Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

6 балалуу жалгыз бой эне: “МЕНИ АТКА СҮЙРӨТҮП САБАГАН КҮЙӨӨМ МЕНЕН АЖЫРАШТЫМ”

№969 1-7-июль, 2021-ж.


Бул жолу 6 баласы менен батирде жашаган жалгыз бой эненин тагдыры тууралуу сөз кылабыз. Ал күйөөсүнөн 10 жылдан ашык кордук көрүп, аягында ажырашып кетүүнү чечет. Жанаркүл Алтыбаева оор турмушу тууралуу сөз кылды.

“9-КЛАССТЫ БҮТКӨНДӨ АЛА КАЧЫП КЕТИШКЕН”

– Мен 1989-жылы Нарын облусунун Нарын районуна караштуу Оттук айылында төрөлгөм. 2 жашымда ата-энем Чүйдүн Боролдой айылына көчүп келип, отурукташып калган. Беш бир тууганмын. Бир агам, бир сиңдим жана эки иним бар. 9-классты аяктаарым менен мени Ысык-Көлдүн Каракол шаарына ала качып кетишти. Жолдошум мени Боролдой айылына туугандарыныкына келгенде көрүп калган экен. Апам менин тагдырым кандай болорун жакшы ойлонбой “барган жериңден кайра келбе” деп койду. Ошо бойдон отуруп калдым. Башында окутуп-чокутабыз дешкен, кийин убадаларын унутушту. Эки жыл жакшы эле жашадык. Кийин уруш-талаштар башталды.

“КҮЙӨӨМ ЧАЙНЕК МЕНЕН БАШКА ЧАПТЫ”

Жолдошум менен Ысык-Көлдө, Кеминде чабан болуп иштедик. Ичип келип мага кол көтөрө баштады. Үйдө эмне бар, эмне жок, балдары эмне менен жан сактап жатат иши жок, тапкан акчасынын баарына ичип келет. Туугандарына айтсам “мындай эмес болчу, токтолот да” деп коюшту. Агалары токтот дешсе арданып, оңолуунун ордуна колуна аркан алып “муунуп өлөм” деп коркутуп да жүрдү. Мен оңолот го деп үмүт кылып чыдап жүрдүм. Бирок ал токтолгондун ордуна күчөдү. Ичип келип колумду аркан менен байлап, атка сүйрөтүп колумду сындырды. Бир ирет чайнек менен башыма чапты. Ошондо эс-учумду жоготуп коюптурмун. Эсиме келсем башымдын баары кан. Дарыгерге көрүнөйүн десем күйөөм “Кудай албайт” деп жибербей койду. Ал сабаган учурда ордумдан тура албай апталап төшөктө жатчумун.

Мени кордоп жатканы аз келгенсип балдарын уруп-согуп, алардын жүрөктөрүнүн үшүн алды. Орто жолдо төркүнүмө бир-эки ирет кетип калдым. Ал болсо адам болом деп убадасын кат-кат берип, алып келди. Акыркы күндөрү балдарым атасы келе жатканда коркуп жашынып калышкан. Балдарымдын мындай абалын көргөнүмдө жүрөгүм канайт. Коркок, тартынчаак болуп чоңоюп кала турган болушту. Бирде ач, бирде ток калып жүрүп оорукчан болуп калышпаса экен деп да тынчсызданам. Чыдамым түгөнүп, ден соолугумдан ажырап баштаганда ажырашууга туура келди. 3 уул, 3 кызым бар. Ажырашып жатканда кичүү балам боюмда 4 айлык эле. Арадан 1 жарым жыл өтүп, азыр уулума 7 ай болду.

“7 АЙЛЫК БАЛАМ МЕНЕН ТАЛААДА ИШТЕДИМ”

Ажырашкандан кийин ата-энемдин үйүнө келдим. Бирок майда балдарым менен төркүнүмө бата албасым айтпасам да белгилүү. Ата-энем улгайып калган. Үйдө келин жок. Боролдой айылындагы бош турган үйлөрдүн бирине көчүп бардым. Ал үй эки бөлмөлүү. Балдарыма 4800 сом жөлөк пул алам. Баары кымбаттап кеткенине байланыштуу ал акча азык-түлүгүбүзгө да жетпейт. Бир кап унду 1700 сомго алсам, 6 бала менен 1 айга жетпейт. Анда-санда айылда картошка, кызылча отоо, сорттоо сыяктуу жумуштар чыкса балдарымды кошуналарга таштап иштеп калам. Бир жума мурун үйдө тамак-аш жоктугунан 7 айлык эмчектеги баламды жаныма алып, эки күн талаада иштедим. Күндүн ысыгында балам кыйналып кеткенине байланыштуу андан кийин жумушка чыккан жокмун. Балдарымдын улуусу 14 жашта. Буга чейин тайларынын колунда жүрдү. Бир жума мурун колума алдым. Мага жардамдашам деп 2 күн талаада иштеди. Бир нерсебиз жок болуп калса кошуналардан суратам, кээде балдарым ачка калат. Ажырашкандан бери жолдошум менен кабарлаша элекмин.

“ЖАШАП ЖАТКАН ҮЙҮМДҮ БОШОТ ДЕП ЖАТАТ”

Үч балам мектепке барат. Быйыл төртүнчүсү барганы турат. Карантин учурунда сабак окуганга телефонубуз жок кыйналдык. Мен азыркы күнгө чейин жөнөкөй телефон көтөрөм. Улуу балама мектептен жардам катары телефон беришкен. Бирок уулум ал кезде таене-таятасы менен жашап жаткан. Эки кызым кошунанын телефону менен сабак окушту. Мага каралашып турган кошуналарыма рахмат. Азыркы учурда биз жашап жаткан үйдүн кожоюну август айында курулуш баштай турганына байланыштуу үйдү бошот деди. Эми алты балам менен кайда барарымды билбейм. Ата-энем берген жерим бар. Ошого элдин жардамы менен 2 бөлмөлүү үй куруп алсам жакшы болот эле.

“100 СОМ БЕРЧИ, 50 СОМ БЕРЧИ ДЕП КАЛАТ”

Аты-жөнүн атагысы келбеген каарманыбыздын айылдашы биздин редакция менен байланышып, анын тагдыры тууралуу буларды айтып берди:

– Жанаркүл эже күйөөсү менен жашап жүргөн учурда Боролдой айылына келип, түрдүү талаа иштеринде жалданып иштечү. Ошол учурда эле кыйналып жашаган үй-бүлө болчу. Эже күйөөсү тиштерин күбүп, чачтарын жулуп салганын айтып калчу. Күйөөсү менен ажырашкандан кийин жашоосу таптакыр начарлаганын байкап, колдон келишинче азык-түлүк жагынан жардам бердим. Кээде 100 сом, 50 сом сурап калат. Акыры Жанаркүл эжеге жардам көрсөтөр деп элге кайрылып жатам. Анын жардам бере турган эч кимиси жок. Угушума караганда, ата-энеси 14 жашар баласын иштетип, акчасын өздөрүнө коротушат экен. Билгендердин айтымына караганда, 2 иниси эженин үйүнө келип тамагын ичип, керектүү буюмдарын алып кетип калышат экен. Кыскасы, төркүнүнөн пайда жок. Азыркы жашап жаткан үйүн бошот дешиптир. Негизи бул үйдө деле тынч жашаган жок. Мурун бир ичкич аял жашагандыктан көрүнгөн мастар келе беришет. Бир жума мурун кошунасы мас абалында терезесин таш менен талкалап салыптыр. Ичинде балдарым бар болчу деп Кемин РИИБине арыз жазса карабай жатышыптыр. Кайрымдуу эл, колдон келишинче жардам берсе жакшы болмок.

Жардам берүүнү каалагандар үчүн реквизиттер:

Элкарт: 9417 0894 4793 7732

Телефон: 0706 932 396


Жолдубек Качкынбаев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
05.07.2021. 11:02 
Тайпасы:
Жаран
Комментарийлердин саны:
230
Катталган:
26-01-2016
Соӊку аракети:
18-09-2021 12:39
Жынысы:
Белгисиз
Калаасы:
♡♡♡ОШ♡♡♡
+13
Мындайды эч кимдин башына салбасын.Ошон үчүн кыз балага билим бериш керек, өзүн укугун коргогонду,сактанганды үйрөтүш керек
05.07.2021. 12:04 
Тайпасы:
Жаран
Комментарийлердин саны:
39
Катталган:
19-01-2021
Соӊку аракети:
18-09-2021 12:21
Жынысы:
Белгисиз
+6
Baktyluu_bolgum_kelet, кошулам.
06.07.2021. 08:52 
Тайпасы:
Жаран
Комментарийлердин саны:
39
Катталган:
19-01-2021
Соӊку аракети:
18-09-2021 12:21
Жынысы:
Белгисиз
+2
Baktyluu_bolgum_kelet, кесип да уйронуп алсын
06.07.2021. 15:22 
Тайпасы:
Жаран
Комментарийлердин саны:
1
Катталган:
14-02-2018
Соӊку аракети:
07-09-2021 17:36
Жынысы:
Белгисиз
+6
Ииий деги Кыргызстанда беш алты баласы менен барарга жери жок жалгыз бой аялдар кобойуп баратат.Баары эмес бирок ушундай эркек соройлордун барынан коро жогу.Байкуштар балдарда эмне куноо,же курсак тое тамак жебесе ичпесе.Боорунду оорутат да
07.07.2021. 13:24 
Тайпасы:
Жаран
Комментарийлердин саны:
Катталган:
16-12-2019
Соӊку аракети:
17-09-2021 14:43
Жынысы:
Белгисиз
+3
Jan_balam2018,Эркектердин кобу азыркы учурда алсыз болуп бара жатышат.
07.07.2021. 13:27 
Тайпасы:
Жаран
Комментарийлердин саны:
Катталган:
16-12-2019
Соӊку аракети:
17-09-2021 14:43
Жынысы:
Белгисиз
+6
Эртен менен тан атпай маршрут менен автобуста отурган жаллан аялдар эркектер аябай аз.Азыркы учрда эркектер алсыз болсуп аялдары багып жататкандай сезилет, алар дагы уйундо жон отурбай арак ичиши, кечинде чарсап келген аялын башын оорутуп каалса уруп журо беришет .Мунун баары карангылыктан келип чыгат .
07.07.2021. 13:31 
Тайпасы:
Жаран
Комментарийлердин саны:
Катталган:
16-12-2019
Соӊку аракети:
17-09-2021 14:43
Жынысы:
Белгисиз
+4
Урматтуу айымдар, эжелер, синдилер эч качан силер кордолуп жаткан жерде бара турган жерим жок деп, уруп жатса деле чыдап жашап журо бербегиле, эч качан озунордун укугунарды тебелетпегиле, бир келген жашоодон омур бою таяк жеп алкаш менен жашаганча ажырашып туруп соонун иштеп жашаганынар жакшы.Аялдардын укугун коргогон толтура эл аралык уюмдар бар алар сиздерге сосссуз жардам берет , БУУ, Кызыл жарым ай коому ж.б.Эч качан унутпагыла силерди ата эненер бироодон таяк жесин деп чонойткон эмес.
07.07.2021. 22:06 
Тайпасы:
Жаран
Комментарийлердин саны:
387
Катталган:
03-04-2020
Соӊку аракети:
18-09-2021 17:14
Жынысы:
Белгисиз
+2
Менин кошунам 30 жыл болуптур уйлонущконуно. Куйоосу такыр бир кун да иштебептир. Аялынын мюунуна отурган олчойуп. Эже айтып калат жащ кезде корбогон кордукту кордум деп. 5 кун мындай жумущта иштейт. Суббота базар куну тамак сатат базарда. Ошентип куйоосун багып келе жатат. Биздин копчулук эркектердин жузу ошол. Анан дагы 4 катын алабыз деп оозун чоюшат
14.07.2021. 00:08 
Тайпасы:
Жаран
Комментарийлердин саны:
97
Катталган:
28-07-2019
Соӊку аракети:
03-08-2021 21:11
Жынысы:
Белгисиз
+1
Урматтуу журналисттер.ушундай тагдырларды кайрымдуулук фонддорго айтасынарбы???крутой ырчы чоорчу .бизнесмендерден бир фонд тузуп кайрымдуулук кылгандарын кайта жазып турсанар олло суйунуп калат элек да батабызды берип.а то кайгырган бойдон кала беребиз.биз да айылда эле карапайым жашайбыз.жок дегенде арты жакшы бутконун ишинердин кызыкчылыгы учун жазсанар ээээ....
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26070;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: