Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЧУБАК АЖЫ ДОСТОРУНУН ӨЛҮМҮН КӨТӨРӨ АЛБАДЫ

№920 23-29-июль, 2020-ж


Дин адамы деген түшүнүктү баштан-аяк өзгөрткөн, элдин сүймөнчүгүнө айланган, жүрөктөрдөн түнөк тапкан Чубак ажы Жалилов 11-июлда пневмониядан улам көз жумду. Мурун Чубак ажыдан интервью алып, бир жарым саат убакытка тойбой, артыма кылчактай карап “дагы келем” деп кеткеним бар. Бирок... Анын ордуна бул жолу достору, замандашы, шакиртинен эскерүү алганга аргасыз болдум.

Жамалбек Ырсалиев, досу: “ЧУБАК АЖЫ ЭЛГЕ КӨПҮРӨ БОЛГОНДУ ЖАКШЫ КӨРЧҮ”

– Чубак ажы экөөбүздүн жашыбыз тең. Ал Ислам институтуна окууга тапшырып калды, мен “Ислам маданияты” деген газетада иштечүмүн. Дос болуп калдык. Анын биринчи сүйүүсүнөн бери билем (күлүп). Институтту артыкчылык менен бүтүрүп, кийин Сауд Арабияда окуп калды. 2003-жылы Арабияга бардым, ошол жактан мени тоcуп алды. Ал убакта үйлөнгөн, өзүнүн унаасы бар экен, салып алып Мекке шаарын кыдырткан. Окуусун бүтүп келди, тез убакытта элге алынып кетти. Ушунчалык билимдүү эле, кандай маселе болбосун жообун таба алчу. Ал жообун таппаган маселе жок эле. Китептерин казып отуруп таап айтып берип, элдин маселесин чечип жолго салчу.

Эл билбеген жактарын айтсам, бирөөгө бирөөнү үйлөндүргөндү жакшы көрчү. Бойдок кыз-жигиттердин далай бактысын ачты. “Ушунун мүнөзү жакшы экен, ушуга туура келет” деп эле жүрчү. Таарынышып кеткен эки адамды жараштырганды да жакшы көрчү, адамдарга көпүрө болгонду каалаар эле. Гүленчилерди, тигини-муну, көп агымы бар мусулманчылыктын ортосунда баарына чынжыр болуп турчу. Сөз менен, кадыры менен ийге келтирип турар эле. Чубак ажынын Меккеден келген өмүрүнүн баары жол үстүндө өттү. Бир жактан келет, эртеси башка жакка учуп кетет. Эл кайда болбосун топтошуп күтүп турган болот, эл күтүп турса барбай койгонго болбойт дечү окшойт. Телефон чалсам эртең менен Кореяда болот, анын эртеси Орусияны аралап кеткен болот, андан кийинки күнү Ошто, эки күндөн кийин Бишкекте түз эфирде отуруп калган болот. Ушинтип эле айланып турду, мен тамашалап аны “юла” (айланган оюнчук) деп койчумун. Ден соолугун кыйнап жашады, “элге билимимди бергенге жетишип калайын” деп шашып жашады. Суктанарлык жашады. Легендага айланды. Бул легенда кыргыз жашап турганда жашай берет деп ойлойм. Ооруп жатканда кабарлаштык. Жакын досу Садриддин мырза өтүп кеткенде катуу кайгырды. “Менин ден соолугум аныкына караганда жакшы окшойт, өпкөмө вирус түшпөптүр, текшерилдим” деген болчу.

Ниматулла Рыскулов, тайпалашы: “БАЛМУЗДАК АЛЫП БЕРИП, БАЗАРГА АЛЫП БАРЧУ”

– Мен Чубак ажы менен 1992-жылдан бери таанышмын. Ислам институтунда чогуу окудук, жатаканада бирге жашачу элек. Эң биринчи күнү эле ал агайдан “медалисттерге жеңилдетүү барбы?” деп сурап, биз аны көпкө карап калганыбыз эсимде. Орто мектепти алтын медаль менен бүтүп, университетти да артыкчылык менен бүтүргөн. Ошол кезде эле шайыр болчу, биз иш эмне экенин биле электе ал кароолчу, майда-барат жумуштарда иштеп жүрчү. Жанында дайыма акчасы боло турган. Анан “базарга барып келели” дейт, анын акчасы бар, биздики жок да (күлүп), “балмуздак алып бербесең барбайбыз” деп соодалашып туруп алчубуз. Жол киресин төлөтүп, балмуздагын алдырып барчу элек. Аябай колу ачык болчу. Кийин мугалим болуп үч жылдай чогуу иштедик. Чубак жатаканада эртең менен бир мискей ботко бышырчу, ал жуунуп келгиче мискейдеги боткосун жеп, кээде өзүнө калбай калчу. Биздин ашказаныбызды ойлоп чоң мискейге бышырганын айт. Аябай көп китеп окучу, жатып, туруп, отуруп эле китеп окуй берчү. Бат окугандын техникасын билчүбү, билбейм, бир чай ичип отурганда жука бир китепти бүтүрүп койчу.

Сауд Арабиядан окуп келгенден кийин деле жолугуп жүрдүк, мен анын убактысын аячу элем. Бул кишини эл катуу сүйдү, элдин ошончо сүйүүсүнө жетишпей калып жатты. Илимге аябай берилип жашады. 1996-жылы Кайырма деген айылда экөөбүз батир ижарага алып жашап, даават кылганбыз. Айылда чуркап жүргөн балдар “Чубак байке” деп аябай жакын болчу. Өзү да баласаак эле, чачтары жазылып жүргөн кичине кыздарды көрсө,”кел, чачыңды өрүп берем” деп туруп тыкыйтып өрүп берчү.

Мыктыбек Арстанбек, коомдук ишмер: “АКЫРКЫ ОСУЯТЫ “КИТЕП ОКУҢУЗ” БОЛДУ”

– Бир ай мурун Алиясбек Алымкулов деген досум чайга чакырып калды. Барсам досум мага бир чапан тиктириптир. Заманбап смокинг, бирок кыргыздын оюулары менен тиктирген экен. Ошону кийип жатып карасам Чубак ажы бирөө менен турган экен. Саламдашып сүйлөшүп туруп калдык. Ошондо “кайсы китептерди окуп жатасыз?” деди. Мен окуган китептеримди айтсам, “сиз ушу китепти таап окуңуз” деди. Кайдан табарымды да айтып берди. Эми ойлосом Чубак ажынын акыркы осуяты мага “китеп окуңуз” болгон экен. Ал китепти таптым, буюрса, окуйм. Ал арада ооруп калдым, анын ооруп жатканын да укпаптырмын, уксам жетип барат элем. “Эч ким кабар албады” деп да жазып жатышат, ага мен кошулбайм, ал элдин көңүл борборундагы адам болчу. Өтө жөнөкөй эле. “Мен аалыммын, менден алты метр ары тургула” деген нерсеси жок эле, дайым эл менен жүрдү. Элдин бир адамды жакшы көргөнү да Алланын буйругунан, Кудайга жаккан адам гана элге жагат. Элдин жүрөгүнө Чубак ажыга болгон махабатты Кудай салды. Өтө маңыздуу жашады, маанилүү иштерди кылып кетти. Эми шакирттери ишин улантып, ордун басат деп ишенем.

Улан Давлеткулов, шакирти: “ДОСУНУН КӨЗҮ ӨТҮП КЕТКЕНИ ӨЛҮМҮНӨ СЕБЕПКЕР БОЛДУ”

– Мен устаз менен күндө кабар алышып турчумун, акыркы үч күндө кыйла жакшы болуп, жөтөлү да азайган. Акыркы күнү мага “Улан, гүлдөрүмдү карап жатасыңбы, мен жакшы болуп калдым” деди. Гүлдү сүйгөн киши эле. Садриддин мырза (ред. Бишкек шаарынын казысы Садриддин Мажитов) менен устаз дос эле. Ага арнап жазган макаласы Чубак ажынын акыркы жазганы болуп калды. Адатта ал жазып, мен жеке баракчасына жарыялап турчумун. Ошону жарыялайм деп күтүп жатсам “жазып жатам” деди. Саат түнкү 11лерде ооруканага алып кетишкенин уктум.

Устаздын көзү өтүп кетишине кайгырган көп адамдардын көкүрөгүндө суроо калды. "Эмнеге эрте ооруканага алып барган жоксуңар?" деген. Буга мындай деп жооп берем. Абалы жакшы болуп калган. Жеке караган врачы да бар эле. Оорунун күчөп кетиши жакын досунун кайтыш болуп кеткенинен улам болду окшойт. Ага чейин дагы бир досу көз жумган болчу. Андан мурун мыкты аалым досу да дүйнөдөн өтүп кетти. Ушунун баары оор болуп кетти окшойт. Садриддин мырзага арнап пост жазып жатып жыгылганы ошондон улам болду. Устазыбызды ажал алып кете турган убагы да ушул экен, эмне кылабыз? Көзү өтүп кеткенден кийин аны менен сүйлөшкөн аудиолор да чыгып кетти. Устазды урматы менен узатсак, ошондой нерселерди таратып туура эмес маалымат бербесек деп элден суранып кетер элем.

Эл билбеген хоббиси тууралуу сурапсыз, ал киши тоок бакканды жакшы көрчү. Тооктордун ар кандай породаларын кызыгып бакчу. Жеке баракчасын мурунтан эле мен көзөмөлдөп жүрчүмүн, мындан ары да Чубак устазга тиешелүү материалдарды чыгарып, өзүм көзөмөлдөп турам, буюрса. Азыр жоготконубузга аз эле болуп, ой да бир жерде болбой жатат, бирок устазга тиешелүү бардык нерсени урматы менен кылабыз. Менин устазымдан алган чоң сабагым – эл үчүн жашоо, элге кызмат кылуу. “Адамдын курсагы эки гана самсага тоёт, напсиси эмнеге такыр тойбойт?” деп көп айтчу.

Нуржамал Жийдебаева
koom@super.kg




"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(8)
27.07.2020. 10:04 
Тайпасы:
Жаран
Комментарийлердин саны:
906
Катталган:
01-02-2017
Соӊку аракети:
11-08-2020 18:07
Жынысы:
Белгисиз
+21
Устазга Аллахым бейиштин эң төрүнөн орун берсин. Пайгамбарыбыз Мухаммед алейхиссаламдын кошунасы кылууга насип кылсын.
27.07.2020. 18:24 
Тайпасы:
Жаран
Комментарийлердин саны:
67
Катталган:
27-06-2018
Соӊку аракети:
11-08-2020 11:51
Жынысы:
Белгисиз
+10
Сураныч ар санында чыгарып тургулачы ушундай Чубак ажы тууралуу макала, окуп тажабайбыз
28.07.2020. 09:56 
Тайпасы:
Жаран
Комментарийлердин саны:
15
Катталган:
05-11-2019
Соӊку аракети:
11-08-2020 14:40
Жынысы:
Белгисиз
+8
Дуба кылып турам устазга.
28.07.2020. 12:51 
Тайпасы:
Жаран
Комментарийлердин саны:
29
Катталган:
06-07-2012
Соӊку аракети:
05-08-2020 15:32
Жынысы:
Белгисиз
Калаасы:
Osh
+9
Чубак ажынын отуп кеткени Кыргыз эли учун айрыкча жаштар учун ото оор болду. Аллахым бейиштик кылган болсун
28.07.2020. 14:42 
Тайпасы:
Тартип бузгандар
Комментарийлердин саны:
5
Катталган:
23-04-2020
Соӊку аракети:
31-07-2020 06:14
Жынысы:
Белгисиз
+8
Мыктыбек Арстанбек байкеге кайсы китептерди оку деген экен, аттарын да сурап жазсаңар, бизда таап окуйлу!
02.08.2020. 15:43 
Тайпасы:
Жаран
Комментарийлердин саны:
287
Катталган:
30-12-2017
Соӊку аракети:
11-08-2020 18:43
Жынысы:
Белгисиз
-1
Чубактын жомоктору, апыртмалары коп эле, элдин ишендире алган жомокторуна таазим.
03.08.2020. 02:14 
Тайпасы:
Жаран
Комментарийлердин саны:
40
Катталган:
08-11-2015
Соӊку аракети:
03-08-2020 02:11
Жынысы:
Белгисиз
0
Чубак аажыбыздын жайы жаннаттын төрүнөн болсун. Көөп жакшы насааттарды калтырды ошого да шүгүр. Ажалга айла жок тура. Эми ошол насааттарды жашообузга киргизип алсак экен.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24280;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: