super.kg logo
«Жылдын супер дуэти»

Жыйынтык

Башка сурамжылоолор


Бадыраң башка айылга да жетет

 

Тоң районунун үстүнкү өрөөнү бийик тоолуу аймакка кирет. Ошол өрөөндөгү Коңур-Өлөң айылынын тургундары быйыл Жаңы жыл майрамында дасторконуна жаңы эле үзүп алынган бадыраң коюшкан. Жыты буркураган ашкөк дагы элет жеринде жаңылык эле.

Жапарова Аида менен Токтоев Жээнбек күнөсканада"Кумтөр" компаниясынын билдиришинче, бул жашылчалар айыл тургундары жубайлар Аида Жапарова менен Жээнбек Токтоев уюштурган күнөскананын жашылчалары болчу. Экөө тең аталган айылдын мектебинде мугалим болуп иштегенине карабай “Кумтөр” компаниясы тарабынан уюштурулган айыл элин туруктуу өнүктүрүү долбооруна катышып, “КАРАГАТ+” программасы аркылуу билим алышып, кийин ушул долбоордун алкагында 450 миң сом 8 пайыздык насыя алуу менен ишти башташкан.

“Жолдошум экөөбүз чогуу окуп, семинарларга бирге барып жүрдүк. Жалал-Абад, Чүй облусуна чейин барып, агрономдорго кезигип, жашылчаларды өстүрүүнү өздөштүрдүк. Бир жылдын ичинде күнөскананы куруп да бүтүп калдык. Экөөбүз өнөктөш болуп, өздүк салым катары жерди иштетип, киши жашабай турган үйүбүздүн бир дубалын күнөсканага пайдаланмай болдук. Анан ошол дубалга жабыштырып күнөскана курдук. Бадыраң, ашкөктү тамчылатып сугарабыз. Азырынча насыяны төлөгөнүбүз менен, иштин ыгын билип калдык. Эми аны кеңейтип, помидор да айдайлы деп жатабыз”,- дейт Аида Жапарова.

Жубайлар бул жерге 300 түп бадыраң тигип, укроп, петрушка айдашкан. Күнөскананын узундугу 17, туурасы 7 метр. Алар биринчи этапта жарым тонна бадыраң алышкан. Кийинки жылы Жаңы жыл майрамына карата тигилген бадыраңдар азыр түшүмүн берип бүтүп калды. “Быйыл бадыраңдарыбыздын өтүмдүүлүгү абдан жакшы болду. Килограммын 150-160 сомдон саттык. Акыркы жолу жарым тоннадан ашык түшүм алдык”,- дешет түгөйлөр.

Күнөскана бадыраңынын өтүмдүүлүгү жакшыКүнөскана ээлери ушул жылы кыш айларында көргөн түшүмүн айылдаштарына базар баасынан 15-20 сомго арзан сатышты. Учурда ал бир аптада 10 килограмм гана түшүм берип калды, бирок азыр жаз айларында түшүм алууга ылайыкталып отургузулган көчөттөр да баш көтөрүп турат. Эми аларды эки аптадан кийин эски бадыраңдардын ордуна отургузушат.

"Бадыраңдар кышкысын отунду көп эле талап кылат экен, бирок изденсең, аракет кылсаң, бара-бара баары болот. Алган насыябыздын бир жарым жылын төлөп бүттүк. Калганын эми бир жарым жылда төгүп бүтсөк, түшкөн пайдабыз жакшы эле болот",- дешет алар.

Алгачкы түшүмүн алганда алар аны сатуу үчүн Көл өрөөнүн тегеренип чыгышканы айтылды. Караколго чейин алып барышып, ар кайсы дүкөндөр менен макулдашкан. Алардын жашылчасын бир алгандар кайра сурап жатышты, себеби бул өрөөндүн топурагы күчтүү дешет билгендер. Кийин бул бадыраң өздөрү жашаган айылдан сырткары Балыкчы шаарындагы жана Бөкөнбаев айылындагы дүкөндөрдөн ашпай калды. Өтүмдүүлүгү жакшы, дүкөнчүлөр дагы анын сапатына ишенип калышкан.

Тоң районунун үстүнкү өрөөнүндө эл этсиз жашай албайт, себеби абанын басымы жогору. Буга байланыштуу кан оорулары көбөйбөш үчүн бул өрөөнгө мындай жашылчалар өтө зарыл.


кошулду


 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(9)
10.03.2016. 09:46 
Тайпасы:
Жаран
Комментарийлердин саны:
194
Катталган:
12-10-2015
Соӊку аракети:
02-11-2017 23:03
Жынысы:
Белгисиз
+4
Ооо жакшы.
10.03.2016. 09:49 
Тайпасы:
Жаран
Комментарийлердин саны:
34
Катталган:
06-03-2015
Соӊку аракети:
28-08-2018 11:19
Жынысы:
Белгисиз
+5
Иштесен тиштейсин деген туурада
10.03.2016. 09:55 
Тайпасы:
Жаран
Комментарийлердин саны:
1288
Катталган:
05-04-2015
Соӊку аракети:
26-09-2019 14:30
Жынысы:
Белгисиз
Калаасы:
Алматы
+3
Эл эмгегин жер жебейт. Ийгилик!
10.03.2016. 10:18 
Тайпасы:
Кыймылы жок
Комментарийлердин саны:
18
Катталган:
19-01-2016
Соӊку аракети:
18-01-2017 18:42
Жынысы:
Белгисиз
+3
Ишиниздерге ийгилик!
10.03.2016. 14:15 
Тайпасы:
Кыймылы жок
Комментарийлердин саны:
39
Катталган:
24-02-2016
Соӊку аракети:
15-09-2016 20:02
Жынысы:
Белгисиз
+3
"Бадыран башка айылдарга да жетет" деп темасын оригиналдуу жазган экенсиздер.
10.03.2016. 16:28 
Тайпасы:
Жаран
Комментарийлердин саны:
1855
Катталган:
06-02-2012
Соӊку аракети:
22-10-2019 22:07
Жынысы:
Белгисиз
+1
Мына онугуунун бир жолу жаны жылда бадыран 200-260 болду караколдо алып жаттык ошону деле..
10.03.2016. 17:42 
Тайпасы:
Жаран
Комментарийлердин саны:
490
Катталган:
22-01-2015
Соӊку аракети:
28-06-2018 23:01
Жынысы:
Белгисиз
+2
кыргызстанда иш коп кылам десен! ошол иштин ыгын таап кылыштан зеригшип сразы эле москваны карай жоношот!дворник болуп иштесемда шаар коройун деп шаарга кызыгышабы же
10.03.2016. 18:19 
Тайпасы:
Жаран
Комментарийлердин саны:
264
Катталган:
17-09-2015
Соӊку аракети:
08-11-2019 14:57
Жынысы:
Белгисиз
+2
Менинда планым бар, теплица курам деген Кудай буйурса, ишке ашып кетсе жакшы болот эжеге ийгилик каалайм.
10.03.2016. 19:13 
Тайпасы:
Жаран
Комментарийлердин саны:
108
Катталган:
01-09-2014
Соӊку аракети:
15-11-2018 01:26
Жынысы:
Белгисиз
+1
негизи карагат+ долбоору коптогон дергиликтуу дыйкан, ишкерлерге жардам берди. польшадан алып келген карагатты да даамдадым. мен силерди колдойм иштеринерге ийгилик.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
133550;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: