реклама
Архив
944   945   946  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ҮҢКҮРГӨ КАТЫЛГАН АЛТЫН (Байлык кумары, сүйүү, алтынга жетүү үчүн өмүрүнөн ажырап кала жаздаган жигиттин жашоосу тууралуу сериал)

№937 19-25-ноябрь, 2020-ж.


(Башы өткөн сандарда)

Рюкзактагы алтындардын жарымын бир капка салып оозун бууп, эки капты ошол жерге суунун түбүнө бекитип, чоң таштар менен үстүн бастырып салдым. Эки дүйнөдө да эч ким таба албайт эми. Рюкзакты алганга оңой кылып, үңкүрдөн алып чыгып, асканын түбүнө сууга чөктүрүп, агып кетпесин деп жиптеринен тамырларга байладым.

Суу тоонун суусу болгон үчүн өтө эле муздак, көп жүрүп койдум. Бир жагынан үңкүрдүн ичи өтө эле сыз экен.

Пляждан кеткениме бир жарым сааттан ашып калыптыр. Сырткы кийимдеримди чечип, кыска шым, футболкачан болуп сыртка сүзүп чыгып асканын түбүнө бекинип он мүнөттөй эки жакты карап жаттым, тынч, эч кимдин шеги билинбейт. Ким келмек эле, Акимыч эле болсо эч кимге айтпайт да. Бирок азыр эч кимге ишенич жок, жүзүңө карап күлүп туруп ары буруларың менен далыңа бычак сайчулар четтен чыгат. Ошондой адамдардын бири Акимыч эле, канчалык ишеним артайын десем да негедир дайыма андан шектене берем. Ортодо бирдеме ойлоп таап, мени курмандыкка чалуудан кайра тартпай турган адам ал. Муну мен эмес, аны менен көптөгөн жыл чогуу иштеп, анын мүнөзүн жакшы билгендер айтышат.

Ойлондум, эми кайра пляжга барып бир жумадай жүрүп турат окшойм, Акимыч, Муслим жоголсо, ошол эле күнү мен да дайынсыз жоголсом милиция дароо эле түшүнөт да, издей башташат. Тез пляжга жетиш керек. Башка жолум жок эле азыр. Баары басты-басты болгондо, бир жумадан кийин кете берсем, артымдан эч ким издебесе, эртең качан милиция келип кармап кетет деп коркпой-үркпөй жашасам... Мени ким көрдү, ким эмне деп күнөө коё алат эле?

Рюкзактагы алтынды алып Бишкекке жетип алсам, калганын көрө жатарбыз.

Андан ары Ошко кетем, ал жакта тиричилик, адамдардын мүнөзү жакшы, Бишкектегидей жан талашмай жок, эли бейгам жашайт. Оштой берекелүү жер жок болуш керек. Бир жерди билем, беш гектардай бар, тоонун арасында. Сатып алып короолоп, бак тигем, суу алып келип балык өстүрөм. Гулини алып кетем.

Кой, кыялданып отура берсем бирөө мага даярдап бермек беле? Кудай деле аракет кылсаң берем дейт экен го. Кыймылдаш керек, ансыз максаттарга жетүү мүмкүн эмес.

Рюкзакты алып тоого чыктым, биринчи жеңил эле сезилген рюкзак чокуга чыкканча аябай эле оор болуп кетти. Кырк килодон ашат го дейм. Кырк кило салмакты аябай жакшы билем. Бир убактарда Екатеринбургга барып жумуш таппай, айла жок кышында үч ай картошка сорттоп иштегем. Чоң талаада кытайлар картошка эгишет экен. Картошкасын аябай чоң жер төлөдө сакташып, кардар келгенде биз сорттоп, кырк килолук сетка мүшөктөргө салып, фураларга жүктөп берчүбүз. Кырк кило канча болорун ошондо көтөрө берип жакшы билип калгам.

Эптеп чокуга чыгып, үстү тегиз, жайык жер эле, эч нерсеге алым келбей коюу карагандын арасына бекинип жатып калдым. Эки жакты байкап алып, анан жолумду улашым керек. Негедир мени бирөө аңдып тургандай эле сезим боло берди. Бирок канчалык айлананы карасам да шектүү бирдеме көзүмө урунбады.

Эми кичине бассам дүрбүдөн пляж даана эле көрүнөт, тоонун жарымына чейин ылдый түшсөм телефон да тартып калат. Азатка чалып жөнөтүп жиберишим керек, менин айымдан ал да бир нерсеге илешип калбасын. Ал байкуш да Гулинин көңүлүн кыя албай эле макул болду болуш керек.

Жарым сааттай жаттым дем алып, эми жөнөш керек. Анан калганын ойлоном эмне кылышты.

Ордумдан туруп эле кайра бирөө көтөрүп чапкандай жерге кулап түштүм, ашказанымдын оорусу кармаптыр да. Ашказаным муздап, түйүлүп калат, эч нерсе кыла албай ичимди басып үч бүктөлүп жатып калам, отура да албай калам мындайда. Тике тура албайсың, ичегилериң байланып калгансыйт, дароо же арак, же коньяк ичиш керек, же ысык нерсе бассам да басылып калат.

Ээ, бул ооруну да Орусиядан арттырып келгем. Екатеринбургда ошол кытайлардын картошкасын сорттоп иштеген жердин ичи суук эле. Картошканын чиригендери болот, алып чекеге ыргытышың керек, ошолорду кармай берип колдоруң суу, чыла болуп, таштай тоңуп калат. Картошка алып кеткени жыйырма беш тонналык фуралар келгенде мүшөктөрдү жүктөп беребиз. Жүктөгөндөргө акчасы көбүрөөк төлөнөт, машинаны көп кармабай тезирээк жүктөп бериш керек. Ошого дем алганга убакыт болбойт, жыйырма беш тонна картошка өтө эле көп болот экен, аны алты-жети бала жүктөйбүз. Жүктөп жатканда тердеп кийимиң көл-шал суу болот, ошол бойдон дагы отуруп алып суук жерде картошка сорттойсуң. Терден суу болгон кийимдериң отурганыңда муздап, кечке чейин үшүп жатып кыймылдай албай каласың. Кечинде денеңе арак сыйпап, кичине ичип жатып алсаң кыйла эле сезилбей калат. Ар күнү шаарга барып келе берсең жол кире кетет деп ошол жерде бир канасына эле жатып алчумун, душ жок, ызылдаган суук болсо да арга жок, муздак сууга эле далдоо жерге жуунуп аласың. Ошол жерде үч ай жатып иштеп ашказаным ооруп калган. Азыр да суукта көбүрөөк жүрүп койсом ооруп калат. Убагында акча болбой дарылана да албай калган элем. Кечинде жатарда жарым саат машыгып жүргөнүм үчүн гана сактап калдым окшойт ден соолугумду. Ошол оорум кармаптыр да дагы. Бир жылдан бери оорубай, эстен чыгып кеткен экен. Ичимди кармап эле жатып калдым, чыдатпай ооруп жатты. Көбүрөөк жүрүп койдум окшойт тоонун муздак суусунда. Айлам кете түштү, мындай абалда пляжга кантип жетем? Өзүм болсо бир жөн эле, жонумдагы алтынды кантип көтөрүп басам?

Ээх, атаны, кичине арак болгондо, дароо басмак. Жата берсем бирөө-жарым көрүп калса эмне болот? Түйүлүп ооруганына чыдап, ичиме массаж жасай баштадым, акырындан катуулай бердим, бир топтон кийин бир аз коё бергендей болду. Эптеп көмкөрөмдөн оодарылып эки колум менен белимдин терисин бекем чымчып күчүмдүн барынча тарттым. Белге жел туруп калат окшойт, ичим бир аз коё берди, түйүлгөнү да басылгансып калды. Пляж көрүнө турган жерге чейин эптепжөрмөлөп бардым.

Пляжда туристтер эле жүрөт, Азат көрүнбөйт, бир дарактын түбүндө жатса керек да көлөкөлөп. Азатка чалыш үчүн кеминде жыйырма метр ылдыйга түшүш керек. Пансионат көрүнбөйт бул жактан, пляжга келген жол эле жарымына чейин көрүнбөсө.

Алтындарды алып келип, көрүнө турган жерге бекитип коюп ылдыйраак түшүп Азатка чалып коюп, кайра чыгып кечке чейин бекинип жатам деп ойлондум. Андан кийин эмне кылам, бир Кудай билет.

Бир ой кетет, алтынды ушул жерге бекитип, өзүм эптеп Көлдөн чыгып кетсем. Ремендеги алтындарды сатып көрсөм, рюкзакты кийин деле алып кетем да. Абал баары бир тынчыйт да, жайбаракат күндөрдө бир келип алып кетем, ага чейин керт башымдын камын көрсөмбү?

Бирок ушунча алтынды кантип таштайм, бирөөлөр кокусунан келип көрүп калсачы? Кыскасы, кайсы жерге бекитсем да бирөөлөр таап ала тургансый берди. Ушундай маалда оорумдун да кармап калганын, Бишкекке жетип алганда кармаса да мейли эле. Эми маал-маалы менен күчөп ооруп, кайра коё берип көпкө чейин оорута берет.

Кайра жөрмөлөп жогору чыгайын деп жатып пляжга келген жолду карасам милициянын машинеси келатат. Беш мүнөттө жетишет пляжга. Жүрөгүм шуу дей түштү, Акимычты издеп жүрүшөт, чамасы. Рамис таз келген окшойт, мени эле издеп келатышат да. Эмесе, пляжга эмнеге келишмек эле? Жан талашып жөрмөлөп ылдыйга жөнөдүм, Азатты тез жөнөтүшүм керек пляждан. Бир-эки жерден томолонуп, шагылдуу жерлеринен агып эле кеттим. Телефон колумда, антенна пайда болбодубу деп улам карап коём. Акыры антеннанын эки сызыгы пайда болгон жерде Азатка чалдым…

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25035;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: