22-сентябрь, 1947-жылы Акын, жазуучу Зарылбек Чокоев туулган

 
Кыргызстан
Акын, жазуучу Зарылбек Чокоев (Молдоиса уулу Зарылбек) Кемин районунун Кичи-Кемин айылында туулган.
1966-жылы Кичи-Кемин орто мектебин бүткөн соң аскерге чакырылып, Советтик Армиянын катарында кызмат өтөгөн.
1969-жылы Фрунзе аэропортунда авиомеханик кесибинде бир жыл иштеп, 1975-жылы СССРдин 50 жылдыгы атындагы Кыргыз мамлекеттик университетинин тил жана адабият бөлүмүн аяктайт. Кыргыз телерадио комитетинде редактор, Кемин райондук "Эмгек жарчысы" гезитинде бөлүм башчы, республикалык балдар китепканасында башкы библиограф, 1987-жылы Ысык-Көл районунда санаторий-пансионаттарда иштеп, "Торой" өндүрүштүк-соода фирмасын түзгөн.
1971-жылы алгачкы "Ак ниет" аңгемеси "Кыргызстан пионери" гезитине жарыяланып, кийин ырлары, эссе, новелла, котормолору адабий альманахтарга, журналга, мезгилдүү басма сөз беттеринде үзүлбөй жарык көрүп, радио берүүлөрдөн кеткен. Автордун айрым аңгемелери орус, украин, казак тилиндерине которулган.
Эстон жазуучусу Хейно Вяли, беларусь жазуучусу Алена Васильевич, орус жазуучусу Лев Разгон, түркмөн жазуучусу Амангелди Шыхлыевдин чыгармаларын кыргыз тилине которгон.
1982-жылы алгачкы "Турмуш кайрыгы" аттуу китеби жарык көргөн.
  (72 жыл мурун)
 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул окуяга кирди:

Окуялар:
9075;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: