Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Адик Жумабеков, ырчы: “ӨЗ СТИЛИМДИ ТАБУУГА 3-4 ЖЫЛ КЕТТИ”

№936 12-18-ноябрь, 2020-ж.


“Лайк баскын, лайк” деп ырдайт бул ырчы. 10 жылдан ашык Адик Жумабеков кабакта ырдап жүрүп, кийин гана чоң сахнага аттанган. Ырчы өз стилин көп убакыт издегенин айтат. Адик мырза жакында үй-бүлөлүү болду. Алдыда ырчынын чыгармачылыгы, жеке жашоосундагы жагымдуу жаңылыгы тууралуу кеп болсун.

– Адик, саламатсызбы? Былтыр Орусиядагы “Голос” сынагына барам деп жүрдүңүз эле...

– Саламатчылык. Ооба, “Голоско” баргам. Бирок мага кезек жетпей калды. Дегеним, биз ырдаганча эле устаттар ырчыларды тандап алышты. Мени менен кошо 20 киши ырдабай калган. Ырдабай калгандарды “кийинки жылы келгиле” деген. Бул жылы коронавирус пандемиясы болуп калбадыбы. Эми, буюрса, 2021-жылы барам.

– Сизге ийгилик каалайлы. Мындан башка кайсы сынактарга катышууну кыялданасыз?

– Австралиянын, Голландиянын “Голос” сынактарына катышкым келет. Эмки жылы Орусияда өтө турган сынакка катышсам, кийин Голландиянын “Голос” сынагына катышууга аракет жасайм. Ал эми эң чоң кыялым – Американы багындыруу. Бирок Америкада мендейлер миллиондоп саналат, өңүм менен эле ала албасам. Негизи өң-келбетиңдин өзгөчө болуусу маанилүү экен. Былтыр “Голос” сынагында Нуржигит Субанкуловду жарым финалга чейин эмнеге сактап калышты? Өңү башкача, катышуучулардан айырмаланып кызыктуу болгону үчүн алып калышыптыр. Валерий Сюткин “Кызыктуу Арсен экөөңөр гана калдыңар” деп Нуржигитке айткан экен. Арсен деген кара терилүү бала катышкан, эсиңерде болсо. Арсен менен Нуржигит атаандашып калып, Сюткин Арсенди тандабады беле. Ошондо “мен сени тандап алсам Константин Меладзе Арсенди албай коймок. Меладзе сени аларын билгем. Долбоордо экөөңдүн тең калышыңды кааладым” дептир.

– Ушундай бийик кыялдарыңыз бар экен. Эмне себептен көп жылдар кабактан чыга албай жүрдүңүз?

– Мен кичине кезимде “кабакта ырдасам, мен ырдап жатканда эл бийлесе” деп кыялданчумун. Ошол кыялыма жетип эле токтоп калдым. Көп жылдар кабакта иштеп калган байкелер “эгер убагында чыгып кетпесең калып каласың” деп айтып жүрүштү. Анан 12 жыл иштегенден кийин кабактан кетип, чоң сахнага чыгууга аракет кыла баштадым. Убагында кетип калдым деп ойлойм.

– Чоң сахнага аттануу, элге таанылуу оор бекен?

– Негизи оңой эле, өз стилиңди табышың керек. Бирок стилиңди табыш кыйын болот экен. Ар кандай ырларды ырдап көрүп, өз стилимди табууга 3-4 жыл кетти. Акырында “Лайк” аттуу ырымдын стилинде ырдасам мага жарашарын түшүндүм. Кайсы ырың элге алынып кетерин билбейт экенсиң. “Лайкты” чыгарып жатканда эл түшүнбөй калат деп ойлогом. Тескерисинче, колдоп кетишпедиби. Бул ырды угуп кабыл алган жеңил. Укканда адам өзүн элестетет. Бул ыр чыкканда мага “мен го, мен ушундаймын” деген комментарийлерди жазышты, каттар көп келди. Азыр баарыбыз эле ушундай болуп калбадыкпы, эртең менен көзүбүздү ача электе телефон издейбиз. Ошондуктан элге жакын, өзүңдүн көңүлүңө жаккан ырларды чыгара бериш керек экен. Жоник досум (ред.: ырчы Джонни) деле “Күттүм, ай” ыры мынчалык тарап кетерине ишенген эмес. Андыктан элге кайсы ыр жагарын билбейсиң.

– “Лайктын” сөзүн төкмө акын, Майра Керим кызынын уулу, былтыр жол кырсыгынан каза болгон Акжол Канатбек уулу жазган экен...

– Ооба. Акжол менен аябай жакын болчубуз. Ал киши ар адамга өзгөчө мамиле кылчу. Мен аны менен Бек Исраилов досум аркылуу таанышып калгам. Дароо эле жакшы сүйлөшүп кеткенбиз. 2 жыл мурун Акжол экөөбүз элге жакын ыр жазабыз деп изденип жүрүп ушул ыр жаралган, чогуу жазганбыз. Менин көп ырларымды Акжол жазып берген.

– Жаткан жери жайлуу болсун. Кандай ырдайсыз, өзүңүзгө баа бере аласызбы?

– Орточо. Идеалдуу деп айтышым үчүн дагы көп иштешим керек. Бирок көптөр “жакшы ырдайсың” дешет. Мирбек байке да (ред.: Атабеков) “жакшы ырдайсың” дейт. Бирок эл мактаса эле ошого ыраазы болуп, токтоп калган болбойт. Мындан да мыкты болууга аракет кыла берем.

– Өзүңүз кандай ырларды угасыз?

– Кыргыздын эски ырларын жакшы көрөм, Асанкалый Керимбаев, Рыспай Абдыкадыровдун, кийинки муундан Ырыскелди Осмонкуловдун ырларын угам. Ырыскелди агамдын “Арзуу” деген сонун ыры бар, ошол ырды аябай жакшы көрөм. Мындан тышкары америкалык Стиви Уандер, Гленн Льюис сыяктуу ырчылардын ырларын угам.

– Англис тилинде жакшы ырдайт экенсиз...

– Англис тилин кыйратып билбейм. Бирок эмне тууралуу сөз болуп жатканын түшүнөм. Ырлардын маанисин түшүнүп ырдайм. Англисче ырларды угуп жүрүп эле англис тилин өзүмө сиңирип алгам.

– Кайсы окуу жайды бүтүрдүңүз эле?

– Мен мектептен кийин ЖОЖго тапшырган жокмун. Ошол убакта үйдө кыйынчылыктар болуп, иштешим керек болуп калды. Ошондо кабактарда ырдап иштеп баштагам. Кийин тапшырайын деп жүрүп, байкем чакырып калып, Орусиянын Сахалин облусуна барып иштеп келдим. Ал жакта Жоник, Аско болуп чогуу кафелерде ырдап иштедик. 3 жыл иштеп, үй, унаа алдым. Кайра келип, чыгармачылык менен алектене баштадым.

– Жакшы. Жакында үйлөндүңүз, куш бооңуз бек болсун! Жубайыңызды тааныштыра кетсеңиз...

– Рахмат. Жубайымдын аты Мээрим. Менден 9 жаш кичүү. Ал бийчи Максат Токтоналиевдин командасында бийлейт. Мен анын бир иш-чарада бийлеп жүргөнүн көрүп, кийин Инстаграмдан таап жазгам. Ошентип таанышканбыз. Жарым жыл сүйлөшкөндөн кийин апам менен тааныштырдым. Апам “сонун кыз экен” дегенде, “болду, ушул кызга үйлөнөм” дедим. Баш коштук. Мээрим жөнөкөй, түшүнүктүү, ашыкча сүйлөбөгөн кыз. Экөөбүз урушпайбыз, келишпестик болсо отуруп алып сүйлөшүп чечип алабыз. Улам чала бербейт, “бир жерде отурам. Өзүм чалам” десем, чалбайт. Мен да ал бир жакка кеткенде тынчын алып чала бербейм. Дагы бир окшоштугубуз жаныбарларды жакшы көргөндүгүбүздө. Мен интернетке кирсем, ит, мышыктардын сүрөттөрүн карап отура берем. Ал да ошондой. Бири-бирибизге ит, мышыктардын сүрөт, видеолорун жөнөтө беребиз.

– Романтиксизби? Үйлөнүү сунушун кандай киргиздиңиз?

– Керек жерден романтик болуп коём. Баш кошуу сунушун киргизерде романтик болушум керек болчу. Мээрим экөөбүз сейилдейбиз деп чыкканбыз. Бир маалда “бир байке чакырып жатат, барып келеличи” деп бир клубга алып бардым. Ал жерден бир досубуз “той качан?” деп калды. Мен “жакында кыз узатуу болот” десем, ал кайра “сен эмне баш кошуу сунушун кылбайсыңбы?” деп калды. Мен “анысы жок эле алып кетем го” десем, Мээримдин маанайы түштү. “Мен машинада эле күтүп турайынчы” деп баштады. “Азыр ырдап коёюн, анан кетебиз” деп алып калдым. 2-3 ыр ырдагандан кийин Мээримге сүйүү сөздөрүмдү айтып, залга чыгып, шакек сунуп колун сурадым. Сырттан досторум гүлдөрдү, шарларды көтөрүп кирип келишти. Мээрим кубанганынан ыйлап жиберейин деди.

– Бактылуу болуңуздар, ишиңизге ийгилик!

Перизат Музуратбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24831;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: