Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967   968   969   970   971   972  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТӨРӨТ АЛДЫНДАГЫ КОРКУУ СЕЗИМИН ЖОЮУ

№944 7-13-январь, 2021-ж.


Төрөттөн коркпогон аял жок болсо керек. Ар бир кош бойлуу аял төрөт алдында фантазиясына жараша ар кайсыны элестетип алып коркуп, санаа тартары бышык. Эгер алдыдагы төрөт аялдын үчүнчү же бешинчиси болсо да, өзү үчүн эмес, жок дегенде ымыркайынын саламаттыгы үчүн ойлонот. Коркуу сезими кайдан келет? Аны кантип жоюу керек? Ошол жөнүндө сүйлөшөлү.

БЕЛГИСИЗДИК КОРКУНУЧУ

Кош бойлуу аял өзүндө жаралган коркунучту конкреттүү түрдө түшүндүрүп бере албайт. Мисалы, бир нерседен секирерде бир жерим сынат деп коркосуң. Ал эми төрөт алдында белгисиз эле коркуу сезими чулгайт. Төрөт учурунда эмне болуп кетерин алдын ала билбейсиң. Анан ар кимден уккан төрөт учурундагы коркунучтуу окуялар эске түшөт. Аялдар бири-бири менен сүйлөшүп отурганда көп айтылган окуялар: "Каканак эрте жарылып суу кетип калып, толгоо кеч келди". "Толгоо келген соң бала суусу жок чыкпай жатты". "Толгоо учурунда туура эмес ыйынып, жыныс кыны жарылып кетти, аны хирург келип тиккени азап менен тозок". "Төрөттөн кийин кан көп кетти". "Суткалап толготуунун артында чарчап калып, төрөт жакындаганда ыйынганга алым жок бала кыпчылып калды"... Айтор, санап отурса жүрөктү түшүргөн окуялар көп кездешет.

Ай-күнүнө жетип турган аял бардык аялдардын организми бирдей эмес, ар кимдики өз алдынча индивидуалдуу экенин түшүнүүсү зарыл. Андыктан курбуңуз же таанышыңыз өз башынан өткөргөн жогорудагыдай окуялардан айтып берсе, менин башымдан да ушул нерселер өтөт экен дебешиңиз керек.

Интернеттеги коркунучтуу маалыматтар

Интернет ар бирибиздин алаканыбызда. Албетте, кош бойлуу аял интернетке төрөткө даярдануу тууралуу жакшы эле маалыматтарды издеп кирет. Бирок кантип кайдагы бир коркунучтуу видеолорду көрүп, маалыматтарды окуп отурганын өзү билбей калат. Интернеттен кандай көйгөйлүү маселе тууралуу маалымат алсаңыз да, аны жоюунун же алдын алуунун кандай жолдору бар экенин кошо окуп коюу керек. Азыр медицина өнүккөн заман. Аялдар мурдагыдай каттоодон өтпөй туруп эле төрөтканага кирип барып же үйүнөн төрөп койгон заман эмес. Жашаган аймагыңыздагы катталган дарыгериңиз сизди ай сайын кароодон өткөрүп, кеп-кеңешин берип турат. Берилген кеңештерди моюн толгобой так аткарып, жазып берген витаминдерин убагында ичип, өзүңүздү, эң оболу ымыркайыңыздын саламаттыгын биринчи орунга коюшуңуз керек.

Кайдыгерлик

Айрыкча кыргыз аялдары деп баса белгилегим келип турат: кыргыз аялдары өз ден соолугуна кайдыгер келишерин моюнга алуу керек. Түйшүк түгөнүп калчудай кара жанын карч уруп, жанын сабап, ысык-суукка карабай оокат кыла бергендер бар. Албетте, эртеден кечке жата берүү – бул оор төрөттүн кепилдиги. Кыймылдуу болуш керек. Бирок колду муздак сууга салып, сыз жерде, эртеден кечке иштөө туура эмес. Эгер сиз иштөөгө же ошондой катаал шарттагы жумуштарды жасоого аргасыз болсоңуз, шартыңыз туура келбей жатса, анда бала төрөөнү алдын ала пландоо керек. Балалуу болуу оюнчук эмес.

Мындан тышкары, тескерисинче, жалкоо аялдар да бар. Алар кыймылды аз жасашат, эртеден кечке укташат, төрөттү жеңилдетүүчү көнүгүүлөрдү жасашпайт, эмчекке жана териге кам көрүшпөйт. Натыйжада курсактын керилүүсүнөн тери жарылат. Эмчек эмизүү учурунда эмчектин жарылуусуна тушугат. Бул да аялдын өз жана бала саламаттыгына карата кайдыгерлиги болуп саналат.

ТӨРӨТ УЧУРУНДАГЫ ООРУТУУНУН АЛДЫН АЛУУ

Көнүгүүлөрдү жасаңыз

Кош бойлуу аял каттоого турганда организми толугу менен кароодон өтөт: анализдери тапшырылат, кандагы темир, гемоглобин, кальций, белок жана башкалардын көрсөткүчтөрү алынат. Өнөкөт оорусу барларга эмнелер уруксат, эмне уруксат эмес экени адис тарабынан көзөмөлдөнөт. Демек, өзүңүздүн саламаттыгыңыз тууралуу жалпы маалымат даяр. Эми ушуга жараша өзүңүздү туура күтүңүз. Туура тамактаныңыз, төрөттү жеңилдетүүчү курстарга барыңыз. Ага шарт жок болсо, интернеттен өзүңүздүн организмге ылайыктуусун таап аткарыңыз. Көнүгүүлөрдүн топтомун сунуштаган тиркеме деген нерсе толтура. Арасынан кош бойлуулар үчүн иштелип чыкканын жүктөп алсаңыз болот. Негизи адистер кош бойлуу аял төрөткө чейин жок дегенде жарым сааттык көнүгүүлөрдү жасап туруусу керек дешет.

Жолдошуңуз менен тыгыз мамиледе болуңуз

Аял кош бойлуу кезинде абсолюттук түрдө өзгөрөт дешет: гормондор, кулк-мүнөз, маанай, тамактануусу, каалоолору, жүрүм-туруму жана башка бардыгы. Анткени жүрөктүн алдынан дагы бир адамды өстүрүү оңой-олтоң иш эмес. Токсикоз учурунда көпчүлүк аялдардын кулк-мүнөзү өзгөрүп, айрымдар күйөөлөрүн жактырбай башташат. Бул нерсе убактылуу. Колуңуздан келсе жолдошуңуз менен сейилдеп, сырдашып, чогуу жумуш кылып, киного же эс алууга барып алыңыз. Бул, биринчиден, ортодогу мамилени бекемдейт, экинчиден, бала багып үйдө отуруп калган күндөрүңүз үчүн компенсация болмокчу. Анан албетте, бойдон козголуу коркунучу жок болсо түгөйүңүз менен регулярдуу жыныстык катнашта болуп туруу керек. Бул сиздин жамбаш сөөктөрүңүздүн ийилчээк болушун, жыныс кыны чоюлчаак тартып, төрөт учуру жеңилирээк болушун шарттайт.

Туура тамактаныңыз

Тамак рациону кош бойлуулук учурундагы эң маанилүү нерсе. Тез татымдар, зыяндуу делген азыктар, газдалган суусундуктар бала жана эне үчүн коркунуч жаратары талашсыз. Сиз катталган дарыгер ай сайын же эки айда бир таразага түшүрүп, канчадан салмак кошуп жатканыңызды көзөмөлдөп турат. Эгер нормадан ашыкча салмак кошуп баратсаңыз, аз-аздан, бирок бат-баттан, пайдалуу жана витаминдүү тамактарды жегенге өтүңүз. Камыр тамактарды бара-бара азайтып, сейрек учурларда гана жегенге аракет кылыңыз.

БОНУС ҮЧҮН МААЛЫМАТ

Төрөт учурунда акушердин айткандарын так аткарууга аракет кылыңыз. Адисти угуңуз, дүрбөлөңгө алдырбаңыз. Албетте, толгоонун оорутуусу аялды өзүнөн чыгарып, акушерди укмак тургай, булбулдун үнүн сүйбөй калары талашсыз. Бирок туура эмес ыйынгандын аркасында өзүңүздөн мурун эң оболу балага зыян келип каларын ойлонуңуз.

Аялдын жамбаш сөөк бөлүгү 4 бөлүктөн турат. Башы менен төрөлүп келе жаткан бала канчалык жыныс кынынын ооз жагына жакындаган сайын төрөт зонасы да кууш боло баштайт. Жатын моюнчасы ачылгандан кийин бала 1-бөлүккө келгенде симфизге туш болот. Симфиз – эки жамбашты кошуп турган тарамыш сымал кеңейүүгө жөндөмдүү байламта. Дал ушул симфиз баланын башы келе жатканда бир аз кеңейүү жөндөмүнө ээ. Мындан тышкары чычаң дагы муунактуу болушунун эсебинен артты көздөй ийилип, 2-3-бөлүктөрдө баланын башынын чыгышына бир аз да болсо жол ачат. Ошондой эле баланын башы дагы жумшагыраак болуп, энесинин жамбаш сөөгүнө жараша формасы өзгөрөрү табият тарабынан берилген. Мына ушул процесс төрөттүн акыркы мүнөттөрү. Дал ушул мүнөттөрдө аял туура ыйынып, туура дем алып, акушердин жардамы менен баланын башына зыян келтирбей аман-эсен төрөп алуусу керек.

Гүлжан Асанкожоева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
11.01.2021. 12:17 
Тайпасы:
Жаран
Комментарийлердин саны:
40
Катталган:
26-08-2015
Соӊку аракети:
14-07-2021 18:42
Жынысы:
Белгисиз
+1
Пайдалуу маалымат болуптур. Окуп башымды ийкеп отурам, айрыкча ар кимге ишенип алып коркконго. Чын эле организм ар башка да.
11.01.2021. 19:04 
Тайпасы:
Жаран
Комментарийлердин саны:
223
Катталган:
26-01-2016
Соӊку аракети:
26-07-2021 17:49
Жынысы:
Белгисиз
Калаасы:
♡♡♡ОШ♡♡♡
+1
Аман-эсен ай күнүбүзгө жетип алалы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25837;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: