Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Гүлнара Калдарова, ырчы: «СТЕРВА МҮНӨЗҮМ БАР, АНТПЕСЕ ТЕБЕЛЕП КЕТИШЕТ»

№953 11-17-март. 2021-ж


Гүлнара Калдарова “Кыз-Бурак” тобунан чыгармачылыктагы пайдубалын түптөдү. Топтон кеткенден кийин өз аракети менен чоң сахнада калды. “Чыгармачылыктагы алган тажрыйбам Гүлшайыр эженин эмгеги” дейт ал. Жагымдуу үнү гана эмес, күлүп турган көзү менен да өзгөчөлөнгөн ырчы менен аялзаты, жеке жашоосу, чыгармачылыгы тууралуу маектештик.

– Гүлнара айым, саламатсызбы? Түштүк жергесине гастролдоп барып келдиңиз окшойт?

– Ош, Жалал-Абадга чакыруулар менен барып келдим. Эл карантинден кийин концерттерди сагынып калыптыр. Мурун концерттерден көңүлү калгандай отурушчу эле, бул жолу маанайлары сонун экенин байкадым.

– Маектеше элегибизге көп болуптур. Чыгармачылыгыңызда кандай жаңылыктар бар?

– Жаңы ырлар жазылып, клиптер тартылып жатат. Алдыга койгон пландар көп. Алардын бири – жеке концерт берүү.

– Өтүп кетсе да сизди Аялдардын эл аралык майрамы менен куттуктай кетейин. Жолдошуңуздан эмне белек алдыңыз?

– Рахмат! Жумушка байланыштуу майрамдарда үйдө болбой калам. Бул жолу да сапарда болуп калдым. 9-мартта учуп келдим. Келсем жолдошум аэропорттон гүл менен тосуп алды, чакан белегин берди, кафеге алып барды. Аял кишиге көңүл буруу эле жетиштүү эмеспи.

– Жолдошуңуз менен түтүн булатып жатканыңызга 16 жыл болуптур. Карьера менен үй-бүлөнү аксатпай, кантип бирдей алып кетсе болот?

– Айымдар карьерага караганда үй-бүлөнү бийик коюш керек. Анткени аял – үйдүн куту. Турмушка чыккандан кийин чыгармачылык менен үй-бүлөнү чогуу алып кетүү кыйын. Ал үчүн чоң аракет керек. Экөөнө тең жетишсе болот. Мисалы, гастролго кетип жатканда баарын тыкыйтып, 2-3 күндүк тамагынан бери даярдап кетем.

– Жолдошуңуз чыгармачылыгыңызды толугу менен түшүнөбү?

– Башында түшүнбөстүктөр, пикир келишпестиктер болгон. Кеч келгенимди кабыл алчу эмес. Азыр толугу менен түшүнөт. Кесибим оор экенин билет. Сапардан келгенде “биринчи эс алып ал, үй жумушун анан жасайсың” деп турат. Бул этапка келиш үчүн көп энергия кетти. Азыр көбү “жолдошуңуз жакшы, ырдатат. Гастролго кеткенде түшүнөт” деп калышат.

– Ортодо пикир келишпестиктер болгондо ким кечирим сурайт?

– Жолдошум сурайт. Анткени кемчиликти ал кетирет да (күлүп). Кээде катуураак сүйлөп алат, жалган айтып алат дегендей.

– Капа болгондо өзүңүздү кантип алаксытасыз?

– Музыка угам, унааны айдап бир жакка кетип калам. Сырымды айта алган курбуларыма чалып аларды чакырып, шопинг жасап алаксыйм.

– Эмне капа кылышы мүмкүн?

– Эгер бирөө үнүн бийик көтөрүп урушуп салса жүрөгүм ооруп, капа болом. Сөз менен көңүл калтырыш оңой. Жалган сүйлөп коюшканда да катуу тиет.

– Мүнөзүңүз кандай? Сизди “стерва” десе болобу?

– “Стервалык” бар. Ансыз болбойт го (күлүп).

– Андай мүнөздөн жапа чегип калган учур болду беле?

– Болот. Негизинен, ачуум чукул. Бирок сабырдуу болгонго аракет кылам. Чектен ашып кеткенде өзүмдү кармай албай урушуп салам. Сыртымдан бул мүнөзүм билинбейт. Толкунума кабылып калгандар “жиниңиз жаман турбайбы, андай ойлогон эмеспиз” деп калышат (күлүп).

– Бул мүнөз табиятыңызбы?

– Турмуш үйрөттү окшойт. Унчукпай, жоош, шайыр болуп жүрө берсең “жыгачтын жумшагын курт жейт” дегендей болот. Катуураак болуунун пайдасы бар. Антпесе шоу-бизнесте жөн эле тебелеп коюшат (күлүп).

– Ырчылык жан дүйнөңүздүн каалоосубу?

– Бул муктаждык деп айтпайм. 17 жаштан тартып чоң сахнадамын. Турмушка чыккандан кийин тыныгуу болду. “Ырдабай эле койсомбу?” дедим. Жолдошум “бизнес ачып берейин” деп тигүү цехин ачып берди. Жумуштун көзүн таап бизнести жакшы жүргүздүм, жакшы киреше таап жаттым. Бирок жан дүйнөм ал тармакты каалабай, ырды, сахнаны сагынып туруп алды. Жолдошум “аябай кыйналып жатканың көзүңдөн билинип турат. Кыйналсаң бизнести сатып сал. Кайра чыгармачылыкка кириш, колдойм. Ырдабай калганың үчүн жүзүңдөн бактылуулукту көрбөй жатам” деди. Бизнести саттым да, чыгармачылыкка кириштим. Каалаган жумушуңда иштебесең толук кандуу бактылуу боло албайт экенсиң. Ошондуктан чыгармачылыкка кайтып келдим.

– Кыргыздар жеке жашоого көп кийлигишет эмеспи. Сизге да “качан төрөйсүң?” деп жатышса керек?

– Туугандарды айтпай эле коёюн, кызым “апа, башкалардын көп бир туугандары бар экен. Эмнеге мен жалгызмын? Менин да иним же сиңдим болсо жакшы болмок. Сиз ырдап жүрө бериңиз, баланы өзүм эле карайм” дейт. Быйыл Аянаны инилүү же сиңдилүү кылуу планын ишке ашыралы деп жатабыз.

– Тилегиңиз ишке ашсын! Кызыңызга кандай энесиз?

– Кызым менен өтө жакшы мамиледемин. Ага “менден эч нерсе жашырба” дейм. Кээде “жигиттер кат жазып жатабы? Сени ким жакшы көрөт?” деп сурап калам. Мени курбусундай көрүп, ачык сүйлөшүп турушун каалайм. Кагып койсоң экинчи сырын айтпай калат экен. Аябай эркелетем, ошол эле учурда тентектик кылса урушуп, баланс сактап турам. Чыгармачылыкка жакын. Жакшы бийлейт, бий ийримине барат. Мүнөзү мага да, атасына да окшош. Тартынбайт, бул мени менен көп жүргөндүктөн болсо керек. Ачык, шайыр кыз.

– Көпчүлүк аялдар карылыктан коркушат. Өзүңүздүн жаш курагыңызды кабыл алганды үйрөндүңүзбү?

– Эл менен көп иштешип, позитив энергия алып тургангабы, көп адамдар “аябай жаш көрүнөт экенсиз” дешет. Туулган күн болгондо гана канчага чыкканың билинет (күлүп). “Апаларыбыздай көп жашка чыгарсын” деп тиленем. “Карылыктан корком” деп жаш эле өтүп кетип жатышпайбы.

– Кайсы жериңизге пластикалык операция жасатмаксыз?

– Мага “көзүңүздү жасатпайсызбы” дешет. Бирок азыр өзгөрткүм келбейт. Балким, 10 жылдан кийин ойлоном. Көзүн жасаткандардын көзү киртийип, оорукчан адамга окшошуп калганын көрүп коркуп кетем. Көбүнчө көзүмө комплимент айтышат, “жылдыздуусуң” дешет. Көзүмдүн өңүнө кызыгып “линзабы?” деп сурашат. Келбетим, жүзүм толугу менен өзүмө жагат.

– Келбетиңизге кантип кам көрөсүз?

– Толуп кетпегенге аракет кылам. Спорт залга барып машыгам, диета кармайм. Организмди тазалаган чайларды ичем. Косметологго барып бетиме кам көрөм.

– Дайыма жаш бойдон жүрүңүз! Маегиңизге рахмат!


Динара Абдыкадырова



Array ( [0] => 271805 )

“Жаштыктын эң кызыктуу учурлары “Кыз-Бурак” тобу менен өттү” дейт Гүлнара Калдарова

Автор: Медина Найманова
Оператор: Айбек Алимов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
15.03.2021. 10:47 
Тайпасы:
Жаран
Комментарийлердин саны:
223
Катталган:
26-01-2016
Соӊку аракети:
29-07-2021 04:45
Жынысы:
Белгисиз
Калаасы:
♡♡♡ОШ♡♡♡
+7
Көзүңүз сонун.Үй-бүлөлүк,чыгармачылык ийгилик каалайм
15.03.2021. 11:25 
Тайпасы:
Жаран
Комментарийлердин саны:
101
Катталган:
20-09-2012
Соӊку аракети:
30-07-2021 14:06
Жынысы:
Белгисиз
Калаасы:
Бишкек шаары
+7
Стерва көрүнбөйт го, ар дайым ачк, шайыр, жаркылдап жүргөнүн көрөм. Жылдыздуу айым, жаркылдаган.
15.03.2021. 12:08 
Тайпасы:
Конок
Комментарийлердин саны:
11
Катталган:
27-01-2021
Соӊку аракети:
17-03-2021 11:33
Жынысы:
Белгисиз
-2
Азаматсыз Гулнара айым. Сиз чачынызды кое берип, жасап алсаныз укмуштай сулуу корунуп калат экенсиз. Сиздин Узун чачыңыз мени таң калтырды - ал абдан сыйкырдуу экен. Сиздин чачыныз - бул бакыттын жана кубанычтын нуру!
Сиздин сулуулугуңузга эч качан шек санабаңыз, анткени сулуулугуңузга көз артууга болот! Сиз чыныгы сулуусуз жана жөн гана сүйкүдүүсүз! Аял кишиге дайыма сулуулук каалайм.
dkrf түзөттү 2021-03-15 12:09:52
21.03.2021. 10:21 
Тайпасы:
Жаран
Комментарийлердин саны:
6
Катталган:
30-12-2017
Соӊку аракети:
26-06-2021 14:31
Жынысы:
Белгисиз
0
dkrf,кааап десе))))
15.03.2021. 12:24 
Тайпасы:
Жаран
Комментарийлердин саны:
2
Катталган:
12-05-2019
Соӊку аракети:
12-07-2021 16:19
Жынысы:
Белгисиз
+6
Дайыма жылмайып жүрүң,аялдык бакыт каалайм.
16.03.2021. 23:04 
Тайпасы:
Жаран
Комментарийлердин саны:
306
Катталган:
03-04-2020
Соӊку аракети:
29-07-2021 17:12
Жынысы:
Белгисиз
+2
Ото эле куу айым. Гулнарадай достор турганда душмандын деле кереги жок. С таким друзьями и врагов не надо деп орустар айткан соз ушул аялга тиешелуу
18.03.2021. 12:27 
Тайпасы:
Жаран
Комментарийлердин саны:
65
Катталган:
29-07-2017
Соӊку аракети:
20-07-2021 14:37
Жынысы:
Белгисиз
Калаасы:
Ош&Жалал-Абад
+1
Дагы деле бар экен ээ "Чачынызды кое берип...."-деген тата матата создор.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25868;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: