Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ҮҢКҮРГӨ КАТЫЛГАН АЛТЫН (Байлык кумары, сүйүү, алтынга жетүү үчүн өмүрүнөн ажырап кала жаздаган жигиттин жашоосу тууралуу сериал)

№931 8-14-сентябрь, 2020-жыл


(Башы өткөн сандарда)

– Акимыч, бүгүн Чолпон-Атада жүрсөм Рамис таз жолугуп ар нерсени сурады. Сиз жөнүндө да сурады, "кандай жүрөт?" дейт. “Жакшы эле жүрөт” деп кыска жооп берип кутулдум. Мага өчөшүп калган окшойт.

Акимыч чычкан аңдыган мышыктай болуп мени карап калды да, дароо көзүн ала качып стол үстүндөгү кагаздарын карап бирдеме издеген боло баштады.

Менин сөзүмдү көңүлүнө албаган адамдай болуп:

– Эмне дейт?- деп койду. Ортодогу болгон сөздөрдү төкпөй-чачпай айтып бердим.

Акыры мени карап:

– Ээ, ага көңүл бурба, ал бир эле сага эмес, баарына ошондой мамиле кылат, баары жаман көрүшөт. Макул эми бара бер, унут Рамис тазды.

Ушуну эле сурай албай жаткан окшойт, көңүлү жайланып калгандай сезилди. Эмне, бүгүн шаарда менин артымдан бирөө аңдып жүрдү бекен? Дагы бир текшерип көрөйүн деп чечтим.

Эгер артымдан аңдып жүрүшсө, баары бир буюмдарымды тинтип текшерип көрүшсө керек. Эртең менен үйдөн чыгып жатып аттын куйрук кылын эшиктин түбүнө байкалбай тургандай кылып жармаштырып койдум, мен жокто бирөө кирсе кыл үзүлүп калмак. Тамактанып алып базанын жанындагы көлгө чөмүлүп келгени кеттим. Эки сааттай жүрүп келсем, жанагы кыл үзүлүп калыптыр. Ким кирсе да өтө чебер экен, буюмдарым кандай турса, так ошондой кылып кайра коюптур, баары ордунда, билинбейт эч нерсе. Акимыч эле кирген болуш керек, же Муслим, башка ким кирет эле?

Эртеси да туристтерди ээрчитип тоого чыга турганбыз. Тоого чыкканда кийчү кроссовкамдын кир болгон жерлерин тазалап коёюн деп чечтим. Ар бир сапардын алдында бут кийимди тазаламай деген адатка Москвада жүргөндө көнгөм, альпинист досум бар эле Саша деген. Ошону ээрчип жүрүп адат кылгам.

Ишине өтө так бала эле, ар бир саякаттын алдында альпинисттик шаймандарын бирме-бир ар бир жибинин тигилишине чейин текшерип, буюмдары таптаза жүрчү. Бутуна жайы-кышы кроссовка кийип, анысы да дайыма таза жүрчү, кичине эле жери жыртылса ыргытып, жаңысын, кымбатын сатып алчу. Үч жылда мен да көнүп бүткөм тазалыкка. Менин да бутумда ар дайым кроссовка. Кышкысын жылууланганын, жайында тешиктери бар жукасын, айтор, кроссовкадан башка бут кийим кийбейм. Таманы калыңын алам ар дайым, жумшак болуп анча-мынча жерден тайбайт.

Кроссовкамды тазалап жатып байкап калдым, бир жери тилинип калыптыр. Шиштүү нерсе басып алган окшойм деп карасам тилинген жер клейленип турат. Бишкектен бул жакка келерде жаңы сатып алгам, жыртыла турган боло элек. Клейди ажыратып, тилинген жерди ачсам ичинен топчудай болгон эки нерсе чыкты. Бирөөсүн түшүндүм, кадимки эле кол сааттын батарейкасы, экинчиси... Дароо интернетке кирип издесем, менин каякта жүргөнүмдү көрсөтүп туруучу аппарат экен.

Булар катуу кетишиптир. Кийимдеримди бирме-бир текшерип чыктым, башка датчик таппадым.

Видеокамера коюшпады бекен деп үйдүн бир да жерин калтырбай тытып чыктым, жок, коюшпаптыр. Телефонумду тыңшашы да мүмкүн, бирок аны кантип текшерет элем? Мейли, ким менен сүйлөшмөк элем?

Датчикти күндө жумушка чыкканда кийген жилетиме тагып алдым.

Түшүнүктүү, демек, менин артымдан аңдып жүрүшөт экен, мага ишенишпептир да.

Мени аңдып жатышса, демек, бир нерсени күтүп жүрүшөт, бир күнү мени мажбурлап бир ишке түртүшөт баары бир. Андан кийин тирүү калышым күмөн.

Кетиш керек эртерээк бул жерден. Түнү менен эмне кылсам деп ойлондум, ар нерсе оюма келет. Акыры жөн кетпей, баягы аскадагы алтындарды ала кетмекчи болдум.

Мындай мүмкүнчүлүк ар кимге эле келе бербейт. Качанга чейин Орусияда иштеп кыйналып жүрөм, биякта эсепсиз байлык кол созсоң эле жете турган жерде турганда.

Булар Кудай эмес да, мендей эле адамдар.

Бир жактуу чечим кабыл алганым үчүнбү, жеңилдеп калдым.

Макул дедим, негизгиси, өзүмө кантип аткарам деген суроону бердим. Алгачкы кадамдарды пландаштыра баштадым. Эки күндөн кийин Гулиге жолуктум:

– Гули, мен Чолпон-Атага барып келишим керек болуп жатат. Бирөөгө акча которуп келбесем болбойт, Акимыч билбегидей кылып барышым керек. Билесиң го, айлыгымдан кыркып салат билсе, жардамың керек.

– Кантейин дейсиң?

– Бою мендей бир бала тапсак, менин кийимимди кийип пляжда жүрүп турса эки саатка, мен барып келе коёт элем. Ал балага акысын төлөп берем.

Гули ойлонуп калды да:

– Кайсы күнү?- дейт.

– Эртең болбойт эми, бүрсүгүнү жакшы болот эле.

– Макул, иним бар, айтам, келип ордуңа иштеп турат. Дастан, эки саатта Чолпон-Атага барып келишиң кыйын, көчөдөн бирөөлөр көрүп калса Акимычка жетип калышы мүмкүн, биздин айылда катерлер бар. Беш жүз сомго Чолпон-Атага алып барып келет эле. Көп болсо бир саат кетет,- деди эле сүйүнүп кеттим. Дароо макул болдум. Кантип өзүмдүн башыма келбеди экен ушул ой. Туристтер көлгө түшкөнү барышканда мен да кошо жүрөм, пляжга ар кандай катерлер келип кетишет.

Кантип келет, эмне кылат, айтор, майда-чүйдөсүн сүйлөшүп алдык, иниси бирөөнүн катерин жалдап келип, ошол катер менен Чолпон-Атага барып келмей болдум.

Пляжга туристтер менен мен эле келем, мейманканадан мени тааныгандардын эч кимиси келбейт. Акимыч болсо такыр эле келбейт бул жакка. Мени аңдыган адамы болсо деле алыстан дүрбү менен караса керек, Гулинин иниси менин кийимимди кийип жүрсө болду, алыстан таанылбайт. Пляжга ким келсе да даана көрүнүп турат. Ушул убакка чейин эч ким келбеген мен тааныгандардан.

Кечинде интернетте отуруп Бишкектен, келемиштерди кууй турган "ультразвуковой отпугиватель" деген аппарат саткан, бир интернет дүкөн таптым. Товарды сен айткан жерге жеткирип беришет экен.

Эртеси Бишкекке жакын досума чалдым. Альпинисттик шаймандарымды, дүкөндөн буюртма кылган аппаратымды, берца, калың кышкы жынсы, булгаары күрмө, булгаары кол кап алып Чолпон-Атага келип турмак болду.

Гулинин инисинин аты Азат экен, арыгыраак болбосо, бою мендей эле. Мейманкананын футболкасын, датчик тигилген жилетти алып келип ага кийгизип, ишти түшүндүрүп коюп, өзүм катер менен Чолпон-Атага барып шаймандарымды, аппаратты алып келип, пляжга жакын жерге бекитип койдум.

Эми жума күндү күтүш керек, жума күнү Акимыч мейманканага кечинде гана келет. Ал күнү күндүз Акимычты Муслим сыяктуулар издеп келбейт. Демек, күндүз менде мүмкүнчүлүк болот. Тоого чыгып, алтындарды алып келүүгө жетишишим керек.

Жума күнгө ар нерсени шылтоо кылып “эч кимге айтпайсың, Гулиге да айтпа” деп сүйлөшүп, Азатты чакырып койдум. “Акчасын жакшы төлөп берем” десем макул болду.

Мени эки саатка эч ким издебей турса жетет. Андан кийин алтындарды алып кетип калсам, эмне болсо ошо болсун, мага айырмасы жок болуп калат. Азатка гана чалып кете бер десем болду, аны туристтер тааныбагандан кийин.

Жума күн да келди акыры. Азатка чалып койдум да, керектүү гана буюмдарымды алып пляжга келдим. Азат да айткан убакка келди, жолугуп, кийимдеримди, жилетимди берип, акчасын да төлөп койдум. Эми чуркаш керек.

Бекиткен жерден аскадан түшүүгө керектүү шаймандарымды рюкзакка салып, тоону ашып шаркыратмага жөнөдүм. Шаркыратмага жетип, тоонун башында жатып алып бир аз эки жакты карап жаттым. Тынч эле, эч ким деле көрүнбөйт. Мени аңдыган адам болсо сөзсүз көрмөкмүн, келер келгиче ар жерге бекинип карап келаттым...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 4 колдонуучу (Катталган: 0, коноктор: 4) бул макаланы окуду:

Макалалардын саны:
24625;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: