super.kg logo
«Жылдын супер балбаны»

Жыйынтык

Башка сурамжылоолор


Билимдүүлөргө талап күч

 

Жарманкенин жүрүшүнөнӨткөн ишембиде Бишкекте иш издегендер үчүн "Карьера жарманкеси – 2016" өткөрүлдү. Ага 60тан ашуун компания катышып, кандай кызматкерлерге талап күч экенин биринчи булактан маалымдады.

Адатта ишемби күнү чак түшкө дейре уктаган студенттер бул ирет таң атпай туруп, жарманкеге шашылгандай. Айтор, иш-чара өткөн Америка университетинин (БААУ) залында бут коёрго жер жок. Жаш адистер үчүн жумушка орношуу өлкөбүздөгү башкы көйгөй экенин белгилеген БААУдагы Карьера борборунун директору Гүлнур Эсеналиева: “Бул иш-чараны жыл сайын өткөрөбүз, анткени студенттер компаниялар менен жакындан таанышып, жумушка орношууга мүмкүнчүлүктөрдү көрө алышат. Ишке кирүүдө тапшырылчу эң алгачкы документ – резюме, аны кандай жазып, даядоо керектигин бул жакта акысыз өткөн сабактан үйрөнүүгө болот. Жарманкенин башкы демөөрчүсү «Кумтөр» ишканасы БААУну дайыма ар тараптан колдоп келет”,- деп ыраазычылыгын айтты.

Үч жыл мурун «Кумтөрдүн» такшалма программасына катышып, учурда кендеги туруктуу ишке орношкон Жеңиш Муратбеков жарманкеге келгендерге карьералык тажрыйбасы менен бөлүшүп жатты: “Мен Политехникалык университетти 2012-жылы аяктап, өзүбүздүн кафедрада бир жыл окутуучу болуп иштедим. Анан “Кумтөрдүн” программасына катышып, өтүп кеттим. Кесибим боюнча алтын ылгоочу фабрикадагы техникалык жабдууларды диагностика кылуу бөлүмүнө түшкөм. Окууну бүткөндө практика жок көп нерсени билчү эмеспиз. Бизге баарын үйрөтүштү, эбегейсиз тажрыйбага ээ болдум. Дагы бир жакшы жагы - кендеги кызматкерлер менен катар эле программанын катышуучулары айлык алып, толук камсыз болушат”.

Жарманкеден бир көрүнүшАл эми «Кумтөрдүн» кадрлар бөлүмүнүн менеджери Нурбек Төлөбаев анкетада адамдын жеке сапаттарын, анын канчалык жөндөмү бар экенин аты-жөнү, окуган жери же кесиби жазылса эле баамдоого мүмкүн эмес дейт. Ошондуктан өзү жана кесиби тууралуу мүмкүн болушунча кенен чагылдырылган анкета ээлери биринчи баскычта тандалып, маектешүүгө чакырыларын белгиледи. Ал эми маектешүү учурунда узатылган суроолорго колго түшкөн тыңчыдай “ооба” же “жок” деп кыска жооп берүү да чоң кемчилик экен.

Бул кеңештерге кулак салган Эржан Токомбаев К.Тыныстанов атындагы Ысык-Көл мамлекеттик университетинен келген. Быйыл электр жабдуулары тармагы боюнча кесиптин дипломуна ээ болорун айткан ал: "Бизде жумуш табуу өтө оор, анткени кесипке ээ болуп чыккан соң, ишибизди теориялык жактан билгенибиз менен, практика жүзүндө көп нерсени билбейбиз. Ишке орношкондо инженер болбой эле катардагы монтёрдун кызматын аркалап калуудабыз. Андыктан ушундай жарманке биз үчүн чоң мүмкүнчүлүк",- дейт.

Өлкөдөгү кызматкерлеринин саны боюнча эң ири коммерциялык ишканада тажрыйба топтоону самаган Эржан өңдүү бүтүрүүчүлөрдүн саны арбын. Компанияда персоналды ɵнүктүрүү бɵлүмүнүн менеджери Гүлмира Турдубаева: "Кумтөр" түбөлүктүү эмес. Долбоор 2026-жылы жыйынтыкталары белгиленүүдө. Мына ушул аралыкта биздин компания жаш муунга топтогон эл аралык деңгээлдеги тажрыйбаны өткөрүп берүү аракетинде. Жаштар биздин келечекке, экономикабыздын өркүндөшүнө, өлкөбүздүн гүлдөшүнө салым кошуусуна кызыкдарбыз",- деди.

Учурда «Кумтөр» такшалма программасына курулуш инженериясы, электротехника, химия технологиясы, металлургия, экология жана маалымат технологиялары кесиптеринин ээлери катышса болот. Толук маалымат бул жерде: http://www.kumtor.kg/kg/graduate-internship-program/

Айтемир Аскеров


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(11)
25.04.2016. 20:44 
Тайпасы:
Кыймылы жок
Комментарийлердин саны:
410
Катталган:
03-03-2016
Соӊку аракети:
10-06-2016 16:28
Жынысы:
Белгисиз
Калаасы:
Нарын, Атбашы
+6
Кумтөр алтын кенинде иштегендер жазып кетсеңер, иштегенден бери денсоолугуңузда кандай өзгөрүүлөр болду ?
26.04.2016. 22:24 
Тайпасы:
Жаран
Комментарийлердин саны:
108
Катталган:
01-09-2014
Соӊку аракети:
15-11-2018 01:26
Жынысы:
Белгисиз
0
Rifle_3,ондурушто созсуз эле ден соолука таасирин берет. бул жерде кумтор гана эмес, высокогорьеде иштегендердин баарынын эле ден соолугун мамлекет козомол кылып турса туура болмок
26.04.2016. 09:24 
Тайпасы:
Кыймылы жок
Комментарийлердин саны:
55
Катталган:
25-03-2016
Соӊку аракети:
25-08-2016 12:45
Жынысы:
Белгисиз
0
Бул жерде да Кум тордун ызы чуусу иш издемей.
26.04.2016. 09:35 
Тайпасы:
Кыймылы жок
Комментарийлердин саны:
74
Катталган:
12-02-2013
Соӊку аракети:
22-03-2017 10:01
Жынысы:
Белгисиз
0
Кап! Кумтор. бул программанарды эрте баштабайт беленер. Мен окууну бутуп алып, же тияктан жок, же буяктан жок журом, колду чонтокко салып алып ((
26.04.2016. 09:37 
Тайпасы:
Жаран
Комментарийлердин саны:
9
Катталган:
28-01-2014
Соӊку аракети:
09-04-2019 20:02
Жынысы:
Белгисиз
+1
Мен иштегим келет Кумтордо. Маалымат технологияларын бутком. Созсуз турдо 2016-жылы бутургондор эле алынары чатак экен. Бирок айла жок. Ушунусуна да рахмат. Кийинки жылы кандай болот болду экен? Анда да ушундай мумкунчулук тузулсо, инимди бар дейин.
26.04.2016. 10:38 
Тайпасы:
Тартип бузгандар
Комментарийлердин саны:
100
Катталган:
28-03-2016
Соӊку аракети:
21-03-2017 16:53
Жынысы:
Белгисиз
Калаасы:
Бишкек
+4
Мен учун Баткенде чек ара кайтарган жогору.Мурун Бишкекте жашап жургондо мекендин бутундугун коп ойлонбогон учун озумду куноолу сезем.
26.04.2016. 11:10 
Тайпасы:
Кыймылы жок
Комментарийлердин саны:
7
Катталган:
22-04-2016
Соӊку аракети:
30-05-2016 10:13
Жынысы:
Белгисиз
0
Бул жарманке ошондо бугун отуп жатабы ??? суп.инфо?
26.04.2016. 11:26 
Тайпасы:
Супермодератор
Комментарийлердин саны:
8468
Катталган:
19-11-2013
Соӊку аракети:
13-11-2019 17:55
Жынысы:
Белгисиз
0
boke88, саламатсызбы!
Өткөн ишембиде болгон.
26.04.2016. 11:15 
Тайпасы:
Жаран
Комментарийлердин саны:
425
Катталган:
15-02-2013
Соӊку аракети:
13-11-2019 13:26
Жынысы:
Белгисиз
Калаасы:
Бишкек Новосибирск
+2
Таанышын акчан болбосо башын мин иштесе да кгда иш таппайсын
26.04.2016. 11:33 
Тайпасы:
Кыймылы жок
Комментарийлердин саны:
9
Катталган:
16-03-2016
Соӊку аракети:
19-07-2016 18:14
Жынысы:
Белгисиз
0
азыр акылды акчага алмаштырмай заман окунучтуу
26.04.2016. 13:13 
Тайпасы:
Жаран
Комментарийлердин саны:
15
Катталган:
16-03-2016
Соӊку аракети:
15-05-2018 21:56
Жынысы:
Белгисиз
0
Алдын ала айтып реклама кылса болмок.бармакпыз да
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
133550;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: