super.kg logo

Согуштан кайтпай калган атасынын сүрөтүн көтөргөн 78 жаштагы карыя "Өлбөс полкто" 6,5 чакырым жөө басты

 

Бишкектеги "Жеңиш" паркынан башталып "Жеңиш" аянтындагы Өчпөс оттун жанынан аяктаган "Өлбөс полк" жүрүшүнө жалпы 45 миңдей адам катышты. Айрымдары жарым жолдон кошулганы менен кээ бир улгайган адамдар иш-чаранын башынан аягына чейин болушту. Алардын бири Аламүдүн районундагы Ала-Тоо совхозунун 78 жаштагы тургуну Айылчы Бектурсун уулу. Ал колуна согушта дайынсыз жоголгондордун тизмесинде катталган атасынын сүрөтүн көтөрүп чыкты. Өзүнүн айтымында, 1906-жылы туулган атасы Бектурсун Тургоот уулу 1941-жылы Чүй өрөөнүнөн Улуу Ата Мекендик согушка аттанып, бирок кайтпай калган.

"Мен бул иш-чарага биринчи ирет катышып жатам. Ал эми менин колумдагы сүрөт атам Бектурсун Тургоот уулунун сүрөтү. Ал 1941-жылы согушка кеткен болчу. Ал учурда мен 1 жашта элем. Билишимче, атам Орусиянын аймагындагы Тыва Республикасында салгылашып жүрүп, 4-ирет жаракат алып госпиталга жатыптыр. Бирок көп өтпөй эле "жакшы болуп калдың" деп согушка алып кетишиптир. Андан кийин дайынсыз жоголгону боюнча кат келген. Ага мен ишенбей жүрүп, кийин профсоюзга барып сурасам, дайынсыз жоголгондордун тизмесинде экенин тактап беришти.

Атамдын жалпы 9 баласы болгон. Бирок 1926-жылы туулган агам, мен жана 1943-жылы туулган иним калган элек. Агам 78 жашка чыкканда каза болуп калган. Азыр иним экөөбүз барбыз. Апам 1908-жылкы болчу, 84 жашка чыгып каза болгон.

Өзүмдүн эки кыз, бир уулум жана неберелерим бар. Азыр №4-кесиптик лицейде кароолчу болуп иштейм. Ден соолугум жакшы, буюрса кийинки жылдары да катышам", - деди Айылчы Бектурсун уулу.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 2 
Комментарийлер(1)
09.05.2018. 21:54 
Тайпасы:
Жаран
Комментарийлердин саны:
29
Катталган:
24-12-2014
Соӊку аракети:
31-12-2019 15:22
Жынысы:
Белгисиз
+3
Аталар аман болсун!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136586;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: