реклама
super.kg logo

Тагдырдын бурулушу

 

Жолдошу каза болгондо Самара Жамангулова 39 гана жашта эле. Шейшенбек Барскоондогу кесиптик лицейде математикадан сабак берчү. Лицейдин беделдүү мугалимдеринин бирин 42 жашында «жаман» оору алып тынды. Ал адамгерчиликтүүлүгү, билимдүүлүгү, жөнөкөйлүгү менен элдин эсинде калды.

Катары менен үч уулунан ажыраган Самаранын кайненеси кичүү уулу Шейшенбектен кийин оор тагдырга туш болду. Үч ай өтпөй ал да өтүп кетти. Беш баланын улуусу 14кө жаңы чыккан, кичүүсү 3 айлык ымыркай. Жаңы төрөп үйдө отурган Самара үчүн оор күндөр башталды. "Эртең балдарымды кантип тойгузам?" деп көз ирмебей таң аттырган күндөрү көп. Мурунку иштеген жумушуна чыгайын десе, баласы кичинекей. Ал Барскоондун участкалык ооруканасында медайым болуп эмгектенген. Үзүрлүү иши жогору бааланып, "Саламаттыкты сактоонун отличниги" деген наамга татыктуу да болгон. Тажрыйбалуу медайым баланы убактылуу бактырганга ишеничтүү киши таппай узакка үйдө отурду. Же кайын журту жагынан жардам берчү жакын адамы жок. Тестиер балдары менен алакандай жерди тырмалап иштетип, тапканы тамак-аш, кийимине зорго жетип жатты…

Күндөр өтүп жатты, атасы каза болгондо эмчектеги Темирлан экиден ашты. Самара жолдошу Шейшенбек каза болгонго чейин иштеген кесиптик лицейге медицина сабагынан мугалим болуп орношту. Ал жакта туура үч жыл эмгектенди. Кыздардын улуусу жогорку окуу жайына тапшырган, айлык акысы студенттин окуу акысын төлөөнү мындай кой, күнүмдүк жашоодон артчу эмес. Ошол кезде «Кумтөр» ишканасына бош орундарга сынак жарыяланганын угуп калды. Бул 2007-жылдын башы эле. Ишкананын кеңсесине барып анкетаны толтуруп, каражат жагынан кыйналып жатканын, бул жумуш ага абдан керек экенин кеңири жазып калтырды.

«Кабыл алынарыма түк ишенген жокмун. Арадан 7-8 ай өткөндөн кийин аңгемелешүүгө чакыруу кагазы келиптир. «Кумтөр» ишканасынын өкүлү менин жашоо шартым жетекчилерди ойго салганын айтып, аз камсыз болгон үй-бүлөлөргө жардам катары аны жумушка кабыл алуу чечими тууралуу ой бөлүштү. Башынан эле алтын кенде бош орун пайда болсо, биринчи иретте жалгыз бой энелерди, ден соолугунун мүмкүнчүлүгү чектелген балдары барларды, деги эле муктаж адамдарды орноштуруу жагы каралат экен. Албетте, кесипкөйлүгү да эске алынат деңизчи», - дейт С.Жамангулова.

Быйыл Самаранын кен ишканасында иштегенине туура 8 жыл толду. Учурда балдарынын төртөө студент, үчөөсү контракттык негизде билим алат. Жаңы там салды, келин алды, кыз узатып, неберелүү болду.

«Мен ишканада 18 бөлмөнү жыйнап, иретке келтирем. Жалаң гана адамдардын ден соолугуна зыян келтирбеген тазалоочу каражаттарды колдонобуз. Таштандылардын өз-өзүнчө бөлүнүп кайра иштетилгени жагат. Чет өлкө тууралуу тасмалардан көп көрсөтүлөт го, так эле ошондой. Тамак-аш калдыктары, желим, темир - баары сорттолуп, кээ бири жеринде, айрымдары атайын чакан ишканалардан жаңы, керектүү нерсеге айланат. Мындай көрүнүш кыргыз өлкөсүндө жок. Жергебиздин кооз жаратылышын сактап калууга кам көрүлүп, бул жерде эле эмес, бардык аймактарда таштандыларды кайра иштетүүчү ишканалар курулса деп кыялданам», - дейт Самара.

Жети-Өгүз районунун Барскоон айылынан «Кумтөрдө» учурда 250 адам эмгектенет.


кошулду


 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

“Көз караш”, “Эмгек жарчысы”, "Бизнес-Инфо" рубрикаларында чыккан материалдардын маани-маңызы үчүн интернет-порталдын администрациясы жооп бербейт. Жарнамалык материалдардын маңызы үчүн жарнама берүүчү өзү жоопкер.

 Рубрикадагы соңку кабарлар 

Рейтинг: Рейтинг 7 
Комментарийлер(7)
16.05.2016. 19:59 
Тайпасы:
Кыймылы жок
Комментарийлердин саны:
215
Катталган:
10-06-2015
Соӊку аракети:
15-06-2018 17:25
Жынысы:
Белгисиз
+2
Адамдын жан-дуйносун ойготуп,келечектеги жакшылыктарга,жетишкендиктерге,ийгиликтерге умуттондургон,ундогон макала учун Нургазы Ааматовго терен ыраазычылык.Мыкты журналист экен.
17.05.2016. 10:29 
Тайпасы:
Жаран
Комментарийлердин саны:
118
Катталган:
21-11-2012
Соӊку аракети:
17-04-2020 22:04
Жынысы:
Белгисиз
Калаасы:
Суперстан
+4
"Тагдырдын бурулушу" деген теманы окуганда эле жаман окуялар оюма келди. Анткени, жакшылык болуп баратып эле жамандыкка дуушар болгон адамдардын тагдырын баяндоодо адатта ушундай создор коштойт эле. Кудайга шугур! Жакшылык эле окуя экен. Темасын озгортуп эле койсо болмок, теманы окуганда эле жакшылык экенин журоктун сезуусу учун.
17.05.2016. 10:51 
Тайпасы:
Жаран
Комментарийлердин саны:
254
Катталган:
29-01-2014
Соӊку аракети:
18-05-2020 21:48
Жынысы:
Белгисиз
+1
жрегиликтуу элге жумуш орундары менен камсыз кылгандан сырткары ишкана коптогон социалдык маселелерди чечип келе жатат, ошолор жонундо кобуроок айтып беришсе
17.05.2016. 18:46 
Тайпасы:
Жаран
Комментарийлердин саны:
318
Катталган:
11-10-2013
Соӊку аракети:
04-06-2020 14:10
Жынысы:
Белгисиз
Калаасы:
Аксы
+1
Откондо да Кумтордо иштеген адамдардын фондусу тууралуу жазылды эле.Байкашымча Кумторду улутташтырбай эле акчасын алып туралы дегендердин пландары го.Болбосо бул эженикиндей тагдырлар,тиги байкелердей жардам бергендер толтура.Именно Кумторго байланыштууларын жарыя кылдырышты.8жыл мурун ишке киргенде эле жазыш керек эле.
17.05.2016. 14:22 
Тайпасы:
Тартип бузгандар
Комментарийлердин саны:
434
Катталган:
23-11-2015
Соӊку аракети:
13-12-2016 20:29
Жынысы:
Белгисиз
0
Жакшы окуя экен
17.05.2016. 17:00 
Тайпасы:
Супермодератор
Комментарийлердин саны:
8595
Катталган:
19-11-2013
Соӊку аракети:
30-05-2020 15:02
Жынысы:
Белгисиз
0
Hernandez, саламатсызбы!
Бул кабар журналисттин оюнан чыгарылган эмес. Андыктан, колдонуучуларды чаташтыруудан алыс болуңуз!
17.05.2016. 20:24 
Тайпасы:
Кыймылы жок
Комментарийлердин саны:
101
Катталган:
13-05-2016
Соӊку аракети:
01-11-2018 22:18
Жынысы:
Белгисиз
0
Кыргыздардын алтыны кыргыздарга гана кызмат кылыш керек. Кыргызстан эмес Канадага кызмат кылтат кобунчо
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
145104;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: