Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЮЦАЙ. АДАМДЫН ТУУЛГАН КҮНҮН КАРАП, МҮНӨЗҮН БИЛ

№929 24-30-сентябрь, 2020-ж.


Буга чейин нумерология илими тууралуу уккандырсыз. Эми ошол сыяктуу эле сандарга байланышкан, бирок нумерологиядан башка сюцай илими тууралуу айтып беребиз. Бул илимди казакстандык профессор Жанат Кожомжаров негиздеген. Ал эми Сюцай эл аралык мектебин ачып, илимди элге таратып жаткан Ассель Момукулова аттуу кыргыз айым. Бул илим тууралуу бизге сюцай илиминин чебери, цифролог Эркинай Мамытова айтып берет.

Сюцай – адам тууралуу анын туулган датасына карап билүү. Кытайда кайсы бир император команда куроо үчүн ушул сюцай адистерине кайрылып турган. Тагыраагы, жан-жөкөрлөрүнүн туулган датасына карап кимисине эмне ишти тапшырса болорун чечкен.

Адамдын туулган күнү – аң-сезим саны (число сознания, акыл саны). Кайсы датада төрөлсө, ошол сандын программасы, ошол планетанын таасиринде болот. Сандар 1ден 9га чейин алынат. Эгер туулган күнүңүз 2 орундуу сан болсо, ал эки санды бири-бирине кошуп, 1 орундуу сан чыгарып аласыз. Мисалы, сиз 22-сентябрда туулган болсоңуз, 2+2=4 болот. Аң-сезим саныңыз – 4. Сюцай илиминин нумерологиядан айырмасы – ошол туулгандагы программадан чыгып, жашоону жакшыртууга, бактылуулукка карай жол табууга багыт берет.

1 САНЫ – 1, 10, 19, 28 (УШУЛ ДАТАЛАРДА ТӨРӨЛГӨНДӨР)

Булар лидер, демилгечил, идеалист адамдар. Ар бир абалды, кырдаалды жакшы жакка өзгөртүп карашат. Өтө күчтүү стратег-финансисттер, оратор, мотиваторлор. Башкаруучулук кызматка барса жакшы. Эгер бирөөнүн кол алдында иштеп калса жан дүйнөсү жабыркап, азап чегет. Сынды кабыл ала алышпайт. Бирөө чыккынчылык кылса “кара тизмесине” киргизет да, өмүр бою алар менен мамиле кылбайт. Эгосу күчтүү, деспот – адамды өтө катуу кармайт. Башкаруучулуктан ырахат алышат.

2 САНЫ – 2, 11, 20, 29

Булар иштин майын чыгара аткарат, ошон үчүн 2 менен 8 жок жерде иш жүрбөй калат дешет. Идеалист, материалист, дипломат, көп чыр чыгарбаган, акырын түшүндүрүп иш кылгандар. Мүнөзү жумшак, өтө сезимтал. Башкаларды түшүнүү менен иш кылышат. 2 санынын алдындагы айымдар идеалга жакын, эркектер буларды бир көргөндө эле ашык болуп калышат. Анткени жалгыз ушул 2 санындагы аялдардын денесинде “амрита” ширеси бар. Ал эми 2 эркектер кыз жандуу келип, мамиле жок болсо азап чегишет. Анан да жоопкерчиликтен качып, бирөөгө түртө салмай адаты бар.

3 САНЫ – 3, 12, 21, 30

Максатка, билимге умтулган, камкор, кызыктуу адамдар. Юпитер чоң, оор планета, ошондуктан алар төрөлгөндө эле көп нерсени биле тургандай болуп төрөлүшөт. Булардын төл сөзү – “мен билем”. Оңою менен бир нерсеге ишенишпейт. Инструкция менен жүргөндөр. Буларда романтика жок, камкордукту сүйүү деп ойлошот. Окутуучу, үйрөтүүчү болсо жакшы. Мыкты дарыгер, мыкты ашпозчу чыгат. Буларга “мен эч нерсени билбей турганымды билем” деген аффирмация керек. Билген билимин Жерге таратсын деп Кудай колдоп турат.

4 САНЫ – 4, 13, 22, 31

Чындык, адилеттүүлүк үчүн күрөшкөн, креативдүү адамдар, фотограф, дизайнер болсо жакшы. Креативдүүлүк кылбаса жан дүйнөсү жабыркайт. Трансформатор – сөзү аркылуу адамдарды өзгөртө алат, новатор. Башкаларда энергия төбөдөн кирип денеге толук тараса, буларда энергия келип моюнда токтоп калат. Калган денеге энергия толук жетпегендиктен канааттанбай, дайыма нааразы болуп наалыгандар. Кичине эле бир нерсе жакпаса революция жасай бере тургандар. 4төр сүйлөп жатканда энергетикалык жактан айланага боз туман түшүп, адамдардын акылы жабылып калат. Анткени жанагы энергия башын лампадай жарык кылып, башкалардын көзүн караңгылатып коёт. Демек, буларга алданып калуудан этияттаңыз.

5 САНЫ – 5, 14, 23

Булар бир орунда тура албагандар. Бизнесмендер, мээси кечке эле саткысы, акча жасагысы келе берет. Алар бийликке келип калса соода согушу башталат. 5терде логика, техникалык интеллект күчтүү иштейт, мисалы, майда-барат, механика, архитектор, акча санаганга жакшы. Бирөө менен бат тил табышат, көп сүйлөшөт. 5тин оозу менен Жараткан өзү сүйлөйт, ошого булар каргап-шилөөдө этиятташ керек. Адамдарды кийими аркылуу таанышат. 5терди хамелеондор деп коёт. Мисалы, бирөө менен жарым саат сүйлөшкөндөн кийин маектешинин кейпине өтүп алышы мүмкүн.

6 САНЫ – 6, 15, 24

Эмоционалдуу, чыгармачыл. Мыкты кеңешчи, анткени туулгандан эле акылмандык кошо берилген. Көп окуп, илим менен кетсе даанышман адам чыгат. Бирок булар өздөрүн китеп окубай эле кыйынмын деп ойлошот. Жерде бул сандагылар 15 пайыз эле төрөлөт. Комфорт, сүйүү, секс деген адамдар. Буларга 2 жактан энергия кирет: акылмандуулук жана сексуалдуулук энергиясы. Кудайдын сүймөнчүктөрү, жашоосун жеңилдетип турат. Ошондуктан аларга адамдар көп көрө албастык жасашат, мындан коргонушу керек. Алар адамдарды тандап жакшылык жасашат.

7 САНЫ – 7, 16, 25

Буларда энергия ылдыйдан жогору карай кирет, башында 3 эле пайыз энергия бар. Ошондуктан идеяларды ойлонуп отурбай бат ишке ашырганга шашышат. Эртең менен Бишкекте болсо, кечинде Ошто болуп калышы толук мүмкүн. 7нин агрессиясы анын жасаган эмгегин тааныбай койгондо чыгат. Депрессияга кабылса баш аламан ойлордон оюн жыйнай албай, өзүн жакшы түшүнө албай калат. Суицидге жакын болушат. Наркомандар, аракечтер чыгып кетиши мүмкүн. Булар турак жай маселелеринде абайлабаса, көп алдатып жиберишет. Ошондуктан 7 болсоңуз, мунун баарын иреттегенге аракет кылыңыз.

8 САНЫ – 8, 17, 26

Буларга жыйынтык маанилүү, 1ге окшоп жаркырагысы келет, бирок ишке ашпайт. 1 менен 7ден айырмасы – жетектейт, башкарат, жадакалса иштин баарын өзү жасап коюшу мүмкүн. 8дердин мээси күнү-түнү тынбай иштейт. Ошондуктан мээни иштетип чарчатып туруу керек. Антпесе инсультка эрте кабылуу коркунучу бар. Булар мыйзамдуулуктун сакталышын каалайт. 8 бардык нерсени көзөмөлдөп, тактап туруп өткөрөт, реалист, фактыга гана ишенет. Жан дүйнөсү материалдык байлыкка жакын, бардык жерден жыйынтык күтөт. Эмоция жок. 8дер эч кандай жумуштан качпайт, кандай жумуш болсо да иштей беришет.

9 САНЫ – 9, 18, 27

Куткаруучулук жакта көп иштешет, анткени дайым жардам берүүгө шашышат, бирок "жакшылык кылдымбы, сен да кыл" деп жооп күтүшөт. Көзүңдөн оюңду шарт түшүнгөн адамдар. Эмоционалдуу, бирок анализ кылганды билишпейт. Девизи: «келдим, көрдүм, жеңдим». Авантюрист, экстримди жакшы көрүшөт. Алардын фишкасы жардам берүү, жакшылык жасоо, пайда келтирүү. Кимди бетке уруш керектигин билишет. Бир нече ишти баштап туруп, бүтүрбөшү мүмкүн. Бала кыял. Өрт болуп жатса башкалар өзүн ойлоп секирбеши мүмкүн, 9дар анализдебей туруп секирип кетишет.


Окурман, бул программа урагыс чеп эмес. Сюцай илими бул программадан чыгып, жашооңду жакшырт дейт. Мисалы, 8 санында төрөлгөн болсоңуз, бир кадам артка жылып, 7нин программасынан жакшы жактарын, кайра эки кадам алдыга жылып, 9 санынын программасынан жакшы жактарын алыңыз дагы, ийгиликке жетиңиз.

Гулийпа Маметосмон кызы



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(6)
28.09.2020. 14:14 
Тайпасы:
Жаран
Комментарийлердин саны:
9
Катталган:
19-03-2020
Соӊку аракети:
23-11-2020 20:34
Жынысы:
Белгисиз
-1
Ой тообо болбогон нерсе. Каяктагыларды айтат да.
29.09.2020. 15:29 
Тайпасы:
Жаран
Комментарийлердин саны:
24
Катталган:
07-07-2014
Соӊку аракети:
24-11-2020 15:00
Жынысы:
Белгисиз
0
Чынындале туура келет экен)) билип алган ашыктык кылбайт.
29.09.2020. 19:17 
Тайпасы:
Конок
Комментарийлердин саны:
1
Катталган:
15-07-2020
Соӊку аракети:
16-10-2020 16:33
Жынысы:
Белгисиз
+1
Туура чыгат экен
30.09.2020. 01:35 
Тайпасы:
Жаран
Комментарийлердин саны:
50
Катталган:
08-07-2016
Соӊку аракети:
21-11-2020 13:14
Жынысы:
Белгисиз
0
Илгери Кыргызда ушундай илими бар адамдар болгон. Аларды Эсепчи дешкен. Бирок алардын мурасы бизге жетпей калган. Бекеринен кыргыздар сандарга озгочо маани беришкен эмес. Жетинин бири кыдыр. Жети олчоп бир кес. Алты санын аман болсун. Тогуз жолдун тоомунда деген создор жон айтылбаган.
01.10.2020. 08:25 
Тайпасы:
Жаран
Комментарийлердин саны:
8
Катталган:
19-08-2019
Соӊку аракети:
03-10-2020 08:30
Жынысы:
Белгисиз
0
Менин мунозумтуура чыкпадыБирок жолдошумуку туптуурачыкты
05.10.2020. 08:36 
Тайпасы:
Жаран
Комментарийлердин саны:
3
Катталган:
06-01-2020
Соӊку аракети:
24-11-2020 11:57
Жынысы:
Белгисиз
0
Олуп еле калыптырго мен озуму текшерсем туура чыкты
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24728;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: