реклама
Архив
944   945   946   947   948   949   950   951   952   953   954   955   956   957   958   959   960   961  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

БАЛАЛЫКТЫН ЖАРАСЫ АЙЫКПАЙТ

№960 29-апрель-5-май, 2021-ж.


“АЛ КЕТТИ!”

– Кайда барасың?

– Ишиң болбосун!

Насип кийимдерин чоң сумкага салып жатты. Эгерде ал босогодон аттап чыгып кете турган болсо ошол замат жаным үзүлүп кетчүдөй сезилди. Бутуна жыгылып ыйлап жаттым.

– Кетпе, мен сенсиз эмне кылам, өлүп калышым мүмкүн. Мен... Мен баарын кылам, сен каалагандай болом, эч урушпайбыз. Каалайсыңбы, жумушумду да таштайм, үйдө отурам.

– Муунтуп жибердиң сен, качан болсо кызганасың, үйдөн чыгарбайсың, досторум менен да жолуктурбайсың. Сен оорулуусуң! Коё бер дедим сага! Азыр менден бирди жейсиң!

Күйөөмдүн көздөрү коркунучтуу чакчайып жатты. Болбой бутуна илеше бердим эле, көмөлөтө тепти да, сумкасын алып чыгып кетти. Менин өлгүм келди. Үч бөлмөлүү үйдүн ар бурчу мага чоочун сезилди. Өзүмдү жапжалгыз сездим. Ата-энем каза болгондон кийин жалгыз жарыгым Насип болчу. Ал да кетти! Кетти! Мен андан эч нерсе сураган жокмун. “Мени бак, кийинт” деген жокмун, “үйүң жок” деген жокмун. Ата-энемден калган үйдө жашачубуз, болгону “мени сүй” дедим. Көп нерсе сурадымбы мен?

Үч күн үйдөн чыкпай жаттым. Жумуштагыларга коронавирус менен ооруп калганымды айтып обочолонушум керек деп койдум. Жумушта менсиз кыйын, бирок азыр иштей албайм. Тамак ичпей, түнү менен уктай албай чыгам. Эртең менен туруп эптеп кофе кайнатып жатсам курбум чалды.

– Алло, Сезим, жакшы элесиңби?

– Жакшы...- дедим үнүм араң чыгып.

– Мен бир психолог таптым. КМШ өлкөлөрүндө эң мыкты адис экен. Аны чет жактан издеп келишет имиш. Сени жаздырып койдум.

– Психологбу?- дедим ишенимсиз.

– Сезим, алтыным, сен бир барып көрчү. Жакпаса келе бересиң. Сен мени кабатыр кылып жатасың. Өзүнө кол салабы деп ойлоп кетип жатам.

Айтор, жабышып жатып курбум менден барам деген убаданы алды. Чын эле эмне жоготом? Барып көрөйүн, жок дегенде эшикке чыгам. Болбосо бул жымжырттыктан өзүм корко баштадым.

“ӨТМҮШ ӨМҮР БОЮ ЖАШАЙТ”

Эшикти тыкылдатып киргенимде алдымда сулуу жүздүү 50 жашка жакындап калган аял отурду. Жүзү күлүмсүрөп, мени эбактан берки жакын адамындай мээрим төгө тиктейт. Кызык, адамдар мындай бейпилдикти кайдан алышат? Креслого коомай отурдум.

– Атың ким?

– Сезим.

– Адам баласы сезимсиз эч жашай албайт эмеспи, ысымың сонун экен,- деди эже күлүмсүрөп. Чекем тырыша түштү. Жаным ачышып жатса, бул ысымың жакшы дейт. Чыгып кетким келди, кайра өзүмдү бастым.

– Эмне болду, Сезим?- деди ал. Ушунчалык мээримдүү, боорукер үн болчу. Аргасыз көзүмдү өйдө көтөрдүм.

– Сен сулуу кыз экениңди билесиң да, Сезим?

– Сулуусуң, акылдуу, ийгиликтүүсүң дешет баары,- дедим күңк эте.

– 4 чет тилин билем, кесибим мыкты, мага ушулардын пайдасы барбы, эже? Насип кетип калды!- көзүмдөн жаш эркиме койбой тоголонуп кетти.

– Хм, Насип жолдошуңбу?

– 2 жыл сонун жашадык, ал мен үчүн өлгөнгө даяр адам эле. Соңку 2 жыл тозок болду. Эмне кылсам да жакпайм, “сүйүүң менен муунтуп жатасың” дейт. Эмне кылсам да жакпадым. Акылым, сулуулугум да жардам бербеди. Ажырашам дейт да турат.

– Ар нерсе ченеминен ашса зыян алып келет. Сүйүү дагы...

– Мен башкача сүйө албайм да. Мен...

– Кел, Насипке чейинки жашооң тууралуу сүйлөшөлү, мисалы, балалыгың?

– Эң мыкты үй-бүлөдө өстүм,- дедим сыймыктана. Психолог ичимди аңтара караган көздөрүнөн оңтойсуздана түштүм. Калп айтканымды сезип койдубу?

– Апаң сени жакшы көрчү беле?

– Атам да, апам да мага жанын бергенге даяр болчу, алардын жалгыз кызымын. Экөө тең илимий кызматкер, атамдын аты кичине көчөгө берилген. Профессор Исмаил Аманов деген адам.

– Демек, сен медицинада бир топ эмгек калтырып кеткен профессор Исмаил аганын кызысың? 5 жыл мурун автокырсыктан аялы экөө тең каза болду деп уктум эле.

Денем дирилдеп кетти. Жалгыз калган күндөрүмдү эч эстегим келбей башымды чулгуй бердим.

– Ооба, алардын кызымын!

Ыйлап жибердим. Бир аз убакытта өтмүшүм тиги аялдын алдында жайылды да калды.

“БАЛДАР ҮЙҮНДӨ ЧОҢОЙДУМ”

– Алар менин багып алган ата-энем. 7 жашымда балдар үйүнөн алышкан. Экөө тең илимий иштери менен алек болгондуктан чоңураак мени алалы дешиптир. Сулуу, акылдуу кыз деп тарбиячылар мени сунушташыптыр.

– Өз ата-энеңди билесиңби?

– Төрөгөн апамды элес-булас билем. Сулуу аял эле, атам ким экенин билбейм. Эсимде калганы – апама чоочун эркектер келер эле. Алардын күлкүлөрүн, кээде ал эркектер апамды уруп жатканын байкачумун. Ушулар эсимде... 5 жашымда апам балдар үйүнө өткөрүптүр. Баккан ата-энем сонун адамдар болчу, мени жакшы чоңойтушту. Бардар жашоого мен тез көндүм. Бирок ичимде коркунуч бар эле. Булар да мени бир күнү таштап кетпесин деп алардын айтканы менен болчумун. Түндөп сабак окуп, 10 жашымда 4 чет тилди үйрөндүм. Бир күндө үч ийримге барган убагым болду. Чарчап өлгөнү турсам да кайра сабак окучумун.

– Ата-энең сенден ошону талап кылчу, демек?

– Мен алардын ийгиликтүү уландысы болуумду каалашчу. Мактаган сөздөр, суктанып караган көздөр мага эмес, аларга керек болчу. Балалыгым сынак, коркуу менен өттү. Эгерде мен мунун баарын аткарбасам алар да мени өз апам сыяктуу таштап кетет деп өжөрлөнө ийгиликтерди багындырдым.

– Мээрим бериштиби?

– Билбейм, өөп-жыттап кучактап жатышчу эмес. Бирок катуу сүйлөп көңүлүмдү калтырышкан жок. Мени эмес, менин ийгиликтеримди сүйсө керек.

Кызык, мунун баарын мен биринчи жолу бирөөгө айтып жатам. Токтоно албай айтып жатканымды кара. Баянымды эже ийне-жибине чейин укту.

– Сезим, баланын тагдырын эне жазат. Таштап кеткен апаң сага коркунучту гана үйрөтүптүр. Баккан апаң аны кайсы бир деңгээлде уланткан экен. Бүтүндөй өмүрүң коркуу менен, “мени сүйүшү үчүн аракет кылышым керек” деген ой менен жашаптырсың. Ушул себептен жолдошуңдун айтканынын баарына макул болдуң, сөзүнөн чыкпадың. Эркектер аялга күрөшүп жеткенди жакшы көрүшөт. Күйөөңдүн күнөөсү жок. Сен дагы да ташталып калбаш үчүн аны сүйүүң, камкордугуң менен муунтуп салыптырсың. Корккон нерсе дайым башыңа келет, Сезим! Баккан ата-энең сени таштап кеткенден коркуптурсуң. Бирок алар сени эрте таштап кетиптир. Насип сени таштап кетет деп коркуп жашаптырсың, ал дагы жашооңдон чыкты. 5 жаштагы Сезим сүйүлбөгөндөн, жалгыз калуудан, ташталуудан корксо, 28 жаштагы Сезим деле ошол нерселерден коркот. Балдарды кичинесинен сүйүү керек. Азыр канчалаган мигранттардын балдары ушинтип жашап жатышат. Ата-энеси “алгач бутубузга туруп алалы, кийин сүйүүгө, мээримге толтурабыз” дейт. Бирок бала кезинде толбогон нерсе кийин миң аракет кылсаң да толбойт. Өксүк боюнча калат. Жашоосунун ар бир тепкичинде жан дүйнөсүндөгү ошол коркунуч менен сыналат.

– Муну жеңгенге мүмкүнбү?

– Экөөбүз бирге аракет кылсак жеңебиз. Коркууңду жеңсең, Насип, балким, сага кайтат. Балалык коркунучуңдан арылышың керек. Кана, аптанын кайсы күндөрү мага келесиң?

– Жума күнү келейинби?

Имараттын ичине өлгүсү келип кирген жаным сыртка үмүт менен чыгып бара жаттым. Психолог мага жараларымды ачып көрсөттү. Мен коркууларымды жеңгенге, жашоомду жакшы жакка бурганга аракет кылам. Менин колумдан келет! Буга чейин жашоонун бардык сынактарынан “5” деген баа менен өттүм, демек, бул сыноону да жеңем. Рахмат, сага жакшы адам! Сен менин жашоомду өзгөрттүң!

Сезим



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
03.05.2021. 09:27 
Тайпасы:
Жаран
Комментарийлердин саны:
26
Катталган:
23-10-2010
Соӊку аракети:
03-05-2021 20:37
Жынысы:
Белгисиз
+1
Turktordun “kirmizi oda” kinosunan alyngan go
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
25529;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: