Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Каныкей: "МЕН ДАЛАЙ ӨЗГӨРҮШҮМ МҮМКҮН"

№936 12-18-ноябрь, 2020-ж.


Аппак жерге туш болгон ал алдастап “өмүрүм соңуна чыктыбы? Жашоом бүттүбү?” деп коркуп кетти. “Жок, сенин жашооң эми гана башталып жатат” деди бир өзгөчө үн. Аны чекесинен бирөө түртүп жибергендей болду. Жыгылып баратып эсине келип көзүн ачты. Ошондо гана палатада жатканын, операция ийгиликтүү болгонун билди. “Жашооң эми башталып жатат” деген сөздү аян катары кабыл алды. Жакында эле ал 33 жашка толуп, өткөргөн өмүрүнө көз чаптырып жатып “жашоомдо ордумду тапкан, тагдырдын эрке кызы экенмин” деп өзүнө өзү ичинен сыймыктанып алды. Ал ырчы Каныкей эле...

– Каныкей, салам! Чыгармачылыкка эргүүң ойгонуп, энергияң ашып-ташып, шыктанып калгандай сезилип жатасың...

– Сыртымдан жаркылдап турганымды көргөндөр “бул кайсы алтын булактан суу ичкен?” деп ойлошот экен. Ушул жаркылдактын артында эмгек, кайгы-капа бар экенин көпчүлүгү аңдай беришпейт. Мен укмуш болуп кеттим деп айта албайм. Балким, убакыт-сааты эми келгендир. Эне болуу моралдык, физикалык жактан оор. Организм үчүн стресс. Аябай кыйналдым. Күзгүдөн карап алып өзүмө өзүм жакпаган да кез болду. Ал күндөр да өттү. Мен эми гана калыбыма келдим. Спорт залда машыгып же диета кармаган жокмун. Болгону эт жебей калдым. Организм өзү эт талап кылбай калды.

– Мурда маектериңде “үй-бүлөм болсо эле жетиштүү” дечү элең...
– Чындыгында ошол маалда “турмушка чыктым, болду. Үй-бүлө деген ушул турбайбы” дегем. 6 жыл аралыгында эне, жубай болгонума ыраазы болуп, чыгармачылыкка сезимим жок жашап келгем. Ырлар да мени таштап кеткендей туюлду. Башында өзүмдү толугу менен үй-бүлөмө арнайм деп ойлогом. Мен ушул нерсеге эле макул болчумун. Бирок ал бакыттын даамын таткандан кийин ал абалдан чыга баштайт экенсиң. Бала да чоңоёт экен. Эл да мени күттү. Жолдошум “сенин үнүң бар, таланттуусуң, ырдашың керек” деп дайыма баса белгилеп айтып келет. Ошондуктан жаңы дем, жаңы күч менен чыгармачылыкка билек түрө кирише баштадым.

– Балалуу болгон аялга убакыт токтоп калгандай сезилет дешет...
– Мен муну сездим. Жаңы балалуу болгондо баарына ыраазы болуп жашап каласың. Бала төрөп тыным алышым да керек болду. Эгерде мен эне болуу бактысын сезбесем азыркы жашоомдун баркын билбейт болчумун.

– Ой токтотуп калган кезде турмушка чыктың. “Качан турмушка чыгасың?” деп сурап башташты беле?
– Эч ким “качан, качан?” деп түрткүлөгөн жок. Негизи күйөөгө тийбей эле коёюн деп ойлогом. Анткени үй-бүлө куруу оор экенин билчүмүн. Бир күнү бирөө “Каныкей, сен таланттуу адамсың, анан кантип төрөбөй коёсуң? Өзүңдөй таланттуу балдар өсүшү керек” деди. Ошондо гана мээме “тык” этти. Ойлорум өзгөрүп, артымдан жакшы инсандарды калтырууну, үй-бүлө курууну ойлой баштадым.

– Психологдор “жубайлар жаңы үйлөнгөндөн кийин тил табышып жашап кетишине 3 жыл керек” дешет...
– Башында, албетте, оор болот. Бир үй-бүлөнү экинчи үй-бүлөгө салыштырбаш керек. “Ай, тиги жакшы эле жашап кетти го, сен да ошого окшоп жаша да” деп айта беришет. Бул туура эмес. Ар бир үй-бүлөнүн өз жолу, багыты бар.

– Силердин гармониялуу мамиленин куралышына канча жыл талап кылынды?

– 5 жыл (күлүп). Биринчи жыл кырыласың. Бул норма. Гармониялуу мамилеге келиш үчүн жылдар керектелет экен. Учурда мен турмуш мектебимдин даярдоо классын гана бүтүп, 1-класска көчтүм. Азыр жолдошум экөөбүз бири-бирибиздин нервибизди жебейбиз (күлүп). Мунун баарына акылдуулук, сабырдуулук менен жетесиң.

– Сүйүү сен үчүн?..

– Сүйүүнү биз дайыма эки адамдын ортосундагы жактыруу сезим деп ойлой беребиз. Менин жашоомдогу эң чоң сүйүүм – балдарым. Мен эч качан башка адамды балдарымды сүйгөндөй сүйө албасам керек. Аларды жыттап, бетинен өпкүм эле келе берет. Бул сүйүүмө алардын жооп кайтарышын да күтпөйм.

– Кандай кожойкесиң? Өткөндө Инстаграмга кийимдерди колго жууп жаткан видеоңду жүктөдүң...
– Мен бардык шарты бар көп кабаттуу батирде чоңойгом. Бала кезде суу эч качан түгөнбөйт деп ойлочумун. Чоңдор “суунун ченеми болот, аяш керек. Суу кордогон кор болот, суу сыйлаган зор болот” дешчү. Турмушка чыккандан кийин жолдошумдун жер үйүндө жашадым. Биз жашаган аймакта канализация жок. Сууну үнөмдөйбүз. Мен муну трагедия кылбайм. Сууну үнөмдөш үчүн кирди колго жууп коём. Болбосо менде кир жуучу машина деле бар. Болгону сууга аяр мамиле жасап калдым.

– Орус балеринасы Майя Плисецкая “мен эч кимге кеңеш бербейм, анткени ал кеңешим үчүн каргышка калышым мүмкүн” деп айткан экен. Элге кеңеш бересиңби?
– Мурда айланамдагы адамдарга кеп-кеңешимди айтып, жан дилим менен күйпөлөктөй берчүмүн. Көрсө, бул нерсе көбүнө жакпайт экен. Акыл айтсаң тыңшабай, тескерисинче “ушу акыл үйрөтө берет” деп артыңдан сөз кылышат тура. Ушундан улам сыйлачу адам өзү эле аздектеп сыйлап аларын, жаман көргөн адам кол үзүп кетерин түшүндүм. Адамдарга таарынып деле болбойт экен. Менин азыр бирөөгө таарынууга убактым жок. Анткени жашоодо өзүңдү биринчи орунга коюп, алгач өзүңдү сүйүш керек экенин билдим. Бул акыл өмүрүмдүн так ортосунда келип жатканына кубанам. Кеч эмес, эрте да эмес деп ойлойм. Азыр болгон акылымды, күчүмдү балдарыма арнап, өзүмдү сактап, аярлап, сүйүп жашагым келет.

– Өзгөрүшүңө эмне түрткү болду?
– Жайында ден соолугума байланыштуу операция болгом. Наркоздо жатканда аппак жерге туш келдим. “Болду, жашоом бүттүбү, өлдүмбү?” десем, башкача бир үн “жок, сенин жолуң эми гана башталып жатат” деп чекемден түртүп салды. Артка кулап баратканда эсиме келип, көзүмдү ачсам палатада жатыптырмын. Ошол сөз мага аян болду деп эсептейм. Андыктан жашоом эми гана башталып жаткандай. Ошондон кийин арыктап, өзүмө келе баштадым окшойт. Учурда өзүм менен гармонияда жашап жаткандай сезилет. Мурда шашма болчумун, шашпай жашаганды үйрөндүм. Чындык үчүн чыркырай берчүмүн. Азыр бардык нерсеге түшүнүү менен караганга аракет кылып калдым. Буюрса, дагы далай өзгөрүшүм мүмкүн.

– Маегиңе рахмат. Ден соолукта бол, чыгармачылык ийгилик каалайм!

Динара Абдыкадырова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
16.11.2020. 10:36 
Тайпасы:
Конок
Комментарийлердин саны:
13
Катталган:
02-09-2020
Соӊку аракети:
27-11-2020 23:31
Жынысы:
Белгисиз
+6
Азаматсын мыкты ырчысын. Бар болгула сулуу айымдар. Каныкей озун аябай карайт экен. Озгочо чач жасалгаларын. Аялдын коркун чач жасалгалары ачат. Ошондуктан айымдар чачынарды жасатып, кое берип журсонор эн соонун болот. Сулуу айымдарды баардык жерде барктайт
16.11.2020. 15:25 
Тайпасы:
Жаран
Комментарийлердин саны:
1
Катталган:
20-10-2017
Соӊку аракети:
16-11-2020 15:29
Жынысы:
Белгисиз
+4
sultan_bek, Сени эмне айымдардын чачтары дуулуктуробу? Эмне эле ар бир посттун астына жазып жатасын? Болду эми!
19.11.2020. 00:27 
Тайпасы:
Жаран
Комментарийлердин саны:
121
Катталган:
08-07-2016
Соӊку аракети:
28-11-2020 01:37
Жынысы:
Белгисиз
0
Akyl55,
16.11.2020. 14:19 
Тайпасы:
Конок
Комментарийлердин саны:
3
Катталган:
11-11-2020
Соӊку аракети:
28-11-2020 01:08
Жынысы:
Белгисиз
+5
Ырларын соонун да
17.11.2020. 15:05 
Тайпасы:
Жаран
Комментарийлердин саны:
75
Катталган:
31-12-2016
Соӊку аракети:
27-11-2020 10:52
Жынысы:
Белгисиз
+1
Наркоз м.н төрөдүм балдарымды. Каныкеүди жашооң эми башталып жатат деп врач хирург эле айткан болуш к.к))) сүйлөгөнү угулат да аларга. Эс мас абалда айоымалай албай калган го.
19.11.2020. 21:54 
Тайпасы:
Конок
Комментарийлердин саны:
1
Катталган:
21-10-2020
Соӊку аракети:
27-11-2020 17:27
Жынысы:
Белгисиз
0
Азаматсың Каныкей, үй бүлөң менен бакубат-бактылуу өмүр сүрө бер!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24796;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: