реклама
Архив
944   945   946  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№934 29-октябрь-4-ноябрь, 2020-ж.


(Башы өткөн сандарда)

Айтурган Бактыгүлдүн жүзүнө үңүлө берди. Жаш толуп турган көздөрүн көпкө чейин тиктеди. Бактыгүл байкаган жок.

– Мен ал үчүн өмүрүмдөн кечтим. Мен ал үчүн кыздарымдан кечтим. Ал болсо эч нерсе болбогондой жашоосун улантыптыр.

– Сиз эмнени күттүңүз эле?

Бактыгүл үн ката албады.

– Сиз ал адам менен жолугуп сүйлөшмөйүнчө жашооңуздагы бул түйүн чечилбейт. Бул нерсеге да жүрөк керек. Өтмүшүбүз менен кездешүүгө, андагы маселелерди чечүүгө эрдик керек. Сизди кыйнаган суроолордун ар бирине ал адам гана жооп бере алат.

– Сенин суроолоруңа жооп бере турган адам менен сүйлөштүңбү?- деди Бактыгүл абайлай.

– Сүйлөштүм. Канчалык оор болсо да сүйлөштүм. Менимче, ал чындыкты айтты. Чындык кандай ачуу болсо да кабыл алуубуз керек. Бирок ал мага Искендер баары бир мени сүйө турганын айтты. Ал канчалык балдарын сүйсө да, менден кете албаганын айтты.

Ушул учурда эшиктин коңгуроосу чырылдап калды. Бактыгүл эшикти ачса Искендердин досу Урмат турган экен. Салам айтып кирип келди да, Айтурганды таң кала тиктеп калды. Майыптардын арабасында отурганы менен, көзү мурункудай жалжылдап, чырайына чыгып калган экен.

– Оо, Айтурган сулуу, сиз мурункудан да чырайлуу болуп кетиптирсиз.

– Кел, Урмат. Жакшысыңбы, үй-бүлөң жакшыбы?

– Жакшы. Сени менен сүйлөшө турган сөздөр бар эле,- деди коомайлана Бактыгүлдү карап.

– Мен дүкөнгө чыгып жаттым эле,- деп ал чыгып кетти. Урмат креслого жайланышып жатып үйдү айланта бир карап алды. Маңдайындагы эң чоң портрет Искендердики эле. Кудум тирүү кезиндегидей карап турду.

– Билинбей бир жыл болуптур арабыздан кеткенине...- деди Урмат.

– Сен кандайсың, тынч элеби?

– Тынч десем да болот, тынч эмес десем да болот.

– Ии, айтчы, ичти бышырбай...

– Мен аялым менен ажыраштым. Балдар чоңойду. Балдар гана бириктирген үй-бүлөдө ушундай болот экен. Экөөбүз бири-бирибизге чоочун адамбыз. Квартиранттар да бизге караганда бири-бирине жылуу мамиле жасаса керек. Кой, болбойт дедим. Ушунча жыл бири-бирибизди кыйнадык. Азыр болсо да бактыбызды издеп көрөлү дедик. 50 жаш деген эмне, али жапжашпыз.

Урмат күлүп сүйлөп жатты. Бирок үнүндө өтө чоң кейиш бар экени билинип турду. Айтурган аны тиктеп калды.

– Мен үчүн эмес деп айт, Кудай жалгагыр.

Урмат көзүн ала качты. Айтурган оор үшкүрүп алды.

– Мен үчүн эмес, туурабы? Сен мен үчүн ажырашкан жоксуң.

– Эмнеге, Айтурган? Бакыт жанымдан өтүп бара жатса аны кармап калганга эмнеге аракет кылбашым керек? Искендер барында мен сага бир да жолу башкача көз менен караган жокмун. Анткени мен силердин сүйүүңөрдү сыйладым. Достукту сыйладым. Бирок мен да сени Искендердей эле сүйдүм. Сен аны тандап кеткениңде тагдырга баш ийдим. Азыр сенин жаныңда болгум келет. Сени өз колум менен баккым келет.

– Урмат, мен баарын билем. Сен мага Искендерден биринчи ашык болдуң. Эсиңдеби, мага өзгөчө каттарды жазчусуң? Бирок мен сени досум катары эле көрдүм. Мындан артык эч кандай нерсе болушу мүмкүн эмес. Кап, сен бекер ажыраштың. Балким, кайра кеч эместир.

Урмат Айтурганды тиктеп туруп жинденип кетти. Бир жылдан бери кыялданып жүргөнү учуп кеткенине жаны кашайып кетти. Ар дайым сабырдуу, токтоо адам болчу. Бул жолу ызасы үстөмдүк кылып кетти.

– Сен мурдуңа бок сүйкөсө билбеген бир байкушсуң. Искендер сени алдады, башка бир аялдан балдары бар. Ал аял болсо сенин бир тууган сиңдиң. Ал эми могу сени багып жаткан аял сени төрөп, кызыл эт кезиңде таштап кеткен апаң. Айланаңда бардыгы сени пайдаланып жатышат. А сен отура бер, дагы достук имиш. Дагы Искендер имиш.

Дагы далай сөздөр сүйлөнмөк болуш керек. Ушул учурда дүкөнгө кеткен Бактыгүл кирип келди. Айтурган аны тиктеп калды. Көздөр эч качан алдабайт. Бир гана көздөр алдабайт...

ххх

Урмат кеткенден кийин экөө нес боло туруп калышты. Бактыгүл ашкана жакка басты. Айтурган акырын үн катты.

– Мага баарын айтып бериңиз. Урмат эмнелерди эле айтып жатат?

– Мен...

– Бүт чындыкты айтыңыз.

– Ооба, мен сени төрөгөн аялмын. 40 жаштан ашканыңдан кийин келип энеңмин деп эч айта албайм. Мен сени төрөгөн гана аялмын. Сени эч колума албадым, эмизбедим деле. Сага мээримин төккөн, өз кызындай көргөн аял гана сенин апаң. Мен болгону...

– Качан билдиңиз?

– Мени кечир.

– Салима да, Аяна да сенин кыздарың,- эмнегедир Айтурган сенге өтүп кеткенин байкабай калды.

– Ооба, алар да менин таштап кеткен кыздарым. Мен үчөөңө тең эне боло албадым.

– Кет! Азыр үйдөн чыгып кет!...

– Кызым, мен...

Айтурган биринчи жолу жек көрө карады. Бактыгүл чыгып кеткенге аргасыз болду.

Эшик жабылары менен Айтурган бакырып жиберди. Колунда эмне болсо, ошонун баарын талкалап кирди. Анда да көксөөсү сууган жок. Кулагына Урматтын сөздөрү жаңыра берди. “Сен мурдуңа бок сүйкөсө билбеген байкушсуң”.

ххх

– Ал баарын билди. Искендердин досу келип айтты. Мени үйдөн чыгып кет деди,- энтиге ыйлаган Бактыгүл кыздарына түшүндүрүп жатты.

– Апа, кан басымың көтөрүлүп кетет. Сен эс ал, жат. Баары жакшы болот. Мен анын жанына барам,- деди Салима.

– Мен дагы барам.

– Сени көрсө ого бетер жини келет. Сен апамдын жанында кал. Мен барайын. Мага ишен.

Салима тез кийинип чыгып кетти. Эшикти ачып тополоңу тоз болгон үйдү карап туруп калды.

– Кет деп жатам,- деди Айтурган артын карабай туруп.

Салима анын сөзүн уккан жок. Кирип үйдү жыйнай баштады. Бир топтон кийин чай кайнатты да, чайга арабасы менен сүйрөп келди.

– Ук мени, сени эч ким алдагысы келген жок. Биз сага жардам гана берели дедик. Биз дагы сендей эле нес болдук билгенибизде. Аяна эжем сени бул абалда таштап коё албайбыз деди. Алгач сен жакшы болгуча эле айтпай туралы дедик. Андан кийин айтылмак.

– Ишенбейм.

– Бул тагдыр үчүн эч ким күнөөлүү эмес. Апам, Аяна, Искендер, сен да, эч ким күнөөлүү эмес. Кудум бирөө өйдөдөн бизди карап туруп тагдырыбыз менен ойноп жаткандай. Апам тууралуу баарыбыз билебиз. Эң негизгиси сен билесиң.

– Мен ушунча жыл бир чоң эле жалгандын үстүндө өмүр сүрүптүрмүн. Урмат туура айтат. Баары алдашты мени. Ата-энем, күйөөм, силер. Мени ар ким куурчак сымал ойното берсе болот.

– Мен жашоомдо көргөн эң жакшы адам сенсиң. Биз, апабыздан калган үч кыз, жашообузду өзүбүз билгендей курдук. Көп жаңылдык, ыйладык, азап чектик. Бирок тагдыр канча жыгылтса да, биз ошончо жолу туруп басып кеткенге эркибиз бар. Анткени биз азыр бири-бирибиз үчүн барбыз.

– Биз деген нерсе жок,- деди башын чайкаган Айтурган.

Тагдыр деген кызык нерсе. Канчалык баш чайкасаң, ошончолук сенин аркаңдан ээрчип алат. Бул жолу да ошондой болду. Жаңы тапкан үй-бүлөсүнөн канчалык качса да, алардан кутула албады. Аларга муктаж эле. Күлкүсү таш жарган Салимага, күнөөлүү көздөрүн качырган менен, болгон мээримин арнайын деп далалат кылган апасына, аз сүйлөп, өз дүйнөсүндө болгон Аянага бара-бара байлана баштады. Ал эми баарынан да аны байлаган Искендердин уулдары эле. Өзүнүн уулу Эрбол атасына эч окшочу эмес, өзүнө да окшобойт эле. Бирок бул эки бала Искендердин көчүрмөсү болчу. Сүйкүмдүү балдар дароо эле жүрөгүн багындырып алды.

– Сиз басып кетесиз. Апам айтты,- деди бири кудум Искендердин көзү менен карап.

– Баары жакшы болот,- деди экинчиси бетинен сылап. Тагдырдын сыйы деген бир нерсе бар экенин Айтурган ушу эки баланы карап туруп билди...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
03.11.2020. 18:42 
Тайпасы:
Жаран
Комментарийлердин саны:
9
Катталган:
24-03-2013
Соӊку аракети:
25-01-2021 09:34
Жынысы:
Белгисиз
0
Mmmda
04.11.2020. 16:12 
Тайпасы:
Жаран
Комментарийлердин саны:
309
Катталган:
15-08-2017
Соӊку аракети:
26-11-2020 08:33
Жынысы:
Белгисиз
0
Кино кылып тартса болмок бул чыгарманы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25035;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: