Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КАРА КӨЗ(кара көз сулууну баш айланып сүйгөн жигиттин тагдырын баяндаган сериал)

№965 3-9-июнь, 2021-ж.


(Башы өткөн сандарда)

Ал айылдагы үйүндө жүрүптүр. Дубалы топурак менен тургузулуп, үстү камыш менен жабылган, ашкана катары колдонулуучу короодогу жалпак тамда кимдир бирөөлөрдүн күбүр-шыбыры угулат. Кыязы, атасы менен апасы... Ал ошол жалпак тамга кирип барды. Атасы жапжаш, апасы тирүү экен.

– Кел,- деди апасы, – чай ич!

– Апа?!- дендароо болуп туруп калды.

– Чай ичесиңби? Отурагой...

Тилек ыйлап жиберди. Апасын бекем кучактап калды. Апасынын тааныш жыты көкүрөгүн аралап өтүп, сагынычка жуурулушуп, көздөрүнө жаш болуп чыгып жатты.

– Апа... Апа...- өпкө-өпкөсүнө батпай ыйлай берди. Анан капыстан ал өзүнүн колдорун көрдү. Жылаңайлак буттарын көрдү... Колу-буту бала кездегидей... Таң калып бүтө электе эле кимдир бирөө суу чачып жиберди. Ойгонуп кетти... Жанагы сурак алып жаткан бөлмөдө экен. Көйнөгүн билегине чейин түрүп, колдорун белине таянып Бакыт ары-бери басып жүрөт. Эси ооп калганда суу чачып ойготушкан тура... Ээх, ойготпой коюшса эмне?! Ал бейпилдикти көрбөдү беле азыр... Апасын көрдү эле го! Аны ошол бойдон ойготпой коюшса ал тагдырына нааразы болмок эмес.

– Тургузгула!- Бакыттын үнүн эшитти.

Мурдагы эки кесиптеши жөлөп-таяп отургучка отургузушту.

– Эй, эмне өлүмүштөнөсүң?! Энеңдурайын акмак! Акча кайда? Айт!

– Уфф... Кайдагы акча?! Сен мени кылмышым үчүн кама, сотто... Мен адам өлтүргөм! Аны моюнума алам...

– Эмне СИЗОго кирип кетсем эле менден кутулам деп турасыңбы?! Мен сени Кудайдын алдына жыпжылаңач жөнөтөм, уктуңбу?! Акчаңдын баарын алып, күнөөлөрүңдүн баарын жууп туруп жөнөтөм... Кудайдын алдына барардан мурун сени мен суракка алам, мен соттойм, сага тозокту биринчи мен көрсөтөм...

– Эртең менин алдымда ушинтип отуруп каларыңды айттым, ээ? Уктуң, ээ? Бул дүйнө оомалуу-төкмөлүү...

– Эй э-энеңдурайын!- Бакыт өзүн кармана албай колундагы дубинка менен Тилекти туш келди ургулап баштады.

ххх

Бакыт кадимкидей шайы-ооп келип, чарчаңкы денеси менен күп эте креслосуна кулады. Муштумдары ооруксунуп калыптыр. Жини дале таркай элек. Аңгыча каалганы шашкалактап кол алдындагы опер ача калды.

– Шеф! Тиги Тилектин атасы келиптир... Журналисттер менен экен.

– Эмне?

– Журналисттер менен экен... Биздин имараттын маңдайында туруп алып интервью берип жатат.

– Эмне деп берип жатат?

– Билбейм, сиздин атыңыз айтылып жатканын уктум...

– Дагы эмнеси башталды?!- Бакыт ордунан туруп сыртка жөнөдү.

ххх

– Мага маалымат керек!- орус жигит чалды.

– Биз ооруканадабыз го... Кайдагы маалымат?

– Жарым саат берем. Мага Тилек кайда кармалганы, эмне болуп жатканын айтып бересиңер. Калп айтам деп ойлобогула! Баарын интернетке жайып салам...

Мирбек шалдая отуруп калды. Марс болсо кырдаалдан чыгуунун жолун издеп кесиптештерине билмексен боло чалып баштады. Азын-оолак маалымат алганча тиги орус жигит кайра чалды.

– Жооп барбы?

– Райондук милиция бөлүмүндө экен. Шеф өзү суракка алып жатыптыр. Азыр Тилектин атасы журналисттер менен барып чуу көтөрүп жатат дешти. Тилекти кыйнашыптыр... Азыр аны ооруканага алып кетиши мүмкүн экен.

– Кайсы ооруканага?

– Вот, ошону билбейм. Ооруканага барганда деле аны кайтарышат да...

– Катуу сабалыптырбы?

– Албетте! Шеф аны канча издеди? Өпкөсүн үзүп салса керек...

– Шефиң эмне мыйзам билбейби? Азыр Тилек тергөөчүдө отурушу керек эле да... Анын кол тийгизгенге да акысы жок болчу. Азыр журналисттер менен чуу көтөрүлсө... Мээ жок тура,- орус жигит кадимкидей наалып жиберди. Анын үнүнөн эле мерчемделген ойлорунун баары ойрон болуп жатканы байкалып жатты. Эртерээк СИЗОго кирсе, өз кишилери аркылуу Тилекти сындырып, акчага жетем деп ойлонгон эле.

ххх

– Бул жерде менин баламдын күнөөсү бирөө эле. Ал бир адамды кокустан өлтүрүп алган. Бирок эмне болуп өлтүрүп алган? Өзүн-өзү коргоп жатып өлтүргөн. Кимден коргонгон, мына бул милициянын начальниги жана анын досунан... Мен маалыматты толук айтпайм. Бирок эскертип коёюн! Бизде далил болчу бардык маалыматтар бар. Керек болсо, ошол учур видеого түшүп калган. Ал жерде бир кыз бар... Жанагы Бакыт деген начальник менин айткандарымды түшүнөт... Бакыт, эгер сен угуп жатсаң... Сендей адамдар милициянын баркын түшүрүп, чыныгы ишине берилген кызматкерлерге кошо көө жаап жатат. Сен эң биринчиден уулумду жок кылууга аракет кыласың, мага кол салсаң деле таң калбайм. Бирок... Бирок билип кой. Мага же уулума бир нерсе болсо жанагы маалымат таркайт. Мен аны ишеничтүү бир журналистке берип койдум... Уулума же мага бир нерсе болсо дароо чыгар дедим.

Бакыт телефонунан Тилектин атасынын журналисттерге жооп берип жатып ага кайрылуу кылганын угуп бүттү. “Бул даярданган турбайбы?!” деди ал ичинен. Тилектен мындай кыйтырлыкты күткөн эмес.

– Видео болушу мүмкүн эмес! Жо-ок... Ал жерде камералар жок болчу. Өзү тартып алган эмеспи? Телефонун иштетип жүрдү беле? Балким, тартып алган болсочу?

Чыкыйы лукулдап, заматта башы чуулдап чыкты. Телефонуна келген чалуу чочутуп жиберди.

– Сенин эмне мээң иштебейби?

– Шеф?

– Мыйзам деген бар! Сенин мыйзамды уруп ойнобогонуң мыйзам иштебейт деген сөз эмес. Так сага келгенде иштейт. Коомчулук көз салып туруп алса ишиң бүттү дей бер. Бүгүн текшерүү бүткөнчө кызматтан четтеп туруу боюнча арызыңды жаз!

– Кандай текшерүү?

– Эмне эле жинди болуп жатасың? Резонанс болуп кетти. Шектүү кызды саунага алып барып кордоп жатышканда, жанагы опериң ким эле, Тилек беле? Ошол ортого түшүп чыр чыккан деп жатышат. Видео бар дешти... Бакыйган начальник болуп туруп ошол ишке барганың аныкталчу болсо өлдүң дей бер. Соттолосуң! Оңой кутулдум дегенде кызматыңдан кол жууйсуң!

ххх

Маңдайына жаш, анан калса чоочун тергөөчү келип отурганда Тилек анын ойлору ордунан чыкканын түшүндү.

– Ишти мен алып барам. Атым Азамат Даиров. Сиз мага болгонун болгондой айтып бериңизчи?

– Түшүнүктүү... Кыскача айтканда, баары жанагы кыздан башталды. Биздин начальник Бакыттын досун бир кыз тоноп кетиптир. Ишти мен алып бардым. Кыз табылды... Анан шеф кызды өздөрү эс алып жаткан саунага алып кел деди. Мен алып бардым...

– Сиз шектүүнү саунага алып барып, мыйзам бузганыңызды түшүнүп жаттыңызбы?

– Албетте! Бирок мага жетекчим буйрук берип жатпайбы! Анын буйругу жок мен эч кайда чыгарбайт болчумун. “Алып кел” деди. Алып бардым. Барсам кызды сабап башташты. Мен ортого түшкөндө мага атырылышты... Ок чыгып кетти. Нес абалда болчумун. Качтым. Качпай койсом ошол жерде эле өлтүрүшмөк... Анан акыры окуя ушинтип бүттү.

– А кыз кайда? Сиздер чогуу качтыңыздарбы?

– Ооба. Бирок ал жолдон мени таштап Көлгө кеткен, ошондон бери көрө элекмин. Мен Бишкекте жашынып жүрдүм...

– Сиз кыйноого кабылдыңызбы? Бул боюнча арыз жазуу ниетиңиз барбы?

– Мен жөн гана иш калыс тергелишин талап кылам. Аныгында менин ордумда менин начальнигим Бакыт отурушу керек болчу. Мен күнөөм бар экенин моюнума алам. Бирок Бакыттын күнөөсү меникинен аз эмес... Болгону ошол эле...

– Азырынча сакая бериңиз... Дарыгерлер 3-4 күндө сизди өзүнө келип калат дешти.

Тергөөчү чыгып кеткен соң Тилек жеңилдей түшүп, шыпты тиктеп жата кетти. Эгер бардыгы ал ойлонгондой болсо, демек, ал жакында Сабинанын жанында болот…

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
07.06.2021. 09:54 
Тайпасы:
Жаран
Комментарийлердин саны:
36
Катталган:
07-03-2017
Соӊку аракети:
21-06-2021 21:26
Жынысы:
Белгисиз
+3
Тергоочулордун жашоосун чагылдырып,чыныгы турмуштан алынгандай корком чыгарма го аа.Журокту оорутуп,кээде опкоолжутуп,кээде кошо ыйлатып,чарчатып кошо качырган,бир деп албай,тынчтыкты бузуп койбоюн деп,кыймылдабай окуган кундорум ай.Соонун чыгарма.Авторго чоон рахмат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
25710;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: