Архив
944   945   946   947   948   949   950   951  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Данияр Байдөбөтов, залкардын уулу: “АТАМДАЙ ЖУМШАК КИШИ ЭМЕСМИН”

№950 18-24-февраль, 2021-ж.


"Туяк" – гезитибиздеги жаңы рубрика. Бул рубриканын астында кыргыздын атактуу инсандарынын уул-кыздары маек курат. Алгачкы коногубуз Кыргыз Эл артисти, маркум Дүйшөнбек Байдөбөтовдун уулу Данияр Байдөбөтов болду.

– Данияр мырза, саламатсызбы? Чыгаан актёр Дүйшөнбек Байдөбөтов сыртынан караганда сүрдүү көрүнгөн инсан эле. Балдарына кандай ата болду?

– Эми атам жөнүндө айтсам сөз түгөнбөйт. Алп киши эле. Каза болгондо жазуучу, драматург Султан Раев агабыз “жүрөгү тоодой бийик, гүлдөй назик” деп туура айткан. Чыгармачылык жагынан атамдай мыкты актёрлор бардыр, бирок адамгерчилик жагынан андай адамды жолуктура элекмин. Өмүр бою атамдын жанында жүрүп, анын мүнөзүнө көнүп калганга мүмкүн “бардык адамдар ушундай болушу керек” деп мээме сиңип калгандыр. Мен эле эмес, туугандар да “кандай адамдан айрылдык? Мындай адамдар дагы жаралабы?” деп калышат.

Атам кайсы жерге барбасын, ошол жерди шаңга айлантчу. Баары көңүлдүү, көтөрүңкү маанайда отурушчу. Азыр дос-туугандар чогулуп калсак, ал кишинин жоктугу байкалып турат.

Үйдө болсо бизге бир жагынан катуу, бир жагынан жумшак, шартка жараша мамиле кылчу. Өзү аябай так жүргөн, тартипти катуу сактаган, айткан убадасын аткарган киши эле. Атамдын кээде урушуп, ачуусу келгенде башка чаап койгон учурлары да болду. Эми бала кезде тентек болчубуз да, ошондуктан аны туура түшүнчүбүз. Жалгыз карындашым бар. “Кыз үйдүн коногу. Ага эч качан катуу сүйлөбө. Сен аны коргошуң керек” деп көп айтар эле. Ошондуктан азыркыга чейин карындашыма аяр мамиле жасайм.

– Бир туугандардын арасынан атаңызга кимиңиздер көбүрөөк жакын элеңиздер?

– Карындашым экөөбүз жакын элек. Улуу агам бала чактан айылда, атамдын бир тууган эжесинин колунда чоңойду. Агам да абдан тентек эле. Кийин шаарга келгенде атамдар өздөрү тарбиялады. Ал шаарга көнө албай жүрдү. Андан кийин аскерге барып келди. Агам көп жашаса болмок, ден соолугуна байланыштуу 2015-жылы, 47 жашында каза болуп калды. Агамдын бир кызы бар. Ал эки баланын апасы. Ата-эне үчүн баласынан ажыроо эң оор жоготуу экен. Ошол жоготуудан кийин атам да ооруп калды. Атамдын арабыздан эрте кетишине ошол күйүт себеп болуп калды.

– Бала кезде атаңыз жумушуна байланыштуу алыс жакка кетерде “кетпеңиз” деп ээрчиген күндөрүңүз болду беле?

– Атам Ошто көп убакыт иштеп калды. Анда биз дагы чогуу кеткенбиз. Мен 10-класста окучумун. Алайда “Акбаранын көз жашы” тасмасы тартылып жатканда үйгө бир аптада бир келчү. Жыл сайын гастролдоп сырт жакка көп чыгып жүрдү. Ал кез Советтер Союзу болчу. Кийимибиз бүтүн, курсагыбыз ток дегендей. Баладай болуп сабакка барып-келип жүрчүбүз. Апам да дайыма үйдө болгондуктан атабыздын алыста жүргөндүгү байкалчу эмес. Анын аман-эсен барып-келгенине сүйүнүп, туура түшүнчүбүз. Жумушуна кеткенде мен ээрчип, сагынчу деле эмесмин. Бул эми ата менен баланын ортосундагы мамиле десем болот.

– Үй-бүлөңүз тууралуу айтсаңыз. Келинчегиңиз менен качан баш коштуңуз эле?

– Келинчегим экөөбүз 1998-жылы баш коштук. 23 жылдан бери эриш-аркак жашап келатабыз. Үч кыз, бир уулубуз бар. Балдарымдын апасы кийим тигүү боюнча дизайнер-технолог. Ушул кесип менен эмгектенип келет.

– Атаңыздын жолун жолдоп актёр болуу кыялы болгонбу?

– Жаш кезде атам менен кинодо, театрда аралашып жүргөн учурда чыгармачылыкка кызыгуу болгон. Мектепте көп чыгармаларды да окуп калдык. Ал кезде бир багыт менен чоңоюп, билим берүү күчтүү болчу. Ошол кезде ата-энеси менен киного тартылып жүргөн балдардын арасынан кийин искусствого аралашып кеткендери болду. Азыр атамдын курсташтарынын балдары чыгармачылык чөйрөдө. Мен атамдын жолун жолдобой калсам да, атамдын туугандарынан тасмаларга тартылгандары бар. “Ааламга жол айылдан башталат” дегендей, атам “искусствого келген улан-кыздардын көпчүлүгү айылдан чыккандар” деп айтып калчу. Себеби айылда балдар ээн-эркин, таза абада өсүшүп, алардын дүйнө таанымы дагы башкача болгондуктан искусствого жакын болушат экен. Чогуу жүрүп, ырдап ынтымактуу болушат. Мен шаарда чоңоюп калгандыктан искусствого жакын болсом да, чыгармачылык жакка максат коюп, иштейин деген ой болгон эмес. Себеби биздин дүйнөгө болгон көз карашыбыз башкача болчу. Мисалы, мен өмүр бою аскер адамы болом деп кыялданчумун. Бизге атам катуу тарбия берип чоңойткондуктан, тартипке бекем болгонду жакшы көрөм. Ошондуктан кыялымдагы кесиптин ээси болдум.

Балдарым ырдаганды, бийлегенди жакшы көрүшөт. Кесип тандоо алардын өз эрки. Тун кызым компьютердик технология жаатын, экинчи кызым кытай тили боюнча котормочу кесибин тандаган. Кичүү балабыз менен кызыбыз мектепте окуйт. Алар азырынча бир кесипти тандаша элек. Биз балдарыбызга эркиндик бердик. Себеби атабыз да бизге ушундай мамиле жасачу. “Балам, өзүңдүн жолуң бар, өзүң танда. Мен сага жардам гана берип турам” дечү.

– Кайсы мүнөзүңүздү атаңызга окшоштурасыз?

– Так жүргөнүм, элге жасаган мамилем, таза, тыкандыгым. Бирок мен атамдай жумшак эмесмин. Бул аскер адамы болгонумдан болсо керек. Негизи атама өзүмдү теңей албайм. Бирок атамдын баласымын. Атамды уят кылбай, атын өчүрбөгөнгө аракет кылсам деп жашап келем.

– Агайдын дагы эл билбеген кандай таланттары бар эле?

– Атам чыгармачылыктан тышкары спортко кызыгып, воллейболду жакшы ойночу. Ал мага “сен воллейболчу бол” деп айтар эле. Мен дагы көп убакыт спорттун ушул түрү менен машыктым. Үй жаныбарларын абдан жакшы көрчү. Мүнөзү жумшак киши болгондуктан малды дагы аячу. “Кантип бирөөнүн баласын мууздайм?” деп мал сойчу эмес.

Атам көрсөткөн жол менен келе жатабыз. “Бирөөгө жамандык жасаба, өзүңдүн жумушуңа так бол, улууларга салам берип жүр, баарына аяр мамиле жаса” деп көп айтар эле. Ушул нерсе бизге сиңип калды десем болот. Албетте, жумушта ар кандай учурлар болот. “Коомчулукта жүргөндө айтылган сөздөрдү унутпа” дейт эле. Мен дагы ошону эстеп, карманганга аракет кылам. Кээде ачууланганда “кой-кой, атам мындай кылат эле, тигиндей деп айтты эле” деп өзүмдү басып турам.

– Чоң жоготуудан кийин сиздердин гана эмес, бүтүндөй кыргыз элинин кабыргасы кайышты. Апаңыздын абалы жакшыбы?

– Кудайга шүгүр, апам азыр жакшы. Аты жаман оору жүрүп жаткан учурда апабызды жакшы карап, ден соолугуна кам көрүп жатабыз. Атабызга арнап өткөн жылдагы эскерүү иш-чараларын өткөрүү планыбыз пандемияга байланыштуу ишке ашпай калды. Карантинге байланыштуу көп жерлер иштебей калды. Ошону менен бирге театрлар дагы жабылып турду. Мына эми акырындан жанданып баштады.

– Залкардын курдаштары көбүнчө эмнелерин айтып эскеришет? Ишке ашпай калган ой-максаттары бар беле?

– Атам өмүр бою башкаларга жардам берип өттү. Бардык кыялдары орундалып, искусствого кызыккан жаш муундарды тарбиялады. “Жаштар кыргыздын искусствосун түшүрбөй, дайыма бийиктикте көтөрүп жүрүшсүн” дечү. Ишке ашпай калган кыялы да бар. “Айылга үй салып, ошол жакта жашасам” дечү. Атамдын бир туугандарына жардам берип, алардын үйү бүтүп, эми өзүнө келгенде көзү өтүп кетти. Атам “балам, айылды унутпа, туугандар менен катышып жүр. Алар биздин эң жакын адамдарыбыз” деп айтып кетти. Керээзин аткарайын деп өткөн жылы атам туулуп өскөн Ысык-Атадагы Үч-Эмчек айылына үй салып баштадым. Буюрса, ушул жылы бүтүп калат.

– Маегиңизге рахмат! Ден соолукта болуңуз!



Гүлдана Мамадали кызы



Дүйшөн Байдөбөтовдун уулу атасы тууралуу айтып берди

Автор: Гүлзада Абдырахманова
Оператор: МухамадЗиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
22.02.2021. 11:02 
Тайпасы:
Жаран
Комментарийлердин саны:
77
Катталган:
12-05-2019
Соӊку аракети:
06-03-2021 13:36
Жынысы:
Белгисиз
+4
Ыраматылык мыкты инсан эле.
25.02.2021. 12:35 
Тайпасы:
Жаран
Комментарийлердин саны:
25
Катталган:
30-10-2019
Соӊку аракети:
04-03-2021 11:58
Жынысы:
Белгисиз
0
Эээх жузу нурлуу эле жаткан жери жайлуу болсун
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25226;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: