Архив
944   945   946   947   948   949   950   951  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ПАЙДА ТАБАМ ДЕСЕҢ ИТ МУРУН, ЖАСМЫК, ДАРБЫЗ ЭК!

№950 18-24-февраль, 2021-ж.


Учурда дыйканчылык, багбанчылык улам өнүгүп бара жаткандыктан атаандаштык да бар. Андыктан дыйкандар менен багбандар "эккен нерсем өтпөй же өзүн актабай калбасын" деп улам жаңы сортторду эгип, аны өткөргөнгө аракет кылууда. Кыргызстандын рыногуна жаңы кирип жаткан бизнестердин катарына ит мурун жана жасмык бизнеси кирет. Киреше алып келе турган бизнес түрлөрүн сунуштайбыз.

“4 ЖЫЛДАН БЕРИ 3 ТОННАДАН ТҮШҮМ АЛЫП ЖАТАМ”

Руслан Алимжанов, Кадамжай районунун Ынтымак айылынын жашоочусу, багбан:

– Мен ит мурунду эккениме 11 жыл болду. Айыл өкмөттөн 1 гектар жерди ижарага алып, алгач беде септим. Ал жер таштагыраак жер. Анан 1200 ит мурун көчөтүн сатып келип, беденин ичине тиктим. Катар жөөктөрдүн аралыгы 4 метр, ал эми жөөктөгү ит мурундардын аралыгы 2 метрден. Сортун биз жактагылар “королевский” деп жүрүшөт. Үчүнчү жыл дегенде азыраак түшүм берди. Мол түшүмдү 5-6 жыл дегенде бере баштайт экен. 4 жылдан бери 1 гектардан 3 тоннадан түшүм алып жатам. Азыр бою 1,6-2 метр. Мөмөсүн Тажикстандан келип алып кетишет. Дүңүнөн 90-110 сомдун тегерегинде сатам. Алар кайра иштетип, кутуларга салып Орусия, Казакстанга өткөрүшөт.

Күн ысыкта 10 күндө бир сугаруу керек. Түшүм жыйноо сентябрдын этегинде башталат. 10 адамды күнүнө 450 сомдон жалдайм, 10 күндө терип бүтүшөт. Мөмөлөрүнүн узундугу 3, диаметри 1,5 сантиметрдей. Биздин айылда ит мурун айдалган жерлердин жалпы аянты 20 гектардай болот. Коңшу айылдарда да өстүрүшүүдө. Көчөтүн биз жактан Ош, Жалал-Абад облустарынын айылдарына, Көлгө чейин алып кетишип, тигишүүдө. Бир жолу тигип, көп жылдар бою түшүм алууга ыңгайлуу, дары өсүмдүк. Топурагы семиз жерге тигип, жакшы сугарса түшүмү мол болот.


Чыгым (1 гектарга):

Карбамид – 2 жолкуга 7 мүшөк. 1 мүшөгү – 1350 сом. Жалпы: 9450 сом

Сууга төлөм – 1 сезонго 1500 сом

Жер ижарасы, салыгы – 3000 сом

Тердирүүгө, түшүмдү талаадан ташып келүүгө – 75 миң сом (адамдарга, мүшөк, тамак-ашка, машинага бензинге)

Жалпы чыгаша – 88 950 сом

Түшүм – 3000 килограмм x 100 сом (1 килограммы орточо эсеп менен) = 300 000 сом

Таза киреше – 300 000 – 88 950 сом = 211 050 сом

Ит мурунду биринчи жылы эгип жатсаңыз, анда жерди айдатуу, малалатуу, отургузганга адамдарды жалдаганга да чыгым кетет.

“ЖАСМЫК МЕНЕН БИЗНЕС КЫЛУУГА БОЛОТ”

Акматбек Ниязалиев, “Сан-Агро” айыл чарба өндүрүштүк кооперативинин жетекчиси:

– Биздин кооператив кызыл жана жашыл жасмыкты (чечевица) баш-аягы 5 жылдан бери эгип келебиз. Өткөн жылы Көлдүн Жети-Өгүз районуна 200 гектарга, Чүй облусунун Чүй, Ысык-Ата, Москва, Жайыл райондоруна баары биригип 600 гектарга айдадык. Нарындын Ат-Башы районуна былтыр эксперимент катары 5 гектарга айдап көрдүк. Кеч эгилгендиктен даны бышканга жетишкен жок, тоютка деп чаап алдык. Быйыл убагында айдап көрөлү деп жатабыз. Таласта жеке чарбалар эгип жатат деген маалыматтар бар. Быйыл Көлдүн Ак-Суу, Түп райондоруна да эгип көрүү планыбыз бар.

Жасмык климаты жарым кургак келген аймактарды баалайт. Кайрак жерге эгип, сугарбаса болот. Бирок кургакчылыкта түшүмү кескин азаят. Ным көбүрөөк болсо бою өсүп кетип, түшүм аз болуп калат. Минус 5-6 градус суукка чейин чыдамдуу. Шор (туздуу) жана кычкыл топуракты жактырбайт. Ошондуктан алгач топуракты лабораториялык анализден өткөрүү керек. Урукту грибок ооруларына каршы дарылатуу кажет. Дан өсүмдүктөрү, жүгөрү айдалган жердин ордуна сепсе жакшы. 1 гектарга – 130 килограммдай урук кетет. 4-5 сантиметр тереңдикте, аралыктары 15 сантиметрден тигилет. Сепкенден 40-45 күн өткөндө гүлдөйт. Абадан азотту алып, топуракты байытат. 1 гектарга 100-120 килограмм калий же 50-80 килограмм фосфор чачылат. Түшүм комбайн менен чабылат. Кайракы жерден сугарбастан 1 гектардан орточо эсеп менен 1-1,2 тонна түшүм алынат. Сугат жерге тигип, убагында сугарса 2 тоннадан алынат. Жасмыкты Казакстан, Орусия жана башка өлкөлөргө сатабыз, ошондой эле Кыргызстандын рыногуна да чыгарабыз.

“75 СОТЫХТАН 45 ТОННА ДАРБЫЗ АЛДЫМ”

Чыңгыз Сариев, Жалал-Абад облусундагы Базар-Коргон районунун Акман айылынын тургуну:

– Былтыр дарбыздын Франциядан чыгарылган кримсон свит сортун өзүмдүн үлүш жериме, 75 сотыхка эктим. Жер 2 жолу айдалып, 3 жолу малаланат. Анткени топурак абдан майдаланып, жер табына келиши керек. Дарбыз өнүп чыккандан кийин суукка кабылбашы үчүн урукту клеёнканын алдына тиктим. 12 ирет сугардым. Культивация урук өнүп чыгып, бою 10 сантиметрдей болгондо жүргүзүлөт. Экинчи ирет жүргүзүлбөйт, анткени дарбыз түйүп чоңоё баштаганда чөп керек болот. Көлөкө жок күндө жаткан дарбыздын сырты саргайып “товарный вид” жоголот. Чөптүн көлөкөсүндөгү дарбыздын сырты жашыл бойдон калат. Дарбыз 90 күн дегенде бышып, 45 тонна түшүм жыйнадым. Түшүмдү үй-бүлөбүз, туугандар менен чогултуп алдык. Дарбыздардын эң чоңдору 25, эң кичинелери 5 килограммдын тегерегинде болду.

Чыгым (75 сотыхка):

Жер айдатканга (2 жолкуга) – 6000 сом

Малалатуу (3 жолкуга) – 5000 сом

Жөөк тартуу (2 ирет) – 3000 сом

Культивация – 2000 сом

Урук (750 гр.) – 4500 сом

Клеёнка (60 кг.) – 6500 сом

Аммафос (100 кг.) – 3000 сом

Карбамид (100 кг.) – 2300 сом

Биогумус – 1000 сом

Сууга – 1000 сом

Жер салыгы – 1000 сом

Түшүмдү чогултуп базарга жеткирүүгө – 25 500 сом

Жалпы чыгаша: 60 800 сом

Киреше

45 тонна = 45 000 килограмм x 7 сом (1 килограммы дүңүнөн)= 315 000

315 000 – 60 800 = 254 200 сом

Таза киреше: 254 200 сом


Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
22.02.2021. 13:37 
Тайпасы:
Конок
Комментарийлердин саны:
3
Катталган:
02-01-2021
Соӊку аракети:
01-03-2021 13:14
Жынысы:
Белгисиз
+1
Азаматсынар.
22.02.2021. 18:14 
Тайпасы:
Жаран
Комментарийлердин саны:
113
Катталган:
31-10-2020
Соӊку аракети:
28-02-2021 22:40
Жынысы:
Белгисиз
+2
Түшүмдү Тажикстан сатып алып,Россияга сатат экен.Кыргыздар кызык эле калкпыз ээ...Эмне өзүбүз кутуга салып сатсак болбойбу?Дыйкан мээнет кылып канча тапса,упаковка кылып саткан тажиктер деле ошондой акча табат.Ушул нерсени биздин өлкөдө колдонуш керек.Нокот,күрүч,ит мурун,жаңгак,жер жаңгакка окшогон тамактарды упаковкалап сатса жакшы пайда калат.
26.02.2021. 14:15 
Тайпасы:
Конок
Комментарийлердин саны:
14
Катталган:
19-01-2021
Соӊку аракети:
01-03-2021 14:37
Жынысы:
Белгисиз
0
Mister-XXX, кана эми ошону кылса.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
25195;
Акыркы кабарлар
азыр окуп жатышат
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: