super.kg logo
  Спорт  

Улакчы Урмат Мусаев: "Күч атасын тааныбайт" демекчи, Нооруз майрамына карата уюштурулган мелдеште күчтүү команда жеңишке жетет"

 
"Биримдик Аю" командасынын оюнчусу Урмат Мусаев

Бүгүн, 15-мартта Бишкек шаарындагы "Аккула" ат майданында Нооруз майрамына арналган көк бөрү боюнча республикалык мелдеш старт алды. "Биримдик Аю" командасынын оюнчусу Урмат Мусаев оюнга болгон даярдыктары тууралуу SUPER.KG порталына айтып берди.

"Келе жаткан Нооруз майрамыңыздар менен. Бул майрамга карата уюштурулган мелдешке биз бир жарым ай даярдык көрдүк. Күндүн суугуна карабай, аргымактарыбыз менен машыгууларды өткөрдүк. Буюрса даярдыгыбыз жогорку деңгээлде. Бирок, "күч атасын тааныбайт" дегендей, мелдеште күчтүү команда жеңишке жетет", - дейт Урмат Мусаев.

"Биримдик Аю" командасы "Дөлөн" курамасы менен беттеш өткөрүп 7:0 эсеби менен жеңишке жетти. Улакчы Нарындан келген "Дөлөн" командасы менен болгон беттеш тууралуу төмөндөгүлөргө токтолду:

"Бүгүн мелдештин ачылыш оюндары болуп жатат. Биз "Дөлөн" командасы менен күч сынаштык. Оюн абдан жакшы болду, бирок аба ырайына байланыштуу оюн талаасы ылай болуп, толук мүмкүнчүлүгүбүздү көрсөтө алган жокпуз. "Дөлөн" Нарындан келип, мындай ири мелдештерге алгачкы жолу катышып жатат. Алардын оюнчулары жана аргымактары абдан күчтүү экен. Алар жаңы команда болгондуктан, ийгиликтери алдыда".

Айта кетсек, бүгүн көк бөрү боюнча республикалык мелдеште жарым чейрек финалдык оюндар өттү. Анда 8 команда өз ара беттешип, чейрек финалга өткөн алгачкы командалар аныкталды.

Бүгүнкү күндүн жыйынтыгы менен чейрек финалга "Ынтымак", "Толкун", "Биримдик Аю" жана "Мурас" командалары өтүштү.

Ал эми эртең, 16-мартта жарым чейрек финалдык баскычтын 2-айлампасы орун алат, анда 8 команда күч сынашып, чейрек финалдык баскычтын акыркы командалары аныкталат.

Жарым чейрек финал, 16-март:

9:30 "Достук" - "Эмгек талаа"

11:00 "Көк-Жал" - "Аафият"

12:30 "Четинди" - "Сары-Өзөн"

14:00 "Арашан" - "Илбирс"



Нооруз-2018: Көпчүлүк сүйгөн көк бөрү күйөрмандарын ат майданга жыйды

Автор: Нурсултан Нурболот уулу
Оператор: Мундуз Нурланбек уулу
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
15.03.2018. 19:15 
Тайпасы:
Жаран
Комментарийлердин саны:
431
Катталган:
16-09-2015
Соӊку аракети:
19-01-2020 22:06
Жынысы:
Белгисиз
+1
Тууз алып беруунуздорду суранып кетет элек. эвропада КТР ка спорт жок
Super TV
18.03.2018. 09:07 
Тайпасы:
Жаран
Комментарийлердин саны:
24
Катталган:
16-02-2018
Соӊку аракети:
19-01-2020 03:40
Жынысы:
Белгисиз
0
Болунбогуло ички бириинчилик болуп ататко баары кыргыздын намысын жарайтурган бычакка сапттуу жигиттер бул спорт кучттуусу утуп келген жер жерлердин атын айтпай эле каманданын атын атап алга деп койгула урушуп талашпай бир женден колчыгарып ынтымакттуу бололу кыргыз элим
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136295;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: