Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Тотомидин Жолдошев, ырчы: “ЭМЧЕКТЕН 1-КЛАССТА ЧЫККАМ, ЭНЕМ МЕНИ ЧОҢ ТОРПОК ДЕЧҮ”

№971 15-21-июль, 2021-ж.


Жайдыр, кыштыр жайлоо жыттуу илеби,
Баласында бардык ою-тилеги.
Билбей жүрөм кандай заттан бүттү экен,
Бизди тууган энелердин жүрөгү? – деп Байдылда Сарногоев айтып кеткендей, эшиктен кирип келип энеңизди издеген бала чагыңыз эсиңиздеби? Бул жолу балалыгы менен кошо энелерин эстеген ырчы Тотомидин Жолдошев болду. Айтмакчы, каарманыбыздын эки энеси бар. Бири төрөп, учурда төрүнүн көркү болгон өз апасы, экинчиси өзүн багып өстүргөн чоң апасы. Маек алар тууралуу болмокчу.

“ЭНЕМ БИРИНЧИ МЕНИ ТОЙГУЗУП, КАЛГАНЫН БАШКАЛАРГА БЕРЧҮ”

– Мени чоң энем чоңойтуп өстүргөн. Энем Токтобүбү неберелеринен мени өзгөчө бөлүп жакшы көрчү. Ата-энем менен чогуу бир короодо турчубуз, бирок энем экөөбүздүн үйүбүздү “жалпак үй” деп коёр элек. Ошол үйдө, энемдин мээримине бөлөнүп өстүм. Энем коноктон келгенде ошол жалпак үйүбүзгө кирип эле мени чакырчу. Алып келген устуканына алгач мени тойгузуп, чөнтөгүмө жакшыраак шоколаддарды салып койчу да, анан башка неберелерине кошуп туруп кайра берчү (күлүп). Кичине кезимде тамдын аркасына барып алып “энем көп жашаса экен, 90 жашка чыкса экен” деп тилей берчү элем. Тилегимди бердиби, энем 88 жашка чыгып каза болду. Эркелеп чоңойдум. Кара турсий кийип алып эле чаң ызгытып чуркап, сууга түшүп, таң аткандан күн батканга чейин ойноп жүрчү элек. Келсем энем чоң илегенге жылуу суу куюп даярдап турчу. Киринтип, бутумдун жарылып кеткен жерлерин жууп, ага сары майдан сүйкөп анан жаткырчу. Энем эмнегедир мени эркелетип “Токторбай” деп коёр эле, курбулары да мени ошентип чакырышчу. Ысымым акын Мидин Алыбаевдин атынан коюлган, Тото болсо таенемдин аты. Экөөнү кошуп атымды Тотомидин деп коюшкан.

Энем олуя сыяктуу адам эле, төлгө салчу, сынык айыктырчу, балдарды эмдечү. Айылда бир нерсе болсо энеме келе калышчу. “Баарыңарга Тото баш-көз болот, ушу күйөт” дей берчү эле, ошол айтканы келди. Ата-энемден катуу кызганчу эле, кээде алар мени “тарбиялап” калса, энем чыга калып коргоп калчу. Ачыгын айта берейин, мен энемдин эмчегин 1-класска чейин эмдим. Сүт деле чыкпайт, упчу сыяктуу эле өзүнүн “кайфы” бар эле. Мугалим класста сабак өтүп жатса, мен “энемди эмсем” деп ойлонуп отура берчүмүн (күлүп). Мектептен келерим менен сумкамды ыргытып салып, энемди баса калып эмчек эмип, моокумум канып туруп кетчүмүн. “Чоң торпок” деп күлүп калар эле. Ошол жылдары энем байкуш жол кырсыгына учурап, 8 ай ооруканада жатып калды. Ошол 8 айда мен эмчектен чыккам (күлүп).

Мени энем 19 жашыма чейин тарбиялады, кийин шаарга кеттим. Энемдин үмүт-кыялы бар эле. Биз Чаткалдан болот эмеспизби, кышы катаал болот. Энем “сен экөөбүз жылуу жерге барып жашасак, сага бир колукту алып берсем, үчөөбүзгө менин пенсиям жетет эле” дей берчү. Мен Бишкекте жүргөндө көзү өтүп кетти, аябай жаман болуп жоктоп жүрдүм. Бирок энемдин мага берген мээрими, сүйүүсү өмүр бою жанымда.

“АПАМ УРУП АЛЫП, КАЙРА КОШО ЫЙЛАЧУ”

– Апамдын аты Анипа, 11 бала төрөгөн, 2 бир тууганыбыз кичинесинде чарчап калыптыр, азыр 8 эркек, 1 кызы бар. Мен экинчи баласымын. Азыр 69 жашта. Төркүнү биздин айылдан бир ашуу ары жакта, атамды сүйүп калып, экөө үйлөнүп биз жаралыптырбыз. Апамдын мүнөзү аябай жакшы, бирок жини келип калганда коркуп кетебиз. Ал тургай атам “апаңардын жини келип калды” дечү эле. Ушул киши тилин тапчу, атамдын көзү өтүп кетти. Ошол мүнөзү менде бар, көпкө чейин чыдайм, анан жарылганда эч ким токтото албай калат (күлүп). Апамдын жини келгенде баарыбыз “эмне кылалы, кайсы жакка баргыңыз келип жатат” деп көңүлүн алганга аракет кылабыз. Апама кичүү балдары жакын, мен энеме эркелегендей алдына жатып алып эркелей албайм. Бирок мен деле жакынмын, сырдашабыз, болгон маселесин чечкенге аракет кылам. Ырчы болгонумду энем көрбөй калды, ага эч бир белек алып берип сүйүнтпөй калдым. Бирок апамдын айтканын айткандай кылганга, көңүлүнө эмне жакса ошону алып бергенге аракет кылам.

Апамды жеңе дечү элем. Энем каза болуп калгандан кийин апа деп калдым. Кичине кезимде тентек элем, карындашым жалгыз кыз болуп, ал да эрке эле. Ага тийишип койсом керек. Бир маалда апам чыбыкты алганда эле түшүндүм, 50 метр алыс туруп алдым (күлүп). “Бери бас” дейт, мен “урасың, барбайм” дейм. Куушуп отуруп бир айылды тегеренип чыктык. Акыры апам 180ге салды окшойт, жетип келип мени чыбык менен сабаган. Эне байкуш баары бир мээримдүү да, этим ооруп ыйласам ал дагы ыйлап алыптыр. Уруп алып өзү ыйлайт (күлүп). Апамдын жаш кези экен эми эстесем, 25-26 жаштарда окшойт. Уруп алып кайра өзү дүкөндөн бир нерселерди алып берип жүрөт. Келинчегимдин бир жери жакшы, апама такыр өйдө карабайт. Апам кадимкидей урушат, унчукпай туруп берет. Мен болсо “дагы урушуңузчу” деп тамашалап калам. Эрасыл деген уулум менен апамдын мамилесинен мен өзүм менен энемдин мамилесин көрөм. Эрасыл энесин жакшы көрөт, колундагысын ага каттырат, айтор, камыр-жумур. Апам да ушул небересине мээрими түштү окшойт, же тандап бирине жакын болобу билбейм.

“ЭНЕМДИН ЧАПАНЫНЫН ЖЫРТЫГЫНАН “КОНЦЕРТ” КӨРЧҮ ЭЛЕМ”

– Айылда чоңойдук да, атам чыгармачыл адам эле, бир жумада бир “майрамдап” калчу. Ал кезде эркектин баары ошондой болсо керек, атамдын андай учурунда биз “концертке” даярданчу элек (күлүп). Бизде бир эле кыз болуп, атам аны аябай жакшы көрчү. Карындашымды жанына отургузуп алып ырдачу да, уулдарын “тизчү”. “Кызым, сага ким тийди?” десе эле, ал мени көрсөтөт. Анткени экөөбүз удаабыз, талашып-тартышып кетчүбүз. Атам мага “бери кел” дейт. Ал жакындаганда эле энем чыга калат да, “тарбияласаң өзүңдүн балдарыңды тарбияла, Тото менин балам” деп кыйкырып, мени чапанына катат. Атам “алып кел, менин балам” десе да бербейт. Энемдин үйгө кийген чапанынын колтугу жыртык болуп калчу, чапандын ичине киргенден кийин калган бир туугандарыма койгон атамдын “концерттерин” ошол жыртыктан шыкаалап көрө берчүмүн (күлүп). “Концерт” кээде эки саат болуп кетчү. Атам уулдарын “тизип”, кызын эркелетип, ырдап, ушинтип черин жазчу экен, азыр ойлосом.

Кичинемде деле, азыр деле эмнегедир ата-энеме, чоң энеме таарынган эмесмин. Өзүм да таарынткан жокмун деп ойлойм. Апамдын айтканын аткарып, анын сүйүнүп отурганын көргөндө ушунча ырахат алам. Апам бир мүнөз адам дебедимби, “азамат, балам” деп эч качан айткан эмес. Бирок мени менен сыймыктанат, аны да жүзүнөн байкап калам. Эки энем тең жашоомдо эң чоң роль ойногон адамдар. Апалар узак жашасын, эне болгон бардык айымдарды сыйлайм. Бул башка бир улуу сезим. Көзү тирүүсүндө сыйлап алалы.

Нуржамал Жийдебаева



Тотомидин Жолдошев: “Чоң энемдин көзү өтүп кеткенде аябай кыйналгам”

Автор: Гулзада Абдырахманова
Оператор: МухаммадЗиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(2)
19.07.2021. 10:23 
Тайпасы:
Жаран
Комментарийлердин саны:
98
Катталган:
23-10-2020
Соӊку аракети:
25-07-2021 23:58
Жынысы:
Белгисиз
+2
Жакшы маек болуптур барыны бардай кп айтип бериптир
21.07.2021. 03:06 
Тайпасы:
Жаран
Комментарийлердин саны:
3
Катталган:
30-09-2020
Соӊку аракети:
26-07-2021 18:47
Жынысы:
Белгисиз
+1
Супер инфо!!!
Сураныч,Аксана Матисаковадан, группа Кыргызстан +,группа интернационал ушулардан интервю алгылачы.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25837;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: