Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973   974   975   976   977   978   979  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Кадыр Жарматов, актёр: “ЖУБАЙЫМ БАЛДАРЫМДЫ МЕНДЕН ДА ЖАКШЫ КӨРЧҮ”

№960 29-апрель-5-май, 2021-ж.


Шоумен, актёр Кадыр Жарматовдун жубайы Каныкей Саматова 32 жашында мезгилсиз дүйнө салды. 22-апрель күнү болгон каргашалуу окуяга байланыштуу эл арасында түрдүү маалыматтар тарады. Жубайынан айрылып, аза күтүп жаткан Кадыр Жарматовго, үй-бүлөсүнө ушак-айыңдар оор тийип жатат. Күйүткө батып, өксүп ыйлаган актёр окуянын чоо-жайын айтып берди.

– Кадыр мырза, жубайыңыздын арты кайырлуу болсун, сабыр кылыңыз! Бул темада сүйлөшүү сизге оор экени бышык. Жубайыңыздын ден соолугуна байланыштуу көйгөйү бар беле?

– Каныкей ооручу эмес, ден соолугу абдан жакшы болчу. Буга чейин, кышында “жүрөгүм кысылып, кулагыма бир нерселер угулуп жатат” дегенинен молдого алып барып дем салдырганбыз. Андан кийин жакшы болуп калган. Эки айдай жаркылдап эле жүрдү. Эртең мененки намазды калтырбай окуп жүргөнүнө жарым жыл болгон. Бизге эч нерсени айтпай баарын ичинде алып кетти.

– Өмүрүнүн акыркы күндөрүндө жүрүм-туруму өзгөргөнүн байкай алдыңызбы?

– Көпчүлүк “кыргызчылык же жин илешкен эмеспи?” деп жатышат. Бул бир гана Алланын буйругу болду. Жубайым Кудай берген өмүрдү жашап, өз ажалы менен каза болду. Менин динден түшүнүгүм жакшы. Жакындарымдын, досторумдун арасында жин илештирип алгандарды билем. Андай учурда сүйлөгөн сөздөрү, жүрүм-туруму өзгөрүп калат. Мындай учурга өзүм күбө болгом. Жин кирип кеткен адамды молдого алып барып, колу-бутун кармап жардам бергем. Ал эми келинчегимде андай өзгөрүүлөр болгон жок. Сүйлөгөнү, мага да, балдарыбызга да мамилеси жакшы болчу. Болгону “жүрөгүм кысылат” деп айтып калчу. Анан көңүлүн көтөрүп койсом жакшы боло түшчү. Эшикке чыгып же шаарга бара турган болсо уктап жатсам да мени ойготуп “балдар кичинекей, ыйлап калбасын. Сыртка чыгып кетпесин, карап туруңуз” деп айтып кетчү. Мага караганда балдарын жакшы көрөт эле. Ушундай болорун билгенде жанынан такыр чыкмак эмесмин.

– Келинчегиңиз эмне менен алектенчү?

– Келинчегиме балдар дүкөнүн ачып жатканбыз. Өзү дагы жеке ишкерликке кызыгып жүргөн. Товарларды алып келип, баары даяр болуп калган. Дүкөндүн бүтө элек бир апталык иши калган болчу. Ошол бизнес кылуу планы ишке ашпай калды.

– Жакын курбулары менен мамилеси кандай эле?

– Тайпалаш 2-3 курбусу бар эле. Алар менен да көп катышчу эмес. Вотсаптан эле сүйлөшүп, бир жылда бир жолугушуп турчу. Негизинен үй-бүлө, балдар менен алек болчу. Анан жубайымдын курбуларында көрө албастык деген нерсе жок эле.

– Ортоңуздарда катуу таарыныч болгон эмеспи?

– Ортобузда эч кандай катуу таарыныч болгон эмес. Акыркы убакта биз бактылуу жашап жатканбыз. Уруш-талаш болгон учурда да ал мындай жолго бармак эмес. Балдарды таштап кетмек эмес. Акыркы жолу дем салдырып жакшы болгондон кийин, молдо акелерибиз “назар деген нерсе бар, этият болгула, эч жакка чыкпагыла” дешкен. Мындан улам келинчегим “жашоо биздики, тынч жашайлы” деп Инстаграм баракчамдагы мага жаккан видео, сүрөттөрдү алдыртып салган. Ошондуктан үй-бүлөбүзгө тиешелүү маектерден алыс жүргөнбүз. Ушул жылы, август айында баш кошконубузга 10 жыл болмок.

– Экспертизадан баш тартууга эмне себеп болду?

– Ошол экспертиза боюнча туура эмес маалымат тарады. Ал күнү мындай болду. Жубайым өз жанын кыйгандан кийин аны өзүм үйгө алып кирдим. Ошол маалда тамагы кыркырап жатыптыр. Аны жасалма жол менен дем алдырууга аракет кылдым, майнап чыккан жок. “Тез жардам” чакырдым. Алар да өмүрүн сактап калганга аракет кылышты. Алар “иним, кайрат кылыңыз, 3 сааттай болуптур, жетишпей калдык” дешти. “Тез жардамдын” артынан милиция келди. Алар өздөрүнүн жумушун аткарат экен. “Мындай окуяларда киши колдуу болуп, асып коюшкан учурлар да кездешет” деп, териштиришти. Андан кийин экспертиза келди. “Аялыңдын денесин текшерип көрөлү” дешти. Эркек киши болгондуктан ага каршы болдум. “Аял киши келип текшерсин, эркек кишиге макул эмесмин” дедим. “Мен мыйзамды сыйлайм. Бирок шариятты да сакташыбыз керек да. Кантип менин аялымдын жылаңач денесин эркектер текшересиңер? Аял киши келип бардык жерин текшерсин” дедим. Башында моргго алып кетебиз деп чыгышты. Каршы болдум. “Текшерсеңер ушул жерден текшергиле” деп сөөгүн бербей койдум. Алар да түшүнүштү. Аял кишини чакырышты. Ал келгиче 2 саат өттү. Ошондо “экспертизадан баш тартты” деген маалымат тарап кетти. Аял киши келип денесине кароо жүргүзүп, сурашып, териштирип кетишти.

– Жубайыңыздын мүнөзү кандай эле? Балдарга кандай эне эле?

– Сабырдуу, токтоо болчу. Уруш-жаңжалды жек көргөн, жай отуруп сөз менен түшүндүргөн, тарбиялуу үй-бүлөнүн кызы эле. Мен башында ага катуу сүйлөп алчумун. Сезимтал мүнөзүн байкап мен да акырындык менен жумшак сүйлөп калгам. Бардык маселени жай отуруп сүйлөшүп, кеңешип чечим чыгарганга көнгөн элек. Төрт баланын ата-энеси болгондон кийин балдарга дагы жакшы жагыбызды көрсөтүп, туура тарбиябызды берип келгенбиз. Келинчегим балдарга да катуу сүйлөчү эмес, уруп тарбиялаганын бир дагы көргөн жокмун. Ушунчалык мээримдүү болчу. Балдарды сөз менен эле тарбиялады. Азыр улуу кызымдын мүнөзү апасына окшош. “Эркек киши сыртта иштеп, үй-бүлөсүн багат. Аял үйдө балдарды тарбиялайт” деп балдардын кем-карчын толукташ үчүн иштеп жүрдүм.

– 4 балаңыз бар экен, алар канчада?

– Эки уул, эки кызыбыз бар. Уулум 9 жашта, 3-класс, андан кийинки кызым 1-класста окуйт. Үчүнчү кызым 5 жашта, кичүү уулум июнда 2 жашка чыгат. Кичинекейибиз эмчектен чыга элек болчу. Ага абдан кыйын болду. Башында 2-3 күн уктаган жокмун. Кичинекейим апасынын сүрөтүн карап “апа, апа” деп көрсөтөт. Улуу балам баарын түшүндү. Жаназасына катыштырдым. “Чоңоюп калдың, жүрү, балам” деп топурак салганы алып бардым. Арадан убакыт өткөндө балам мага “ата, мен эмнеге апамдын жайына барып топурак салдым?” деп сурады (ыйлап). Жүрөгүм жанчылып “балам, ар бир бала энесине топурак салат” дедим.

Барсбек кичинекей болсо да сөзгө түшүнгөн бала. Буга чейин “ата, мен канча жашымдан баштап намаз окуйм? Мечитке бара берсем болобу?” деп көп сурачу. Азыр балдарымдын баары кичинекей, апасын тынбай сурашат. Чынын айтсам, жүрөгүм эзилип кетти (ыйлап). Азыр улуу балам эле билет. Кыздарым “апам ооруканада” деп күтүп жүрүшөт. Бир аптадан кийин мектепке барышат. Окуучулар баары бир жаш бала да. Апасы тууралуу сурап калышса же бирөөлөр айтып салышса кыздарым кандай абалда болушат? Ошондон корком. Улуу балама “мектепке барганыңда досторуң апаңды сурашса “бейишке кеткен” деп жооп бер” десем, “ата, кыжалат болбоңуз, биздин класста эки бала бар, алардын да апасы жок. Досторум мага эч нерсе дешпейт” деп кайра мени жоошутуп коёт (ыйлап).

“Балдарым апасыз калбаса экен” деп дайыма тиленчүмүн. Анткени мен өзүм да эне мээримин көрбөй чоңойгом. “Эмне үчүн башкалардын апасы бар, меники жок?” деп үйгө келип өксүп ыйлачумун. Азыр эми өзүмдүн балдарымдын башына келип турат. Ооба, бул дагы Кудайдын сыноосу, бирок жүрөктө чоң бир күйүт калып жатат. Мен бул нерсени эч кимге каалабайм. Акыркысы мен болоюн, башка эч кимдин башына мындай сыноо келбесин. Анан дагы айтар элем, бирөөнүн өлүмүнөн хайп жараткан инстаблогерлер, туура эмес маалымат тараткандар, мен абдан нааразымын. Мындай кылган туура эмес. Кудай сактасын, жамандык каалабайм, бирок ушунчалык нааразымын!

– Кайрат кылыңыз! Жараткан жубайыңыздын бейишин берсин!

“Супер-Инфо” гезитинин эмгек жамааты Кадыр Жарматовдун жубайы Каныкей Саматованын мезгилсиз дүйнө салганына байланыштуу жакындарынын аза кайгысын тең бөлүшүп, терең кайгыруу менен көңүл айтат.


Гүлдана Мамадали кызы



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(20)
03.05.2021. 09:26 
Тайпасы:
Жаран
Комментарийлердин саны:
67
Катталган:
31-08-2016
Соӊку аракети:
19-07-2021 09:46
Жынысы:
Белгисиз
+17
Эх журогум ооруду,ыйладым байкуш балдарга кыйын,сабр тилейм,озунуз акылдуу жансыз биз сизди тамашоудан кийин тааныйбыз сыйлайбыз,балдарыныздын бактысына сиз бар болунуз
03.05.2021. 09:39 
Тайпасы:
Жаран
Комментарийлердин саны:
26
Катталган:
23-10-2010
Соӊку аракети:
03-05-2021 20:37
Жынысы:
Белгисиз
+11
Baldardyn kelechegi ken bolsun
03.05.2021. 10:02 
Тайпасы:
Конок
Комментарийлердин саны:
165
Катталган:
02-02-2021
Соӊку аракети:
11-05-2021 16:20
Жынысы:
Белгисиз
-18
"Күчтүү аял" - бул өзүнүн жашоосундагы ролун жогору баалаган аял. Ал бироонун ою менен жашабайт. Бир гана озунун эркине гана баш ийет. Мындай эрки күчтүү аялдарга анын жашоо образы жөнүндө башкалар кандай ойдо экени маанилүү эмес. Күчтүү Аял жашоосунун туура эместиги жөнүндө комментарийлерди өткөрүп жиберип, ал максатка карай бара берет, ал эмнени каалаарын жакшы билет. Ал терс жакты чагылдырган ойлорго көңүл бөлбөйт.
03.05.2021. 10:11 
Тайпасы:
Жаран
Комментарийлердин саны:
17
Катталган:
20-04-2014
Соӊку аракети:
21-05-2021 00:58
Жынысы:
Белгисиз
+16
zhazgul98, неге дайыма ар тамада, не в тему жаза бересин?..
Же эптепле комменты жазсан болдубу))
03.05.2021. 10:14 
Тайпасы:
Жаран
Комментарийлердин саны:
315
Катталган:
13-12-2011
Соӊку аракети:
18-09-2021 22:10
Жынысы:
Белгисиз
Калаасы:
Οω- Μοsκβα
+16
zhazgul98,товоо мына бир тантык неме экен да. Күчтүү аялдар чачыны кое бериш керек деп кошуп койбопсун.


Бейиштик болсун, калган өмүрүн балдарына берсин! Сабыр тилейм жакындарына! Эч бир бала энесинен эрте ажырабасын!
03.05.2021. 10:47 
Тайпасы:
Конок
Комментарийлердин саны:
165
Катталган:
02-02-2021
Соӊку аракети:
11-05-2021 16:20
Жынысы:
Белгисиз
-14
Begimkyz,
Аял бир эле күчтүү мүнөздүү эмес, сулуу да болушу керек. Ал үчүн мыкты чач жасалга жасатып, жарашыктуу кийим тандап дегендей. Өзүнүн сулуулугуна бекем ишенген аял, акыры, башкалардын бардыгын өзүнө ишендире алат. Кыздардын сырткы келбети жийиркеничтүү болсо, анын ички дүйнөсүн эч ким тааныбайт.
zhazgul98 түзөттү 2021-05-03 10:48:05
03.05.2021. 11:25 
Тайпасы:
Жаран
Комментарийлердин саны:
47
Катталган:
21-10-2020
Соӊку аракети:
19-09-2021 13:07
Жынысы:
Белгисиз
+11
zhazgul98,каерге болсо да дооруп кыпчыласын! Акылына береке, «кыздар мини юбка кийип, чачын жайып, сулуулугун даназалаш керек», дейсин бир туруп дагы ойду тоону дооруйсун! Озун ууланганын азсынып коомчулукту да уулабачы. Акылды мурда турмушта ойдо томонду коргон, косом адамдар айтчуу эле
03.05.2021. 23:24 
Тайпасы:
Жаран
Комментарийлердин саны:
4
Катталган:
14-11-2019
Соӊку аракети:
16-09-2021 18:24
Жынысы:
Белгисиз
+3
zhazgul98,бул жазганыңа Каныкей дин эмне тийешеси бар ?
07.05.2021. 15:10 
Тайпасы:
Жаран
Комментарийлердин саны:
191
Катталган:
30-12-2017
Соӊку аракети:
26-06-2021 14:31
Жынысы:
Белгисиз
+1
zhazgul98,азыркы 98 дердин ой жүгүртүүсү ушул болсо өлгөн экенбиз да
03.05.2021. 10:50 
Тайпасы:
Жаран
Комментарийлердин саны:
27
Катталган:
22-09-2020
Соӊку аракети:
19-09-2021 08:20
Жынысы:
Белгисиз
+10
Аллахым карындашыбызга бейиштен орун берсин.
03.05.2021. 12:35 
Тайпасы:
Жаран
Комментарийлердин саны:
400
Катталган:
03-01-2021
Соӊку аракети:
19-09-2021 13:01
Жынысы:
Белгисиз
+7
Төө десе бээ дептирго бирөөлөр,Сабыр берсин,балдарынын бактысын тоодой кылсын Аллахым.
03.05.2021. 12:59 
Тайпасы:
Жаран
Комментарийлердин саны:
387
Катталган:
26-01-2016
Соӊку аракети:
18-09-2021 12:39
Жынысы:
Белгисиз
Калаасы:
♡♡♡ОШ♡♡♡
+10
Сабыр тилейм.Эркектер аялыңарга көңүл буруп сүйүп,сыйлап тургула...
03.05.2021. 14:49 
Тайпасы:
Жаран
Комментарийлердин саны:
374
Катталган:
03-05-2016
Соӊку аракети:
17-09-2021 14:04
Жынысы:
Белгисиз
+5
Аллах сабыр берсін Кадырбек.
03.05.2021. 20:57 
Тайпасы:
Жаран
Комментарийлердин саны:
6
Катталган:
13-12-2017
Соӊку аракети:
18-09-2021 22:00
Жынысы:
Белгисиз
+7
Кадыр ото жакшы инсан. Суйлошо келсен жонокой кичи пейил.жубайындын жаткан жери жайлуу болсун. Аллах бейишин берсин. Ар ким ар нерсени дооруй берет. Булдагы жараткандын сыноосу. Балдарына татыктуу тарбия берип.озунду колго ал.
03.05.2021. 21:35 
Тайпасы:
Жаран
Комментарийлердин саны:
5
Катталган:
24-05-2016
Соӊку аракети:
19-09-2021 13:10
Жынысы:
Белгисиз
+6
Жаман болуп буулугуп окудум ыйладым. Сабыр кыл балдардын омурлору Узун ырыскысы мол болуп чонойсун. Энелер Аман болсун!
03.05.2021. 23:54 
Тайпасы:
Жаран
Комментарийлердин саны:
9
Катталган:
13-10-2020
Соӊку аракети:
04-05-2021 00:11
Жынысы:
Белгисиз
+3
Жайы жаннатта болсун... Сабыр...
04.05.2021. 10:26 
Тайпасы:
Жаран
Комментарийлердин саны:
3
Катталган:
30-10-2020
Соӊку аракети:
18-09-2021 20:55
Жынысы:
Белгисиз
0
Аялыга жин илешкен аны чоненелерге айтыш керек эле бир койду сойуп асып асып ырымдары бар ошону кылса сакайып кетмек
04.05.2021. 11:23 
Тайпасы:
Жаран
Комментарийлердин саны:
39
Катталган:
19-01-2021
Соӊку аракети:
18-09-2021 12:21
Жынысы:
Белгисиз
+2
чала молдого алып барган окшойсун. жин шайтан азгырганы анык. ото окунучтуу. арты кайырлуу болсун.
04.05.2021. 23:38 
Тайпасы:
Жаран
Комментарийлердин саны:
1
Катталган:
12-04-2021
Соӊку аракети:
18-09-2021 16:17
Жынысы:
Белгисиз
0
Сабр
05.05.2021. 02:46 
Тайпасы:
Жаран
Комментарийлердин саны:
2
Катталган:
21-09-2020
Соӊку аракети:
19-09-2021 12:24
Жынысы:
Белгисиз
+2
Эх кичикейлерге аябай эле кыйын. эч бир инсандын башына салбасын. Сабыр.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
26070;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: