super.kg logo
«Жылдын супер дуэти»

Жыйынтык

Башка сурамжылоолор


Жер кыдырып жумуш издеп жөнөгөн атага өз айылынан жумуш табылды

 

35 жаштагы Эрнис Эсеналиев үй-бүлөсүн багам деп түрдүү жумуштарда иштеди. Анын 3 баласы бар. Айылда кайдагы жумуш? Жаз келери менен жер кыдырып жумуш издеп жөнөчү. Көбүнчө курулуштарда иштеп, жылуучулукта аздыр-көптүр каражат таап келчү. 2015-жылы анын айылында чакан ишкана ачылып, Эрнис туруктуу жумуш менен камсыз болду. Бул ишканада учурда 6 адам иштейт.

Пескоблок жана брусчатка чыгаруучу "Кой-Сары-Техстрой" муниципалдык ишканасы Жети-Өгүз районунун Липенка айыл аймагына карап, түшкөн таза киреше айыл аймактын жергиликтүү казынасына кириштелет. Ал каражат айылдардын инфраструктурасын көтөрүүгө, социалдык көйгөйлөрдү чечүүгө жумшалмакчы.

"Советтер Союзунан калган гараждын имаратын оңдоп-түзөп, иретке келтирдик. Жабдууларга каражат Ысык-Көлдү өнүктүрүү фондунан берилди. Жалпы кеткен чыгым 350 000 сомду түзүп, анын 10 пайызы айыл өкмөтүнүн өздүк салымы. Буйрутма менен иштеп, жаздан бери ишсиз кала элекпиз. Анын үстүнө биздин продукция Караколдогу баага караганда бир аз арзан: пескоблоктун 1 даанасы 27 сом болсо, бизде 25 сом, ал эми брусчатканын 1 чарчы метри 20 сомго арзан. Сапаты боюнча кардарларыбыздан жалаң гана жакшы пикирлерди угуп жатабыз. Ташып келүүгө кеткен каражат да айылдаштарымдын чөнтөгүндө калат. Унаа издеп убара болушпайт", - дейт ишкананын жетекчиси Санжарбек Мурадилов.

Иш жаңы гана башталгандыктан, жумушчулардын айлык акылары иштегенине жараша 4000-6000 сомдон жогору болуп жатыптыр. Бир айда пескоблокту 3000 даананын тегерегинде чыгарышат, ал эми брусчаткага талап азыраак. Адистер айыл аймагына кирген беш айылдан башка жактардан да кардарларды издөө менен алектенип жатышат. Былтыркы жылдан түшкөн кирешенин басымдуу бөлүгүн ишкананы өнүктүрүүгө жумшашты. Учурда иш токтоп калбас үчүн керектүү кум-шагыл, цементти кеңири камдап алышкан. Ишкана жаздан тартып кеч күзгө чейин үзгүлтүксүз иштейт.

"Ишкананы ачуу демилгесин эл өзү көтөргөн. Айылдын аксакалдары, жаштары омоктуу ойлорун ортого салып, канткенде айылды көтөрөбүз деп атайын жыйын өткөрүп, айылдагы өтүмдүү товарды дыкат изилдеп чыккандан кийин гана ишкана ачуу боюнча бир чечимге келдик. Айыл өкмөтү элдин демилгесин кош колдоп, фондго долбоор даярдоого жардам кылды. Муну менен гана токтоп калбай, дагы кичи ишкана ачуу боюнча фондго долбоор даярдап жатабыз", - дейт Липенка айыл аймагынын башчысы Болот Сулайманов.

Ысык-Көлдү өнүктүрүү фонду "Кумтөрдүн" дүң кирешесинен түшкөн 1 пайыздан куралат. 2016-жылдын биринчи чейрегинде 1 миллион 159 миң доллар которулган. Ал каражаттан айыл өкмөттөрү долбоор жазып, ишкана ачууга каражат алышат. Андан сырткары социалдык муктаждыктар чечилип, калкы 450 миң болгон Ысык-Көл кылаасына жардамы тийип жатат. Кыргыз өкмөтүнүн облустагы ыйгарымдуу өкүлү Аскат Акибаев мындан ары фонддогу каражатты өндүрүш ишканаларын курууга жумшоо боюнча демилге көтөрүп чыкты. Эми көлдүктөр ынанымдуу долбоорлору менен фондго кайрылышса болорун айтты.

Айжан Жаныбекова


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг -1 
Комментарийлер(11)
31.05.2016. 17:36 
Тайпасы:
Жаран
Комментарийлердин саны:
41
Катталган:
18-05-2016
Соӊку аракети:
03-04-2018 21:10
Жынысы:
Белгисиз
+6
Жакшы жанылык,ишинерге ийгилик.
31.05.2016. 18:03 
Тайпасы:
Жаран
Комментарийлердин саны:
87
Катталган:
09-05-2014
Соӊку аракети:
15-05-2019 15:19
Жынысы:
Белгисиз
Калаасы:
сҮйгөнҮмДүН калаасы)
+4
Ишинерге ийгилик. Эч чарчабай, талыкпай эмгектенип, уй-булонорду адал тамак менен багып журо бергиле ар дайым.
31.05.2016. 22:48 
Тайпасы:
Тартип бузгандар
Комментарийлердин саны:
2
Катталган:
25-11-2014
Соӊку аракети:
31-01-2017 14:25
Жынысы:
Белгисиз
Калаасы:
БиШкЕк
-2
Смело! Мен уруксат берем иштей бергиле! Бироо келип "за воздух налог толо"-десе мага айтып койгула.
01.06.2016. 00:01 
Тайпасы:
Тартип бузгандар
Комментарийлердин саны:
14
Катталган:
17-10-2014
Соӊку аракети:
23-02-2019 02:08
Жынысы:
Белгисиз
+5
4000-6000 сом эмнеге жетет эле, 3 баласы менен бир жумага аран жетээр? Бир айда 15-25 мин сом запросто кетип калып жатат майда-чуйдо болуп...
01.06.2016. 09:30 
Тайпасы:
Кыймылы жок
Комментарийлердин саны:
1
Катталган:
14-07-2010
Соӊку аракети:
09-01-2017 10:51
Жынысы:
Белгисиз
-5
barpy1, 15-25-мин сом айылда эмес Бишкектен андай айлык албайсын. Айыл учун кичине болсо да жакшы. бул менин жеке оюм.
01.06.2016. 09:48 
Тайпасы:
Тартип бузгандар
Комментарийлердин саны:
2
Катталган:
25-11-2014
Соӊку аракети:
31-01-2017 14:25
Жынысы:
Белгисиз
Калаасы:
БиШкЕк
-10
Болду урушпагыла! Жакында 15-20 мин кылып котором айлыгынарды!
01.06.2016. 10:24 
Тайпасы:
Жаран
Комментарийлердин саны:
37
Катталган:
03-06-2013
Соӊку аракети:
08-10-2018 11:18
Жынысы:
Белгисиз
+5
1-айда 3000-шт пескоблок чыгаруу ото кыйын, оной эмес. 3000-штугу 25-сомдон 75000-сом ал эми ар бир пескоблоко кеткен цемент, кумду эсептегенде озунун баасы где-то 15-сомго барып калат, ошондо ар биринен 10-сомдон калат ,Эми айлыктарын эсептесек жалпы суммасы 3000-шт пескоблоко 75000 сом , анын 30000 сому чистый прибыль, аны 6-кишиге болгондо айына 5000 сомдон туура келет экен , окунучтуу !
01.06.2016. 12:32 
Тайпасы:
Тартип бузгандар
Комментарийлердин саны:
14
Катталган:
17-10-2014
Соӊку аракети:
23-02-2019 02:08
Жынысы:
Белгисиз
+1
Айрымдары айылда расход аз деп жанылыш ойлошот. Элет эли да азык-тулуктун басымдуу болугун базардан же магазинден сатып алат: ун, шекер, чай, суу май, макарон, самын-шампунь, айтор баарын сатып алат эт, куруч, айрым момо-жемиш, жашылчаларды эле сатып албаса. Уйдон бироо-жарым ооруса дары-дармегине, доктуруна ошол эле акча кетет. Кыскасы 5000сом эмес 10000сомду элет жеринде аран жеткирип калышты, тиштин кирин соруп... Уй-булонун тамак-ашы, кийими, мектеби-бакчасы, дары-дармеги айтор баары акча
01.06.2016. 13:59 
Тайпасы:
Жаран
Комментарийлердин саны:
415
Катталган:
24-09-2015
Соӊку аракети:
13-11-2019 10:18
Жынысы:
Белгисиз
+2
6000 сом азыр акча эмес айылда мен озум айылда жашаймын бензинге эле 3000 кетет
01.06.2016. 15:18 
Тайпасы:
Супермодератор
Комментарийлердин саны:
2130
Катталган:
22-02-2011
Соӊку аракети:
13-11-2019 16:40
Жынысы:
Белгисиз
Калаасы:
...
0
barpy1, nanana,
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер info@super.kg же admin@super.kg электрондук даректерине жазылып жөнөтүлүшү керек.
01.06.2016. 16:08 
Тайпасы:
Жаран
Комментарийлердин саны:
1855
Катталган:
06-02-2012
Соӊку аракети:
22-10-2019 22:07
Жынысы:
Белгисиз
0
Эми жоктон коро жогору айылда сут тогуп оокаат кылышат копчулугу анан жайкысын курулуштарда иштешет,акчанын берекеси жок он мин леле 20 мин деле жетпейт,4-5 тен балдары бар дегендей...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
133550;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: