реклама
Архив
944   945  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КЫЯНАТ (Балдар үйүнөн чыккан жигиттин ийгилиги, крим дүйнөгө аралашуусу, өз ата-энесине жолугуусу, сүйүү, көз жаш камтылган сериал)

№944 7-13-январь, 2021-ж.


(Башы өткөн сандарда)

Байэлдин көздөрү алаңдап коркуп кетти. «Өлдүм, эми мени милицияга салып берет» деди. Киши чоң колдору менен Байэлди төбөдөн ары бир кагып алмак. Үтүрөйүп коркуп турган түрүн көрүп эшикке жетелеп жөнөдү. Качууга да аракет кылган жок. Шалдайып жанында ээрчий басып бараткан Байэлди карап жанатан жини келип жаткан кишинин күлкүсү келди. Аны көргөндө эле удуң-шудуңу жок бала экенин түшүнгөн. Коё берип деле жибермек, бирок эмнегедир чөнтөгүнө кол салган жигиттин чоо-жайын билгиси келди. Сыртка чыгып соода борборунун алдындагы отургучту көздөй басты. Байэл да унчукпай ээрчип келип тигил кишинин жанына отурду.

– Ии, баатыр, ишти жаңыдан баштап жатасыңбы? Сенден чөнтөкчү чыкпайт го. Чөнтөгүмдөн тышка чыгып турган капчыкты ала алган жоксуң. Канчадасың?

– 18де,- деди жер тиктеген абалынан жазбай.

– Ата-энең сенин бул кылыгыңдан кабары барбы? Окуйсуңбу?

– Жок, окубайм. Ата-энем жок. Балдар үйүндө өскөм.

– Түшүнүктүү. Досторуң бар беле жаныңда?

Жигит үн каткан жок. Коркту, «бизди сатып кеттиң» деп эртең терисин тескери сыйрышсачы.

– Атың ким?

– Байэл.

– Меники Алмаз. Мен залга барышым керек. Сени менен сүйлөшө турган сөздөр калды. Жүр, мени менен залга бар. Жумуш бүткөн соң сөзүбүздү улантабыз. Байэл аргасыз эле, «жок, барбайм» деп айта алат беле? Жай отуруп суроо салган, андан соң залга ээрчитип бараткан кишинин ким экенине кызыкты. «Бул эмнеге мени милицияга берген жок? Же чакырып коюп мени кармап отурабы?» деп ичинен бушайман болуп жатты.

Экөө жолдун аркы өйүзүнө өтүп, көп кабаттуу имараттын жер төлөсүнө киришти. Байэл аркасынан ээрчип келе жатты. Тигил киши ачып жаткан каалганын сыртынан "машыктыруучу Алмаз Мусаев" деген жазууну окуду.

– Байэл, сен бул жакка кире бер, мен кийимдеримди алмаштырып чыгайын.

– Макул,- деп кийинки бөлмөгө баш бакты. Бирөө ары-бери чуркап, экөө күрөшүп, экөө төрдөгү рингде мушташып, дагы бири груша согуп, айтор, 10 чакты жигит кызуу машыгып жатыптыр. Өзүн дагы ушул жигиттердин арасынан көргүсү келип кетти. Кичинесинен бери бокс кол кабын кийип, рингде сокку узатып жатканын кыялданчу.

ххх

– Салам, жигиттер, баарыңар келдиңерби?

– Саламатсызбы, агай?

– Саламат.

– Салам алейкум, агай,- ар бурчта өз иши менен алек болуп жаткан жигиттер четинен чуркап келип сырттан кирип келген Алмаз Мусаев менен саламдашып, катар тизилип туруп жатышты.

– Убакытты кетирбей машыгууну баштайлы.

Жигиттер чуркоодон баштап, ар кандай көнүгүүлөрдү жасап, ыкмалар менен иштеп, күрөшүп жатышты. Төрдөгү рингде Алмаз агай «чыканакты көтөр, оң-сол» деп сүйлөнө бир жигитти машыктырып жатып, четте кызыгып карап турган Байэлге көзү урунду.

– Жакшы, Арс, жылыш бар.

– Улантабызбы?

– Бир аз эс ал.

– Байэл, кел, бир байкап көр. Милиция качан келет деп коркуп отурган Байэл мындай сөздү чынында күткөн эмес. Ичинен кудуңдап сүйүнүп кетти. Бутун чечип рингди көздөй баратканда ушунчалык толкунданды. Агай жанына келген Байэлге колундагы кол капты ыргытты. Жигит канча тартынбасын, ичиндеги каалоосу аны жеңип кетти. Байэл Алмаз Мусаевди таң калтырды. Залга күнүгө келип жүргөн айрым балдардан мындай шыкты байкай элек болчу. Ичинен «мындан бир нерсе чыкчудай» деп койду.

– Азамат, сен чөнтөкчү эмес, мушкер болушуң керек экен.

Байэл уялып кетти. Колундагы кол капты чечип, жанагы ордуна кайра барды. Машыгуу убактысы бүткөн көрүнөт, балдар четинен кетип, залда Алмаз агай экөө эле калды. Байэл кетүүгө ашыкпады. Балдарга барууну деле каалаган жок.

Алмаз Мусаев өзү боорукер адам. Алгач мектепте иштеди, 10 жылдан бери балдарга машыктыруучулук кылып жүрөт. Мыкты педагогдук жайы бар. Байэлдин жанына отуруп тамырын тартып чоо-жайын билди. Байэл эмнесин жашырсын? Ага зыян кыла турган киши минтип аяр карап турбасын түшүнгөн соң төкпөй-чачпай баарын айтып берди.

– Байэл, ал ишиң дурус эмес. Боштук, эч кандай жакшы жакка жылыш жок. Уурдайсың, курсак тоёт, кийимиң бүтөлөт. Күнүмдүк кара курсактын камы. Бирок мындан эч кандай өсүш болбойт. Бирөөнүн чөнтөгүнө кол салып алган акчаны коркпой-үркпөй эле адал эмгек менен тапса болот. Мен сага жардам берем. Жатаканага сүйлөшөм. Сен ал балдардан бөлүн.

Алмаз агай телефон номерин кагазга жазып берди. Байэл кагазды чөнтөгүнө салып, агай менен коштошту.

ххх

Тико төрдөгү керебетте телефон баскылап жаткан. Сырттан Байэл кирип келди.

– Ии, кармалып калды дешти эле. Кантип келип калдың?

– Коё берди.

– Унчукпай эле коё берип салдыбы?

– Мм,- Байэл баш ийкеди.

– Жакшы кишиге жолуккан экенсиң анда. Бирок коркпой эле кой, азыр сени милиция деле камай албайт. Көп жолу кармалган балдар бар, айып пул төлөп, кайра иштеп жүрө беришет. Аларды милициялар деле таанып бүткөн.

– Жигиттер, мага каралаштыңар, үйүңөргө тургуздуңар, силерге чоң рахмат. Мен аны сөзсүз кайтарам. Мындан ары уурдабай эле эмгек кылып жашайын деп чечтим.

– Ии, кара муну, эмне жанагы киши сага ушуну үйрөттүбү?

– Негизи эле өзүм каалабай жүргөм.

– Сен адамдын эмгегин акташың керек. Кайда барасың, бир иштеп бербей кеткиң барбы?- Тико кызаңдап кетти.

– Мен алгандарымды кайтарам, жашаганым үчүн дагы акча төлөйм.

– Эмне, бир сомдон чогултуппу?- эшикти тарс жаап Тико сыртка чыгып кетти. Анын артынан эскирген рюкзагына бир аз кийимин салып Байэл чыкты. Ал илең-салаң боло кыбырай басып филармония тарапка бет алды. Аркасынан келе жаткан балдарды байкаган деле жок. Турусбеков көчөсүнөн өтө бергендеги караңгы жерден Эрик, дагы үч-төрт бала пайда болду.

– Качайын дедиңби? Биз сени качырбайбыз. Тим эле муну кара, туура жолдо баскысы келет. Тикоң эми сага болушпайт, эми сен анын "кара тизмесиндесиң". Бир тыйын пайда алып келбей, тескерисинче, бизден алып, анан эч нерсе болбогондой оңой эле чыгып кетейин дедиңби? Акылдуусун кара мунун!- өткөндө жинденип калган Эрик Байэлди чайнагысы келип турду.

– Жолумду торобо. Мен алгандарымды кайтарам.

– Ха-ха. Жолуңдубу, сенин жолуңдубу?- мазактай күлдү. Эрмектегиси келди.

– Менден каалаганың эмне?

– Ия де, качкын, сенин эмнең бар мен каалагыдай? Сени сабап эле моокум кандырыш керек.

Эрик ышкырды эле жанындагы балдар бир заматта Байэлди дүпүлдөтүп сабап жатып калышты. Байэл каршылык көрсөтө алган жок. Эрик туш келди тепкиледи. Башы-көзүн колу менен тосуп жаткан Байэл бир кезде кыймылсыз жатып калды. Эрик балдарды ээрчитип кетип калды. Булардын эрежеси ушундай, алардын чөйрөсүнөн чыгып жаткандарды саткын деп эси-көөнүнөн кеткис кылып тепкилеп салышат.

ххх

Бий ийриминен чыккан Аделя айдоочусун күтүп көчө жээктеп басып келе жаткан. Машина аны көздөй бурулганда жерде жаткан жигит даана көрүндү. Чочуп кетти.

– Айбек байке,- айдоочусуна кол жаңсады. Айдоочу унаадан түшүп Аделяны көздөй басты.

– Жүрүңүз, бир бала жатып калыптыр.

– Селсаяктыр, бас, кеттик.

Аделя көнбөй койду. Жанына барып жаш жигит экенин, сабалганын көрүштү. Айдоочу жигиттин телефонун издеп көрдү, бирок тапкан жок. Аделя шымынын чөнтөгүндөгү кагазды алып телефондун жарыгы менен карап номерди көрдү. Ал жанагы Алмаз агайдын номери эле.

– Алло, саламатсызбы? Бул жакта бир баланы сабап кетишиптир. Чөнтөгүндөгү кагазда ушул номер жазылуу экен...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 8 колдонуучу (Катталган: 0, коноктор: 8) бул макаланы окуду:

Макалалардын саны:
25035;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: