Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ҮҢКҮРГӨ КАТЫЛГАН АЛТЫН (Байлык кумары, сүйүү, алтынга жетүү үчүн өмүрүнөн ажырап кала жаздаган жигиттин жашоосу тууралуу сериал)

№936 12-18-ноябрь, 2020-ж.


(Башы өткөн сандарда)

Мурдумду кармап отуруп калсам, Акимыч күчүнүн барынча эле тээп-тээп алды. Аба жетпей дем ала албай, оозумду чоң ачып дем алышка аракет кылып жатып калдым. Каерге тебишти да билишет экен. Күрмөм калың болуп, аз да болсо сактады окшойт. Экөө эки жагымда тапанчаларын такап турушат. Башымдагы чачыкты чечип, бети-башымды тазаладым, кан толуп калыптыр. Муслим дагы тебейин деп шымаланып калды эле, бир колумду көтөрүп, «болду, болду, түшүндүм» дегендей кылдым. Антпесем уруп- тепкилей берише турган. Ичимди кармалап көрсөм сынган жерим жок. Эч жерим сынбаптыр, али керекмин буларга, алтындарды менсиз алып чыга алышпайт да.

– Макул, макул, жеңдиңер, эмне кылабыз?- дедим айлам кетип.

– Сөздү башында эле ушундан башташ керек эле,- деп Акимыч алдыма отуруп, чачымдан тартып кармап башымды көтөрүп:

– Биз ушул жерде алтын бар экенин билебиз, сага да беребиз, коркпо. Азыр Муслим экөөң түшүп, алтындарды салып чыгып, жипке байлап, мага бересиңер, мен тартып алгандан кийин сен бизге ишенишиң үчүн экинчи сен чыгасың, сенден кийин гана Муслим чыгат. Сен өзүңдүн үлүшүңдү алып каалаган жагыңа кете бересиң.

«Хе» дедим ичимден, жаш баланы алдагандай алдашат да:

– Менин тирүү калышыма баары бир кепилдик жок экен да. Ким кепил боло алат артымдан атпашыңарга?

– Сөзүбүзгө ишенбегенден башка жолуң жок сенин. Эгер макул болбосоң ушул жерде атып салабыз. Сенден башка альпинист жок деп ойлойсуңбу?

Туура айтат, менден башка адам таппай калышмак беле? Бир ой келди, макул болдум. Менин дароо макул болгонума Акимыч таң калып, бир нерседен шекшип көзүмө карап турду да:

– Эй бала, көзүңдү чоң ач, бир нерсе кылсаң дароо атып салам, уктуңбу?- деп, ишенсин дедиби, дагы ичиме бир тээп алды. Дагы талып жатып калдым.

Бир аздан кийин өзүмө келдим.

– Эмнеге салып чыгабыз?

– Рюкзагыңа саласыңар.

– Ал жерде алтын көп, чоң ящикте толтура алтын бар, рюкзакка батпайт, кеминде үч кап керек.

– Ошондой көппү?- деп экөөнүн көздөрү жайнап кетти.

– Анчалык көп эмес, бирок үч капка, рюкзакка бөлүп салыш керек, алтын оор болот. Көп салсак алып чыга албайбыз, көтөрүш кыйын болуп калат.

Акимыч Муслимди карап:

– Мен айттым эле го сага,- деди. Анан мени карап «макул, кап бар» деп Муслимге «жүрсөң» дегенсип ээрчишип менден алысыраак барып кеңешишти да, Муслим тээ ылдыйга түшүп барып эки жаңы кап алып келди. Аттары бар болсо керек да, кантип байкабадым экен, түндө эле келип мени күтүп жатышкан окшойт.

Акимыч «үчөөбүз түшөбүз» дейт. Алтын көп болсо Муслим бир нерсени баштабасын деп мени менен өзү жалгыз түшкөндөн коркту окшойт.

Үчөөбүз түшмөкчү болдук. Кайсы жипти кармап, кантип түшөрүбүздү түшүндүр дешет.

Биринчи болуп мен түштүм, Акимыч мага тапанчасын каратып, атканга даяр болуп турат, артымдан эле Муслим түштү. Тапанчасын мени ата койгонго ыңгайлуу кылып колуна байлап алган. Эки көзү менде, мен тектирге эки-үч метр жетпей таштарды кулатып, аппаратты жактым. Келемиштер бир заматта пайда болушту да, үч-төрт мүнөттөн кийин бирден-экиден болуп жатып баары кайра шаркыратманын ичине кирип жоголушту. Акырын тектирчеге түштүм, артымдан эле Муслим, анан Акимыч түштү, экөөнүн колунда пистолет, мага такап алышкан. Аппаратты алдыма алып акырын басып шаркыратманын ичине кирдим, артымдан экөө да киришти. Алар да фонарик алып алышкан экен, жагып үңкүрдүн ичине кирдик. Экөөнө жерде жаткан скелетти көрсөттүм, «этият болгула» дегенсип. Сүйлөгөн менен суунун шарынан эч нерсе угулбайт эле. Скелетти көрүшүп экөө тең коркуп кетишип дубалга сүйөнүп калышты. Менин коркпогонум дем болду окшойт, бир аз турушту да, дубалга жармашып айланып өтүшүп, үңкүрдүн ичин кызыгып карай башташты. Мен «болгула» дегенсип экөөнү ээрчитип алтын төгүлгөн жерге алып барып, алтындарга жарык кылсам ооздору ачылып, өзүлөрүн жоготуп туруп калышты. Биринчи болуп Муслим өзүнө келди да, мени бир нерсе кылып жиберет деп коркту окшойт, дароо мага фонаригин жарык кылып тапанчасын такады. Мен колдорумду эки жакка жайып эч нерсе кылбайм дегендей башымды чайкадым. Куралы жок колунан эмне келет дедиби, кайра алтындарды карап, экөө сүйүнгөнүнөн бир нерселерди сүйлөп жиберишти, түшүнгөн жокмун суунун шарында. Отуруп алып колдоруна кочуштап алышып, Акимыч алтындарды бетине сыйпап, жыттап-жыттап алды. Мен «болгула» дегенсип колумдагы саатты көрсөткөндөй белги кылып каптын бирөөсүн алып оозун ача баштадым. Каптары да берзенттен тигилген, аябай бышык экен. Алар да экөөлөп бир капка сала башташты. Жерге төгүлгөн алтындар түгөнгөндө Муслим ящиктин ичиндегилерди колу менен шилеп түшүрүп эки капты жарымдан азыраак кылып салдык. Көтөрүп көрсөк аябай эле оор болуп калыптыр, мен рюкзагымды чечип, эки каптан алып үчөөнө теңдеп салып, ооздорун байладык. Көтөрсө боло турган эле болуптур, кичине эле алтын ушундай оор болобу? Рюкзакты үңкүрдүн ортосундагы көлдүн чекесине, тешиктин кырына түшөр-түшпөс кылып коюп, дагы бир капты көтөрүп келип жанына койдум. Акимыч да бир капты көтөрүп келаткан экен, жардам берген адам болуп колунан алсам, ал да бутун суу кылгысы келбедиби, мага берди, рюкзактын экинчи жагына койдум. Ойлору алтында болуп эч нерсени байкашкан жок.

Ящиктеги алтындардын жарымын салган окшойбуз. Мен тешикке келип ящиктин кармагычын тартсам, ичиндеги алтындар чачылып, ар жактарга тоголонуп кетти эле, дароо отура калып фонариктин жарыгында чогулта баштасам, тиги экөө да фонаригин кармап алтын терип эки жакка кетишти. Алтындарды издеген адам болуп тигилерге байкатпай келемиштерди кууган аппаратты өчүрүп салдым. Экөө алтындарга алаксып эч нерсени байкашкан жок. Эми даяр туруш керек. Сууга жакыныраак жерлерден алтын издеп жаткан адам болуп турсам, келемиштер көп күттүргөн жок. Эки мүнөт да өтпөдү окшойт. Биринчи болуп үңкүрдүн чекесинде турган Акимыч бакырды, ага удаа эле Муслимдин бакырган үнү угулду. Бакырбагандан башка эмне кылышат эле, мышыктай болгон келемиштер кеминде он беши бир жармашса, кийимдери да жука. Бакырышып, кыйкырышып эле тапанчалары менен туш келди аткылай башташты. Келемиштер да чыйылдашып, айтор, ызы-чуу эле түшүп калды. Фонаригимди дароо өчүрдүм, үңкүрдүн ичи караңгы болуп калды.

Мен дароо турган жеримден секирип эки капты, рюкзакты денем менен, салмагым менен сүзүп, сүрүп сууга түшүп кеттим. Суу дароо эле тартып кетти. Таштарга урунсам аз болсо да сактайт деп каптын бирөөсүн алдыма алып бекем кучактап алдым.

Урунуп-беринип жатып көлгө түштүм, мурункуда байкаган эмес экенмин, үңкүрдүн тешигинен түшкөн суунун орду үч-төрт метрдей оюк болуп калыптыр. Каптар ошол чуңкурга түшүп кетиптир, араң алып чыктым. Суунун түбүндө бир топ эле жеңил болуп калат экен. Эми сыртка алып чыгыш керек.

Ичиме байлаган он метр жипти үңкүрдүн ичине, орчук болуп чыгып калган ташка бекем байлап, экинчи учун белиме байлап каптын бирөөсүн алып туннель менен агып сыртка, көлгө алып чыктым. Суунун агымы туннелдин ичинде аябай эле күчтүү болот экен, жип байлабасам кайра кире албай калмакмын. Дагы эки жолу кирип алтындарды алып чыгып, суунун түбү менен сүзүп, асканын түбү менен, шаркыратманын артынан, суу тийбеген жагы менен сүйрөп келип үңкүргө үчөөнү тең ташып келдим...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(2)
16.11.2020. 11:26 
Тайпасы:
Жаран
Комментарийлердин саны:
233
Катталган:
25-02-2019
Соӊку аракети:
01-12-2020 15:15
Жынысы:
Белгисиз
+3
Анаааан уфф дагы Бир жума
16.11.2020. 13:41 
Тайпасы:
Конок
Комментарийлердин саны:
3
Катталган:
13-10-2020
Соӊку аракети:
01-12-2020 17:30
Жынысы:
Белгисиз
+1
Бир жумааааа
Өтө кызыктуу экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24831;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: