super.kg logo

Тоң районунда өндүрүш ишканаларын ачуу максатында кичи 2 ГЭС курулууда

 

Ысык-Көл облусунун Тоң районундагы Коңур-Өлөң жана Көк-Сай айылдарында кичи ГЭСтин курулуш иштери жүрүп жатат. Бул тууралуу Тоң райондук администрациясынын өкүлү Кубаныч Касымбеков билдирди.

Маалыматка ылайык, райондун аймагында өндүрүш ишканаларын ачуу, жумуш орундарын түзүү жана киреше булактарын көбөйтүү максатында райондун суу куюлмаларына инвесторлорду тартып, кичи гидро Электр станцияларын куруу пландалган.

"Коңур-Өлөң айылында учурда ГЭСтин курулуш иштери жүрүп жатат, ал жеке ишкерлерибиздин бири тарабынан каржыланды. Мындан сырткары Кыргыз-Орус өнүктүрүү фондунан 270 миллион сом акча каражаты арзандатылган насыянын эсебинен алынды.

Курулушка жергиликтүү калктан 20га жакын адам убактылуу жумушка тартылган. Коңур-Өлөң кичи ГЭСинин курулуш иштери 2018-жылдын жаз айларында толук бүткөрүлүп, ишке берилет", - деди Касымбеков.

Ал белгилегендей, Көк-Сай кичи ГЭСин куруу үчүн 230 миллион сом керектелет. Кыргыз-Орус өнүктүрүү фондунан 150 миллион сом акча каражаты арзандатылган насыянын эсебинен алынган.

"Калган бөлүгүн Коңур-Өлөң ГЭСин камсыздаган жеке ишкер каржылоодо. Бул ГЭСтин курулуш иштери ушул жылдын март айында толук бүткөрүлүп, ишке берилет", - деп кабарлады администрация өкүлү.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 4 
Комментарийлер(1)
26.02.2018. 16:44 
Тайпасы:
Жаран
Комментарийлердин саны:
401
Катталган:
06-08-2015
Соӊку аракети:
23-01-2020 02:15
Жынысы:
Белгисиз
+1
Жакшы кабар кулак суйундурот да. Азаматтар.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
136448;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: