Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

16 ЖАШАР КЫЗДЫ 58 ЖАШТАГЫ ЖЕЗДЕСИ ЗОРДУКТАП ЖҮРГӨНБҮ?

№970 8-14-июль, 2021-ж.


Интернет булактарына өспүрүм кызды жездеси 2 жыл бою зордуктап жүргөн деген маалымат тарады. Биз окуя качан, кайда болгонун, кылмышка шектүү ким экендигин, милициялар кандай чара көргөндүгүн иликтеп көрдүк.

“МИЛИЦИЯ ЧАРА КӨРБӨДҮ ДЕГЕН КЕП ЧЫНДЫККА ДАЛ КЕЛБЕЙТ”

Кемин РИИБи төмөнкүдөй маалымат берди:

– 2021-жылдын 4-июль күнү Кемин РИИБине жактоочу Шердор Абдыкапаровдон Кемин районундагы айылдардын биринде 1963-жылы туулган М.К. аттуу жаран 2005-жылы туулган өспүрүм кызды бир нече жыл зордуктап келген деген билдирүү түштү.

Бул факт Кылмыштардын жана жоруктардын бирдиктүү реестрине 164-берене (жашы жете элек кызга карата сексуалдык мүнөздөгү аракеттер) менен катталды.

Териштирүүнүн жүрүшүндө шектүү (жездеси) Кемин РИИБинен суракка алынды. Зордуктоо фактысы боюнча арыз жазган жактоочу тергөөчү чакырганда барбай, ал тергөөчүгө ишеним көрсөтпөө боюнча арыз жазган жана ишти Чүй ОИИББине өткөрүп берүүнү суранган. Жактоочунун иш-аракеттеринен улам жашы жете элек кызды суракка алуу алигиче жүргүзүлө элек. Бирок ал (жактоочу) жабырлануучу кыздын катышуусунда видео тартып, аны ЖМКларга жиберген. Видеодо кылмыш фактылары айтылган.

Кемин РИИБинин тергөөчүсү соттук-медициналык экспертиза дайындоо жөнүндө чечим чыгарган. Учурда милиция кызматкерлери тарабынан иштин бардык жагдайларын тактоо максатында зарыл болгон тергөө-оперативдик иш-чаралар жүргүзүлүүдө.

Кемин РИИБи милиция кызматкерлеринин болжолдуу аракетсиздиги тууралуу адвокатка шилтеме берүү менен таратылган билдирүү чындыкка дал келбей тургандыгын билдирет.

“БИРӨӨГӨ ООЗ АЧСАҢ АТАҢДЫ ӨЛТҮРӨМ ДЕПТИР”

Жабырлануучу кыздын апасы Ардак Орозбакова жездеси кызымды коркутуп зордуктап жүрүптүр дейт:

– 6 балабыз менен жолдошум экөөбүз Бишкекте турабыз. Кызымды жолдошумдун эжеси 2019-жылдын декабрь айында “Күйөөм экөөбүз зеригип жатабыз. Балдар чоңоюп бөлүнүп кетти” деп Бишкектен Кеминге жиберүүсүн өтүнгөн. Биз макул болуп 7-класста окуган кызыбызды ишенип жибергенбиз. Ошо менен кызым Кеминде окуп жүрдү. 2020-жылдын август айында кызыбыз үйгө келип, “апа, жездем мени кармалап тийишип жатат” деген. Биз кары киши кызы жок болгондуктан эркелетип жатат го деп ойлогонбуз. Биздикине келип-кетип турушчу. Кызымдын атасы өтө жоош киши. Көрсө, жездем кызымды коркутуп, зордуктап жүрчү экен. “Бирөөгө ооз ачсаң атаңды өлтүрүп коём” деп коркутуптур. Кайнежем дары ичип уктаган күндөрү жездем жарыкты өчүрүп, кызымды кыйначу экен. Кызым жакында 9-классты аяктап, Кеминге аттестатын алганы барып келгенден кийин мага ачыгын айтты. Мен дароо реакция кылып, жактоочу менен байланышып, 3-июлда милицияга кабарладык. Кайнежемдикине чогулуп барып окуяны айттык. Бирок алар күнөөнү бизге коюшту. Алар эле эмес, туугандардын баары бизге каршы чыгышууда.

“КЫЗЫМ ЭКИ ИРЕТ ЖАНЫН КЫЮУГА АРАКЕТ КЫЛДЫ”

– Угушубузга караганда, бул киши мурун 2-3 жаш кызды зордуктаган экен. Бирок мыйзам чегинде жазаланбай, ишти кыргызча бүтүрүп коюшуптур. Биз бул окуя тууралуу азыр билип жатабыз. Мурунтан билгенде кызыбызды жибербейт элек. Жездем коңшу келиндерге да тийишкенде алар кайнежеме айтып келишсе, ал тажаганынан “билгениңерди кылып алгыла” деп койчу экен.

Азыр кызымдын абалы оор, “жашагым келбейт, атам элдин бетин кантип карайт?” деп 2 жолу өз жанын кыюуга аракет кылды. “Баары жакшы болот” деп жубатып жатабыз. “Жанымды кыюуга аракет кылбайм” деп мага сөз берди. Мен тиешелүү органдар тергөө иштерин туура жүргүзбөй жатканына нааразымын. Шектүү азыр эркиндикте жүрөт. Ал бул учурда башкаларга да зыян алып келиши мүмкүн. Мен ал адамды “педофил” деп айтмакчымын. Андан сак болуу керек. Биз тууган эле деп аяп отурбайбыз, мыйзам чегинде жазаланышын талап кылабыз.

“АЗЫР БААРЫ МЕНИ КҮНӨӨЛӨП ЖАТЫШАТ”

Жабырлануучу Айчолпон Нурбек кызы (аты-жөнү өзгөртүлдү) “эжеме айтсам көңүл бурчу эмес” дейт:

– Мен учурда 16 жаштамын. Эже-жездемдин үйүнө барганда 14 жашта элем. Барган күнү эле жездем акырындан тийише баштады. Бул көрүнүш барган сайын көбөйө берди. Чыдабай атама айтам десем, “эмнеге айтасың, айтсаң атаңды өлтүрүп салам” деп коркутту. Бир жылдан кийин мени кордой баштады. Атамдан коркуп, 2 жыл унчукпай зөөкүрдүн кордугуна чыдадым. Андан сырткары уялчумун. Эч кимге көрүнбөй ыйлачумун. Эжем үйдө жок кезде тийишчү. "Мага тийбеңизчи" десем, “сен эмне ханыша болуп кеттиңби? Керек болсо мен 6-класстагы кызды алгам” деп мактанчу. Мас болуп келип бычак такаган учуру болду. Кээде эжем уктап калганда ич кийимчен келип, “минтчи, тигинтчи” дечү. Мени менен калуу үчүн эжемди эки жакка жалгыз жиберчү. Эжемди ээрчисем ал мени калтырып кетчү. Эжеме кыйыр түрдө айтсам түшүнбөй, кайра мени урушуп койчу. Жакын арада эжемдин көзүнчө окуянын четин чыгарсам, ал күйөөсүнө бычак такап, үйдө байкем бар болуп арачалап калды. Бирок кылыктары тууралуу толук айтып бере алган эмесмин. Апам менен ооруканага барып текшерилгенден кийин ачык айтып чыктык. Азыр баары мени күнөөлөп жатышат. Бул киши эркиндикте жүргөндө корком.

“ШЕКТҮҮ ЭРКИНДИКТЕ ЖҮРӨТ”

Жабырлануучунун жактоочусу Шердор Абдыкапаров тергөө иштери жакшы жүргүзүлбөй жатканын айтат:

– Жабырлануучу тарап мага байланышып, кырдаалды түшүндүргөндөн кийин дароо милиция кызматкерлерине билдирдик. Алар шектүүнү суракка алып, ошол замат эле коё берип салышты. Жактоочу менен сүйлөшсөм алар кылмыш болгон жердеги далил боло турган буюмдарды, төшөктөрдү алышпаганын айтты. Негизи ич кийимдерине чейин алынышы керек эле. Маанилүү ишти тажрыйбасыз жаш балага тапшырышкан экен. Андан сырткары 164-беренени коюп жатышыптыр. Бул беренеде 7 жыл 6 айдан 10 жылга чейин кесилет. Кыз жадакалса өспүрүм эмес, бала болуп саналгандыктан 162-беренени коюш керек болчу. Бул беренеде 15 жылдан өмүрүнүн акырына чейин кесилет. Кыскасы, беренелер да туура эмес коюлууда. Биз Кемин РИИБине ишеним көрсөтпөйбүз, ишти Бишкекке которгула деп Чүй ОИИББине өтүнүч таштап келдик. Анткени кичинекей аймакта тааныш-билиш болуп кетиши мүмкүн. Шектүүнү жок дегенде 48 саатка кармабай чыгарып жиберишти. Жабырлануучу кыздын атасы өтө жумшак адам экен, шектүү ушундан пайдаланса керек деп ойлоп жатам. Кыргыз Республикасынын башкы прокурору Курманкул Зулушевден ушул ишти өз көзөмөлүнө алып, мыйзам чегинде чечип берсе деп өтүнөт элек.

“АТАМА БУЛ ИШТИ ЖАСАСАҢ ӨЛҮП АЛ ДЕДИМ”

Экинчи тараптын үнүн угуу үчүн шектүүнүн 35 жаштагы уулу менен сүйлөштүк:

– Жабырлануучулар Кемин РИИБине 5 күн мурун кайрылышыптыр. Бирок Кемин РИИБине ишеним көрсөтпөйбүз деп суракка келбей жатышат. 16 жашар кыздын апасы өгөй энеси, кыздын өз апасы каза болуп калган. Атасы ичимдик ичет. Кызын өздөрү келип ата-энемдин колуна тапшырышкан. Атама “ушул кылмышка барсаң өлүп ал!” деп айттым. Ал “мен кылган эмесмин” деп агынан жарылып отурат. Ал кыз биздин үйгө келгени мектептин президенти болду. Ата-энемди Ысык-Көлгө чейин ээрчип барып жакшынакай жүрчү. Ата-энем менен бийлеп Тикток тартчу. Өзүнүн жигити менен катнашка барып, күнөөнү атама оодарып жатышы мүмкүн. Мыйзам чегинде туура териштирүү иштеринин жүрүшүн талап кылабыз. Биз дагы жактоочу алганы жатабыз. Бизди шерменде кылып жатышат. Мунун баарын өгөй апасы уюштуруп жатышы мүмкүн.

Жолдубек Качкынбаев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(7)
12.07.2021. 21:27 
Тайпасы:
Жаран
Комментарийлердин саны:
8
Катталган:
24-12-2013
Соӊку аракети:
19-07-2021 00:45
Жынысы:
Белгисиз
Калаасы:
бишкек
-5
Мен айтат элем. Бул адвокаттын башы вообще иштебейт. Биринчи далил чогултуш керек да анан милицияга арыз жазыш керек. Скрытая камера деген бар аны эмнеге колдонбойсуңар. Ошол тийишип зордуктап жаткан жерден эмнеге келип кармабайсыңар. Корочье адвокаттарга сөз жок дипломду сатып алып.силердин айыңардан мамлекетибиз өнүкпөй жатат.
12.07.2021. 22:05 
Тайпасы:
Жаран
Комментарийлердин саны:
220
Катталган:
21-10-2020
Соӊку аракети:
18-09-2021 16:18
Жынысы:
Белгисиз
+2
asad9,тескерисинче сенин башын ишткбейт экен. Сен айткан иштер адвокаттын эмес укук коргоо органдарынын иши! Прокуратура менен милициянын иши.
13.07.2021. 16:40 
Тайпасы:
Конок
Комментарийлердин саны:
4
Катталган:
03-06-2021
Соӊку аракети:
22-07-2021 07:52
Жынысы:
Белгисиз
+1
asad9,арыз жазылгандан кийин камера коюп, кызды кайра ошол үйгө киргизиш керекпи.Кызык экенсиң.2жыл кордолупсуң, камерага да тартып алалы эми,дагы бир жолу ошол киши менен жат дейсиңби? Мээң ордундабы?
14.07.2021. 11:33 
Тайпасы:
Жаран
Комментарийлердин саны:
50
Катталган:
03-04-2020
Соӊку аракети:
18-09-2021 17:14
Жынысы:
Белгисиз
0
asad9,кок мээ экенсин
18.07.2021. 19:23 
Тайпасы:
Жаран
Комментарийлердин саны:
220
Катталган:
21-10-2020
Соӊку аракети:
18-09-2021 16:18
Жынысы:
Белгисиз
0
asad9,биринчи озундон баштасан олко онукпой атканы адвокатта эмес сага окшогон оз бактысыздыгына мамлекет менен башканы куноологон билимсиздердин айынан болуп журбосун?
15.07.2021. 11:15 
Тайпасы:
Жаран
Комментарийлердин саны:
190
Катталган:
28-12-2013
Соӊку аракети:
15-09-2021 11:42
Жынысы:
Белгисиз
+3
Эжеси өзү бир жака кызды таштап кетет дегенине караганда 2- аял албай эле ушуну кылып үйдө мени менен эле жаша дегендей го.Бирок баланын сөзүнө караганда жигити менен болуп курук дооматка да калтырышы мүмкүн.6- класста окуганды 2- аял кылып алгам деп мактанган кызды тапкыла, коңшулар тийишти деп аялына арызданган келиндерди тапкыла,буга чейин 2-3 кызды зордуктаган кыздардын жакындары менен байланышкыла.Мына силерге идея издегиле .Жөн эле жансыз буюмдан далил издебей,күбөлөрдөн көбүрөөк тапкыла.
15.07.2021. 11:17 
Тайпасы:
Жаран
Комментарийлердин саны:
190
Катталган:
28-12-2013
Соӊку аракети:
15-09-2021 11:42
Жынысы:
Белгисиз
+1
Өзүңөрдүн кызыңарды бирөө зордуктаса ошону камакка салмайынча тынчыбайм деп чуркайсыңар го ошондой чуркагыла. Бул да карындашыңар, Кр жараны укугун коргоп бергиле, адилеттүү чечим чыгарып бергиле. Жөн эле курсагыңарды чыгарып талтайып жүрөт бербей
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26070;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: