Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Анжелика, ырчы: “ДЕПУТАТ БОЛОР-БОЛБОСУМ ДЕН СООЛУГУМА КАРАП ЧЕЧИЛЕТ"

№958 15-21-апрель, 2021-ж.


Шайлоо болду, шайлоонун эртеси да болду. Бул жолку маегибизге Бишкек шаардык кеңешинин депутаттыгына ат салышып, бирок мандат алары же албасы арсар болуп турган Анжелика айымды чакырдык. Ал тизмеде 6-талапкер эле, бирок партияга 5 гана мандат берилери күтүлүүдө. Анжелика депутат болобу же болбойбу деген талкуу күчүндө. Ал ортодо ырчы Гүлзада Рыскулова Анжеликага карата терс пикир айтып, ал дагы талкууда турган учур. Андыктан ырчынын маегине көз чаптырыңыз.

– Салам, Анжелика! Алгач эле ден соолукту сурашып алалы...

– Саламатсыздарбы? Кырсыктагандан берки силерге берген биринчи маегим болуш керек. Рахмат, ден соолугум жалпысынан жакшы. Корсет тагынып жүрөм, белим ошол эле бойдон. Сынык жерлерин карматып койгон, сөөктөр өзү өсүп чыгышын күтүү керек экен. Бутум жакшы, басып жүрөм, балдакты таштадым. Улуу кызым Айыма, кичүү кызым Айлин толук жакшы болуп кетишине убакыт керек деп жатышат. 1-2 жыл аралыгында мурунку калыбыбызга келип калабыз деп турабыз.

– Учурда талкууда турган темадан баштасак. Шаардык кеңешке депутаттыкка аттангансың. Силердин партияга 5 гана мандат берилери, сен илинбей калганың белгилүү болду. “Кааласам депутат боло алам” дегендей пост жаздың. Ушул окуяга толук токтолуп кетели.

– Биздин партиябыздын өтүп кеткени мен үчүн өтө жакшы кабар болду. Биздин жасаган эмгегибизди эл баалап, колдоо көрсөттү. Оор күндөрдө ыктыярчы болуп иштеген улан-кыздарды эл унутпай, үмүт артып колдоп беришти. Биз чоң саясатчы деле болуп кетпейбиз, максатыбыз – мурункудай эле элге жардам берүү. Депутаттыкка аттанам деген ой такыр жок болчу. Кырсыктап калгандан кийин партиянын лидерлерине өзүм чалдым. “Балдар, менден эмне жардам керек?” дедим. Алар “эжеке, сизден жардам керек деле эмес, болгону биздин катарыбызда болуңуз” дешти. Ошентип командага кошулуп калдым. Депутаттык боюнча айтсам, азыркы убакта эч нерсе чечиле элек. Биздин ынтымактуу команда сүйлөшүүлөрдү жүргүзүп жатышат. Алдыдагы 5 адамдын бирөө мандаттан баш тартам деп арыз жазса, мен ордуна барып калуу мүмкүнчүлүгүм бар экен. Мен “бул нерсени кылбай тургула” деп суранып жатам. 3-номерде София Айдана деген ыктыярчы кызыбыз өткөн. Ал “сиз турганда мен жаштык кылам. Сиздин жардамчыңыз деле болоюн, ордума сиз келиңиз” деп кайра-кайра жазып жатат. Мунун баары жакшы жакка чечилет деп ойлойм. Азыр баарын таштап ден соолугумдун камын көрүшүм керек. Ден соолугума жараша бул маселе чечилет. Бир жактуу айта албай жатканымдын себеби – дагы сүйлөшүүлөр болот. Мен депутат болбой калган учурда деле команданын мүчөсүмүн, чогуу жакшы иштерди кылабыз.

– Ырчы Гүлзада Рыскулова өз баракчасында сага терс пикирин жазды, кандай кабыл алдың?

– Гүлзада эже менен мамилем жакшы, сыйлайм. Бул жерде менин постумду ал туура эмес түшүнүп алды деп ойлойм. Бут тосууларга карабай үч партиянын атын атагам, ошолор да өтсө болмок деген мааниде жазган элем. Постумда ал эжекенин аты-жөнү да жок болчу. Мен партия тууралуу айткам. Оюмду тескери буруп, негативге айландырып салыптыр. “Эл сени мактап койсо эле элирип кеткен турбайсыңбы?” деп жеке мага таш ыргытты. Улуу башы менен мындай нерсени кылбай эле койсо болмок. Жеке өзүнө кайрылып “сизге эч кандай жаман сөз айткан жокмун” дедим. Гүлзада эже ал партия менен депутаттыкка бара жатканын керек болсо өзүнөн кийинки эле тизмеде турган ошол партиянын мүчөсү билбейт экен. Анткени ал “биздин партияда ырчы-чоорчулар жок” деген. “Сиз партияңызды жакшы билбейт экенсиз. Сиздин катарыңызда Кыргыз Республикасынын Эмгек сиңирген артисти Гүлзада Рыскулова депутаттыкка ат салышып жатат” деп жооп бергем. Гүлзада эже ошондо эмнеге ал кишиге жооп берген жок? Сөздөн чалынбаган адам жок, катарында ырчы бар экенин байкабай калды окшойт (күлүп). Ырчылар саясатка барып чукулашпай эле, сахнада сыйлашып жүрсөк дейм.

– “Депутаттыкты ырчылар жөн эле коюшса” деп көп айтышат. Бул ойго сенин пикириң?

– Мен каршымын бул ойлорго. Кимдин колунан келсе, ким элге жакшы кам көрөм десе, ким бул иштерди жүрөгү менен жасай ала турган болсо бара бериши керек.

– Ырчы Анжелика, ыктыярчы Анжелика, талкууда жүргөн Анжелика. Ушундай түрдүү образда жүрөсүң. Кайсынысы чыныгы сен?

– Ыктыярчы жана ырчы Анжелика көбүрөөк мен. Чыгармачылыгымды эч качан таштабайм. Талыкпай эмгек кыла берем. Алдыда 2 дуэт, жаздыра турган ырларым бар. 10 жыл мурунку “Кызыма” деген ырымдын уландысы катары бир ыр жазылды. Өзүм ооруп жатсам да жардамчы кызым ырдын клибин тартты. Мен ырдап эле коё турган жери калды. Башкы каармандын ролдорун клипмейкер Эрнист Сыдыков жана жубайы, үч эркек баласы менен аткарышты. Бирок ыр “Кызыма” деп аталат. Мага эргүү керек, ыр чыгарып, изденип турбасам болбойт.

– Үч кызың менен жол кырсыгына кабылдың. Бул окуя сени өзгөрттүбү?

– Ооба, эми сыртымдан карасаң баягы эле жаны тынбаган Анжеликамын. Бирок бул окуя мени жашоону башка көз караш менен каратты. Чоң сыноону көргөндөн кийин жашооңдогу майда-барат нерселерге такыр көңүл бурбай калат экенсиң. Токтоо болуп калдым, чындык деп чырылдап эле жүрчүмүн. Эми “сенин чындыгың ошо болсо, мейли” деп талашып-тартышып отурбай өтүп кеткенге аракет кылып калдым. Кыйын күндөрдө “кыздарымдын ден соолугу жакшы болуп, өзүм аман калсам коомго пайдалуу гана нерселерди жасайм” деп Кудайдан сурангам. Буюрса, ошол убадамды аткарам. Ден соолукту да баалап калат экенсиң. Өзүмдүн жана кыздарымдын ден соолугуна кам көрүү үчүн Түркияга барганы жатам. Жакшы неврологдорду таап улуу кызымды көрсөтүп келишим керек. Энелер, айымдар ушундай жаралыптырбыз, жетишем десең баарына жетишет экенсиң. Буюрса, баары жакшы болот.

– Маегиңе рахмат, ден соолугуң бекем болсун!

Нуржамал Жийдебаева



"Шайлоодон кийин Гүлзада Рыскуловага тийишкен эмесмин" дейт Анжелика

Автор: Медина Найманова
Оператор: МухамадЗиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(5)
19.04.2021. 12:07 
Тайпасы:
Жаран
Комментарийлердин саны:
214
Катталган:
26-01-2016
Соӊку аракети:
21-06-2021 17:34
Жынысы:
Белгисиз
Калаасы:
♡♡♡ОШ♡♡♡
-2
Ийгилик.Мен да ойдо жок жерден операция болуп,наркоз саяр алдында Кудайга аябай жалындым.Кудай,мага өмүр бере көр,өлүп калбайын,кыздарым али кичинекей,алар кимдин көзүн карайт, эч ким өз энесиндей күйбөйт деп...ойгонуп дагы шүгүр келтирдим.Ар бир нерсеге шүгүр кылып,болор болбоско деле бактылуу боло бериш керек экенин түшүндүм.Оорубасаң ошол бакыт экен.Ар бир дем алганыма,да чексиз шүгүр.
19.04.2021. 14:30 
Тайпасы:
Жаран
Комментарийлердин саны:
48
Катталган:
11-05-2016
Соӊку аракети:
23-06-2021 02:27
Жынысы:
Белгисиз
+5
Дагын бир 15жылдан кийин карапайым эл калбай калат окшойт Кыргызстанда. Баары эле депутат анан артисттер. Баари жепутат артист болуп кетсе айылдагы эшектерди уйларды ким суугарат))
20.04.2021. 09:40 
Тайпасы:
Конок
Комментарийлердин саны:
1
Катталган:
02-02-2021
Соӊку аракети:
11-05-2021 16:20
Жынысы:
Белгисиз
-5
Ишине ийгилик Анжелика. Ушундай жакшынакай, келбеттүү, сүйкүмдүү, сулуу, жарашыктуу болуп жүрө бер.
20.04.2021. 14:46 
Тайпасы:
Жаран
Комментарийлердин саны:
30
Катталган:
16-12-2019
Соӊку аракети:
22-06-2021 17:02
Жынысы:
Белгисиз
+6
Гулзада Рыскулованы даже партиялашы билбейт экен депутаттыкка коюп жатканын деп атайын айтып жатат анан бул жери тийишкендик эмепспи?Болгону Анжелика ичи аябай таар адам, калпеле ыктыярчы боло берет элдин акчасына.Балким мен туура эмес айтып жатам , бул менин жеке оюм.
21.04.2021. 00:01 
Тайпасы:
Жаран
Комментарийлердин саны:
6
Катталган:
10-08-2018
Соӊку аракети:
23-06-2021 00:46
Жынысы:
Белгисиз
+4
Депутат болбой туруп эле элге жардам берсе болбойбу?!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25710;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: