super.kg logo
«Жылдын супер клиби»

Жыйынтык

Башка сурамжылоолор


Борбор Азиядагы Америка университетинде "Кумтөр Голд Компанинин" колдоосу менен илимий лаборатория ачылды

 

2016-жылдын 3-июнунда Борбор Азиядагы Америка университетинин экологиялык менеджмент жана туруктуу өнүктүрүү жана колдонмо геология факультеттеринин студенттери үчүн лабораториянын ачылыш салтанаты өтүп, лаборатория кийинки семестрден баштап студенттер үчүн ачык болору маалымдалды. "Кумтөр" жаңы кампус куруп, илимий лабораторияны жабдууга 300 миңдей АКШ долларлык салым кошту.

Болочок геологдор менен туруктуу өнүктүрүүнү башкаруу чөйрөсүндөгү адистер экология жана геохимия боюнча лабораториялык иштерди, илимий эмгектер үчүн зарыл болгон тажрыйбаларды жүргүзө алышат. Лаборатория заманбап үлгүдө жабдылып, жаңы факультеттин студенттери окуу жайдан чыкпай туруп алган билимдерин иш жүзүндө колдоно алгандай геофизикалык аспаптар орнотулган.

"Жаштар менен билим берүүгө салым – бул бардык өлкөлөрдө социалдык-экономикалык өнүгүүдөгү эң мыкты инвестициялардын бири. Белгилеп кетсем, "Кумтөр" үчүн туруктуу өнүктүрүү боюнча программаларды жүзөгө ашырууда бул багыт приоритеттердин бири. Геологдор үчүн жаңы факультет кыргыз жеринде чоң суроо-талапка ээ болот деп үмүттөнөм, себеби биздин экономика тоо-кен өнөр жайынан көз каранды жана рынокто бул тармактагы кесипкөйлөр жетишсиз экени сезилет", - деп белгиледи "Кумтөр Голд Компанинин" туруктуу өнүктүрүү боюнча директору Актилек Тунгатаров.

Экологиялык менеджмент жана туруктуу өнүктүрүү факультетинин башчысы, гидрогеолог Жээнбек Куленбеков БААУда окутуу англис тилинде жүргүзүлөрүн, бул бүтүрүүчүлөргө атаандаштыкта артыкчылык берерин баса белгиледи.

"Биздин өлкөдө жер казынасын иштетип жаткан чет өлкөлүк компаниялардын көпчүлүгү чет элдик адистерди тартышканы сыр деле эмес. Эми бизде тоо-кен өндүрүш тармагы үчүн орус жана кыргыз тилдерин гана эмес, эл аралык катары таанылган англис тилин да билген адистерди даярдоо мүмкүнчүлүгү жаралды", - деп билдирди Куленбеков.

"Кумтөр" ишканасы тоо-кен тармагына адистерди даярдаган Кыргыз Республикасынын бардык жогорку окуу жайлары менен тыгыз кызматташып, аларга колдоо көрсөтүп келет. Ал эми студенттер жана бүтүрүүчүлөр үчүн бир нече стипендиялык жана такшалмадан өтүүчү долбоорлору аракетте. Ишке жөндөмдүүлөрү туруктуу жумушка алынышат. Жардам бергенде аз камсыз үй-бүлөдөн чыккан улан-кыздарга өзгөчө көңүл бурулуп, окуудагы жетишкендиктери мыкты болсо, артыкчылык ар дайым алардын тарабында.

"Кумтөрдүн" ЖМК менен байланыш бөлүмү


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(2)
09.06.2016. 09:13 
Тайпасы:
Жаран
Комментарийлердин саны:
76
Катталган:
03-12-2010
Соӊку аракети:
14-08-2019 13:37
Жынысы:
Белгисиз
0
БААУ га жардам бергенден коро кыргыз универлерге жардам бервейби кумтор?
09.06.2016. 10:13 
Тайпасы:
Жаран
Комментарийлердин саны:
9
Катталган:
23-10-2014
Соӊку аракети:
22-10-2017 15:00
Жынысы:
Белгисиз
0
молодцы! Кумтордун жакшы эле жардамын коруп келе атабыз

1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
133550;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: