реклама
Архив
944   945  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Медина Эдилбаева, биринчи топтогу майып: “МЕНИ УНААСЫ МЕНЕН СҮЗҮП, ТЕБЕЛЕТИП КЕТКЕН АЙДООЧУ ЖАЗАСЫЗ КАЛДЫ”

№938 26-ноябрь-2-декабрь,2020-ж.


34 жаштагы Медина Эдилбаеваны эки жыл мурун жөө жүргүнчүлөр өтүүчү өтмөктөн унаа сүзүп кеткен. “Мени сүзгөн кишинин “бутуна тургузуп берем” деген сөзүнө ишенип тосмо арыз жазып бердим эле, эми минтип жарым жан боюнча таштап койду”,- дейт ал.

“УНААНЫН ДАЛ ТУШУНА ЖЕТКЕНДЕ АЙДАП ЖИБЕРДИ”

– 2018-жылы 6-сентябрда Бишкекте Чыңгыз Айтматов Иса Ахунбаев көчөлөрүнүн кесилишинен 80-100 метрдей ары жөө жүргүнчүлөргө арналган өтмөктөн мени унаа сүзүп кетти. Чыгыштан батыш тарапты көздөй өтүп бараткам. Айтматов кең көчөсү менен ылдый кеткен эки тилкедеги унаалар мени өткөрүп жиберишти. Өйдө кеткен тилкенин ортоңку бөлүгүндө Lexus үлгүсүндөгү унаа катуу келе жатыптыр. Мындай жол тандабас айдагандар тоготушпайт эмеспи, өтүп кетсин деп мен ага жол бошотуп, ортодогу сызыкка туруп калдым. Унаа катуу келип, дароо тормоз басканга жулкунуп токтоду. Өтмөктө жалгыз мен эле болчумун. Ал мени көргөн. Токтоду деп мен жолумду уланткам. Унаанын дал тушуна жеткенде айдап жиберди. Аралыгыбыз бир метрдей болчу. Эки кадам таштап, жол жээгине чыгып кеткенге жетишпей калдым. Көзүм караңгылай түштү. Жерде жаттым, баарын сезип, турайын деп ойлоп жаттым, бирок белден ылдый эч жерим кыймылга келбей койду. Ооруканага барганда эс-учумду жоготтум.

Айдоочу ата-энеме “сүзгөндөн кийин нес болуп, үстүнөн тебелеп кеттим” деп айтыптыр. Бел омурткаларым сынган, фиксатор коюлган. Денемдин 13 жеринен жаракат алдым. Жүлүндүн 90 пайызы жабыркаптыр. Азыр биринчи топтогу майып болуп отурам. Дааратканага өз алдымча бара албайм, катетер менен жүрөм, ал дагы кебер басып чыкпай калат. Урологдун үйгө келишин күтүп жалдырап отурмай. Жаракаттарымды жууп, таңуу менен күн кечирем. Ашканага эмгектеп араң жетем.

Мен өзүм Талас облусунун Кара-Буура районунан болом, 34 жаштамын. Юридикалык академияны бүтүргөм, кесибим боюнча иштеген жокмун. Кафе-ресторан, бильярд клубдарда администратор болуп иштеп жүрдүм. Турмушка чыккам, бир кызым бар. Азыр ата-энемдин колунда. Жолдошум менен кызым төрөлгөндөн кийин эле ажырашып кеткем. Кызымды эч нерседен кем кылбай бакканга кудуретим жетчү. Азыр кызыма бир байпак алып бергенге чамам жок.

“ДЕНЕМДИН, БУТУМДУН СЫЗДАП ООРУГАНЫНАН БИР МҮНӨТ КӨЗ ИРМЕБЕЙ ТАҢ АТЫРДЫМ”

– Мени сүзгөн киши жакындарыма “кызды дарылатам, кандай болсо ошондой бутуна тургузуп берем, колумдан келген аракеттин баарын жасайм” дептир. Убакыттын өтүшү менен мени кароосуз таштап, “мындан ары карабайм” деди. Ал 100 пайыз күнөөлүү, мен өтмөктөн өтүп кеткенче от алып алды, сүзгөнү аз келгенсип үстүмдөн тебелетип кетти. Кырсык болгон учурда баарын моюнуна алган киши эми “мен сени көргөн эмесмин, сен менин алдымдан чыга калдың” дейт. Мен кантип алдынан чыкмак элем, ага чейин мени ылдый кеткен эки тилкенин унаалары токтоп өткөрүп жатпайбы. Эки жыл каралашып жүрдү. Батир акысын төлөдү, 5000-2000 сомдон берип турду. Дары-дармектерди алып берип жатты. 4 жолу Воронцовкага алып барды, мамлекеттик камсыздоо боюнча биринчи топтогу майыптар бир жылда бир жолу бекер дарылануудан өтө алат экен. Эки жолкусуна ал киши алып барды. Ал жакта деле дарылоо укмуш эмес, мени жакшы клиникаларда дарылатса бутум жанданып, басып кетет белем? Минтип убакытты созду да, артын карабай качты. Эми “бутуна тургузам деген эмесмин, жардам берем дегем. Ал өзү күнөөлүү” деп, айткан сөздөрүн жокко чыгарып отурат.

Биодаараткана, майыптардын арабасын алып бердим деп мага чоң сыйлык бергенсип санап отурат. Мен кандай азап тарттым, денемдин, бутумдун сыздап ооруганынан бир мүнөт көз ирмебей таң атырам. Жүгүрүп жүрүп эле баса албай калсаң кандай жаман? Кабагым түйүлүп депрессияга түшүп кеттим. Азыр бир буттап ходунокко туруп калганыма каниет кылып калдым. 3-кабаттан эч жакка түшө албайм, өз алдымча эч нерсе кыла албай ар кимдин көзүн карап үйдө жалгыз отурам. Апамдар, туугандарым айылдан келип, кошуналарым тамак алып келип турушат. Өзүм кээде эптеп сүйрөлүп столго жетип, отуруп алып тамак жасайм.

Воронцовкага барганда бир эже менден эмне болуп бул акыбалга түшкөнүмдү сурап калды. Айтып бердим, ошол эженин уулу мени сүзүп кеткен Lexus’тун артында келе жаткан экен. “Балам ошол күнү купкуу болуп келген “бир кыз ак сызыкта турган, алдыбыздагы Lexus катуу бараткан, токтоп жатып эле жүрүп кетип ошол кызды сүзүп, үстүнөн тебелеп өттү. Тирүү калган жок го” деп келген. Ошол кыз сен турбайсыңбы”,- деди.

“ҮЧ ЖОЛУ ОПЕРАЦИЯ БОЛДУМ”

– Мени сүзгөн Темирбек Чодураев – Ишеналы Арабаев атындагы Мамлекеттик университеттин экология жана туризм факультетинин деканы. Учурунда кылмыш иши ачылган. “Карайм, бутуна тургузам” деп тосмо арыз жаздырып алган. Операцияга кирерде “сүзгөн кишинин кебетесин көрөйүн” деп чакырттым. Палатага киргенде жер жумшак болсо кирип кетчүдөй байкуш болуп турган кебетесин көрдүм. Өлүм менен өмүрдүн ортосунда күрөшүп жатсам да бир жаман сөз сүйлөгөн эмесмин. Мындай даражалуу, билимдүү адам менен соттошпой эле коёлу. Андан көрө бутума туруп кетейин дегем.

Жайында белимдеги темирлер сынып, териден чыгып кетерде тезинен операция жасатыш керек болуп, байкеге чалсам кетенчиктеп жатып араң келди. Үч жолу тең операцияны Сабырбек Жумабеков жасаган. Баары Кудайдын колунда, убакыт, жакшы реабилитация керек деген. Бутум сырттан эч нерсе сезбегени менен, ичинен аябай катуу оорутат, чымырап, кысылып ооруганда ыйлайм. Эки жылдан бери бутумдун ичтен ооруганы мени жеп салды. Бутумдун башы кыймылга келбейт, манжалар кайрылып калган. Канча калың кийсем дагы жылыбайт, муздак бойдон турат. Укалоо жасатып турганда жакшы болчу. Өзүм колумдан келишинче ушалаганга аракет кылам. Бирок менде күч жок, бутума жакшы жетпейм, белим оорутат.

5000 сом жөлөк пул алам, ал эч нерсеге жетпейт. Ата-энем карапайым эле адамдар. Колундагы малын сатып батир акысын төлөп жатышат. Батир акысы 15 миң сом. Арзан башка батирге чыгайын дейм, бул абалымда эч жакка чыга албасам кантип арзан батир табам? Мендей майып немени да эч ким батирге албайт экен.

10-сентябрда Бишкек шаардык Жол кыймылынын коопсуздугун көзөмөлдөө кызматынын башкы башкармалыгына, 14-сентябрда прокуратурага арыз жаздым. Прокуратура 30-сентябрда ишти кайра жандандырып берген. Бирок иш алга жылбай турат. Жактоочу алганга шартым жок. Азыр “мен күнөөлүү эмесмин” деп миң айтканы менен, укук коргоо кызматкерлери ошол учурда күнөөсүн толук моюндаганын тастыктаган документти көрсөтүштү. Адилеттикти талап кылам, минтип мени майып кылып таштап кетпей бутума тургузсун, карасын. Болбосо камалып жазасын алсын.

“КЫЗДЫ КӨРҮП, ЧОЧУП КЕТИП ГАЗДЫ БАСЫП АЛДЫМ”

Ишеналы Арабаев атындагы Мамлекеттик университеттин экология жана туризм факультетинин деканы Темирбек Чодураев менен байланышып, иштин чоо-жайын билдик.

– Мен Чыңгыз Айтматов көчөсү менен өйдө ортоңку тилкеде бара жаткам. Өтмөктөн токтогом, сол тарапта киши жок болчу. Оң тараптагы арчалардын арасынан киши чыга калбасын деп карасам эч ким жок. 20-30 метрдей алдыда жол кыймылын көзөмөлдөөчү кызматкерлер турган. Тормозду коё берип эле маңдайымдагы кызды көрүп чочуп кетип газды басып алдым. Ошентип кырсык болду.

Операциясынан тартып бардык керектөөлөрүн моюнума алдым, эки жыл колумдан келген жардамымды бердим. Батирдин ижарасын төлөдүм, багуучу жалдадык. Керек-жарагын бүт эле алып бердим. Воронцовкага алып барып дарылатып жаттым, массажга алып бардык. Кыз ходунок менен жүрө баштады. Айтканынын баарын эле кылып жаттым. 2 миллиондой каражат жумшалды. Өзүм мугалим болсом, кээде акча таппай каласың дегендей. Үй-бүлөнү да багыш керек. Мен жардам бербейм деген жокмун, дагы деле жардам берет элем. Бир аз кечигип калсам жаман сөздөрдү айтып, мени, бала-бакырамды каргап-шилеп, сенин түбүңө жетем деп эле чала берет. Мамиле түзүү мүмкүн болбой калды. Айла кеткенде жок кылсаң жок кыл, сот чечсин дедим. Арыз жазды, суракка барып жатам.

Динара Акимова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
30.11.2020. 13:06 
Тайпасы:
Жаран
Комментарийлердин саны:
28
Катталган:
24-02-2011
Соӊку аракети:
18-01-2021 17:36
Жынысы:
Белгисиз
+4
Кудайым озу сактасын кырсыктан. 2 миллион кетти деп эсептебей жардам бере бериш керек. Кыздын абалы оор, ошондуктан каргап-шилегенин тушунсо болот.
30.11.2020. 22:47 
Тайпасы:
Жаран
Комментарийлердин саны:
86
Катталган:
02-07-2019
Соӊку аракети:
20-01-2021 02:21
Жынысы:
Белгисиз
+9
Экөөнү тең түшүнсө болот. Кырсык болуптур. Эми бутуна туруп кете албаса өмүр бою багууга туура келет, же соттолуп отуруп чыгууга туура келет.
01.12.2020. 12:12 
Тайпасы:
Жаран
Комментарийлердин саны:
121
Катталган:
01-01-2016
Соӊку аракети:
18-01-2021 18:21
Жынысы:
Белгисиз
Калаасы:
Bishkek
-1
Деканга 2млн акча эместа. Сен 100% күнөөлүүсүң, таза адамды майып кылыпсың!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25035;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: