реклама
Архив
944   945   946   947   948   949   950   951   952   953   954   955   956   957   958   959   960   961  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Күмөндөр Абылов, Кыргыз Республикасынын Эл артисти: “АКТЁР КАТАРЫ ПОПУЛЯРДУУ БОЛГУМ КЕЛЧҮ”

№960 29-апрель-5-май, 2021-ж.


Кыргыз Эл артисти Күмөндөр Абылов маек төрүбүздө болду. Баарлаша элегибизге 10 жылдай болуптур. Куудул жаңы имиджи, жаңы тасмасы, чыгармачылыкта басып өткөн жолу тууралуу кызыктардан кеп салып берди.

– Күмөндөр агай, саламатсызбы? Алгач эле жаңы имиджиңиз тууралуу сурагым келди...

– Сакалды молдо болгонум үчүн же, мода болгону үчүн койгон жокмун. Жаңы тасмага тартылмакмын, ошол ролума байланыштуу сакал коюуга туура келди.

– Жашыруун болбосо, тасмаңар кандай аталат? Эмне жөнүндө? Кимдер ойнойт? Кененирээк айтып берсеңиз.

– Тасманын атын “One день түн” деп англисче, орусча, кыргызча сөздөрдөн алып койдук. Кыргызча мааниси – “Бир күн түн”. Бүгүнкү күндүн көйгөйлүү маселелерин камтыган тасма болот деп турабыз. Жанры боюнча – социалдык комедия. Бул тасмага баш-аягы 30дан ашуун актёр-актрисалар тартылып жатат. Мен башкы ролдомун.

Азыр турмушту чагылдырган, күлкүлүү окуяларды камтыган комедия жанрындагы кинолор көп тартылып жатат. Биздики да ошол сыяктуу. Бир айырмачылыгы – КВНдерде ойногон куудул жигиттер менен мурдагы “Мыскыл жана тамашадагы” биздин өкүл, тагыраак айтканда, улуу муун менен кичүү муун биргелешип тартып жатканында. Мурда бирибиз “Тамашонун балдары майдаланып баратат” десек, бирибиз “биз айта турган ойду жарым саат эзилип айтышат” деген сыяктуу көз карашта элек. Биз тарс этмелерди ойношот деп сындаган балдар, калп айткан менен болобу, азыр элге таанымал болушту. Алардын ичинен биздин тасмага Эмил Эсеналиев, Самат Эркинбеков, Жеңиш Майрамбек уулу жана башка таланттуу жигиттер тартылып жатышат. Фильмдин режиссёру Бакыт Мукул. Сценарийин экөөбүз биргелешип жаздык.

Бакыт менин бир тууган иним. Мактанып кетейин, ал режиссёрлук кылган “Атанын керээзи” тасмасы КМШ өлкөлөрүнүн ичинен биринчи болуп “А” класстагы Монреаль эл аралык кинофестивалында баш байгени жеңип алды. 40тан ашык эл аралык кино сыйлык утуп, жалаң баш байгелердин ээси болду. Андан кийинки “Акыркы көч” аталышындагы экинчи тасмасы да Таллин шаарында өткөн “А” класстагы кинофестивалга катышты. Индиядан эл аралык фестивалдын баш байгесин утуп келип, ийгиликтерди жаратып жатат. Ал эми азыркы комедия жанрындагы жаңы тасмабызды да бир чети элибизге күлкү тартуулоо, ошол эле учурда фестивалдарга катышуу максатында тартып жатабыз.

– Ийгиликтүү тасма болсун!

– Рахмат!

– Сизди эл куудул, актёр катары таанышат. Жакында “Айылга саякат” аттуу китебиңиз жарык көрдү. Акындык өнөрүңүз бар экенин көпчүлүк биле бербесе керек?

– Азыркыга чейин өзүмдү акын деп деле эсептебейм. Анча-мынча талант бардыр, бирок акындыкка ниет коюп, баш-отум менен шугулданган эмесмин. Музыкант, актёр, сүрөтчү болгум келчү. Китеп тууралуу айтсам, адам жашы өткөн сайын туулган жерине көбүрөөк тартылып, сагына баштайт экен. Нарынга, айылыма азыр деле көчүп барып алгым келет. Бирок мага ал жактын абасы бийик. 1994-жылы жүрөгүм ооруп калгандыктан Бишкекке көчүп келгем. Бир жолу туулган жериме арнап ыр жаратайын деп обондуу ырга текст жазып жатсам, обондуу ыр эмес эле, окуялар камтылып башкача болуп баратат. “Мынча болду поэма кылып 20 куплеттен ашырып коёюн” десем, дагы окуялар эске түшүп, 5-6 ай ошол ыр менен алек болуп калдым.

Бир жылдары айылыбызга марафон уюштурганбыз. Чортон деген аксакал бар эле. Куйкум сүйлөгөн, кыраакы киши болчу. “Айыл жерин көтөрүү дегениңер мага жакпай турат. Көтөрбөй эле койсоңор кантет? Жөн жаткан айылды көтөрүп, көтөрүп келип, бир маалда колуңар талып кетип, таштап жиберсеңер оңбой калабыз го?” деди эле (күлүп). Аксакалдын ою туура туюлду. Айылга шаардагы цивилизация, диний агымдар, көз карандысыз уюмдар, ыктыярчылар барбаса деген ойду жаздым. Анткени азыр да кыргыздын каада-салты баш болгон асыл өзгөчөлүктөр айылда гана таза сакталып турат. Айылды өнүктүрөбүз деп жатып айылды бузуп алсак, анда кыргызды жоготтук деген кеп. Айылды карайлы, өнүксүн. Бирок өзүнө тиешелүү баалуулуктарды жоготпой өнүксүн деген гана ой.

– Куудулдар союзу түзүлүп, сизди ага директор болот деп жатышат. Бул маалыматтын чын-бышыгын өзүңүздөн уксак.

– 1-апрелде маданият министри Кайрат Иманалиев куудулдар менен жолугушуу өткөрдү. Биздин ой-максаттарыбызды укту. Куудулдук өнөрдү колдогон демөөрчүлөр болсо же өкмөт колдосо өсөт эле. Азыр куудулдар өздөрү жазган чыгармаларды гана аткарып жүрүшөт. Сатирик жазуучулар менен эч ким иштеше элек. Андыктан жазуучуларга сынак уюштуруп, байгесин коюп, гонорарын берип, куудулдар менен сатирик жазуучулардын баштарын бириктириш керек. Ошондо гана эл арасындагы көмүскөдө жаткан сатириктер “мына муну аткарып көрчү” деп жактырган куудулуна сатираларын бере башташат. Ошондо “Кыргыз сатирасы”, “Кыргыз күлкүсү” атыгып, башка элдерге да аты чыгып, өз ордун табат. Болбосо бул тармактагы искусство адамдары такыр эле көңүл сыртында калды. “Эстрада театрын ачалы” деген идея сунуштадык. Министр колдоду. Ошондо кээ бирөө “Күмөндөр директор болот” деген ойдо калды окшойт. Ким болот, билбейм. Ким директор болсо да ишти алып кетсе болду.

– Маектериңиздин биринде сахнанын тили таанылбай баратат деп да айткан экенсиз?...

– Ооба. Тилекке каршы, азыр кээ бир куудулдардын чыкканы пикетке чыккан тажаал аялдар сымал, ошолордун тили менен баратат. Бирөөнү шылдыңдоо, беделине шек келтирүү, үнүн тууроо, маскаралоо сахнанын тили эмес. Сахнадагы сатира, интермедия, пародия болобу тамсилдин тилинде, экинчи линия менен какшык, каймана мааниде, маданияттуу аткарылышы керек. Башка бир окуяны айтымыш болуп жеткириш керек. Эшмат менен Ташматтын урушканын өзүндөй туурап берсем, анын эмнеси чыгарма?

– Атактуулуктун жолу кандай болду?

– Атактуу болом деп тырышып, план түзүп алып киришкен жокмун. “Кантип атактуу болот?” деп, ар кимден сураштырган жокмун. Бирок ошентип сурап, атактуу болууга далалат кылган кишини көрдүм. 1987-жылы Нарын театры Москванын кичи театрына 7-8 спектакль менен барып, 10 күндүк декада өткөрдү. Ошондо Москвадагы Щепкин атындагы театралдык жогорку окуу жайда окуп жаткан кыргыз тайпасынын улан-кыздары да биз ойногон спектаклдердин көпчүлүк сахналарында биз менен бирге катышып беришкен эле. Бир күнү ошол Щепкинде окуган бир жигит тамеки чегип турсам деле, сахнада турсам деле жанымдан кетпей, мени кечке карай берди. Бир маалда “иним, эмне карап жатасың, дем ала албай тумчугуп кеттим” десем, “байке, суктанып эле карап жатам. Сизге бир суроо берсем болобу?” дейт. “Бер” десем, “канткенде популярдуу болсо болот?” дейт. Көрсө, анын максаты популярдуу болуу экен. “Кантип болорун билбейм. Балким, жакшы иштеп, жакшы аткарган чыгармын. Бул тууралуу ойлонуп көрбөптүрмүн” деген элем. Ошол бала кийин актёр болуп иштеген да жок. Ырчы болуп деле кыйраткан жок. Бирок популярдуу болду. Ырчы кызга үйлөндү. Чыгармачылыгы жакшыбы, жаманбы, аны эл билет, анткен менен максатына жетти.

Мен актёрлук кесибим аркылуу популярдуу болгум келген эле. Анткени театрдын сахнасын чоң сахна деп ойлойм. Актёрлугум деле Кудайга шүгүр. Мактанып жаткандык эмес. Азыркыга чейин элдин эсинде калган ролдорум бар. Башкы ролдордун көбүн аткардым. 1993-жылы Кыргыз театр коомунун “Жылдын мыкты актёру” сыйлыгын Токтоболот Абдумомуновдун өз колунан алгам. Анын спектаклинде Мамырдын ролун аткарганым үчүн.

– Кезинде 8 ай гастролдо жүргөн учуруңуз болуптур. Гастроль сизге эмне берди?

– Театрга эртең менен келип, кечинде кетип жүргөндө баары тең маданияттуу, адептүү, сылык боло алышат. Ал эми гастролго чыкканда кимдин ким экени даана билинет. Адам такай өзүн кармап чыңалуу менен жүрө албайт. Сөзсүз жаңылышат, пендечилик кылышат, аялы менен урушат, иши кылып картасын ачып салышат. Ачка-ток болосуң. Достошконго да, алыс жүргөнгө да шарт түзүлөт. Жаман деп жүргөн кишинин жакшы жактары ачылат. “Патриот, ак көңүл турбайбы, ичинде кири жок экен. А бул жеткен арамза экен” деп ар кимдин чыныгы жүзүн көрөсүң. Гастролдо Капар Медетбеков, Бакирдин Алиев, Сейитказы Андабеков, Сагыйпа Чечейбаева, Тамара Жумакаева сыяктуу залкар эже-агайларыбыз менен бирге жүрүп, алардын акыл-насааттарына сугарылдым.

– Агай, маегиңизге рахмат! Ден соолукта жүрүңүз.

Динара Абдыкадырова



Күмөндөр Абылов: “Чыгармачыл адамдын бизнесмен болуп кеткенин көрө элекмин”

Автор: Гүлзада Абдырахманова
Оператор: Чыңгыз Калбердиев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
04.05.2021. 09:00 
Тайпасы:
Жаран
Комментарийлердин саны:
29
Катталган:
24-01-2014
Соӊку аракети:
14-05-2021 11:46
Жынысы:
Белгисиз
+2
Абдымалик Шерматовду айткан окшойт, популярдуу болгусу келген адам жөнүндө айтканда
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25529;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: