Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979   980   981   982   983   984   985  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Турсунбүбү Мусакулова, почточу: “ПОЧТОЧУ БОЛУП ЖҮРҮП 11 ӨЛКӨГӨ САЯКАТТАП КЕЛДИМ”

№983 7-13-октябрь, 2021-ж.


9-октябрь – Бүткүл дүйнөлүк почта күнү. Бул майрамды утурлай биз почточу кесиби тууралуу баяндайлы дедик. Бишкек шаарында 270 почта кызматкери бар. Анын бири 73 жаштагы Турсунбүбү Мусакулова кесиби тууралуу кызыктуу кеп козгоп берди. Маек сизге да мотивация берет деп ишенем.

МУГАЛИМДИКТЕН ПОЧТОЧУГА...

– Бишкек шаарынын 25-почта бөлүмүндө почточу болуп иштейм. Негизги кесибим мугалимдик. Ысык-Көл облусунун Түп районунда орто мектепте химия сабагынан мугалим болуп иштегем. Кыргыз жана орус класстарына эки тилде сабак берчүмүн. 5 балам болгон үчүн 50 жашымда пенсияга чыктым. Дагы 9 жылдай мугалим болуп иштеп жүрүп, үй-бүлөбүз менен Бишкекке көчүп келдик. Табиятымдан бекер отура албаган мүнөзүм бар. Бир күнү пенсиямды алайын деп почтага келсем “почточу керек” деген кулактандыруу туруптур. Жетекчиликке кирип “мени жумушка аласыңарбы?” десем макул болушту. Ошентип 14 жылдан бери почточу болуп иштеп келе жатам.

ПОЧТОЧУНУН БИР КҮНҮ...

– Эл беш күн иштесе, биз алты күн иштейбиз. Эртең менен саат 9:00дөн баштап кечке чейин жумуш. Азыр пенсиялар банкка которулуп калбадыбы, бирок кээ бир банктан ала албаган, үйүнөн чыга албаган 80-90 жаштардагы карылар бар. Алардын үйүнө жеткирип берүү керек. Мисалы, эртең менен 10 кишинин пенсиясын алып, түшкө чейин таратып келем. Түшкү тамактан кийин дагы ошончосун таратам.

Кээ бирөөлөр “азыр баары интернет, чөнтөк телефон болуп калган заманда почточулар эмне жумуш кылышат?” дешет. Биздин ишибиз көп. Эл бири-бирине кат жазбаганы менен, мекемелердин расмий каттары өтө көп. Бир күндө кем дегенде 30 кат таратам. Андан тышкары МАИчилердин айып пулдарын жеткиребиз. Мисалы, менин аймагым бар, анда 50 чакты үй, банктар, мекемелер бар. Андан тышкары буюртма менен келген буюм-тайымдарды да таратуу биздин милдет.

ЖУМУШТУН ОҢ-ТЕРС ЖАКТАРЫ

– Жумушум жагат. Эмнеси менен? Элге пайдам тийип жатат. Аймагымдагылар урматтап, салам айтып жылмайып өтүшөт. Кыймылдуу, кызыктуу жумуш. Кыймыл – бул жашоо да. Мен каттарды таратып келе жатсам пенсия курагындагылар басып жүргөн болушат. Алар мындай эле басып жатса мен басканым үчүн акча алып жатпаймынбы (күлүп). Айрым кары-картаңдар менен отуруп алардын дартын угуп калам. “Жашоо баарына берилет, бирок карылык тандамал адамдардын шыбагасы, канчалар карылыкка жетпей өлүп калышты. Жашоону сүйгүлө, наалыбай, карылыкты ырахат менен жашагыла” деп аларга дем берип кетем. Кээ бир кардарларым апасын күткөнсүп атайы мени күтүп калышат (күлүп). Сыртка чыга албагандар “таштандымды ыргыта кетчи” дешет, эмнеси кыйын, ала кетем. Кээде дары-дармек алып барып берем. Айтор, бир күнүм бир күнгө окшобой кызыктуу өтөт. Түрдүү адамдарга жолугам.

Терс жактары да бар. Кээ бирөө пенсиясын алып “качан алдым эле?” дей беришет. Алжып калгандар бар. Анын баарына сабырдуулук менен мамиле кылыш керек. Бир күндө аз дегенде 4 чакырымдай басам. Тердебейин деп кышында жеңил, бирок жылуу кийингенге аракет кылам. Менин аймагымдагы үйлөр 50 жыл мурун салынган үйлөр да, лифт жок. Жайкысын ысыкта териң куюлат. Пенсия таратканда акчаны сумкама салбайм, чоң чөнтөктөрдү тигип алгам, ошолорго салам. Болбосо билген тентек балдар колуңдан жулуп кетүү коркунучу бар. Биздин кесибибизге бекем эрк, тартип, баамчылдык, сылыктык, тактык керек. Бирөөгө орой сүйлөп койсоң дароо эле жетекчиликке телефон чалып башташат. Көптөр чыдабайт. Жалаң эле мага окшогондор иштейт экен деп ойлоп калбагыла, почточу болуп жаштар деле иштешет. Бул тармакта карьера жасап кеткендер да жок эмес. Почточу болуп иштөө үчүн орто билим жетиштүү. Бирок эсепке так, эске тутуу жөндөмү күчтүү болушу керек.

“ЭҢ ЧОҢ КУМАРЫМ – САЯКАТТОО”

– 5 балам бар дебедимби, баары жогорку билимдүү, буттарына турган. Бир кызым доцент, эки кызым юрист. Уулум үй-бүлөсү менен чет өлкөдө. Бир уулум, тилекке каршы, каза болуп калды. Балдарым азыр өздөрү чоң ата болуп калган учуру. Каражат жагынан алганда маянага муктаж эмесмин. Бирок өмүр бою көз карандысыз болуп иштеп жүргөн киши иштегиси келет экен. Балдарым “почточу болбой эле коюңузчу” дешет. “Эмнеси уят, аябай кадырлуу кесип” дейм. Пенсиям менен маянамды чогултуп чет өлкөлөргө саякаттап келем. Жаш кезден туризмге кызыгам. Почточу болуп иштеп жүрүп 10-11 өлкөгө бардым. Түрдүү учактарда учтум, поезддерге отурдум. Ушунча жашка келип дагы деле мен көрө элек сонун нерселер бар турбайбы деп жашоого болгон кумарым артат. Орусия, Беларусь, Прибалтика өлкөлөрүндө болдум. Пирамидаларды көрүп келгенге кызыкчу элем, Египетке бардым. Түркияда болдум, Араб Эмиратында болдум. Андагы таасирлер эми укмуш. КМШ өлкөлөрүнөн Түркмөнстандан башкасынын баарын кыдырдым. Азыр Сочиге барсам деп кыялданып турам. Үйдө ноутбуктан дүйнөдөгү кызыктуу жерлерди көрүп, анан барып келем деп максат коём. Балдарды чоңойттум, неберелерди кошо бактым, чөбөрөлөрдү эми өздөрү баксын дедим. Жаш кезде окуш керек, балдарды окутуш керек, бала бакча, мектеп, күйөөгө кызмат кылуу, тиричилик, ал-бул болуп өзүңө эч убакыт болбойт экен. Мына азыркы убакыт дал өзүңө арналат экен.

“ЖЕТЕКЧИЛИККЕ ЫРААЗЫМЫН”

– Эмгек өргүүсүн жыл сайын 15 күндөн бөлүп алам. Биринде Кыргызстандагы жерлерди кыдырсам, экинчи бөлүгүндө сөзсүз чет өлкөгө чыгам деп пландаштырам. Айлыгым 6300 сом, сыйлыктар, ал-бул болуп отуруп 7000ге барат. Андан тышкары жетекчилик мага эки жолу курортко жолдомо алып берди. Кептин аягында кесиптештеримди майрамы менен куттуктап, өзүм жазган ырымды окуй кетейин. Кыргыз жана орус тилдеринде ыр жазам.

Мен болсо салабаттуу почточумун,

Байкоо менен ак-караны ажыраткан,

Улгайсам да жаштар менен тең тайлашып,

Жашоонун агымында бара жаткан.

Пенсия, гезит, посылка алып барып,

Адамдардан алкыш алган кандай сонун?!

Бирок да мүнөздөрү ар башкача,

Баары менен тил табыштын табам жолун.

ПОЧТА ТУУРАЛУУ КЫЗЫКТАР

  • 1969-жылы 9-октябрь – Почта күнү деп Бириккен улуттар уюмунун демилгеси боюнча Бүткүл дүйнөлүк почта бирикмесинин 14-конгрессинин чечими менен негизделген.
  • Тарыхтагы эң узун кат англиялык Элан Форман аттуу адам тарабынан жубайы Женетке жөнөтүлгөн. Ал катты жазып бүтүрүү үчүн 2 жылдан ашык убакыт короткон. Аялына сүйүүсүн билдирген катта 1 миллион 402 миң 344 сөз болгон.
  • Эң көп сандагы катты япониялык Вичи Нода аттуу аткаминер аялына жиберген. Иш сапары учурунда жөнөтүлгөн каттардын саны 1307ге жеткен.

Нуржамал Жийдебаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
12.10.2021. 07:06 
Тайпасы:
Жаран
Комментарийлердин саны:
355
Катталган:
17-07-2012
Соӊку аракети:
25-10-2021 09:04
Жынысы:
Белгисиз
0
Мен чет олколорго кат ташыйт деп ойлоптурмун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
26226;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: