реклама
Архив
944   945  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТАМАНДАН ТАКЫР СЫЗ ӨТКӨРБӨҢҮЗ! БУТ ҮШҮП ЖҮРҮҮДӨН КАНДАЙ ООРУЛАР ЖАРАЛАТ?

№938 26-ноябрь-2-декабрь,2020-ж.


Тамандан сыз өтүү, буттун такай үшүп жүрүшү - көп ооруларды козгойт. Ошондуктан сыртта тиричилик кылгандар, базарларда, унаа жуучу жайларда жана суук имараттарда иштегендердин ден соолугу үчүн кыш кооптуу мезгил. Бул макалада суукта көп жүрүп тамандан сыз өткөрүү кандай ооруларга алып келерин айтып беребиз.

«ТАМАН – ОРГАНИЗМ МЕНЕН БАЙЛАНЫШКАН НЕРВДЕРДИН БҮТКӨН ЖЕРИ»

Фарида Иманалиева, Бишкектеги №1 Үй-бүлөлүк медициналык борборунун врач-ревматологу:

– Буттан дамамат сыз өтүү, суукта буттун үшүп жүрүшү, жамгырда, карда бүт кийимден суу өтүп жүрүшү көп ооруларга жол ачат. Анткени бут, өзгөчө таман бүт организм менен байланышкан нервдердин бүткөн жери. Кытай медицинасы буттун акупунктурасына көп көңүл буруп, таманды жылуу кармап, ден соолукту чыңдоочу массаж жасап турууну бекеринен сунуштабайт. Буттан сыз өтсө, ным имаратта көп жүрсө бүт организм жапа чегет. Суук кан тамырларды ичкертип жиберет да, бутка кан жакшы барбай баштайт. Кан менен кошо бутка азык-заттар, кычкылтек да барат эмеспи. Демек, кан тамыр ичкергенде бутта, андагы муундарда кан жана зат алмашуу бузулат. Суук иммунитетти да төмөндөтүп жиберет. Иммунитет төмөндөсө организм ар түрдүү инфекцияларга туруштук бере албай калат да, оорулар жарала баштайт.

Күз жана кышкы сууктун түшүшү, температуранын төмөндөшү менен таяныч-кыймылдаткыч аппараттын (омуртка, кол, бут, жана башка муундар) өнөкөт оорулары күчөп баштайт. Айрымдарынын муундарында таптакыр кыймыл жоголушу мүмкүн. Муун ооруларынын аба ырайы менен байланышы мурун көбүнчө жашы 60тан ашкандарда кездешчү. Акыркы кездерде муун оорулары жашарып келе жатат, алсак, 30-40 жаштагыларда деле кездешип калууда.

«ЭҢ КӨП КЕЗДЕШКЕН СӨӨК, МУУН ООРУЛАР»

– Суукка өтө сезгич оору – остеоартроз. Мындай оорусу барлар суукка чыкканда, көбүнчө буту, тизеси, томугу, кол муундары уюп ооруп баштайт. Мунун себептери муундардагы кемирчектерде зат алмашуунун бузулушу, мурун алган жаракаттар болушу мүмкүн. Суукта булчуңдарда спазм (жыйрылып, түйүлүп калуу) башталат. Муундардагы уюп оорутууга спазм кошулат да оорутуу күчөйт. Температуранын төмөндөшү менен абадагы басым өзгөрөт. Муундарда жаралып жаткан оорусу бар, бирок билине элек адамдар аба ырайынын өзгөрүшүнө сезимтал келет. Алар ревматологго көрүнүп, оорусунун себебин тактатышы, дарылануусу зарыл. Оору өтүшүп кетсе дарылоо оор, ал тургай толук дарылоого мүмкүн болбой калат.

Аба ырайы бузуларда, мисалы, жамгыр, кар жаар алдында аба ырайынын басымы 1-2 күн мурун төмөндөйт. Муун оорулары барлардын оорусу ошондо эле башталат. Буту-колу ооруган улгайган адамдар «аба ырайы бузулат окшойт, муундарым ооруп жатат» деп калгандарын угуп эле жүрсөңөр керек.

БУТ КИЙИМ ТАНДОО

– Суукта, өзгөчө кышында кийилчү бут кийим ыңгайлуу жана бир аз кененирээк, таманы сыз өтпөгөндөй калың болушу шарт. Бутту кысып турчу бут кийим кан тамырларды кысып, буттагы кан тамырларда кандын эркин айланышына мүмкүнчүлүк бербейт. Бул болсо буттун үшүшүнө жеткирет. Акчаны аяп жакшы бут кийим албагандар бутунун үшүп жүрүшүнөн ооруларга чалдыгып, бут кийимге кетчү акчадан көп эсе акчаны дарыланууга коротушат. Ооруп, азап чегет. Мүмкүн, өнөкөт ооруларды да арттырып алат. Андыктан жылуу бут кийим кийип, буттун жылуу жүрүшүн камсыздоо шарт. Бутка синтетика эмес, табигый материалдан жасалган байпак кийүү сунушталат. Эгер тамандан сыз же суу өтсө, анда үйгө эртерээк жетип, бутка жылуу ванна жасоо керек. Сууга деңиз тузун, ал болбосо кадимки тузду эритип алса болот. Суудан чыгарган соң бутту аарчып, таманга массаж жасап, жылуу байпак кийип жатуу кажет.

«АЯЛДАРДА ТУКУМСУЗДУК КОРКУНУЧУ ЖАРАЛАТ»

Гүлзада Аденова, онколог-гинеколог:

– Тамандан дамамат сыз өтүү, суукка урунуу гинекологияда кичи жамбаштын ооруларына алып келет. Тактап айтканда, жатын түтүкчөлөрүнүн жана аялдын эн бездеринин сезгенүүсүнө жеткирет. Сууктан иммунитет түшөт да, зыяндуу микроорганизмдер организмге кирип, сезгенүүлөрдү жаратат. Дарыланбаса мунун айынан жатын түтүкчөлөрү сезгенип, бүтөлүп калат. Жыйынтыгында сперматозоиддер эн безинен чыккан жумуртка клеткасын уруктандыра албай тукумсуздук келип чыгат.

Эн бездери сууктан, тамандан сыз өтүүдөн, киндикти ачып жүрүүдөн сезгенгенде, киста (ыйлаакча, барсылдак) оорусу жаралат. Барсылдак өсүп отуруп 2 сантиметрге чейин жетиши мүмкүн. Бул олуттуу дарылоону талап кылган оору. Суукта көп жүрүп иштөөдө бойдон түшүп калышы да мүмкүн. Бутту жылуу алып жүрүү көп оорулардын алдын аларын унутпаңыз.

ТАМАНДАН СЫЗ ӨТКӨНДӨ ЭРКЕКТЕРДЕ ЖАРАЛУУЧУ ООРУЛАР

Жуман Мырзалиев, Бишкектеги Урологиялык борбордун заара таштар бөлүмүнүн жетекчиси, уролог:

– Буттун үшүп жүрүшү, тамандан сыз өтүү – бул айрым өнөкөт оорулардын козголушуна же жаңы оорулардын пайда болушуна жеткирчү себептердин бири. Алардын ичинде цистит, простатит да бар. Циститте ичтин ылдый жагы ооруткандан тышкары, заараны кармануу кыйын болуп, айрымдар дааратканага жетпей калат. Заара ушатууда оорутуу күчөйт. Циститти дарылатпаса инфекция заара акчу түтүкчө аркылуу өтүп, бөйрөктү да сезгентет. Мындайда көбүнчө өнөкөт пиелонефрит оорусу кармайт.

Курч кармаган простатитти (урук чыктагыч бездин оорусу) дарылабаса без ириңдеп (абсцесс) баштайт. Дене табы 39-40ка чейин көтөрүлүп, заара кылуу кыйындайт. Без шишип кетип, заара чыкпай калат. Андыктан оору белгилери билинер замат дарыгерге кайрылуу керек. Эгер дарыланбаса цистит, пиелонефрит оорулары кошулат. Простатит суук тийгенден тышкары хламидия, гонококк, трихомониаз бактерияларынан да келип чыгарын айта кетейин.

«КУЯҢДЫ КҮЧӨТӨТ»

Советбек Сатиев, Бишкектеги травматология жана ортопедия илим изилдөө борборунун нейрохирургу:

– Таманга сыз өтүүдөн, бут кийимге суу киргенден, муздакка баскандан ишиас, башкача айтканда, өнөкөт бел-куймулчак куяң оорусу кармайт. Аталган оору куяң нервинин кыпчылып калуусунун натыйжасы. Оорунун белгиси көбүнчө ток тарткандай оорутуу. Мында манжалар чымырап, уютуп оорутат. Сезгенүү күчөгөндө бел да катуу ооруп, адам кыймылдай албай калат. Андыктан аталган өнөкөт оорусу барлар тамандан сыз, муздак өткөрбөй, бутту жылуу кармоолору керек.


Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
30.11.2020. 12:00 
Тайпасы:
Конок
Комментарийлердин саны:
1
Катталган:
03-11-2020
Соӊку аракети:
20-01-2021 00:48
Жынысы:
Белгисиз
0
Таман муздагандан бойрок, от да жабыр тартат. Таза кожадан бут кийим кийууго аракет кылыш керек.
04.12.2020. 15:00 
Тайпасы:
Конок
Комментарийлердин саны:
1
Катталган:
26-11-2020
Соӊку аракети:
19-01-2021 08:47
Жынысы:
Белгисиз
0
Бутту жылуу кармагыла туугандар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25035;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: