Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТУУЛГАН КҮНҮҢ МЕНЕН, “СУПЕР-ИНФО”!

№965 3-9-июнь, 2021-ж.


Кыргыз тилдүү ММКлардын арасынан суурулуп чыгып, өзүнүн тарыхын алтын тамгалар менен жаза алган “Супер-Инфо” гезити 19 жашка чыкты! Нускасы 120 миңге жетип, апта сайын маалыматка суусаган элибизди камсыздап туруу озуйпасын ар бир кесиптешим аркалады. Бул бакытты сөз менен жеткире албайсың. Бир дем менен биригип, бир муштумдай түйүлгөн күчтүү, жаш, энергиялуу команда менен бирге “Кыргызстандагы америкалык кыял” атка кондук. Заманбап жазуу стили, өзгөчө баяндоо, жаңыча дизайн, күнүмдүк турмушта колдончу кеңештер, айтайын деген ойду так, кыска, даана жазуу “Супер-Инфо” гезитинин “фишкасы” болуп келе жатат. Жаңычылдык менен элдин жүрөгүнөн ордун таап, шоу-бизнес, маданият, спорт жаатын жаңы тепкичке көтөрдү. Ооба, башка ММКлар кызаңдап кетиши мүмкүн. Бирок нусканы, тарыхты эч ким оңдоп, өзгөртө албайт. Мурун этектей-этектей жазылган макалалар кыскартылып, көздү кубандырган көркөм дизайн менен шөкөттөлгөн гезиттин ар бир санын ашыгын күткөндөй күтүп окуган ар бир окурмандын эсинде сакталуу.

Туулган күнүң менен, сүйүктүүм! Сен аша турган бел, багындыра турган Эверест, жарата турган ийгилик алдыда! 19 гана жаштасың, бирок кылган ишиң опол тоодой чоң, жоопкерчилигиң ат көтөргүс. Сен эч ким тааныбаган таланттарды жылдыз кылдың, элдин сүйүктүү гезити болдуң, кеңеш бердиң. Буга чейин эч ким жасай элек жаңычылдыкты коркпой, тайманбай, кыйынчылыктарды тээп өтүп жасадың! Мамлекет бере турган (бирок бере албаган) наамдарды берип, өнөр ээлерине дем болдуң. Адилеттикти таппай кыйналгандарга чырак болдуң. Гезитке акыйкат издеп келип, таап батасын берип ыйлап кеткендер, ыраазылыгын айтып бүтүрө албагандар болду. Ар бир инсандын үнүн уга турган, аны жогору жакка жеткирген көпүрө боло алдың. Сени духу күчтүү жоокерлерге окшоштурам! Сени эркиндиктин символу – бүркүткө салыштырам. Дагы бийикте, уч! Элиңе кызмат кылганды унутпа! Көп жаша, жолуң узун, асманың ачык болсун, окурманың миллиондоп өссүн!

Сыймык Бейшекеев, Кыргыз Республикасынын Эмгек сиңирген артисти: «АЙЫЛДА СИЛЕРДИ КҮТҮП ОКУШАТ»

– «Супер-Инфочулар», майрамыңар менен чын жүрөктөн куттуктайм! Түйшүктүү жумушуңарда түмөн ийгиликтер болсун. Азыр деле айылдарда силердин гезитиңерди апта сайын күтүп окуган окурмандарыңарды гастроль учурунда көрүп калам. Ийгиликтерди багындыра бергиле!

Аскат Сулайманов, актёр: «АНДА ЖАПЖАШ АСКАТ БОЛЧУМУН»

– Мен башкы бетиңерге чыккан жылым так эсимде жок, бирок бир жерде сакталуу, издесем табылат болуш керек. Көк көйнөк кийгем, анда жапжаш Аскат болчумун. Дубовой деген орус сүрөтчү тарткан болушу керек эле. Менимче, ЦУМ жактагы студиядан түшкөм. Андан кийин көп жолу башкы бетке чыктым. Кечээ жакында эле чалгы чаап сүрөткө түшүп бербедимби сонун болуп (күлүп). Азаматсыңар, кыргыз элинде эң көп нускалуу силер эле болушуңар керек. Атам, таякелерим “мага “Супер-Инфо” ала кел” деп айылдан буюртма кылып калышканын көп угуп келем. Чыгармачыл инсандар менен элдин ортосунда көпүрө болуп жүрө бергиле!

Нурлан Насип, ырчы: «10 ЖЫЛДАН БЕРИ КЫЗМАТТАШЫП КЕЛЕ ЖАТАБЫЗ»

– “Супер-Инфонун” окурмандары, күйөрмандары жана жалпы кызматкерлери, туулган күнүңөр кут болсун! Менин чыгармачылыгымда өтө чоң ордуңуздар бар. Башкы бетке чыкканымды азыр жакшы эстей албай калдым. Бирок 10 жылдан ашуун убакыттан бери кызматташып келе жатабыз. “Супер концертте” эң көп “Жылдын ырчы мырзасы” статуэткасын алган мен болдум окшойт (күлүп). 2019-жылы “Заманыбыздын супер ырчы мырзасы” деген ардактуу наамга ээ болгом. Бул мен үчүн сыймык! Мамлекет бере турган наамдарды сиздер берип, дем, стимул берип келе жатасыздар. Дагы сонун ийгиликтерди бирге жасайбыз!

Каныкей, ырчы: «КӨП ЫРЧЫНЫН БАКТЫСЫН «СУПЕР-ИНФО» АЧКАН»

– 2009-жылы, күз айларында жалбырактардын арасында биринчи жолу башкы бетке чыккам. Ал кезде фамилиясы жок Каныкей деген ысым менен мен эле чыксам керек. Журналисттерге “фамилиямды жазбай эле койгулачы” десем таң калышкан. Менин жылдызым жанган учурда гезит, азыркынын сөзү менен айтканда, “в тренде” болчу. Көп ырчылардын багын ачкан. Биздин муундун учурунда өзүнчө эле “жылдыздар фабрикасы” эле. Азыр айрымдар социалдык тармактардан же Ютубдан таанылып жатышпайбы. Биздин учурда “Супер-Инфо” менен гана элге тааныла алчубуз. Мен чыгармачылыгым башталгандан бери үзгүлтүксүз кызматташып келе жатам. “Супер концерттерден” эң көп статуэтка алган ырчы менмин (күлүп). “Заманыбыздын ырчы айымы” сыйлыгын да алгам. “Нью-Йорк таймс” гезитиндей дагы көп жыл элди маалыматка байытып, дагы далай жылдыздарды чыгарат деп ишенем. Тарых жасадыңыздар, тарыхта каласыздар! Терең ыраазычылык билдирем.

Анжелика, ырчы: «ТҮСТҮҮ БАШКЫ БЕТКЕ МЕН БИРИНЧИ ЧЫККАМ»

– Мен кичине кезимден сахнада жүргөнүмө байланыштуу эрте эле “Супер-Инфо” менен кызматташа баштагам. Тактап айтканда, 6-класста башкы бетке чыккам. Мурун гезит кара-ак түстө басылчу. Эң биринчи түстүү бет болуп жаңыланганда мени башкы бетке сүрөткө тартышып, маек бергем. 19 жылдан бери сиздер менен келе жатам жана сиздер менен болмокчумун! Эл, чыгармачыл инсандар менен бирге болуп, жакшы маалыматтарды бөлүшүп жүрө бериңиздер. 19 гана жаш эмес, 40-50 жылдыкты өткөрөлү. Сиздерди куттуктайм!

Кайрат Примбердиев, ырчы: «СҮРӨТКӨ МЫШЫК МЕНЕН ТҮШКӨМ»

– “Супер-Инфо” гезитинин башкы бетине алгачкы жолу 2007-жылы март айында чыккам. “Сагынганда” деген ырым популярдуу болуп жатканда сунуш түшкөн. Мен үчүн бул чоң окуя болгон. Анткени ал кезде гезиттин башкы бетине чыгуу “сен жылдыз болдуң” деген түшүнүк болчу (күлүп). Биздин муун билет, гезиттин башкы бетине чыгуу оңой эмес болчу, өзгөчө даярдык керек эле. Оригиналдуу образ менен чыгайын деп ойлогом. Көк жынсы шым, ак футболка кийип чыксам керек. Журналистке мышыкты жакшы көрөрүмдү айтып мышык таап келип, кучактап түшкөм. Валерий Дубовой деген фотограф бар болчу, ошонун студиясына барып түшчүбүз. Мен эле эмес, катарымдагы кесиптештеримдин көбүн “Супер-Инфо” жылдыз кылды. Эл жылдыздарды гезиттин башкы бетине чыкканына карап жылдыз деп кабыл алышчу. Азыр да чоң милдетин аткарып келе жатат. Туулган күн кут болсун!

Аваз Акимов, ырчы: «СҮРӨТҮМДҮ ТӨШ ЧӨНТӨГҮМӨ САЛЫП КЕТКЕМ»

– Алгач “Тааный жүрүңүз” деген рубрикага чыккам. Эң биринчи маекке чакырылганда сүрөткө түшүп, аны төш чөнтөгүмө салып алып баргам. Флешка деген нерсе жок эле анда. Кеңсеге келип журналист эжени күтүп отурсам, ырчынын баары эле ошол жерде экен. Роза Шакирова чыгып келе жатса оозумду ачып карагам. Анткени аны бетме-бет көрө элек болчумун (күлүп).

2013-жылдын жай айларында башкы бетке чыккам. “Айганыш” ырым менен жаңы тааныла баштагам, сейил бакка барып шляпа кийип, колума шар кармап сүрөткө түшкөм. Кийин көп эле чыктым окшойт. Рахмат сиздерге, суперчилер! Айдана кечээги эле кыз да, ме, өзүң айтчы башкы бетке качан чыкканыңды (күлүп)...

Айдана Дека, ырчы: «КӨЛГӨ ЧЕЙИН БАРЫП БАШКЫ БЕТТИ ТАРТЫП КЕЛГЕНБИЗ»

– Мен алгачкы бетке 2017-жылы чыккам. “Ысык-Көлдүн сезонун ачып бер” деп журналисттер сунуш кылганда тартуучу топ менен Тамчы айылына барып тартып келгенбиз. Көлдүн жээгине фотосессия жасап, маек уюштуруп сонун маанайда тараганбыз. Аябай сыймыктанып, толкундангам. Так, жоопкерчилик менен иштеген команданы, журналист, оператор, фотографка таң калгам. Анткени ал жылдары мындай фотосессияны “Супер-Инфо” эле уюштура алчу. Ошондон бери кызматташып келе жатам. Команданын жоопкерчилиги аябай жагат. Иштеген ар бири бир организмдей ынтымакта иштешет. Сиздерди жакшы көрөбүз, майрамыңыздар менен!

Нуржамал Жийдебаев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
07.06.2021. 10:54 
Тайпасы:
Жаран
Комментарийлердин саны:
95
Катталган:
06-08-2015
Соӊку аракети:
22-06-2021 00:17
Жынысы:
Белгисиз
+2
Супер инфо чыныгы супер гезит даа. Менин да чыгармаларым ушул супер гезит аркылуу чыкты да. Бул гезит болбосо кантип чыгармак элем. Рахмат силерге супер инфо. Биринчи жолу чыгармам чыкканда Москвада элем, жанымдагы орустарга мактана берип жадаткам. Ошол менин биринчи чыгармам чыккан гезиттин санын бекитип койгом, омур бою мени менен болот.
Гезитинердин сапары байсалдуу болсун, окурмандарынар коп болсун. Дагы коптогон чыгармачыл адамдардын тушоон кесип журо бергиле.
Бар болгула, бай
07.06.2021. 18:45 
Тайпасы:
Жаран
Комментарийлердин саны:
26
Катталган:
15-09-2020
Соӊку аракети:
21-06-2021 18:29
Жынысы:
Белгисиз
+1
Биздин үйдөда толтура супер инфо гезити бар тайкем топтойт.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25710;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: