Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972   973  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Идрис Айитбаев, төкмө акын: “БҮТ ДҮЙНӨ МАКТАП, БИРОК АЯЛЫҢ МАКТАБАСА, ЖАКШЫ ЭРКЕК ЭМЕССИҢ”

№959 22-28-апрель, 2021-ж.


Маңдайымда бири-бирин сыйлап, бири-бирине сүйүү менен караган жубайлар отурушту. Жанында отуруп мен бактылуу болдум. “Кайсы бир үй-бүлөгө жакшы үлгү болорбуз деген ниет менен чогуу маек бергенге макул болдук” дешет алар. Анда төкмө акын Идрис Айитбаев менен жубайы Гүлбара Раимбердиеванын тамашалуу, жагымдуу, үй-бүлөлөргө үлгү боло турган маегине көңүл буруңуздар.

– Саламатсыздарбы? Кепти сиздердин таанышканыңыздардан баштасак...

Идрис Айитбаев: – Саламатчылык. Биринчи кезекте бир нерсени баса белгилеп айткым келет, коом үчүн идеалдуу үй-бүлө эмеспиз. Идеалдуу болгонго аракет кылып жаткан жаш жубайларбыз. Үйлөнүү – тагдыр, талак берүү – чечим. Чечимди өзү кабыл алып, тагдырга шылтагандар көп. Биз университетте таанышканбыз. Мен Кыргыз-Өзбек университетинде дүйнөлүк тилдер жана эл аралык мамилелер факультетинин англис тили бөлүмүндө окудум. Келинчегим болсо араб тили бөлүмүндө менден бир курс ылдый окуду. Мен 2-курста англис тилинен репетитор болуп иштеп баштагам. Гүлбара сабагыма келип калды. Ошентип колго түштү (күлүп). Көңүлүмө толуп, “окуу бүткөндө тагдыр насип кылса ушул кызга үйлөнсөм” деген тилек пайда болду. Ошентип баш коштук.

– Колун кантип сурадыңыз эле?

И.: – Кыздар кыйынсыңар негизи. 5-курста окуп жатканында колун сурасам эжелери “окуусун бүтсүн, коё тур” деп коюшту. Күттүм. Окуусун бүткөндөн кийин Гүлбарадан “колумду сурап келип жатышат” деген каттар келе баштады. Мен буга ишенип эле үйлөнүп алыптырмын. Көрсө, мунун өзүнүн эле планы экен. Эми билдим (күлүп).

Гүлбара Раимбердиева: – Тамашалабай айтыңыз (күлүп).

– Келиндин келгендегиси эстен кетпейт дешет...

И.: – Мен Өзбекстанда чоңойгондугума байланыштуу келинчегимди бул жакта жашаган таежемдин үйүнө алып баргам. Той болгон эмес. Кафеге досторубузду чогултуп тамактанып, тилек айтып кетип калганбыз. Бир чети боорум ачыйт, башка келиндердей болуп үлпөт көйнөк кийген жок. Той ресторанда өткөн жок, кайын эне-кайын атасыныкына алып бара алган жокмун. Ошолорду ойлоп Гүлбара бир топ эрдик жасаптыр деп коём, өзүнө да рахмат айтам. Колун сурап жатканда “менин дипломумдан башка эч нерсем жок. Сүйүүм бар, бирок үйүм жок. Күйөөгө чыкканга даярсыңбы?” дегем. Макул болуп эрдик кылыптыр, азамат. Баш коштук, батирден-батирге көчүп жашадык. Кудайга шүгүр, азыр өз үйүбүз, бала-чакабыз бар.

– Жубайыңыздын дагы кайсы сапаттары жагат?

И.: – Аял киши болгону менен 6-7 эр кишиден эрктүү. Эрктүүлүгү, чечкиндүүлүгү жагат. Мага бүт нерсени үнөмдөп колдонгонду үйрөттү. Мурда акчаны чача берчүмүн. “Атасы, муну үнөмдөйлү” десе, “сен аралашпа, ал мындай болот” деп кыйын болчумун. Кийин кыйналганда өзүм жардам берип жүргөн кишилерден да жардам ала албай калганда чекем ташка катуу тийди. Ошондон кийин тапкан акчамды келинчегиме берип, “чогулталы” деп калдым. Бир күнү карасам бир унаага жетчүдөй акча чогултуп коюптур. Кыйын ай бул киши. Ошентип унаа алдык. Кийин үй алдык. Ата-энеме да үй алып бердик. Максаттарыбыз ишке ашкандан кийин акчаны кайра өзүм кармай баштадым (күлүп).

– Гүлбара айым, кайненеңиз менен оңой эле тил табыштыңыздарбы?

Г.: – Ар бир мамиле адамдын оюнда түптөлөт. Балдарыбызга жакшы ойду сиңирип тарбиялашыбыз керек. Биз кыздарыбызга "мындай кылсаң кайненең кууп чыгат” деп жаман ойду сиңирип, кайненени душман кылып коёбуз. Кыз бала “кайненем мени баары бир жактырбайт” дегенге ишенип чоңоёт. Жаманды издеген жаманды табат. Адамдардан жакшы сапатты издешибиз керек.

И.: – Сени ушул үчүн жакшы көрөм да.

Г.: – Биз 2009-жылы үйлөнсөк, 2010-жылы чек ара маселеси пайда болду. Кайнене-кайнатам менен телефон аркылуу гана байланышып жүрдүк. 2017-жылы алар бул жакка көчүп келгенде гана келиндик кызмат кыла баштадым. Пандемия учурунда 2 ай кызмат кылып, жаңы келиндик доорду ошондо сүрдүм. Кайненем экөөбүздүн мамилебиз аябай жакшы.

– Үй-бүлө ынтымактуу болуш үчүн эмне кылыш керек?

Г.: – Жубайлар бири-биринин ой-пикирин уга билиши керек. Ар бири “өз билгенимди кылам” дей берсе, үйдө чыр-чатак башталат. Аялдын өз орду, эркектин өз орду бар. Эркектин ордун талашкан аялдар бар. “Ал кыла албайт” деп чечим чыгарып коюшкан. Жолдошуңуздун жүгүн сиз алып алсаңыз, ал эмне кылмак эле? Жолдошум эрктүү, чечкиндүү, колунан баары келет деп мактап-жактап, ага дем-күч, ишеним берип туруш керек. Тамак жасаганда да жакшы тилек кылыш керек, тамак аркылуу энергия жугат.

– Идрис мырза гүл берип кубантып турат экен...

Г.: – Жаңы үйлөнгөндө тез-тезден гүл берип турчу. Бир жолу “мунун ордуна керектүү нерсе алсаңыз болмок, бекер соолуп калат” дегем. Кийин гүл бербей калганда “кечирип коюңуз, гүл бере бериңиз” деп суранып жатып ордуна келтирдим.

И.: – Гүлдүн ордуна депкир, чөмүч, кашык берип жүрдүм (күлүп). Биринчи жолу гүл алганы барсам сатуучу байке “туулган күнбү?” деп сурады. “Жөн эле аялыма алып жатам” десем, “жөн эле гүл берсе да болобу, түшүңдөн чочудуңбу?” деп таң калды. Биз, жигиттер, чыныгы сүйүүнүн кадырына жетпей, маанисин түшүнө албай жатабыз. Буюмга кылган мамилени адамга кыла албайт экенбиз. Энемден калган идиш деп кастарлап карайсың. Кайнене-кайнатамдан алгам деп аялыбызды деле сыйлабайлыбы. Аял Аллахтын аманаты, ага кыянат кылбаш керек. Бүт дүйнө сени мактаса да, аялың мактабай жатса, анда сен жакшы эркек эмессиң. Жакшы сөздү эң биринчи өз аялыңа, ата-энеңе, балдарыңа айтышың керек.

– Сиздердин үйдө деле пикир келишпестиктер болсо керек...

И.: – Көбүнчө үй-бүлөлөрдө түшүнбөстүк майда нерседен чыгат. “Бул кийим эмнеге жерде жатат, идиш эмнеге жуулбады?” деп эркектер майдаланып кеттик. Идиш жуулат, үй жыйналат, майдаланбай жөн кой. Бизде бул кишинин ачуусу келсе мен унчукпай отуруп берем. Менин жиним келгенде бул унчукпайт. Бир аздан кийин “кандай анан?” деп табышып алабыз. Жаңы үйлөнгөндө бул “ар-р” десе, мен да “ар-р” дейт элем. Кийин мындай болбойт экен деп изденип, китеп окуй баштадык. Ошентип бири-бирибизди тарбияладык.

– Балдарыңыздарды кандай тарбиялайсыздар?

Г.: – Биздин 3 кызыбыз бар. Мен аларды катуу кармайм, жолдошум жумшак. Ошол темада кыйналдык. Атабыздын жумуштан бошобой, балдар уктаганда келип, көңүл бурбаган учуру болду.

И.: – Ооба, бир учурда кыздарымдын тарбиясында ата катары ордум жок экенин байкадым. Ошондуктан тойдо тамадалык кылбай калдым. Азыр кечинде кыздарыма көңүл бурууга убактым бар. Эне мектеп болсо, ата мектептеги жүз мугалимге барабар.

– Гүлбара айым, Идрис мырзанын айтышка кадам таштаганын кандай кабыл алдыңыз эле?

Г.: – Чоң сахнага чыгат деп ойлобоптурмун. Сахнага чыгып айтышып баштаганда аябай уялдым. Ката айтып койсочу, сөз таппай уят болуп калсачы деп тынчсыздандым. Өкүл апабызга “айтып коюңузчу, чыкпай эле койсунчу. Караңызчы, дагы чыгып алды” деп арыздана берчүмүн. Азыр көнүп калдым. Сынымды, кеңешимди айтып турам. Сындасам, “баарына жаксам да, сага жакпай койдум” дей берчү. Азыр кеңешимди угат.

И.: – Акыры жеңилдик да (күлүп).

– Бактыңар соолубасын!

Перизат Музуратбекова



Array ( [0] => 273265 )

Идрис Айитбаев: “Дүйнө мактап, бирок аялың мактабаса, жакшы эркек эмессиң”

Автор: Гүлзада Абдырахманова
Оператор: МухамадЗиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(3)
26.04.2021. 09:43 
Тайпасы:
Жаран
Комментарийлердин саны:
11
Катталган:
18-02-2019
Соӊку аракети:
02-08-2021 01:15
Жынысы:
Белгисиз
+9
Мыкты маек болуптур .Бактылуу болгула !
26.04.2021. 20:30 
Тайпасы:
Жаран
Комментарийлердин саны:
223
Катталган:
26-01-2016
Соӊку аракети:
29-07-2021 04:45
Жынысы:
Белгисиз
Калаасы:
♡♡♡ОШ♡♡♡
+8
Көрсө бактылуу болуш үчүн көп нерсе талап кылынбайт экен...мисалы аялдарга себепсиз гүл алып келсе кандай сүйүнөбүз,жакшы сөзүн арнаса биз аялдар баарын кылганга даярбыз.
29.04.2021. 02:48 
Тайпасы:
Жаран
Комментарийлердин саны:
24
Катталган:
12-05-2019
Соӊку аракети:
12-07-2021 16:19
Жынысы:
Белгисиз
+2
Эргүү менен көрдүм..Ушундай маектер көп болсун..
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25868;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: