super.kg logo
  Спорт  

Хабиб Нурмагомедов чемпиондук кур менен кошо 530 миң доллар гонорарга ээ болду (UFC-223түн мушкерлеринин гонорарлары)

 

Кечээ, 8-апрелде АКШнын Нью-Йорк шаарында эрежесиз уруш боюнча дүйнөдөгү эң беделдүү уюм UFC'нин кезектеги мелдеши өттү. Уюм UFC-223 мелдешинин алкагындагы мушкерлердин алган гонорарларын жарыялады.

Хабиб Нурмагомедов (Орусия) - Эл Яквинта (АКШ)

Кеченин негизги беттешинде жеңилүү ызасын тартып көрбөгөн орусиялык Хабиб Нурмагомедов чемпиондук кур үчүн америкалык Эл Яквинта менен беттешти. Алгач чемпиондук кур үчүн Нурмагомедов Тони Фергюсон менен беттешмек, бирок ал машыгуу учурунда жаракат алып калган. Андан кийин бул беттешке Макс Холлоуэй чакырылган. Холлоуэй медициналык текшерүүдөн өтпөй калгандан улам UFC уюму титул үчүн Эл Яквинта менен Хабиб Нурмагомедов беттеше турганын билдирген.

Беттештин жүрүшүндө Хабиб Нурмагомедов атаандашына мүмкүнчүлүк калтырбай, 5-раунддун жыйынтыгында калыстардын бирдей чечими менен жеңишке жетти. Чемпиондук курду тагынган Нурмагомедов 530 миң доллар (беттешке катышканы үчүн 500 миң доллар жана 30 миң доллар сыйлык) гонорарга ээ болду. Ал эми Эл Яквинтанын гонорары 280 миң долларды (беттешке чыкканы үчүн 250 миң жана 30 миң сыйлык) түздү.

Роуз Намаюнас (АКШ) - Йоанна Енжейчик (Польша)

Дагы бир чемпиондук кур үчүн Роуз Намаюнас менен Йоанна Енжейчиктин реванштык беттеши орун алды. 5 раунддук беттештин жыйынтыгында, Намаюнас калыстардын бирдей чечими менен жеңишке жетти. Муну менен Роуз Намаюнас алгачкы жолу чемпиондук курун сактай алды.

Бул беттештин жыйынтыгында Роуз Намаюнас 240 миң доллар (100 миң доллар беттешке катышканы үчүн, 100 миң доллар жеңишке жеткени үчүн жана 40 миң доллар сыйлык катары) гонорарга ээ болсо, Йоанна Енжейчик 130 миң долларга (100 миң беттешке катышканы үчүн жана 30 миң доллар сыйлык катары) ээ болду.

Айта кетсек, Роуз Намаюнас UFC-217 мелдешинин алкагында Йоанна Енжейчик менен беттешип, андан чемпиондук курду тартып алган. Анда Намаюнас биринчи эле раундда Енджейчикти техникалык нокаут менен утуп алган.

Забит Магомедшарипов (Орусия) - Кайл Бочняк (АКШ)

Дагы бир орусиялык мушкер Забит Магомедшарипов UFC-223 мелдешинин алкагында америкалык Кайл Бочняк менен беттешти. Беттештин жүрүшүндө Магомедшарипов атаандашына караганда мыкты экенин көрсөттү. Ал 3 раунддун жыйынтыгында 103 таамай сокку узатса, атаандашы 43 сокку гана узата алган. Ошондой эле Магомедшарипов атаандашын 7 жолу жерге кулатса, Бочняк 1 жолу гана кулата алган.

Муну менен Забит Магомедшарипов 81 миң 500 доллар (14 миң беттешке катышканы үчүн, 14 миң жеңишке жеткени үчүн, 50 миң кеченин мыкты беттеши жана 3 миң 500 доллар сыйлык катары) гонорарга ээ болсо, Кайл Бочняк 68 миң доллар (14 миң беттешке катышканы үчүн, 50 миң кеченин мыкты беттеши жана 4 миң сыйлык катары) гонорарга ээ болду.

UFC-223 мелдешиндеги мушкерлердин гонорары:

Энтони Петтис: 135 миң доллар;

Оливер Обин-Мерсье: 95 миң доллар;

Жо Лоузон: 82 миң доллар;

Крис Груэцмахер: 78 миң доллар;

Эван Данэм: 55 миң доллар;

Ренато Мойкано: 54 миң доллар;

Каролина Ковалькевич: 51 миң доллар;

Майкл Киеса: 36 миң доллар;

Фелис Херриг: 34 миң доллар;

Эшли Эванс-Смит: 33 миң доллар;

Девин Кларк: 33 миң доллар;

Пол Фелдер: 30 миң доллар;

Алекс Касерес: 28 миң доллар;

Рэй Борг: 22 миң доллар;

Келвин Каттар: 19 миң 500 доллар;

Бек Роулингс:19 миң доллар;

Брэндон Морено: 16 миң доллар;

Майк Родригес: 13 миң 500 доллар;



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(4)
09.04.2018. 16:23 
Тайпасы:
Кыймылы жок
Комментарийлердин саны:
58
Катталган:
01-02-2018
Соӊку аракети:
30-07-2018 09:59
Жынысы:
Белгисиз
+2
Оэээээээ мен да мушкер болсом болмок экен
09.04.2018. 18:45 
Тайпасы:
Жаран
Комментарийлердин саны:
51
Катталган:
01-11-2012
Соӊку аракети:
24-01-2020 11:50
Жынысы:
Белгисиз
Калаасы:
екатеринбург
-1
мен бугундон баштап мушкер урушка катышканым учун 100 мин доллар алам коросунор. Мен мушкермин ойе
09.04.2018. 18:56 
Тайпасы:
Жаран
Комментарийлердин саны:
32
Катталган:
08-09-2016
Соӊку аракети:
25-01-2020 15:36
Жынысы:
Белгисиз
-1
okumushtuu,сен мушкер эмес окумуштуу экенсинго
09.04.2018. 20:47 
Тайпасы:
Кыймылы жок
Комментарийлердин саны:
99
Катталган:
24-08-2015
Соӊку аракети:
13-11-2018 10:31
Жынысы:
Белгисиз
Калаасы:
Ош
-1
Ото эле азго Хабибтин гононары
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136586;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: