Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТАЖИК АСКЕРЛЕРИ УУРДАП КЕТКЕН 2 ЖИГИТ:“УКТАП ЖАТСАК БЕТ КАПЧАН 5 АДАМ КЕЛИП САБАП КИРИШТИ”

№960 29-апрель-5-май, 2021-ж.


23-апрель күнү түндө Лейлек районуна караштуу Бешкент айылынын эки тургунун Тажикстандын жарандары түн ичинде ур-токмокко алып, Тажикстандын аймагына алып кирип кетишкен. Жергиликтүү эл чуу түшүп, эртеси кечке жуук гана балдарды коё беришти. Туткун болгон 2 жигитти таап байланыштык, алар окуя кандай болгонун, кармап кеткендер кандай талаптарды коюшканын айтып беришти.

ТАЖИКСТАНГА НОТА ТАПШЫРЫЛДЫ

26-апрелде Тышкы иштер министринин биринчи орун басары Нуран Ниязалиев Тажикстандын Кыргыз жериндеги элчиси Назирмад Ализода менен жолугуп, ага нааразычылык нотасын тапшырды.

"Ушул жылдын 24-апрелинде Баткен облусунун Лейлек районунда Кыргызстандын эки жаранын уурдоого байланыштуу жасалган укукка каршы жана мыйзамсыз иш-аракеттерге Кыргыз тарап тынчсызданууда. Чек арага жакын аймактардагы кырдаалды курчутууга алып келе турган мындай иш-аракеттерге жол бербөө зарыл. Учурдагы бардык көйгөйлөр ынак коңшулук нукта диалог аркылуу чечилиши керек",- деди Ниязалиев Тажик элчисине.

“ТЕРГӨӨ ИШТЕРИ УЛАНУУДА”

Баткен ОИИББи бул окуя тергелип жатканын билдирди:

– Лейлек районунун Бешкент айыл аймагынын Эски-Оочу айылынын тургундары 2002-жылы туулган Дастанбек Ашрапов жана 2000-жылы туулган Кубатбек Каныбек уулу чек арага жакын жердеги цехтин курулушунда иштеп жүргөн. 23-апрель түнү курулуш материалдарын уурдап кетишпесин деп кайтарып жатышкан. 24-апрель күнү эртең мененки тамактанууга үйлөрүнө барган эмес. Дастанбек Ашраповдун апасынын "балдарыбызды тапканга жардам бергиле" деген видеосу ошол күнү элге тарады.

Бул факт Лейлек РИИБинин Кылмыштардын жана жоруктардын бирдиктүү реестрине Жазык кодексинин 170-беренеси (киши уурдоо) менен катталып, сотко чейинки өндүрүш иши ачылган. Соттук өндүрүш ишинин алкагында Лейлек РИИБи тарабынан ыкчам тергөө тобу түзүлүп, ыкчам иликтөө иштери жүрүп баштаган.

Кыргыз-Тажик бийлик органдарынын сүйлөшүүсүнүн негизинде уурдалган Дастанбек Ашрапов менен Кубатбек Каныбек уулун Тажикстандын чек ара кызматы Кыргыз чек арачыларына өткөрүп берген.

Лейлек РИИБинин тергөө кызматы тарабынан Дастанбек Ашрапов менен Кубатбек Каныбек уулунун алган жаракаттарынын канчалык оордугун аныктоо боюнча экспертизалар дайындалып, жакындарына өткөрүлүп берилди. Учурда тергөө иштери улантылууда.

“ТАЖИК ТАРАП КАНДЫН ИЗИН КӨРГӨНДӨ ГАНА МОЮНГА АЛДЫ”

Бул окуя тууралуу Дастанбек Ашраповдун апасы Махабат Ашрапова "интернетке жар салбаганда балдарымдын кайтып келиши күмөн эле" дейт:

–Уурдалган балдардын бири менин уулум, экинчиси эжемдин баласы. Эски-Оочу айылынын түштүк тарабына тигүү цехин куруп жатканбыз. Бул аймак Тажикстандын Гафуров районуна жакын жайгашкан. Түн ичинде Тажик жарандары келип эки баланы алып кетишиптир. Эртең менен барып карасам балдар ордунда жок экен, кийим-кечектери жана телефондору ордуларында калыптыр. Тегерек-четти карасам баары-жогу кан. Ызылдап, айылдаштарды жардамга чакырдым. Балдарды канжалатып сүйрөп кетишиптир. Кандын изи менен Тажикстандын чек арасына чейин бардык. Алгач чек арачылар “билбейбиз, көргөн жокпуз” дешти. Бирок кандын изин көрүшкөндөн кийин моюнга алышты. Алардын чек арасын аскерлер курал-жарактары менен кайтарып турушат. Биздин чек аранын ушул бөлүгүн эч ким кайтарбайт. Лейлектин чоңдору, милиция кызматкерлери тажиктерден коркушабы билбейм, бир нерсе болсо эле шылтоо айтып, ишти жаап коюшат. Мен ушуну билгендиктен видео тартып интернетке тараттым. Элге жарыялабасам балдарды табууга көзүм жетпей турган. Жок дегенде бир чек арачы коюп бергиле, бизди коргоп берсин деп жалынып жүрөбүз.

2010-жылдан бери жерибизди четинен Тажик жарандары ээлеп келе жатышат. Балдардын уурдалышы, физикалык жана моралдык зомбулукка учурашы боюнча арыз жазалы десек, “бул мамлекеттик иш болуп жатат, өзүбүз териштиребиз” дешти. Эми биздин үнүбүздү ким угат? Же ушинтип жабыркап кала беребизби, билбейм.

“САБАГАНЫБЫЗ ТУУРАЛУУ ООЗ АЧПАГЫЛА ДЕП ТАЛАП КОЮШТУ”

Тажик жарандары алып кеткен балдардын бири Дастанбек Ашрапов катуу сабап, кыйнашты дейт:

–23-апрелден 24-апрелге караган түнү саат бир жарым чамасында чатырдын ичинде уктап жатсак 5 тажик жараны кирип келип, ур-токмокко ала баштады. Баары бет кап тагынып алышкан экен. Оозу-мурдубуздан кан кетти. Футболкаларыбызды чечип көзүбүздү байлады да, кийимсиз эле сүйрөп жөнөштү. Тажикстандын чек ара постуна жеткенде көзүбүздү чечишти да, андан ары унаа менен өздөрүнүн аскердик бөлүгүнө алып барышты. Ал жерден “силер эмне себептен биздин жерге үй салып жатасыңар?” деп 2-3 саат тынымсыз тепкилешти. Өздөрү тажик тилинде сүйлөшкөнү менен, бизге орус тилинде кайрылып жатышты. Таң атып калганда колу-бетибизди жуудуруп, андан соң ооруканага алып барып текшертишти. Ал жерден деле уруп-согуп сурак алып жатышты. Цех ким тарабынан курулуп жатканына чейин сурап, өздөрүнө жазып алышты. Анан кайрадан чек арага алып келип, түндө жылаңач алып кеткендиктен бизге башка кийимдерди берип, чыгарып жиберишти. “Уруп-сокконубуз тууралуу ооз ачпагыла” деген талап коюшту.

“ЧЕК АРАЧЫЛАРДЫН БУЛ ЖОРУГУ ЖАЗАСЫЗ КАЛБАШЫ КЕРЕК”

Кубатбек Каныбек уулу катуу соккудан улам эсин жоготуп койгонун айтат:

–Мен уктап жатсам бирөө келип бутумду кармады. Чочуп кетип карасам бирөөсү көзгө сокту. Эсимди жоготуп коюпмун, бир кезде өзүмө келсем бир жакка сүйрөп бара жатышкан экен. Жардам сурап кыйкырсам бирөөсү башка тепти. Чек арага жеткенден кийин колу-бутубузду байлап, Тажикстанга алып кирип кетишти. Өздөрүнүн аскердик бөлүгүнө алып барышкандан кийин темир менен башка чаап, белге тээп, болушунча сабашты. Суракка алып Кыргызстандын жерин биздин жер деп жатышты. Бир маалда чоңдору бизге жакшы сүйлөп, өздөрүнө видео отчёт жасап алышты. Тажик аскерлеринин бул жоругу жазасыз калбашы керек.

Бизди биздин чек арадан өткөргөндөн кийин көп өтпөй ооруканага алып кетишти.

“ООРУКАНАДА 10 КҮН ДАРЫЛАНЫШАТ”

Эки жигит дарыланып жаткан Кулунду айылындагы Жалпы дарыгердик-практикалык борбордун башкы врачы Пулат Абдымановдон балдардын абалы боюнча 26-апрелде маалымат алдык:

– Жигиттер ар кандай соккудан улам жаман абалда ооруканага түшүшкөн. Учурда алардын абалы туруктуу, эч кандай коркунуч жок. Бирөө башынан катуу жаракат алган. Анын башын компьютердик томографиядан тарттыруу үчүн Баткен шаарына жөнөтүп жатабыз. Дары-дармектер, тамак-аш берилип жатат. Алар ооруканада 10 күн дарыланышат.

Мындай окуялар Кыргыз-Тажик чек ара маселесин тезирээк чечүү зарыл экенин көрсөтүүдө. Тынч, бейкапар жашоону тилеген элдин деле аргасы түгөнүп баратат.

Жолдубек Качкынбаев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
03.05.2021. 12:53 
Тайпасы:
Жаран
Комментарийлердин саны:
30
Катталган:
24-02-2011
Соӊку аракети:
18-05-2021 20:02
Жынысы:
Белгисиз
+3
Кудай баарын коруп турат, фашисттер.
03.05.2021. 13:37 
Тайпасы:
Жаран
Комментарийлердин саны:
40
Катталган:
17-05-2020
Соӊку аракети:
22-06-2021 08:19
Жынысы:
Белгисиз
+3
Айтайн десең сөз таппайсың,жакшылык көрбөй калгыр жөөттөр,сабаган тепкилеген колу бутуңар шал болуп калса экен
03.05.2021. 15:46 
Тайпасы:
Жаран
Комментарийлердин саны:
584
Катталган:
05-11-2015
Соӊку аракети:
22-06-2021 13:12
Жынысы:
Белгисиз
+1
Оз элин коргой албаган бийдиктин эмне кереги бар.дагы уялбай илгертеден дос элбиз.достугубуз бузулбасын сабыр кылайлы деп олтурушат бети жоктор.
06.05.2021. 20:02 
Тайпасы:
Жаран
Комментарийлердин саны:
11
Катталган:
27-03-2015
Соӊку аракети:
22-06-2021 10:14
Жынысы:
Белгисиз
+1
Менимче орустар да ушинтип сынап королучу эмне кыла алат экен деп суйлошсо керек..Кандай болгон учурда да Рахмон менен Путин 30 жылдан бери уурдаса да жесе да окмот башында келе жатышат.Улам эле президеннтерин алмаштыршат кыйындарды королучу деген окшойт.Ортодон карапайм калк жабыркады.Аманчылык болсун!
07.05.2021. 12:10 
Тайпасы:
Жаран
Комментарийлердин саны:
3
Катталган:
01-11-2018
Соӊку аракети:
11-06-2021 09:05
Жынысы:
Белгисиз
+2
алла жазалап жери оодарылып астына кирип кетсин жер жуткур тажиктер убал урсун уругунар курусун кутурган иттер
бийликтегилер чек араны тез арада так чечип чымын киргыс кылып тоспосо улам кол сала берет бул нахалдар ойлон бийлик ойлон кыргыз
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25710;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: