Апасы менен жеңеси келгенде деле түшүндүрүү иштерин жүргүзгөм, өздөрү алып кетишкен. Башка кардарлар ал баланын ооруп калганын угуп, биз ал дарыны ичпешибиз керек экен деп ойлойт да. Канча кишинин бекер убалына калабыз? Мен ошон үчүн сүйлөгүм келбей жатат”, - деди.

Видеоматериал даярдалып жаткан учурда Чыңгыз Сарымсаковдун апасы бизге байланышып, дарыны сунуштап саткан Гүлнара аттуу айым дарынын акчасын кайтарып бергендигин кабарлады. Соодагер дары сатууда күнөөсү болгондуктанбы же жабыркап турган бейтап тарап нааразы болбосун деген ойдобу, айтор мактап саткан дарысынын акчасын (жалпысынан 15 миң сомдой акча) кайтарып берген экен. Ал эми чет өлкөдөн операция жолу менен бөйрөк алмаштырууга муктаж болуп турган каарманыбыздын үй-бүлөсү үчүн учурда 1 сом да маанилүү экени талашсыз.



Оору баккан эне: "Акча болсо уулума бөйрөгүмдү берем"

Автор: Аяна Байтемирова
Оператор: Мухамадзиямидин Турдубек уулу
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(8)
22.08.2018. 18:45 
Тайпасы:
Жаран
Комментарийлердин саны:
0
Катталган:
03-03-2016
Соӊку аракети:
24-01-2020 21:44
Жынысы:
Белгисиз
Калаасы:
Нарын
+9
Ошондойлорго ишенбеш керек...алар же врач эмес....мен деле ал жакта иштей алам,эгер акча керек болсо,болгон дарыны мактап......анан ойлогула инженер водного ресурса дары сатып атканын....эми кеп биринчи алаарда врачбы,сураш керек и инструкцияны окуш керек..озубузго озубуз кылабыз негизи...сиз алган дарынын акчасы ошолорго эле пайда алып келет
22.08.2018. 18:58 
Тайпасы:
Жаран
Комментарийлердин саны:
413
Катталган:
13-06-2016
Соӊку аракети:
25-01-2020 16:03
Жынысы:
Белгисиз
+7
Мен такыр ушундай дары дармектерге ишене бербей ишенгимда келбейт медицина жактан тушунугу жок эле адамдар иштешип ага алданган эл канча
22.08.2018. 19:59 
Тайпасы:
Жаран
Комментарийлердин саны:
62
Катталган:
07-11-2016
Соӊку аракети:
23-01-2020 09:26
Жынысы:
Белгисиз
Калаасы:
Бишкек
+7
Сетевой бизнестер толуп кетти,элдер совет сурап жазса ракты да айыктырат деп укмуш жазышат аферисттер.Жардам бербейт десен урушуп кетишет.Баасы укмуш кымбат.Жоош ишенчээктерди алдап ,укмуш БАДдарды сатышат.Адам омуру оюнчук,Акча болсо эле болду
22.08.2018. 20:23 
Тайпасы:
Жаран
Комментарийлердин саны:
117
Катталган:
23-09-2012
Соӊку аракети:
08-01-2020 02:51
Жынысы:
Белгисиз
Калаасы:
каракол
+5
Ооруган балдардын,адамдардын артынан акча жасагандар кобойду.Айрыкча ДЦП менен ооруган балдардын ата энесин алдап дарынын турун сатышат.Ушуну берсен балан суйлоп, чуркап кетет деп...Эми Элев деген бадды мактап жатышат.Кызын куландан соо болуп кетет дешип.
22.08.2018. 20:58 
Тайпасы:
Жаран
Комментарийлердин саны:
4
Катталган:
11-01-2017
Соӊку аракети:
25-01-2020 22:33
Жынысы:
Белгисиз
+3
Эхх Россия, Россия.
23.08.2018. 09:38 
Тайпасы:
Кыймылы жок
Комментарийлердин саны:
49
Катталган:
17-08-2017
Соӊку аракети:
27-12-2018 10:42
Жынысы:
Белгисиз
0
Ушу Елев8 дегенден кимде ким кабары бар болсо жазып койгулачы сураныч
23.08.2018. 10:11 
Тайпасы:
Жаран
Комментарийлердин саны:
62
Катталган:
07-11-2016
Соӊку аракети:
23-01-2020 09:26
Жынысы:
Белгисиз
Калаасы:
Бишкек
+1
Жазып атса деле жетпейт кээ Бир адамдарга.
23.08.2018. 15:38 
Тайпасы:
Жаран
Комментарийлердин саны:
312
Катталган:
15-08-2017
Соӊку аракети:
12-01-2020 09:22
Жынысы:
Белгисиз
0
Бойрок деген тез орчуп оорусу кучоп кетчу орган .Компанияларга ишенбеш керек Адамдар кызык эле убакытты коротуп ,керексиз дарыланып алышып кайра дары саткан компанияларды куноолошот.Аллах шыпаасын берсин !
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136586;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: