Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№929 24-30-сентябрь, 2020-ж.


(Башы өткөн сандарда)

Унчукпай келип тамакты тумбочкага койду эле, колу менен шилтеп жиберди. Тамак төгүлүп, жер жайнап жатып калды.

– Сенин колуңдан тамак ичкенче...

– Хм, менин колумдан ичкенче уу ичем деңиз?

– Жогол дедим! Аларыңды алдың, менден эмне керек сага?

Аяна жаны кашайып турган көздөргө карады. Карегине жаш толуп турган чарасыз аял өзүнө ушунчалык окшош эле. Андан да оору – апасына окшош болчу. Жаны ачып кетти. Өзүнө, алдында турган аялга, бул тагдыр деген таң каларлык нерсеге байлангандарга жаны кейиди. Апасына, балдарына, Искендерге...

– Мен өз эрким менен келген жокмун. Искендер... Ал мага сизди тапшырды. Жабышып алат деп ойлобоңуз. Сиз менен тууган болоюн, дос болоюн деген түк ниетим жок. Айыкканга чейин гана... Менин айымдан жардамга муктаж, эч кимиси жок аялды таштап кете албадым. Болгону ушу. Башка мага сизден эч нерсенин кереги жок.

– Чыгып кет!

– Кетем, бирок кайра келем. Жардамчы кызыңыз сизди жакшы карабай жатыптыр. Мен башкасын алып келем. Ал врач. Сизге жардам берет.

Аяна ушуларды айтты да, чыгып кетти. Жерде чачылып жаткан нерселерди карап Айтурган кала берди.

ххх

– Кеп ушундай, Салима, сен эми мен айткан дарыгер катары анын жанында болууң керек.

– Менин балдарым, үй-жайым бар. Жинди болдуңбу, эже?

– Балдарыңды апам карайт, менин балдарым менен чогуу эки айдай жүрүп турат. Үй-жайды күйөөңө айттым. Карайм деди.

– Эмнеге биз бул аялга жардам беришибиз керек?

– Аны бутуна тургузуш керек. Эң биринчи медициналык жардам, жанында ишенимдүү бирөө болгону керек. Мен чет жактан да караштырып жатам.

– Сен жинди болуп калыпсың, эже, чын айтам. Башында Искендер, эми аялы. Сен өзүңдө эмессиң. Мен каршымын буга, капа болбо, бирок менин колумдан келбейт.

– Салима!

– Эмне, эже?

– Ал... Ал деген. Эсиңдеби, апам 17 жашында бир жетекчи болуп жүргөн адамдан боюнда болуп, ал баланы төрөтүп алып калганын айткан?

– Ооба.

– Айтурган ошол адамдын кызы. Биздин апабыз менен ошол адамдын кызы.

– Эмне-е?

Салиманын көздөрү бакырайып кетти.

– Мүмкүн эмес!

– Мен да ошенткем. Бирок мүмкүн экен. Бул кинолордо эле боло турган окуя. Айтсаң эч ким ишенбейт.

– Чынын айтсам, сенин жашооң сериалдардан да өтүп кетти. Ким ойлоптур, дагы деле мээме сиңире албай жатам. Сен кантип билдиң?

– Искендер билчү экен. Бирок мага да, ага да айта албай, чайналганы ошондон болсо керек. Урмат деген досу айтты. Аудио менен сүйлөшүшкөн экен, ошолорду жиберди, кааласаң сен да ук.

Телефондогу аудиону угуп жатышты. Искендердин үнү экен. Аябай чарчаңкы экени үнүнөн билинип турду.

– Эки аялдын ортосунда, анан да эже-сиңдинин ортосунда чайналам деп эч ойлогон эмесмин. Муну билгенде асман көңтөрүлүп эле үстүмө түшкөндөй болду. Кимисине эмне айтарымды билбейм.

– Экөө бир тууган экенин сен кайдан билип жатасың?- деди Урматтын үнү.

– Айтурган аябай эрке чоңойду. Бир үйдүн жалгыз кызы болчу. Атасы менен апасы көзүнүн кареги менен тең айланып чоңойткон. Бирок өлөрүндө кайын энем бизге бул сырды ачты. Көрсө, ал киши такыр төрөбөгөн экен. Кайын атам жаш кыз менен байланышып, анын боюнда бар экенин укканда баланы өздөрүнө алып калууну да кайненем ойлоп тааптыр. Ошол боюнча Айтурганды алып калышыптыр. Эч кимге билгизбей үйүндө кармап отуруп өздөрү төрөтүп алып калышыптыр. Эч ким билбеген бойдон калган экен. Кийин кайын атам каза болгондо кемпирине сырды ачып кетишин өтүнгөн экен. Ошондо биз бир балалуу болуп калган кезибиз болчу. Айтурган биринчи укканда нес болду. Кийин өз апасын жек көрдү. Андан соң өзү Эрболдон кийин төрөй албасын билгенде жалгызсырадыбы, апасын издемей болду. Биз көп издедик. Апасы Нарынга турмушка чыгып эки кыздуу болуп, анан бир жаш жигит менен качып кеткенин билдик. Андан кийин эмне болгонун эч ким билбейт. Ошол боюнча изин таппай калганбыз.

– Сен кайдан билдиң апасы Бактыгүл эже экенин?

– Сүрөттөн билдим. Айтургандын атасында апасынын жаш кезиндеги бир гана сүрөт калган экен. Кийин Аяна менен барып апасын тапканда бул окуяны бир жерден уккандай боло бердим. Чыдабай бир күнү Аяна жокто сүрөттү алып Бактыгүл эжеге бардым. Ал сүрөттөгү өзү экенин, 17 жашында бир адамга белек кылганын айтты. Менде кайдан бул сүрөт жүргөнүн сурады. Мен ар нерсеге шылтоолоп койдум. Анын үстүнө ал киши күчтүү дарыларды ичип жаткандыктан эс-тутуму начар эле. Бул окуяны казып сураган жок. Ошентип мен Айтурган менен Аяна бир тууган эже-сиңди экенин билдим.

– Эми эмне кыласың?

– Мен билбей калдым. Сен айтчы, досум. Менин ордумда болгондо сен эмне кылмаксың?

– Кудай сенин ордуңда болгондон сактасын, Искен, башка эмне дейин, досум?

– Муну билсе экөө тең мени жек көрүшөт. Элестет, өзүм да билбей, эже-сиңди менен байланышып калганымды. Мындай нерсени жүрөгүм көтөрө албайт. Бир күнү өлүп калсам, чындыкты сен Аянага айт.

– Дөөрүбөчү, эмнеге өлмөк элең?

– Мен өлөрүмдү сезип жүрөм, Урмат. Ичимде бир үн аз убактым калганын айтып жатат.

– Жети түндө жаман сөз айтпачы. Болду, эртең сүйлөшөбүз. Саат үчтө ойготуп алып бөлүшкөн сырын айт.

– Сенден башка кимге айтам? Кичине кызып калдым да, анан сага чалдым.

– Эс ал, Искен, баары ордуна келет. Сен укта.

– Макул.

Аудио өчтү. Аяна менен Салима томсоруп отуруп калышты.

– Демек, биздин эжебиз – Айтурган.

– Ооба, эми ойлоп көр. Аны жалгыз калтыра алабызбы?

– Эже, ошондо биз ата-энебиздин күнөөлөрүн тартып жатабызбы?

– Билбейм. Бир билгеним, бул окуядан баарыбыз аман-эсен чыгып кетишибиз керек. Айтурганга эч нерсени билдирбе. Мен жакындасам жеп койгусу келип жатат. А сен анын тилин табасың.

– Карасаң, эмнеге мен табат экенмин?

– Салима, сен сонун кызсың. Сен шайтандын да тилин табасың. Анан өзүңдүн да күнөөң бар. Апамды табам эле табам дедиң. Мына эми, аркасы мындай болду.

Салима ойлуу отуруп калды. Аянаны аяп карады.

– Сен бул дүйнөдө жолуктурган эң күчтүү адамсың. Ошону билесиңби?

Аяна Салиманы кучактай берди. Көздөрүндөгү жашты коомай аарчышкан экөө эми Айтурганды кантип бутуна тургуза турганы тууралуу план түзүп киришти.

ххх

Салима ачкычты бурап үйгө акырын баш бакты. Үч бөлмөлүү үй бомба түшкөндөй чачык. Тымтырс. Жаткан бөлмөгө кирди. Дааратканага жете албай, алдын алмаштырганга киши жок бөлмө укмуш жыттанып кетиптир. Аял жаалданып бир нерсе дейин деп баратып өзүнүн абалын байкадыбы, үн катпай калды.

– Саламатсызбы, мен сиздин жаңы жардамчыңызмын.

Салиманын жумшак үнү тиги аялдын жүрөгүнө дарыдай сезилди.

– Саламатчылык,- деди чарчаңкы. – Кел, атың ким? Чала берип чарчадым, агенттиктен сени жибериштиби?

– Ооба.

– Мени эң алгач сууга түшүр, бай болгур. Өлө турган болдум.

Айтурган азыр кайдан келди, ким жиберди деген маселени ойлогусу келген жок. Көрдөй жымжырттыкта бир адамдын үнү угулганына ыраазы болду. Ваннага салып, чачын акырын жууп жаткан кыздын жумшак колдоруна өзүн тапшырды.

Салима шайдоот, шайыр, эпчил кыз эле. Айтурганды сууга түшүрүп, азыраак тамак берди.

– Жүрүңүз, сизди сыртка чыгарып келейин, биз келгиче үй жыйнай турган кызматка чалдым, жакшылап бир жыйнап берип кетишсин. Ага чейин сиз менен сыртта таза аба жутуп туралы.

– Жок, мен сыртка чыкпайм!- деп кыйкырып жиберди Айтурган. Коркуудан денелери калтырап кетти. Ал үч айдан бери сыртка чыга элек болчу...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(4)
28.09.2020. 10:58 
Тайпасы:
Конок
Комментарийлердин саны:
1
Катталган:
24-09-2020
Соӊку аракети:
12-11-2020 13:46
Жынысы:
Белгисиз
0
28.09.2020. 16:26 
Тайпасы:
Жаран
Комментарийлердин саны:
55
Катталган:
12-12-2017
Соӊку аракети:
02-11-2020 16:23
Жынысы:
Белгисиз
Калаасы:
KG.
0
Уххх, иий журок оорумай болду, кимисине жан тартууну билбейсин...(((
28.09.2020. 22:42 
Тайпасы:
Жаран
Комментарийлердин саны:
9
Катталган:
24-03-2013
Соӊку аракети:
03-12-2020 10:45
Жынысы:
Белгисиз
+1
Мдааа
28.09.2020. 23:53 
Тайпасы:
Конок
Комментарийлердин саны:
2
Катталган:
21-09-2020
Соӊку аракети:
16-11-2020 22:40
Жынысы:
Белгисиз
0
Мынча эмнеге кыска
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24831;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: