реклама
Архив
944   945   946   947   948   949   950   951   952   953   954   955   956   957   958   959   960   961  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ОСТЕОПАТ КОЛ МЕНЕН ДИАГНОЗ КОЮП, КОЛ МЕНЕН ДАРЫЛАЙТ

№960 29-апрель-5-май, 2021-ж.


Остеопаттык кесип жаңыдан таралып келе жаткан кесиптердин бири. Бул эмне болгон кесип, адамдарга кантип диагноз коюп, кантип дарылай тургандыгын, башкача айтканда, остеопатияга катылган сырларды медицина илимдеринин жана остеопатиянын доктору, Евразия остеопатиялык медицина институтунун генералдык директору, Орусия остеопаттар регистринин мүчөсү, Кыргыз Республикасынын остеопаттар ассоциациясынын президенти Бактыгүл Усупбекова айтып берди.

“ОСТЕОПАТТЫК ЫКМАЛАР ООРУТПАЙТ, КОРКУНУЧСУЗ”

– Остеопатия – бул дары-дармек менен да, хирургиялык жол менен да эмес, кол менен гана дарылап организмди калыпка келтирүүгө багытталган далилдөөчү медицина.

Остеопатиянын негизги максаты – адамды текши, жалпы бир бүтүн систем катарында карап, жаракаттан же оорудан улам өзгөрүүлөргө туш болгон омуртка, кол-буттун, нервдердин, кан тамыр жана лимфа системинин, органдардын ишин калыпка келтирүү.

Остеопаттын колу органдардын же муундун кайсы жеринде жаракат же оорудан улам өзгөрүү бар экенин, организмдин кайсы жеринде чел кабык тартылып калганын, ткандардын кайсы жеринде токтоп калган суу, кан же лимфа бар экенин сезет. Өзгөрүү бар жерде сөзсүз оору бар, же оору жаралып жаткан болот. Ошондой эле тартылып, кысылып калган чел кабыктарды бошотпосо да дарттар пайда боло баштайт.

Адам организминде түрдүү ткандар: без, сөөк, булчуң, чел кабык, суюктук (кан, суу жана лимфа), тери ткандары бар жана булардын баары дем алат. Врач-остеопаттын колу алардын дем алганын же жакшы дем ала албай жатканынан бери сезе алат.

Адамдын бөйрөгү ооруса нефрологго, көзү ооруса окулистке, тамагы ооруса ЛОР врачка барат. Ал эми остеопаттар ооруну тигил же бул адистиктеги врачтын оорусу деп бөлбөйт, денени бир бүтүн организм катары карайт жана дарылайт. Остеопаттык ыкмалар таасирдүү, оорутпайт, коркунучсуз. Врач-остеопат адамдын организмине колу менен гана диагноз жасайт жана остеопатиялык ыкмалардын жардамы менен дарылайт.

ОСТЕОПАТТАР 5 БАГЫТТА ИШТЕЙТ

Диагностика

– Бизге келген бейтаптардан качан жаракат алганын, эмне операцияларды башынан өткөргөнүн, кандай оорулар менен ооруганын сурайбыз. Кичинекей балдарды алып келишсе апасынан кош бойлуулугу жана төрөтү кандай өткөнүнөн бери сурайбыз. Бул маалымат диагностикага, дарылоого да жардам берет. Диагностиканы кол менен 3 абалда: тургузуп, отургузуп, жаткызып жүргүзөбүз. Ошол 3 абалда тең өзгөрүү бир жерде экени билинсе, демек, ошол жерде маселе бар жана аны жоюу керек. Мисалы, адам бир жеринен операция болсо ошол жердин эле эмес, анын айланасындагы чел кабыктар да автоматтык түрдө тартылат. Ошондуктан аппендицит болгон адамда кийин өт, ашказан, жоон ичеги же жыныс мүчөлөрүнүн иштеши бузулушу мүмкүн. Врач-остеопаттар оорунун белгилерине гана көңүл бурбай, оорунун өзөгүн таап, тамырын алып салганга аракеттенет.

Дарылоо

– Адам организми бири-бири менен тыгыз байланышта болгон бир бүтүндүк дедик. Демек, бир жер ооруса, башка жердин да тиешеси болот. Бир нече мисал келтирейин. Эгер чач түшө баштаса, анда артериалдык кан менен башыңыз жакшы камсыз болбой жатат, же стресстен улам кан тамырлар, нервдер, баш сөөктөр кысылып жатат. Демек, ошого жараша дарылоо кажет. Бөйрөктөгү оору тигил же бул омуртканын жылып кетишинен же болбосо инфекция, катуу суук, уулануу, булчуңдун кысылышы жана башкалардан болушу мүмкүн. Талма аттан, имараттан, лыжадан катуу кулагандан, катуу стресстен, автокырсыктан улам пайда болот. Мээнин катуу чел кабыгы кысылып, баш, жамбаш жана анын тегерегиндеги органдар козголот. Баштагы катуу мээ чел кабыгы бекилген жерлерди дарылоо керек.

Ымыркай балдардын тынбай ыйлашы төрөт учурунда жаракатка кабылып (балакай сыгып алынса, киндиги моюнуна оролсо, төрөт узакка созулуп кетсе, ара төрөлсө) баш сөөктөрү, мээсинин катуу чел кабыгы, диафрагмалары, биринчи жана экинчи моюн омурткалары, алардын арасындагы нерв, кан тамырларынын кысылып калуусу мүмкүн. Ошолорду бошотуу керек. Ооруларды дарылоодо атайын көнүгүүлөрдү да үйрөтөбүз. Алардын арты менен адам организмин толук калыпка келтирип алат.

Колу өтө сезгич врач-остеопаттар гана балдар менен иштей алат. Бул өтө “ювелирдүү” иш. Кыскасы, врач-остеопат төрөбөйт деген аялдардын көпчүлүгүнө төрөгөнгө жардам берет, баспай жатат деген баланы майпаңдатып болсо да бастырууга аракет кылат, сүйлөбөйт дегенди чулдуратып болсо да сүйлөтүүгө жетишет.

Калыпка келтирүү

– Химия терапиясын алгандар, автокырсыкка, инфаркт, инсульт, жаракатка кабылгандар, оор төрөттү башынан өткөзгөндөр, катуу ооруларга чалдыккандар, операция болгондор дарылангандан кийин калыпка келиши үчүн остеопатка барышы керек.

Профилактика

– Жазында, күзүндө остеопатка баруу керек. Айталы, кышта лыжадан же велосипедден жыгылдыңыз, стресс абалдарды баштан өткөрдүңүз, же операция болдуңуз. Аталгандар жөн кетпейт, бир жериңизге доо кетирип, ооруну жарата баштайт. Врач-остеопат болсо оорунун өөрчүп кетишине жеткирбей калат.

Францияда остеопаттар жаңы туулган баланын киндиги кесилери менен колуна кармап, төрөлүп жатканда башы кысылып калса, чел кабыгы тартылса, денеси буралып калса бошотуп, анан ороп-чулгаганга беришет. Кыргызстанда андай мүмкүнчүлүк азырынча жок. Биз төрөлгөндөн кийин жок дегенде бир жолу врач-остеопаттарга балакайды көрсөтүш керек дейбиз. Канчалык эрте көрсөтсө, ошончолук жакшы. Кыйын абалда төрөлгөн, денесинин сарысы узакка кетпеген, сыгып алынган, кысылып калган бала кийин майып же начар окуучу болуп калышы мүмкүн. Начар окуганы менен андай бала көп кыймылдайт, көп сүйлөйт, анткени ал өзү билбей кысылган денесин кыймыл, кыйкырык менен бошотууга аракет кылат. Кичинесинен ыйлаак болот. Кийин андай баладан оорукчан же кылмышка барган, же мүнөзү катаал адам чыгышы мүмкүн. Врач-остеопат баланын тагдырын туулганда эле оңдоп, андай жаман адам чыгуусуна жеткирбейт.

Күз келгенде биз ата-энелерге “окуу башталганы калды, балдарыңарды врач-остеопатка көрсөткүлө, жыгылган, кулаган жери же башка нерселери болобу денесин түздөп, оңдоп берели, ошентсе балдарыңар жакшы окуйт” деп айтабыз.

Өмүрдү узартуу, карылыкты токтотуу

– Японияда 100 жашка чыккандар жана андан ашкандардын саны 1 миллионго жакындап калды. Алар деңиз азыктарын жегенден да мурун, ден соолугуна убагында кам көрүшүп, оң эмоция менен жашоого аракеттенишет. Жаш кезинен аларды башкаларга терс эмоцияларын көргөзбөөгө үйрөтүшөт. Биз да ушул жаатта иш алып барабыз.

Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
03.05.2021. 20:57 
Тайпасы:
Жаран
Комментарийлердин саны:
3
Катталган:
19-10-2016
Соӊку аракети:
13-05-2021 22:57
Жынысы:
Белгисиз
-1
Шарлотандар
05.05.2021. 08:38 
Тайпасы:
Жаран
Комментарийлердин саны:
25
Катталган:
26-01-2016
Соӊку аракети:
14-05-2021 18:03
Жынысы:
Белгисиз
Калаасы:
♡♡♡ОШ♡♡♡
+2
Бир көрүнүп коюш керек экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25529;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: