Сиз эмдөөдөн өтүүнү каалайсызбы?

Жыйынтык

Башка сурамжылоолор


Архив
944   945   946   947   948   949   950   951   952   953   954   955   956  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КАРА КӨЗ (кара көз сулууну баш айланып сүйгөн жигиттин тагдырын баяндаган сериал)

№956 1-7-апрель. 2021-ж


(Башы өткөн сандарда)

Кыз бензиндин жытына думугуп жөтөлдү. Аскарды атып келгени да жигитти ишендирген жок. Биротоло түңүлгөнбү?

– Мейли, өрттөсөң өрттө! Бирок акыркы жолу бир угуп кой...

– Эмнени?

– Эй дос, угуп койчу! Угуп койчу! Шашпа... Бейкүнөө адамдардын жанын кыйган жатасың,- экөөнүн сөзүнө Бекжан чебелектеп аралашты.

– Мен андай болорун билген жокмун. Ошол түндү эстей аласыңбы? Мен Аскар сырага уу аралыштырганын билген эмесмин. Адегенде Саша байке кулап түштү. Бир аздан кийин сен сүйлөнүп жатып жыгылдың. А мен түшүнбөй эле элейип калдым. Карасам Аскар мени карап жылмайып туруптур. “Сен мени мененсиң да, туурабы?! Мен экөөбүз үчүн ушуга бардым. Артыкча кишилердин кереги жок. Бактылуу болобуз” деп колундагы канжар менен мангалдагы чокторду оодарды. Мен терс жооп берсем эле ошол жерден мени өлтүрөрүн түшүндүм. Айтчы, менде кандай жол бар эле?

Тилек мунун баарын укпастан өйдө көтөрүлүп, от коё берүүнү ойлонду. Бирок ичиндеги белгисиз бир күч Сабинаны угууга аргасыз кылды.

– Айтчы, эмне кылышым керек эле? Мен баары бир ага алым жетмек эмес. Ал баарыбызды алдады. Канча жылдан бери чогуу жүргөн Саша байкени күм-жам кылды. Мени эч ойлонбой эле өлтүрүп салмак...

– Сабина эмнеге биз уу кошулган сыра ичтик? Анткени билген эмеспиз. Туурабы? А сен ууланган жоксуң? Эмнеге? Анткени ууланбаганын ичтиң. Кантип таза сыраны айырмаладың?

– Мага сыраны Аскар сунуп жатты. Жакшылап эсте. Ал атайлап мага таза сыраны, силерге ууланганын бериптир. Ал муну мага өзү айтып мактанды.

– Хе...

– Тилек... Менде башка арга жок болчу. Эмне дээримди билбей турганда Саша байкенин оозунан ак көбүк атып титиреп жатып калды. Аз өтпөй кырылдап жан берди. “Азыр Тилегиң да өлөт” деди Аскар. Эң башкысы тирүү калышым керек болчу. “Ыңгайы келгенде Аскарды өлтүрөм, бирок азыр анын тилин алышым керек” деп дароо чечим чыгардым. Башка аргам жок болчу... Эмне кыла алат элем, айтсаң?! Ал Саша байкени сарайга сүйрөп жөнөдү. Сарайдын бир бурчунан кичинекей чуңкур казып, менин көзүмчө көмүп салды. Чыксак сен жаткан жериңден камыш аралап сойлоп кетипсиң. Сен жаш болгон үчүн ууну көтөрүп кеттиңби түшүнө албайм. Айтор, тирүү экенсиң. Аскар сен тарапты карай тапанча көтөрүп басканда “мен Тилекти өзүм өлтүрөм” деп тапанча сурадым. Ал колундагы эки пистолеттин бирин мага карматты.

– Аскарды атып салууга мүмкүнчүлүк бар болгон экен да? Сенин колуңда курал болгон турбайбы!- Тилек ойлуу үн катты.

– Балким, мүмкүнчүлүк бар болчу... Бирок...

– Бирок сага Аскар менен калып, акча чачып каалагандай жашап кетсе болот деген вариант көбүрөөк жакты. Мен аны түшүнүп эле турам.

– Тилек, сен ал кездеги менин абалымды түшүнбөй жатасың. Мен өң-алеттен кетип калгам. Колдорум токтоосуз титиреп жатты. Сага карай басып барсам, эсиңди жоготуп камыштын арасында жатыпсың. Дем алып жатканың билинди. 5-6 кадам арыраакта эле Аскар турган. Мен калтыраган колдорум менен пистолетти кармап алып Аскарды ата албасымды түшүндүм. Мен ага курал каратканча эле ал мени атып өлтүрмөк. Мен жерде жаткан сени каратып ок чыгардым. Өлтүрдүм деп Аскарды алдадым. Сени тирүү алып калуу үчүн ушинттим. Сени тирүү алып калуу үчүн Марска чалдым...

– А сен анын телефонун кайдан алып жүрөсүң?

– Саша байкенин ишеничтүү адамы сага тааныш Айка деген кызды жана Марсты башынан эле аңдып жүргөн. Алардын телефондору, даректери... Айтор, бардык нерсеси бизге маалым болчу. Саша байке “муну менттердин кадамын санап туруу үчүн жасап жатам. Тилекке айтпа, бизге ишеними кетип калат” деп эскерткен. Анын сага жамандык кылайын деген ою болгон эмес.

– Билесиңби, мен сага жолуккан, сени менен жүргөн күндөрдүн баарын сага кошуп өрттөп жиберейин деп чечип койгом. Андыктан сенин бир да сөзүң мага ынанымдуу болгон жок.

– Кандай түшүнбөйсүң... Сенин тирүү экениңди Марстын телефонуна чалып билдим. Аны белгисиз жаш бала көтөрдү. Ошондо эле телефонду ыргыткан адам сен дедим. “Саша байкенин үйүндө 50 миң доллар бар” деп буларды алдап алып келдим. Мени жалгыз жиберишпейт болчу...

– Ооба. Чын эле 50 миң доллар бар деп алып келген,- Бекжан дагы сөзгө аралашты.

– Колуңарда 700 миң туруп 50 миң доллар үчүн келдиңерби? Хе...

– Эй дос... Силер качып кетүүгө баары даяр. Бизди өлтүрбө. Акчанын баарын автобуска катканбыз. Эки адам Орусияга чейин байкалбай кете тургандай атайын орун даярдадык багаждан... Мен силерди алып чыгып кетем. Мага айырмасы жок. Аскарбы, сенби? Башкысы, долямды алам, силерди алып чыгып кетем... Ойлончу жакшылап! Бир мүмкүнчүлүк берчи өзүңө дагы, бизге дагы. Качып чыгып кеткиле да, каалагандай жашай бергиле!

– Сенин атың ким?

– Бекжан...

– Балдарың барбы?

– Албетте! 4 балам бар. Кичүү уулум 4-класста окуйт.

– Анда мындай... Азыр мен сени бошотом. Экөөбүз үйүңө барабыз. Сен уулуңду алып чыгасың. Автобустун багажында уулуң да кетет.

– Уулум... Уулумду аралаштырбай эле койсокчу?

– Уулуң болгону кепилдик болот. Мен сага башкача ишене албайм.

– Жарайт. Макулмун...

Тилек Бекжандын колу-бутун чечти. Бул учурда кыз башын жерге салган бойдон дым чыгарбай отурду.

– Бул кыз чындыкты эле айтты...- Бекжан бошонуп алып, корккон үн менен кыз тарапка ээгин жаңсап сүйлөдү.

– Эми аны убакыт көргөзөт. Кана мунун да колдорун чечип кой...

ххх

Сашанын эски, бирок тыкан бойдон турган үйүн заматта жалын каптап калды. Жалбырттаган отту боорунда миң түркүн кыла чагылыштырган кызыл Мерседес короодон чымын-куюн боло чыгып кетти.

Рулдагы адам газдан күчүн чыгара заматта асфальт жолго чыга түшүп, өзүнчө шуу үшкүрүп жиберип, ылдамдыкты кызыл чекке жеткире жөнөп берди. Канча жылдык айдоочулук тажрыйбасы болсо да Бекжандын машинага жаңы түшүп жаткандай көңүлү айланып, кара шилекейин кылт жута баратты. Деги бул эмне болгон киши? Жашоосунан түңүлгөн немеби? Эгер Мерседес учууга кудурети жетчү болсо, дароо асманга карай айдачудай мотордогу бардык күчтү трассага салып баратат. Деги аман жетсе экен!

А бул арада болсо Мерседестин багажында бензин жыттанып калган саамайын сөөмөйүнө ороп алып, караңгылыкта Сабина өз алдынча сонун кыялдарга батып баратты. Тилекке эч кандай таарынган жок. Анын ордунда баары ошентмек. Түшүнүүгө болот. Эң башкысы ал аны өлтүргөн жок. Ырас кайдыгер кишидей карамыш болуп жатат. Бирок көзүндөгү Сабинаны көргөндө чыга калчу учкундар дале турат. Кыз аны көрдү... Сезди.

– Бир аз жайлатып эле айдабайсыңбы, дос?- Бекжан айласы кете сурады.

– Жай жүрө турган кырдаал эмес.

– Түшүнүп турам... Бирок азыр МАИ тоссо эмне кыласың?

– …

– Багаждагы кызды көрүшсө даана ит болуп жүрбөйлү.

– Кам санаба, аларга токтобойм!- ылдамдыкты дагы жогорулатып айтты Тилек. Айткандай эле Балыкчыдан өткөндө "чырр" эте ышкырык чыгып, анан аз өтпөй сиреналардын чуулдаганы угулду...

– Ана, кууп келе жатышат!- деди Бекжан коопсуздук курун тагынып. МАИчинин Реносу чуулдаган сиренага өзүнүн ызылдаган мотор үнүн кошуп алып ызалангандай тызылдап келе жатыптыр...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
05.04.2021. 10:15 
Тайпасы:
Жаран
Комментарийлердин саны:
5
Катталган:
21-03-2017
Соӊку аракети:
12-04-2021 04:39
Жынысы:
Белгисиз
+7
Азго хотябы Бишкеке чейин жеткирип койбопсунар
05.04.2021. 23:24 
Тайпасы:
Жаран
Комментарийлердин саны:
6
Катталган:
12-06-2016
Соӊку аракети:
11-04-2021 00:23
Жынысы:
Белгисиз
+1
Janybekleilekkg,эч ойлонбонуз катуу ылдамдыкта кетип баратышат,кийинки сериалына чейин жетип калышат))
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 13 колдонуучу (Катталган: 0, коноктор: 13) бул макаланы окуду:

Макалалардын саны:
25380;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: